ཚངས་དབྱངས་རྒྱ་མཚོའི་གསང་རྣམ།༩

ལྷ་བཙུན་ངག་དབང་རྡོ་རྗེ། མཆོད་མེ་བོད་ཀྱི་རྩོམ་རིག་དྲ་བ། 2009-10-14

དྲུག་པ། ཀོང་ཡུལ་ནས་འཕགས་ཡུལ་ལ་ཞལ་ཕྱོགས་པའི་སྐོར།  

རྩ་བའི་གཞུང་ལ་འཇུག་སྟེ། ཀོང་སྨད་རྒྱ་ལ་སིང་དོང་ཟེར་བ་ཨོ་རྒྱན་རིན་པོ་ཆེའི་སྒྲུབ་ཕུག་དང་།གླིང་རྗེ་གེ་སར་གྱིས་བདུད་དེད་ནས་འོངས་པ་ཤིང་སྡོང་ཆེན་པོ་ཞིག་ལ་ཐིམ་པ་ལ་མདའ་བརྒྱབས་ནས་བཏུལ་བས་ཤིང་སྡོང་དེའང་བསྐམས་འདུག མདའ་དེ་སྡོང་སྐམ་ལ་ཐལ་བྱུང་དུ་འཛེར་འདུག ཨོ་རྒྱན་ཆེན་པོས་སྲིན་མོ་མནན་པའི་ཕ་ཝང་ཆེན་པོ་སུམ་བརྩེགས་ལ་ཕྱག་རྗེས་དང་། ཕ་ཝང་གི་འོག་ཏུ་སྲིན་མོའི་རྩིབས་མ་རྣམས་བསྐམས་པའི་སྣེ་མོ་རྣམས་མངོན་སུམ་དུ་ཐོན་འདུག དེ་ནས་སྒྲུབ་ཕུག་དེར་ཟླ་བ་འགར་བཤགས་སྦྱངས་དང་མཚམས་དམ་པར་བཅད་དེ་བསྡད་པས་ཤིན་ཏུ་སྤྲོ་བ་ཞིག་བྱུང་གསུངས།

དེ་ནས་ཡང་གཅིག་ཕུར་སོང་སོང་བས།ཀོང་པོའི་མི་རྣམས་ཀྱི་ལུགས་སྟོན་ཀ་མར་ལེན་པའི་སྐབས་སུ་བུད་མེད་ཀྱི་རིགས་ལ་འཛེམས་པའི་དེ་རིགས་ཀྱི་བཟའ་བ་རྣམས་ཤོད་དུ་བསྐྱུར་ནས།ཁྱོ་གའི་སྐོར་རྣམས་ཀྱིས་སྦྲ་ནག་ཁྱེར་ཏེ།སྤང་རིའི་སྒང་མཐོན་པོར་སོང་ནས་ཤེ་གསོག་བྱེད་པ་ཡིན་པས།དེ་སྐབས་ཀོང་པོའི་ཁྱིམ་ཚང་ཕྱུག་པ་མཛོ་མོ་སྟོང་ཕྲག་གཉིས་ཙམ་ཡོད་པ།བྲན་པོ་བརྒྱ་རྩ་བརྒྱད་ཙམ་ཡོད་པ་ཞིག་སྒང་ཤིན་ཏུ་མཐོ་ཞིང་ཡངས་པ་སྤང་ལྗོངས་དང་ནགས་ཚལ་རབ་ཏུ་རྒྱས་ཤིང་ཤིན་ཏུ་དབེན་པའི་གནས་ཞིག་ན་འདུག་པ་མཐོང་སྟེ་ནག་ལམ་ཕྲ་མོ་ཞིག་ལ་ཞུགས་ནས་སོང་བས།རེ་ཞིག་ན་ཕར་ངོས་ཀྱི་ནགས་འདབས་རྒྱང་རིང་བ་ཞིག་ནས་མི་ན་གཞོན་པ་ཞིག་གིས་སྐད་བྱུང་སྟེ་འདོགས་ཁྱི་ཤོར་སོང་ངོ་།མི་དེས་རེམ་ཞིག་ཟེར་བྱུང་བ་དང་གློ་བུར་དུ་ཀོང་ཁྱི་ཆེན་པོ་གཡག་ལོ་གསུམ་ལོན་པ་ཙམ་གྱི་བོངས་ཚད་ཅན།སྤུ་ཁ་རྒྱ་དམར་བ་གཉིས་སླེབས་ཏེ་ངའི་དཔྱི་གཡས་གཡོན་ལ་འཇུས་སོང་བར།ལག་ན་དབྱུག་པ་ཡང་མེད།རྡོ་ཡང་མ་རྙེད།ཅི་ལོན་གྱིས་བྱུང་བའི་ས་སྦར་གཉིས་ཀྱིས་ཁྱི་གཉིས་ལ་རེ་རེ་བརྒྱབས་པས།ཁྱི་གཉིས་ཁྱི་བསད་སོང་ཟེར་ནས་འབར་ཞིང་ལ་མི་འགའ་རྒྱུག་བྱུང་ནས་ང་ཚོའི་ཁྱི་བསད་སོང་ཟེར་ནས་འབར་ཞིང་འདུག ང་ལ་རྨ་ཡང་བཟོས།ཁྲག་མང་པོ་འཛག་བྱུང་བས་འགྲོར་མི་བཏུབ་ཅིང་།ན་ཚ་ཡང་མི་བཟོད་པར་བྱུང་།དེ་ནས་མི་དེ་རྣམས་ལ་ཁྱེད་རྣམས་ཀྱི་ཁྱི་གཉིས་ལ་ངས་དབྱུག་པ་དང་རྡོ་དང་མཚོན་བརྒྱབ་པ་མིན།ང་ལ་ལག་ཆ་ཡང་མེད།ས་སྦར་མོ་གང་གཏོར་བ་ཙམ་གྱིས་ཤི་འགྲོ་བ་མི་ཁྱི་རྣམས་ཀྱིས་སྔོན་ལས་སུ་འདུག་བྱས་པས།འགའ་ཞིག་གིས་ཁྱོད་ཀྱི་གྲོགས་པོ་རལ་གྲི་ཐོགས་པ་གཉིས་ཀྱིས་ཁྱི་ལ་རལ་གྲིས་བརྒྱབས་ནས་བསད་པ་ཡིན་པས།དེ་གཉིས་གང་དུ་སོང་ཟེར།འགའ་ཞིག་གིས་ཁོ་གཅིག་པུ་ཡིན་ཟླ་བོ་མེད་ཟེར་ནས་མཐོང་སྣང་དང་ཁ་མ་མཐུན།ངས་ཁོང་ཚོ་ལ་ཁྱི་ལ་རལ་གྲིས་བསད་པ་ཡིན་ན་ཁྱི་ལ་རྨ་ཡོད་དགོས་པས་མི་འདུག་མོད། སྔོན་ལས་འབའ་ཞིག་ཡིན་བྱས་ཀྱང་ཁོང་ཚོ་ཡིད་མ་ཆེས།དེ་སྐབས་སྐད་རྒྱང་གཏོང་མཁན་ན་གཞོན་དེ་སླེབས་བྱུང་སྟེ།ལས་ཞིག་གིས་ང་ལ་སྙིང་རྗེ་རྗེ་བྱེད་ཅིང་།ཁྲག་བཀྲུས།རྨ་ཁ་སྐེ་རགས་ཀྱིས་བསྡམས་ནས་ཁུར་ཏེ་ནང་དུ་ཁྱེར་བས།དེ་ན་ཁྱིམ་བདག་རྒན་པོ་སྐྲ་དང་ཁ་སྤུ་དཀར་སེར་སོང་བཞིག་འདུག་པ་དེས་ང་ལ་ཤིན་ཏུ་བྱམས་བྱམས་བྱས་ཤིང་།ཇ་དང་ཞོ་ལ་སོགས་པ་འཐུང་རྒྱུ་བྱིནས་ནས་ཁྱི་བསད་ཀྱང་འགྱོད་པ་མེད།མི་འདི་མ་བསད་པ་ཤིན་ཏུ་བཟང་ཟེར་ནས།རྒས་པོ་དེ་དང་ན་གཞོན་དེ་གཉིས་ཀྱིས་ཉིན་རེ་བཞིན་རྨ་ཁ་བཀྲུས་པ་སོགས་ང་ལ་ཕན་ཅི་ཐོགས་བྱས་པས།ཟླ་བ་གཅིག་ཙམ་ནས་འཚོ་བ་བྱུང་།གཞོན་པ་དེ་ལ་ལོ་བརྒྱ་ཟེར།རལ་གྲི་ཐོགས་པ་གཉིས་དཔལ་མགོན་དང་ལྕམ་སྲིང་ཡིན་གསུངས།

དེ་ནས་ང་ཡང་འགྲོ་རན་ནས་འགྲོ་གྲབས་བྱས་པས།ལོ་བརྒྱས་ཁྱོད་གང་ལ་འགྲོ་ཟེར།ང་རྒྱ་གར་ལ་འགྲོ་བྱས་པས།འོ་ན་ང་ཡང་ཁྱོད་དང་འགྲོགསནས་འགྲོ་ཟེར།ཁྱོད་ཀྱིས་ཁྱིམ་གྱི་གཙོ་བོ་དང་གྲོས་མཐུན་ན་འགྲོ་ཆོག་བྱས་པས།ཁོས་རྒས་པོ་དང་གྲོས་བྱས་པས་གྲོས་བྱུང་སྟེ་འགྲོ་བར་ཆས།དེ་ནས་ལོ་བརྒྱ་དང་ལྷན་དུ་ཞག་མང་པོའི་སར་སོང་བས་ཉིན་གཅིག་ལུང་པ་དཀྱུས་རིང་བ་ནགས་ཚལ་མཐུག་པ་གཞུང་ཆུ་ཆེན་པོ་འབབ་པ་ཞིག་གི་ཆུ་འགྲམ་བརྒྱུད་དེ་ཕྱིན་པས་ཉི་མ་མདུང་རྩེ་ཙམ་སོང་བའི་ཚོད་ཙམ་ལ་ལུང་པ་དེ་ནས་ཡར་སེམས་ཅན་མིའི་བོངས་ཚོད་ལས་ཆེ་བ་གཟུགས་ཕལ་ཆེར་མི་དང་འདྲ་བ་སྤུ་མང་བ་གཉིས་འགྲོགས་ནས་སླེབས་བྱུང་བ་རྒྱང་རིང་པོ་ནས་མཐོང་ཞིང་།ལོ་བརྒྱས་ང་ལ་དེ་གཉིས་ཅི་རེད་ཟེར་བྱུང་བས་ངའི་བསམ་པ་ལ་སྔར་བོད་དུ་སྲིན་པོ་བྱུང་བའི་ལོ་རྒྱུས་འགའ་རེ་ཐོས་མྱོང་བས་སྲིན་པོ་ཡིན་པ་འདྲ་སྙམ་སྟེ།ལོ་བརྒྱ་ལ་དེ་གཉིས་སྲིན་པོ་ཡིན་པ་འདྲ་བྱས་པས་ཁོ་དཔལ་རྩལ་ཅན་ཞིག་ཡིན་ཀྱང་ན་གཞོན་པའི་སྟབས་ཀྱིས་ངའི་གཏམ་ལ་འཇིགས་དྲག་ནས་ཁོ་གློ་བུར་དུ་བརྒྱལ་སོང་།དེ་ནས་ངས་བལྟས་བསྡད་པས་སེམས་ཅན་དེ་གཉིས་ཆུ་ལ་བརྒལ་ནས་ཕར་ངོས་ཀྱི་ནགས་ཚལ་དུ་སོང་ནས་ཐང་ཤིང་ཀ་བ་འབྲིང་ཙམ་ཡོད་པ་གཉིས་ཀྱི་ཡལ་ག་ཐམས་ཅད་བཏུས་ཏེ་ཕྲག་པ་ལ་བཀལ་ནས་བཟུངས་སྟེ།ཆུ་ལ་ཚུར་བརྒལ་ནས་སླེབས་བྱུང་བས་ངས་ལོ་བརྒྱ་ཁུར་ནས་ལ་ཆེན་པོ་གསུམ་བརྒྱབས་ཏེ་བྲོས་པས།ཆུ་འགྲམ་ཞིག་ཏུ་སླེབས་ནས་ལོ་བརྒྱ་ལ་ཆུ་བཏབ་ནས་སོས་ཙམ་བྱུང་བའི་སྐབས་སུ་ད་ལྟའི་སེམས་ཅན་གཉིས་ཀྱང་རྗེས་དེད་ནས་སླེབས་བྱུང་བ།ལོ་བརྒྱས་མཐོང་ནས་སླར་དྲན་མེད་དུ་སོང་ཡང་ངས་ཁུར་ནས་ལ་ལུང་མང་པོ་བརྒྱབ་ནས་བྲོས་ཏེ་རེ་ཞིག་ན་རི་ཁྲོད་བཙན་པོ་ཞིག་ཏུ་སླེབས་པར།དེ་ན་རི་ཁྲོད་པ་ཡང་ཁ་ཤས་འདུག་ལ་རྒྱུ་མཚན་ཞིབ་ཏུ་བཤད་པས་རི་ཁྲོད་པ་ཞིག་གིས་དེ་སྲིན་པོ་ཡིན་དོགས་མེད།མི་དྲེདཡིན།སྒོ་དམ་པོར་མ་བཅད་ན་ཁོ་ཁོང་སྐྲན་ཆེ་བ་ཞིག་ཡིན་ཟེར་ནས།སྒོ་རྡོ་མང་པོས་མནན་ནས་ལོ་བརྒྱ་ལ་ཆུས་བཏབ་ནས་གསོས་ཏེ་རི་ཁྲོད་པ་རྣམས་དང་ལྷན་དུ་ཇ་འཐུངས་ནས་བསྡད་ཡོད་པའི་སྐབས་ལ།སྔར་གྱི་མི་དྲེད་གཉིས་བྱུང་ནས་རི་ཁྲོད་དེའི་ཕྱི་སྒོའི་མ་ཐེམ་འོག་ནས་བརྐོས་ཏེ་ཁུང་བུ་ཞིག་བྲུས་ནས་སྦར་མོ་ཡུག་ཡུག་བྱེད་ཅིང་འདུག་པར་ལོ་བརྒྱས་མི་དྲེད་ཡིན་པར་ཤེས་ཏེ་འཇིགས་སྐྲག་མེད་པར་གྲི་ཞིག་ཁྱེར་ཏེ་ལག་པར་ཁུང་བུའི་ཁ་ནས་གྲི་འགའ་བརྒྱབ་བྱུང་བས་དྲེད་གཉིས་ཀྱང་དེ་ནུབ་བྲོས་ནས་ནགས་གསེབ་ཏུ་སོང་།སང་ཉིན་ངེད་གཉིས་ཉི་མ་རྩེ་ཤར་ཙམ་ལ་ཐོན་ནས་སོང་བས་དྲེད་གཉིས་ཀྱིས་ཀྱང་རྗེས་དེད་ནས་སླེབས་བྱུང་བར་རི་གཟར་མཐོན་པོ་ཞིག་གི་རྩེར་བྲོས་ཏེ།རི་རྩེ་ནས་རྦབ་མང་པོ་བསྙིལ་བས།མི་དྲེད་ཆེ་བ་དེ་བསད།ཆུང་བ་དེ་ལ་ཞིག་བརྒྱབས་ནས་བྲོས་སོང་།དེ་ནས་རིམ་གྱིས་སོང་སྟེ་ཉིན་གཅིག་མོན་ཡུལ་དུ་མ་སླེབས་མཚམས་ལ་རྒྱགས་ཆད་ཡོད་པས་ལུང་ན་ཞིག་ལ་སླེབས་པར།སྒང་ཁ་ཞིག་ཏུ་ལ་བཙས་ཞིག་འདུག་པ་དེར་ཅུང་མ་སླེབས་མཚམས་ལ་སྒང་ཁ་དེ་ནས་ཚུར་ཨ་ཙ་ར་ཞིག་སླེབས་བྱུང་བ་ལ་སྒང་སྟོང་དེ་ན་ཁྱིམ་ཚང་ཁ་ཤས་ཡོད་པ་དེ་ནས་ཁྱི་འགའ་རྒྱུག་བྱུང་བར།ཨ་ཙ་ར་དེས་ལ་བཙས་དེ་ལས་རྡོ་བ་གཉིས་བླངས་ནས་ཁྱི་ལ་གཡུགས་བྱུང་བས་ཁྱི་གཉིས་ལོག་སོང་།ངས་རྡོ་བ་དེ་གཉིས་ལ་ཞིབ་ཏུ་བལྟས་པས་དེ་རྡོ་བ་མ་ཡིན་པར་རྒྱ་ནག་གི་དངུལ་རྟ་མིག་མ་གཉིས་སུ་འདུག ངས་འདི་ཅི་འདྲ་སྙམ་ལོ་བརྒྱ་ལ་རྟ་མིག་མ་དེ་གཉིས་བྱིན།ཁྱོད་ཀྱིས་ཁྱེར་ཏེ་ཨ་ཙ་ར་ལ་བྱིན།འདི་ལ་ཁྱོད་ལ་མི་དགོས་སམ་ཞེས་དྲིས་ཤིག་ཅེས་སྨྲས་པས།ཁོས་ཁྱེར་ནས་བསྟན་པས་ང་ལ་རྡོ་བ་མི་དགོས་ཟེར་ནས་མ་བླངས།ལྷ་མཁའ་འགྲོའི་དངོས་གྲུབ་ཡིན་པ་འདྲ་བསམས་ནས་ངེད་གཉིས་ཐཀྱིས་ཁྱེར་བས་མོན་ཡུལ་སོགས་ལ་ལམ་གྱི་ཆས་ཀ་འདོང་བ་བྱུང་།དེ་ལ་འདི་སྐད་ཅེས་བྱ་སྟེ།

ཚེ་སྔོན་བསོད་ནམས་མ་བསགས་ཤིང་།།

དཔག་མེད་ལས་ངན་བསགས་པའི་མཐུས།།

གཅན་གཟན་ཁྱི་ཡི་ལུས་སུ་གྱུར།།

འཕགས་པའི་སྐུ་ལས་མཚལ་ཆེན་བྱུང་།།

དཔལ་གྱི་མགོན་པོ་ཞལ་བཞི་དང་།།

ཆོས་སྐྱོང་དྲེགས་པ་ལྕམ་སྲིང་གིས།།

དུད་འགྲོའི་ལས་ངན་སྐད་ཅིག་ལ།།

སྒྲལ་ནས་ཆོས་ཀྱི་དབྱིངས་སུ་བསྟིམ།།

དེ་ཡང་མགོན་པོ་ཁྱོད་ཉིད་ལ།།

རྐྱེན་ངན་གྲོགས་སུ་ཤར་ནས་གདའ།།

ལས་འཕྲོ་བཟང་པོའི་གྲོགས་དང་འཕྲད།།

འགྲོ་དོན་རྒྱ་ཆེར་སྤེལ་བར་མཛད།།

དེ་གཞན་དུད་འགྲོའི་འཚོ་བ་ཡི།།

རི་མོར་བྲིས་པའི་རྗེས་འགྲོར་བྱས།།

གྲོགས་ལ་བརྩེ་དང་དཔལ་བཏུལ་སོགས།།

ཁྱོད་སྐུའི་ཡོན་ཏན་གསལ་བར་གྱུར།།

བགྲང་ཡང་བསྐལ་པའི་སྔོན་རོལ་ནས།།

སྦྱིན་སོགས་ཕྱིན་དྲུག་མཐར་ཕྱིན་པས།།

མཁོ་དགུའི་ལོངས་སྤྱོད་མ་ལུས་པ།།

ཁྱོད་ཀྱི་མདུན་ན་ཉེ་བར་གནས།།

 

 

རྩོམ་ཁུངས། བོད་ལྗོངས་མི་དམངས་དཔེ་སྐྲུན་ཁང་།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཚངས་དབྱངས་རྒྱ་མཚོའི་གསང་རྣམ།༩

2009-10-14 ལྷ་བཙུན་ངག་དབང་རྡོ་རྗེ། ཀློག་གྲངས། མཆན ཡོད།

དྲུག་པ། ཀོང་ཡུལ་ནས་འཕགས་ཡུལ་ལ་ཞལ་ཕྱོགས་པའི་སྐོར།  

རྩ་བའི་གཞུང་ལ་འཇུག་སྟེ། ཀོང་སྨད་རྒྱ་ལ་སིང་དོང་ཟེར་བ་ཨོ་རྒྱན་རིན་པོ་ཆེའི་སྒྲུབ་ཕུག་དང་།གླིང་རྗེ་གེ་སར་གྱིས་བདུད་དེད་ནས་འོངས་པ་ཤིང་སྡོང་ཆེན་པོ་ཞིག་ལ་ཐིམ་པ་ལ་མདའ་བརྒྱབས་ནས་བཏུལ་བས་ཤིང་སྡོང་དེའང་བསྐམས་འདུག མདའ་དེ་སྡོང་སྐམ་ལ་ཐལ་བྱུང་དུ་འཛེར་འདུག ཨོ་རྒྱན་ཆེན་པོས་སྲིན་མོ་མནན་པའི་ཕ་ཝང་ཆེན་པོ་སུམ་བརྩེགས་ལ་ཕྱག་རྗེས་དང་། ཕ་ཝང་གི་འོག་ཏུ་སྲིན་མོའི་རྩིབས་མ་རྣམས་བསྐམས་པའི་སྣེ་མོ་རྣམས་མངོན་སུམ་དུ་ཐོན་འདུག དེ་ནས་སྒྲུབ་ཕུག་དེར་ཟླ་བ་འགར་བཤགས་སྦྱངས་དང་མཚམས་དམ་པར་བཅད་དེ་བསྡད་པས་ཤིན་ཏུ་སྤྲོ་བ་ཞིག་བྱུང་གསུངས།

དེ་ནས་ཡང་གཅིག་ཕུར་སོང་སོང་བས།ཀོང་པོའི་མི་རྣམས་ཀྱི་ལུགས་སྟོན་ཀ་མར་ལེན་པའི་སྐབས་སུ་བུད་མེད་ཀྱི་རིགས་ལ་འཛེམས་པའི་དེ་རིགས་ཀྱི་བཟའ་བ་རྣམས་ཤོད་དུ་བསྐྱུར་ནས།ཁྱོ་གའི་སྐོར་རྣམས་ཀྱིས་སྦྲ་ནག་ཁྱེར་ཏེ།སྤང་རིའི་སྒང་མཐོན་པོར་སོང་ནས་ཤེ་གསོག་བྱེད་པ་ཡིན་པས།དེ་སྐབས་ཀོང་པོའི་ཁྱིམ་ཚང་ཕྱུག་པ་མཛོ་མོ་སྟོང་ཕྲག་གཉིས་ཙམ་ཡོད་པ།བྲན་པོ་བརྒྱ་རྩ་བརྒྱད་ཙམ་ཡོད་པ་ཞིག་སྒང་ཤིན་ཏུ་མཐོ་ཞིང་ཡངས་པ་སྤང་ལྗོངས་དང་ནགས་ཚལ་རབ་ཏུ་རྒྱས་ཤིང་ཤིན་ཏུ་དབེན་པའི་གནས་ཞིག་ན་འདུག་པ་མཐོང་སྟེ་ནག་ལམ་ཕྲ་མོ་ཞིག་ལ་ཞུགས་ནས་སོང་བས།རེ་ཞིག་ན་ཕར་ངོས་ཀྱི་ནགས་འདབས་རྒྱང་རིང་བ་ཞིག་ནས་མི་ན་གཞོན་པ་ཞིག་གིས་སྐད་བྱུང་སྟེ་འདོགས་ཁྱི་ཤོར་སོང་ངོ་།མི་དེས་རེམ་ཞིག་ཟེར་བྱུང་བ་དང་གློ་བུར་དུ་ཀོང་ཁྱི་ཆེན་པོ་གཡག་ལོ་གསུམ་ལོན་པ་ཙམ་གྱི་བོངས་ཚད་ཅན།སྤུ་ཁ་རྒྱ་དམར་བ་གཉིས་སླེབས་ཏེ་ངའི་དཔྱི་གཡས་གཡོན་ལ་འཇུས་སོང་བར།ལག་ན་དབྱུག་པ་ཡང་མེད།རྡོ་ཡང་མ་རྙེད།ཅི་ལོན་གྱིས་བྱུང་བའི་ས་སྦར་གཉིས་ཀྱིས་ཁྱི་གཉིས་ལ་རེ་རེ་བརྒྱབས་པས།ཁྱི་གཉིས་ཁྱི་བསད་སོང་ཟེར་ནས་འབར་ཞིང་ལ་མི་འགའ་རྒྱུག་བྱུང་ནས་ང་ཚོའི་ཁྱི་བསད་སོང་ཟེར་ནས་འབར་ཞིང་འདུག ང་ལ་རྨ་ཡང་བཟོས།ཁྲག་མང་པོ་འཛག་བྱུང་བས་འགྲོར་མི་བཏུབ་ཅིང་།ན་ཚ་ཡང་མི་བཟོད་པར་བྱུང་།དེ་ནས་མི་དེ་རྣམས་ལ་ཁྱེད་རྣམས་ཀྱི་ཁྱི་གཉིས་ལ་ངས་དབྱུག་པ་དང་རྡོ་དང་མཚོན་བརྒྱབ་པ་མིན།ང་ལ་ལག་ཆ་ཡང་མེད།ས་སྦར་མོ་གང་གཏོར་བ་ཙམ་གྱིས་ཤི་འགྲོ་བ་མི་ཁྱི་རྣམས་ཀྱིས་སྔོན་ལས་སུ་འདུག་བྱས་པས།འགའ་ཞིག་གིས་ཁྱོད་ཀྱི་གྲོགས་པོ་རལ་གྲི་ཐོགས་པ་གཉིས་ཀྱིས་ཁྱི་ལ་རལ་གྲིས་བརྒྱབས་ནས་བསད་པ་ཡིན་པས།དེ་གཉིས་གང་དུ་སོང་ཟེར།འགའ་ཞིག་གིས་ཁོ་གཅིག་པུ་ཡིན་ཟླ་བོ་མེད་ཟེར་ནས་མཐོང་སྣང་དང་ཁ་མ་མཐུན།ངས་ཁོང་ཚོ་ལ་ཁྱི་ལ་རལ་གྲིས་བསད་པ་ཡིན་ན་ཁྱི་ལ་རྨ་ཡོད་དགོས་པས་མི་འདུག་མོད། སྔོན་ལས་འབའ་ཞིག་ཡིན་བྱས་ཀྱང་ཁོང་ཚོ་ཡིད་མ་ཆེས།དེ་སྐབས་སྐད་རྒྱང་གཏོང་མཁན་ན་གཞོན་དེ་སླེབས་བྱུང་སྟེ།ལས་ཞིག་གིས་ང་ལ་སྙིང་རྗེ་རྗེ་བྱེད་ཅིང་།ཁྲག་བཀྲུས།རྨ་ཁ་སྐེ་རགས་ཀྱིས་བསྡམས་ནས་ཁུར་ཏེ་ནང་དུ་ཁྱེར་བས།དེ་ན་ཁྱིམ་བདག་རྒན་པོ་སྐྲ་དང་ཁ་སྤུ་དཀར་སེར་སོང་བཞིག་འདུག་པ་དེས་ང་ལ་ཤིན་ཏུ་བྱམས་བྱམས་བྱས་ཤིང་།ཇ་དང་ཞོ་ལ་སོགས་པ་འཐུང་རྒྱུ་བྱིནས་ནས་ཁྱི་བསད་ཀྱང་འགྱོད་པ་མེད།མི་འདི་མ་བསད་པ་ཤིན་ཏུ་བཟང་ཟེར་ནས།རྒས་པོ་དེ་དང་ན་གཞོན་དེ་གཉིས་ཀྱིས་ཉིན་རེ་བཞིན་རྨ་ཁ་བཀྲུས་པ་སོགས་ང་ལ་ཕན་ཅི་ཐོགས་བྱས་པས།ཟླ་བ་གཅིག་ཙམ་ནས་འཚོ་བ་བྱུང་།གཞོན་པ་དེ་ལ་ལོ་བརྒྱ་ཟེར།རལ་གྲི་ཐོགས་པ་གཉིས་དཔལ་མགོན་དང་ལྕམ་སྲིང་ཡིན་གསུངས།

དེ་ནས་ང་ཡང་འགྲོ་རན་ནས་འགྲོ་གྲབས་བྱས་པས།ལོ་བརྒྱས་ཁྱོད་གང་ལ་འགྲོ་ཟེར།ང་རྒྱ་གར་ལ་འགྲོ་བྱས་པས།འོ་ན་ང་ཡང་ཁྱོད་དང་འགྲོགསནས་འགྲོ་ཟེར།ཁྱོད་ཀྱིས་ཁྱིམ་གྱི་གཙོ་བོ་དང་གྲོས་མཐུན་ན་འགྲོ་ཆོག་བྱས་པས།ཁོས་རྒས་པོ་དང་གྲོས་བྱས་པས་གྲོས་བྱུང་སྟེ་འགྲོ་བར་ཆས།དེ་ནས་ལོ་བརྒྱ་དང་ལྷན་དུ་ཞག་མང་པོའི་སར་སོང་བས་ཉིན་གཅིག་ལུང་པ་དཀྱུས་རིང་བ་ནགས་ཚལ་མཐུག་པ་གཞུང་ཆུ་ཆེན་པོ་འབབ་པ་ཞིག་གི་ཆུ་འགྲམ་བརྒྱུད་དེ་ཕྱིན་པས་ཉི་མ་མདུང་རྩེ་ཙམ་སོང་བའི་ཚོད་ཙམ་ལ་ལུང་པ་དེ་ནས་ཡར་སེམས་ཅན་མིའི་བོངས་ཚོད་ལས་ཆེ་བ་གཟུགས་ཕལ་ཆེར་མི་དང་འདྲ་བ་སྤུ་མང་བ་གཉིས་འགྲོགས་ནས་སླེབས་བྱུང་བ་རྒྱང་རིང་པོ་ནས་མཐོང་ཞིང་།ལོ་བརྒྱས་ང་ལ་དེ་གཉིས་ཅི་རེད་ཟེར་བྱུང་བས་ངའི་བསམ་པ་ལ་སྔར་བོད་དུ་སྲིན་པོ་བྱུང་བའི་ལོ་རྒྱུས་འགའ་རེ་ཐོས་མྱོང་བས་སྲིན་པོ་ཡིན་པ་འདྲ་སྙམ་སྟེ།ལོ་བརྒྱ་ལ་དེ་གཉིས་སྲིན་པོ་ཡིན་པ་འདྲ་བྱས་པས་ཁོ་དཔལ་རྩལ་ཅན་ཞིག་ཡིན་ཀྱང་ན་གཞོན་པའི་སྟབས་ཀྱིས་ངའི་གཏམ་ལ་འཇིགས་དྲག་ནས་ཁོ་གློ་བུར་དུ་བརྒྱལ་སོང་།དེ་ནས་ངས་བལྟས་བསྡད་པས་སེམས་ཅན་དེ་གཉིས་ཆུ་ལ་བརྒལ་ནས་ཕར་ངོས་ཀྱི་ནགས་ཚལ་དུ་སོང་ནས་ཐང་ཤིང་ཀ་བ་འབྲིང་ཙམ་ཡོད་པ་གཉིས་ཀྱི་ཡལ་ག་ཐམས་ཅད་བཏུས་ཏེ་ཕྲག་པ་ལ་བཀལ་ནས་བཟུངས་སྟེ།ཆུ་ལ་ཚུར་བརྒལ་ནས་སླེབས་བྱུང་བས་ངས་ལོ་བརྒྱ་ཁུར་ནས་ལ་ཆེན་པོ་གསུམ་བརྒྱབས་ཏེ་བྲོས་པས།ཆུ་འགྲམ་ཞིག་ཏུ་སླེབས་ནས་ལོ་བརྒྱ་ལ་ཆུ་བཏབ་ནས་སོས་ཙམ་བྱུང་བའི་སྐབས་སུ་ད་ལྟའི་སེམས་ཅན་གཉིས་ཀྱང་རྗེས་དེད་ནས་སླེབས་བྱུང་བ།ལོ་བརྒྱས་མཐོང་ནས་སླར་དྲན་མེད་དུ་སོང་ཡང་ངས་ཁུར་ནས་ལ་ལུང་མང་པོ་བརྒྱབ་ནས་བྲོས་ཏེ་རེ་ཞིག་ན་རི་ཁྲོད་བཙན་པོ་ཞིག་ཏུ་སླེབས་པར།དེ་ན་རི་ཁྲོད་པ་ཡང་ཁ་ཤས་འདུག་ལ་རྒྱུ་མཚན་ཞིབ་ཏུ་བཤད་པས་རི་ཁྲོད་པ་ཞིག་གིས་དེ་སྲིན་པོ་ཡིན་དོགས་མེད།མི་དྲེདཡིན།སྒོ་དམ་པོར་མ་བཅད་ན་ཁོ་ཁོང་སྐྲན་ཆེ་བ་ཞིག་ཡིན་ཟེར་ནས།སྒོ་རྡོ་མང་པོས་མནན་ནས་ལོ་བརྒྱ་ལ་ཆུས་བཏབ་ནས་གསོས་ཏེ་རི་ཁྲོད་པ་རྣམས་དང་ལྷན་དུ་ཇ་འཐུངས་ནས་བསྡད་ཡོད་པའི་སྐབས་ལ།སྔར་གྱི་མི་དྲེད་གཉིས་བྱུང་ནས་རི་ཁྲོད་དེའི་ཕྱི་སྒོའི་མ་ཐེམ་འོག་ནས་བརྐོས་ཏེ་ཁུང་བུ་ཞིག་བྲུས་ནས་སྦར་མོ་ཡུག་ཡུག་བྱེད་ཅིང་འདུག་པར་ལོ་བརྒྱས་མི་དྲེད་ཡིན་པར་ཤེས་ཏེ་འཇིགས་སྐྲག་མེད་པར་གྲི་ཞིག་ཁྱེར་ཏེ་ལག་པར་ཁུང་བུའི་ཁ་ནས་གྲི་འགའ་བརྒྱབ་བྱུང་བས་དྲེད་གཉིས་ཀྱང་དེ་ནུབ་བྲོས་ནས་ནགས་གསེབ་ཏུ་སོང་།སང་ཉིན་ངེད་གཉིས་ཉི་མ་རྩེ་ཤར་ཙམ་ལ་ཐོན་ནས་སོང་བས་དྲེད་གཉིས་ཀྱིས་ཀྱང་རྗེས་དེད་ནས་སླེབས་བྱུང་བར་རི་གཟར་མཐོན་པོ་ཞིག་གི་རྩེར་བྲོས་ཏེ།རི་རྩེ་ནས་རྦབ་མང་པོ་བསྙིལ་བས།མི་དྲེད་ཆེ་བ་དེ་བསད།ཆུང་བ་དེ་ལ་ཞིག་བརྒྱབས་ནས་བྲོས་སོང་།དེ་ནས་རིམ་གྱིས་སོང་སྟེ་ཉིན་གཅིག་མོན་ཡུལ་དུ་མ་སླེབས་མཚམས་ལ་རྒྱགས་ཆད་ཡོད་པས་ལུང་ན་ཞིག་ལ་སླེབས་པར།སྒང་ཁ་ཞིག་ཏུ་ལ་བཙས་ཞིག་འདུག་པ་དེར་ཅུང་མ་སླེབས་མཚམས་ལ་སྒང་ཁ་དེ་ནས་ཚུར་ཨ་ཙ་ར་ཞིག་སླེབས་བྱུང་བ་ལ་སྒང་སྟོང་དེ་ན་ཁྱིམ་ཚང་ཁ་ཤས་ཡོད་པ་དེ་ནས་ཁྱི་འགའ་རྒྱུག་བྱུང་བར།ཨ་ཙ་ར་དེས་ལ་བཙས་དེ་ལས་རྡོ་བ་གཉིས་བླངས་ནས་ཁྱི་ལ་གཡུགས་བྱུང་བས་ཁྱི་གཉིས་ལོག་སོང་།ངས་རྡོ་བ་དེ་གཉིས་ལ་ཞིབ་ཏུ་བལྟས་པས་དེ་རྡོ་བ་མ་ཡིན་པར་རྒྱ་ནག་གི་དངུལ་རྟ་མིག་མ་གཉིས་སུ་འདུག ངས་འདི་ཅི་འདྲ་སྙམ་ལོ་བརྒྱ་ལ་རྟ་མིག་མ་དེ་གཉིས་བྱིན།ཁྱོད་ཀྱིས་ཁྱེར་ཏེ་ཨ་ཙ་ར་ལ་བྱིན།འདི་ལ་ཁྱོད་ལ་མི་དགོས་སམ་ཞེས་དྲིས་ཤིག་ཅེས་སྨྲས་པས།ཁོས་ཁྱེར་ནས་བསྟན་པས་ང་ལ་རྡོ་བ་མི་དགོས་ཟེར་ནས་མ་བླངས།ལྷ་མཁའ་འགྲོའི་དངོས་གྲུབ་ཡིན་པ་འདྲ་བསམས་ནས་ངེད་གཉིས་ཐཀྱིས་ཁྱེར་བས་མོན་ཡུལ་སོགས་ལ་ལམ་གྱི་ཆས་ཀ་འདོང་བ་བྱུང་།དེ་ལ་འདི་སྐད་ཅེས་བྱ་སྟེ།

ཚེ་སྔོན་བསོད་ནམས་མ་བསགས་ཤིང་།།

དཔག་མེད་ལས་ངན་བསགས་པའི་མཐུས།།

གཅན་གཟན་ཁྱི་ཡི་ལུས་སུ་གྱུར།།

འཕགས་པའི་སྐུ་ལས་མཚལ་ཆེན་བྱུང་།།

དཔལ་གྱི་མགོན་པོ་ཞལ་བཞི་དང་།།

ཆོས་སྐྱོང་དྲེགས་པ་ལྕམ་སྲིང་གིས།།

དུད་འགྲོའི་ལས་ངན་སྐད་ཅིག་ལ།།

སྒྲལ་ནས་ཆོས་ཀྱི་དབྱིངས་སུ་བསྟིམ།།

དེ་ཡང་མགོན་པོ་ཁྱོད་ཉིད་ལ།།

རྐྱེན་ངན་གྲོགས་སུ་ཤར་ནས་གདའ།།

ལས་འཕྲོ་བཟང་པོའི་གྲོགས་དང་འཕྲད།།

འགྲོ་དོན་རྒྱ་ཆེར་སྤེལ་བར་མཛད།།

དེ་གཞན་དུད་འགྲོའི་འཚོ་བ་ཡི།།

རི་མོར་བྲིས་པའི་རྗེས་འགྲོར་བྱས།།

གྲོགས་ལ་བརྩེ་དང་དཔལ་བཏུལ་སོགས།།

ཁྱོད་སྐུའི་ཡོན་ཏན་གསལ་བར་གྱུར།།

བགྲང་ཡང་བསྐལ་པའི་སྔོན་རོལ་ནས།།

སྦྱིན་སོགས་ཕྱིན་དྲུག་མཐར་ཕྱིན་པས།།

མཁོ་དགུའི་ལོངས་སྤྱོད་མ་ལུས་པ།།

ཁྱོད་ཀྱི་མདུན་ན་ཉེ་བར་གནས།།

 

 

རྩོམ་ཁུངས། བོད་ལྗོངས་མི་དམངས་དཔེ་སྐྲུན་ཁང་།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།