༅༅།།འོད་གསལ་གྱི་རིག་པ་གཏད་མེད་དུ་བཏང་ནས།།སྣང་གྲགས་ལ་ཀློང་ཆེན་ཡེ་རྒྱ་ཡིས་བཏབ་པས།།བདེ་སྟོང་གི་ཆོ་འཕྲུལ་མཁའ་མཉམ་དུ་བདལ་ཏེ།།གཟུང་འཛིན་གྱི་འཆིང་བ་ཆོས་ཉིད་དུ་དེངས་སོང་།།ལྷུན་གྲུབ་ཀྱི་འཇའ་སྐུ་སྙིང་དབུས་སུ་མཐོང་ནས།།བྱ་རྩོལ་གྱི་སྤྲོས་པ་ཅོག་བཞག་ཏུ་བཏང་ཡོད།།དམིགས་གཏད་ཀྱི་མཚན་མ་རང་གྲོལ་དུ་བཤིག་ན།།རླུང་སེམས་ཀུན་དབུ་མ་འོད་གསལ་དུ་བསྡུས་འགྲོ།།ཨ་ཧོ་སྣང་ཤེས་འདི་བདེན་མེད་ཀྱི་རང་བཞིན།།སྙིང་དབུས་ཀྱི་རྩ་འཁོར་ཉེར་བཞི་ཡི་ཡུམ་ཆེན།།བདེ་སྟོང་གི་ཞབས་བྲོ་ལྡིར་ལྡིར་གྱི་ངང་ནས།།སྤྲོས་མེད་ཀྱི་བརྟུལ་ཞུགས་གང་དགའ་རུ་སྐྱོངས་ཤིག།སྟག་ཤར་དང་རུས་པའི་རྒྱན་ཆ་ཚོ་ཁྲོལ་ཁྲོལ་།།ཁ་ྟ་དང་ཅང་ཏེའུ་དབྱངས་གདངས་དང་ལྷན་ཅིག།རོ་ལང་གི་གཉའ་བར་བརྟུལ་ཞུགས་ཀྱིས་ཞོན་པའི།།རྐང་བྲོ་དེ་སྙིང་ལ་ཀམ་ཀམ་རང་ཤར་བྱུང་།།འཇོག་སྒོམ་གྱི་དྲན་པ་ལྷོད་ལྷོད་དང་འབོལ་འབོལ།།གཉུག་མ་ཡི་འོད་གསལ་ཤིག་ཤིག་དང་ཁྲོལ་ཁྲོལ།།ཤན་འབྱེད་ཀྱི་ངང་མཆུ་ངེས་ངེས་ཤིག་མེད་ན།།ཐ་མལ་གྱི་ལྟ་བའི་ཞལ་ངོ་དེ་བསྐུང་དོགས།།ལས་རླུང་གི་དྲ་བ་རྟོག་ཚོགས་ཀྱི་བཞོན་པ།།སྣང་གསུམ་དང་བཅས་པའི་སྒྲིབ་བྱེད་ཀྱི་འཆིང་བ།།རྩོལ་མེད་དུ་གྲོལ་བའི་ནང་གསལ་གྱི་བུམ་སྐུ།།རང་བབས་སུ་བཞག་ན་རྫོགས་ཆེན་གྱི་ལྟ་སྒོམ།།བདེ་ཆེན་གྱི་རིག་པ་འཕོ་མེད་དུ་བཞག་པས།།གསལ་རང་གྱི་རང་མདངས་འཆར་ནུབ་རང་མེད་དེ།།ཀུན་རྟོགས་དང་སྒོ་ལྔའི་འགྱུ་དྲན་གྱི་སྙེམ་ཐག།ད་ལྟར་གྱི་རིག་པ་རྗེན་དེད་དེས་བཅད་ཐལ།།ལྟ་སྒོམ་ལ་མཐོ་བ་འོད་གསལ་གྱི་ཐེག་པ།།བརྟུལ་ཞུགས་ལ་རྣོ་བ་འཁོར་འདས་ཀྱི་རུ་ཤན།།ཟུང་འབྲེལ་དུ་སྦྲེལ་བའི་རྣམ་འབྱོར་གྱི་དབང་ཕྱུག།ད་ལྟ་ནས་གདོད་མའི་ནང་དབྱིབས་སུ་ཆས་འགྲོ།།ཞིང་སྐྱེས་ཀྱི་ཌྰཀིའི་འདུ་བ་ལྷན་ཅིག།བརྟུལ་ཞུགས་ཀྱི་སྤྱོད་པ་སྐྱོང་ཐབས་རང་མེད་ན།།རྡོ་རྗེ་ཡི་ཕུང་པོ་རང་བྱུང་གི་དུར་ཁྲོད།།འདི་ཉིད་དུ་རིག་སྟོང་ཁ་སྦྱོར་ལ་བཞུགས་མཛོད།།གནས་ཆེན་ལ་ཨ་བ་ངྷུ་ཏི་ཡི་བང་མཛོད།།གཉན་ཁྲོད་ལ་སྙིང་གའི་རླུང་རིག་གི་ཐིག་ལེ།།ལྷན་སྐྱེས་ཀྱི་འདུ་བ་འབུམ་ཕྲག་གི་རྒྱལ་ཁབ།།དེ་ཉིད་དུ་ཅོག་བཞག་ངལ་གསོ་རུ་བཞུགས་ཤོག།རྡོ་རྗེ་ཡི་ལུས་ལ་ལས་རླུང་གི་དྲ་ཕད།།བྱར་མེད་ཀྱི་དང་དུ་རང་དྭངས་ཤིག་ནུས་ན།།གངས་ཁྲོད་དང་གཉན་ཁྲོད་ཕྱི་རོལ་ནས་མ་ཚོལ།།ཡེ་ཤེས་མཆོག་བཞི་སྦྱོར་འོད་གསལ་གྱི་ལྷ་ཁང་།།འཕོ་ཆེན་གྱི་རིག་པ་ཟང་ཐལ་གྱི་འཇའ་ལུས།།འདི་ཉིད་དུ་གྲུབ་པའི་རྟེན་འབྲེལ་རང་ཡོད་དོ།།

རྩོམ་ཁུངས། མགོ་ལོག་ཁུལ་རྩོམ་སྒྱུར་ལས་ཁུངས་ཀྱིས་བསྒྲིགས་པའི