གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཅལ་ཅོལ་དུ་སྨྲས་པ།

2009-10-26 16:01:00 རྡོ་གྲུབ་འཇིགས་མེད་བསྟན་པའི་ཉི ཀློག་གྲངས། མཆན ཡོད།

༅༅།།མཆོག་ཏུ་མི་འགྱུར་བདེ་བའི་ལང་ཚོ་གསར་བ།།རྗེས་ཆགས་དམར་འོད་སྣང་བ་འབུམ་དང་འགྲོགས་ནས།།དགའ་ཆེན་རོལ་མོའི་སིལ་ཁྲོལ་དིར་དིར་སྒྲོག་བཞིན།།གཟུགས་སྐུའི་སྣང་བ་སྟོན་ཤོག་མཁའ་སྤྱོད་དགའ་མ།།ཞིང་སྔགས་ལྷན་སྐྱེས་དཔལ་མོ་འབུམ་གྱི་གྲལ་ན།།སྣང་སྟོང་གཉུག་མའི་འོད་གསལ་ལྷ་སྐུར་བཞེངས་པའི།།མཁའ་སྤྱོད་རྣམ་འབྱོར་རྗེ་མོའི་ནུས་པ་ཡོད་སྙམ་ཟད་ཀྱིས།།གྲོལ་ལམ་གཉུག་མའི་ཡེ་ཤེས་ཟད་སར་འཁྱོལ་བའི།།བྱིན་རླབས་སྣང་བ་སྩོལ་ཤོག་མཁའ་སྤྱོད་དགའ་མ།།ཕྱིན་དྲུག་ཁྱིམ་སོ་འཛིན་པའི་མཐུ་ནུས་རྡུག་ཅིང་།།བསྡུ་བཞིའི་དགའ་སྟོན་འཇོ་བའི་སྦྱིན་ལག་ཕྲ་ལ།། རྟོགས་པའི་ཉམས་རྩལ་རྡུག་ཅིང་།། བསྡུ་བཞིའི་དགའ་སྟོན་འཇོ་བའི་སྦྱིན་ལག་ཕྲ་ལ།། རྟོགས་པའི་ཉམས་རྩལ་རྫོགས་པ་ད་དུང་མེད་ཀྱི།།ཁྱེའུ་ཆུང་རྩེ་གྲོགས་མཛོད་ཅིག་མཁར་ཆེན་དགའ་མ།།འབྲས་བུ་མ་བཅོས་ཅོག་བཞག་འཁྱིལ་བའི་ཀློང་དུ།།དགོངས་པའི་གཏན་སྲིད་ཇི་སྲིད་ཟིན་གྱི་བར་དུ།།མེ་ཤིགས་མཚན་དཔེའི་སྣང་བ་འབུམ་དང་ལྷན་ཅིག།སྙིང་ལ་ཟློས་གར་སྒྱུར་ཅིག་མཁའ་སྤྱོད་དབང་མོ།།ཤེས་དང་ཤེས་བྱའི་སྤྲོས་པ་དབྱིངས་སུ་ཞི་བའི།།ཁྱབ་བདག་གཉུག་མའི་དེ་ཉིད་བསམ་བརྗོད་བྲལ་བ།།གཟུང་འཛིན་མཚན་མའི་དམིགས་གཏད་ཉེར་ཞིའི་ཚུལ་དུ།།མཐོང་བའི་དགའ་སྟོན་སྩོལ་ཅིག་མཁའ་སྤྱོད་དགའ་མ།།དག་ཆེན་ཡེ་ཤེས་རོལ་བའི་འཁྲུལ་འཁོར་ཆེན་པོས།།མ་དག་ལས་རླུང་རྒྱུ་བ་དབུ་མར་བསྒྲལ་ཏེ།།དགོངས་པའི་གསང་མཛོད་ཟབ་མོ་ནང་ནས་རྡོལ་བའི།།འཕྲུལ་གྱི་ལྡེ་མིག་མཛོད་ཅིག་མཁར་ཆེན་རྗེ་མོ།། ངྷུ་ཏིའི་རྩ་མདུད་གཞིག་དཀའ་དམ་པོར་བཅིང་བ།། བདེ་སྟོང་སྒྱུ་འཕྲུལ་དྲ་བའི་འཕྲུལ་གྱིས་བཤིགས་ནས།།མི་འཛད་ས་བཅུའི་སྤངས་རྟོགས་ཡིད་བཞིན་འཇོ་བའི།།འཕྲུལ་ཆེན་རོལ་མོ་འཁྲོལ་ཤོག་མཁའ་སྤྱོད་གཙོ་མོ།།ཀ་དག་ཁྲེགས་ཆོས་ལྟ་བའི་རྩལ་ཆེན་རྫོགས་ཤིང་།།ལྷུན་གྲུབ་སྣང་བཞིའི་ལམ་བཟང་མངོན་དུ་བྱས་ཏེ།།ནང་དབྱིངས་གཞོན་ནུ་བུམ་སྐུའི་རྒྱལ་ཐབས་ཆེན་པོར།།མི་རིང་མྱུར་དུ་འཇོག་མཛོད་མཁའ་སྤྱོད་རྗེ་མོ།།སྟོང་སྒོམ་མུན་རྡོའི་གཡང་ས་རིང་དུ་བགྱིད་ཅིང་།།མི་བཟད་རྟོག་གེའི་འཇིགས་པ་མིང་ཙམ་བྱས་ནས།།ཀློང་ཆེན་བསམ་གྱིས་མི་ཁྱབ་འོད་གསལ་ངང་དུ།།ཚེ་འདིར་བཙན་ས་ཟིན་པར་བྱིན་གྱིས་རློབས་ཤིག། དག་དང་མ་དག་སྣང་བ་མཉམ་པར་ཟླུམ་པའི།། ཀུན་ཁྱབ་མཉམ་པ་ཆེན་པོའི་ཨེ་དབྱིངས་ཀློང་དུ།། མཉམ་དང་མི་མཉམ་འཛིན་ཞེན་རང་སར་གྲོལ་བའི།།དངོས་གྲུབ་སྣང་བ་སྩོལ་ཤོག་མཁའ་འགྲོའི་ཚོགས་རྗེ།། འཕོ་མེད་རང་བྱུང་རིག་པའི་རང་ཞལ་མཐོང་ཞིང་།།འཕོ་འགྱུར་རྟོག་པའི་དྲ་བ་དབྱིངས་སུ་ཐིམ་ནས།།འཕོ་ཆེན་འཇའ་ལུས་རྡོ་རྗེའི་གོ་འཕང་འགྲུབ་པའི།།བྱིན་རླབས་ཆར་ཆེན་ཕོར་ཤོག་རྒྱལ་ཡུམ་ཕག་མོ།།ཞེས་པའང་འཇིགས་མེད་སྨྱོན་པས་ཅལ་ཅོལ་དུ་སྨྲས་པའོ།། དགེའོ།།

རྩོམ་ཁུངས། མགོ་ལོག་ཁུལ་རྩོམ་སྒྱུར་ལས་ཁུངས་ཀྱིས་བསྒྲིགས་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།