༅༅།།སྙིང་ལ་བློ་གྲོས་སྣང་བ།།སྦྱིན་མཛད་ཆོས་ཀྱི་ཉི་མ།།དཔལ་ལྡན་ཨོ་ཌིའི་སངས་རྒྱས།།ཀུན་མཁྱེན་བློ་ལྡན་མཆོག་སྲེད།།པཎ་གྲུབ་བྱེ་བའི་གྲལ་ན།།མཚུངས་མེད་མི་ཡི་སེང་གེ།རིག་གྲོལ་རྟོགས་པའི་གཏེར་ཆེན།།མཁས་པ་བློ་ལྡན་མཆོག་སྲེད།།མཁའ་ཁྱབ་ཞིང་ཁམས་རྒྱ་མཚོར།།ཇི་སྙེད་རྒྱལ་དང་རྒྱལ་སྲས།།སྤྲོ་ཞིང་སྡུད་པའི་བདག་ཉིད།།བདེ་གཤེསགས་བློ་ལྡན་མཆོག་སྲེར།།དབྱིངས་ལས་གཡོ་བ་མེད་བཞིན།།གང་འདུལ་མོས་པའི་སྣང་ངོར།།མཚན་དང་སྐུ་ཡི་བཀོད་པ།།སྣང་མཛད་བློ་ལྡན་མཆོག་སྲིད།།རྨོངས་ཤིང་དམན་པའི་གདུལ་བྱར།།ཐུགས་རྗེ་ལྷག་པར་རྒྱས་ཏེ།།རྩོལ་མེད་གཞན་ཕན་མཛད་པའི།།བརྩེ་ཆེན་བློ་ལྡན་མཆོག་སྲིད།།རིག་འཛིན་མཁའ་འགྲོའི་ཚོགས་རྗེ།།སྒྱུ་མ་ཡེ་ཤེས་ལུས་ཅན།།བདེ་ཆེན་ཉམས་བརྒྱ་འབར་བའི།།དགྱེས་མཛད་བློ་ལྡན་མཆོག་སྲེད།།བློ་ཆེན་འབུམ་གྱི་སྤྱི་བོར།།ཞབས་སེན་ཟླ་སྣང་འཇོ་ཞིང་།།མི་ཟད་སྤོབས་པའི་གཏེར་ཆེན།།བློ་མཆོག་བློ་ལྡན་མཆོག་སྲེད།།འོད་གསལ་སྣང་བཞིའི་གྲོང་ན།།ཀུན་སྣང་ཡེ་ཤེས་རོལ་མོ།།འགགས་མེད་སྣང་ཞིང་འཕྲུལ་བའི།།རང་རིག་བློ་ལྡན་མཆོག་སྲེད།།ཨ་ཧ།གཉུག་མ་བློ་ལྡན་མཆོག་སྲེད།།བཙལ་ནས་རྙེད་རྒྱུ་མི་གདའ།།གདོད་མའི་གྲོལ་གཞི་ཆེན་པོ།།ཡེ་བཞག་འཕོ་འགྱུར་མེད་པའི།། གནས་ལུགས་རིག་སྟོང་དབྱེར་མེད།།མི་ཤིག་རང་བྱུང་ཐིག་ལེ།།དོན་གྱི་བློ་ལྡན་མཆོག་སྲེད།།ཙི་ཏྟ་ཕྱི་ནས་འཚོལ་བ་ཧོ་ཧོ།། རང་གནས་གཞན་དུ་འཚོལ་བ་ཧོ་ཧོ།། དགེའོ།།

རྩོམ་ཁུངས། མགོ་ལོག་ཁུལ་རྩོམ་སྒྱུར་ལས་ཁུངས་ཀྱིས་བསྒྲིགས་པའི