མཆོད་བསྟོད་འཇམ་དཔལ་དགྱེས་པའི་རོལ་མོ།

༄༅།།རྒྱལ་ཀུན་མཁྱེན་པའི་ཡེ་ཤེས་ཐིག་ལེའི་གཟུགས།།
རབ་མཛེས་ལུས་ཕྲ་མཆོག་གི་ཟློས་གར་མཁན།།
ཚངས་སྲས་ཤེས་རབ་ལྷ་མོ་དབྱངས་ཅན་མས།།
བདག་གི་ངག་ལ་ཤིས་པའི་དཔལ་སྩོལ་དང་།།
ཤེས་རབ་འོད་ཀྱི་གཟི་བྱིན་རྩིབས་སྟོང་འབར།།
རྒྱ་མཚོ་སྐྱེ་རྒུ་གདུལ་བྱའི་ཐར་བའི་དཔྱིད།།
ཕྱོགས་ལས་རྣམ་པར་རྒྱལ་བའི་དགེ་མཚན་ཅན།།
འཇམ་དཔལ་དགྱེས་བློའི་ཉི་མ་སྙིང་ལ་བཞུགས།།
ཡབ་ཡུམ་བརྩེ་བའི་དཔྱིད་ཀྱི་དགའ་ཚལ་དུ།།
ཁྱོད་ཀྱི་མཛད་འཕྲིན་འོད་སྟོང་བདག་པོའི་ཟིལ།།
ཡང་ཡང་སྙིང་ནས་འཐུང་པའི་གེ་ས་རའི།།
བསུང་ཞིམ་མཆོད་པའི་སྤྲིན་དུ་འདི་ན་ལྡང།།
རྒྱལ་བ་སེང་གེའི་ང་རོའི་མཚན་དཔེའི་སྐུ།།
བཞད་པའི་ཙོང་ཁ་ལིམ་བུའི་སྐྱེད་མོས་ཚལ།།
ལྕགས་རིའི་ས་འཛིན་དཔུང་རྡང་སྦྲེལ་བའི་ཤར།།
རྡོ་སྦིས་འཛིན་མར་མཚན་དཔེའི་མེ་ཏོག་འཛུམ།།
ཨེ་མ་ཁྱེད་ཀྱི་མཛད་འཕྲིན་འོ་མའི་མཚོ།།
ས་གསུམ་ཀུན་ཏུ་གཡོ་བའི་རྟེན་འབྲེལ་ལ།།
གཡུ་དང་དངུལ་གྱི་མདངས་འཛིན་མཚེའུ་ཟུང་།།
བྱེད་པོས་འཕྲུལ་གྱིས་བསྒྲིགས་འདི་མཚར་དུ་ཆེ།།
གང་སྐུ་ཉི་གཞོན་ཤར་རིའི་ཕྲག་གོང་ནས།།
སྐྱེ་རྒུའི་བསོད་ནམས་མཁའ་ལ་འཕགས་པ་ན།།
མ་རིག་མུན་པའི་དཔུང་གི་སྦྱོར་བ་ནི།།
ནག་པོའི་གོ་མཚོན་བོར་ནས་རང་སར་ཞི།།
ཕུན་ཚོགས་འདོད་ཡོན་ལྕགས་སྐུད་བསྣོལ་མའི་གཟེབ།།
ངེས་འབྱུང་གསེར་གྱི་ཐོ་བས་ལེགས་གཏོར་ཏེ།།
རྨད་བྱུང་ཐུགས་བསྐྱེད་གཤོག་རླབས་ལྡེམ་པོ་ནི།།
གཏན་བདེའི་ཀུན་མཁྱེན་མཁའ་ལ་ལེགས་པར་བསྒྱུར།།
ལྷ་རམས་ཉི་ཟླའི་སྤྱན་གྱིས་གཟི་བྱིན་བསྩལ།།
སློབ་དཔོན་བརྩེ་བའི་རོལ་མཚོས་ལེགས་པར་འཁྱུད།།
རྡོ་རྗེ་འཆང་གི་དགོངས་པའི་བཅུད་གྱིས་བསྐྱངས།།
ཁྱོད་ནི་ཆོས་རྒྱལ་ལྷུན་པོར་མི་འགྱུར་གྲང་།།
དབྱངས་ཅན་ངག་གི་ལང་ཚོའི་རྩལ་རྫོགས་པ།།
བསྔགས་བརྗོད་ལྷ་ཡི་གོས་བཟང་སྤྲས་པས་མིན།།
རིག་བྱེད་ངག་གི་སེང་ཆེན་ལ་བཅིབས་ཏེ།།
གཞུང་བརྒྱ་སྨྲ་བའི་དོ་རར་འགྲིམས་པས་ཀྱང་།།
འཛམ་གླིང་རིག་བྱེད་སྨྲ་བ་ཀུན་གྱི་གྲལ།།
གཞོན་ནུའི་དུས་ནས་ཁྱེད་ཀྱིས་ལེགས་ཟིན་པའི།།
ངོ་མཚར་གཏམ་གྱི་རོལ་མོ་ལྷང་ངེར་བ།།
དཔྱོད་ལྡན་གཟུར་གནས་དྲན་དབང་ངག་ན་མཛེས།།
རིག་བྱེད་ངག་གི་ཁྲི་ལ་ཆུང་ནས་བཞུགས།།
རིག་པའི་ནོར་མང་བློ་གྲོས་མཛོད་ལ་དབང་།།
རིག་གཏེར་ནོར་བུའི་རྒྱ་མཚོའི་ཀློང་ཆེན་པོར།།
ད་དུང་མ་ངོམས་ཞུགས་པའི་སྤོབས་པ་རྒྱལ།།
མི་འཇིགས་བཞི་ལྡན་སྤོབས་པའི་གཡུ་རལ་རྒྱས།།
ཡང་དག་ཚུལ་གསུམ་རིགས་པའི་གད་རྒྱངས་འདིས།།
ཐུབ་བསྟན་གངས་རི་སྐྱོང་ལ་འགྲན་མེད་པ།།
ལོ་པཎ་གངས་རིའི་སེང་ཆེན་དག་ཀྱང་དྲན།།
ཇི་སྙེད་རིག་གཞུང་ཤེས་བྱའི་མེ་ཏོག་ཀུན།།
ཁྱོད་བློའི་སྤང་ལྗོངས་དཔྱིད་དུ་མངོན་བཞད་ཚེ།།
དམ་པའི་སྐྱེ་རབས་ཕྲེང་བའི་མེ་ཏོག་མཚན།།
རྒྱལ་སྲས་དུ་མས་ཁྱོད་ལ་ཕུལ་འདི་འཚེངས།།
ཐོགས་མེད་རིགས་ལམ་རྩེ་བརྒྱ་འབར་བའི་གཟིས།།
མ་རྟོགས་ལོག་རྟོག་ལྷུན་པོ་འཇོམས་དང་ལྷན།།
གསེར་ཁྲི་མཁན་སྤྲུལ་མཚན་གྱི་ཉི་ཟླའི་ཆ།།
མོག་པོར་བགྱིས་པའི་འཇིགས་ཟིལ་སུ་ཡིས་འགོག།
གཞུང་བཟང་ཆུ་བོ་བཅུད་དུ་སྨིན་པའི་མཚོ།།
མཁྱེན་དཔྱོད་ལྷུན་པོས་བསྲུབས་པོའི་སྙིང་པོའི་ཕུལ།།
སྔོན་མེད་ལེགས་བཤད་ཆུ་ཤེལ་དབང་པོས་ནི།།
ཐུབ་བསྟན་གངས་རི་ཉིན་མོ་ལྟ་བུར་བྱེད།།
མི་ཤེས་ལོག་རྟོག་སྐྱོན་ཀྱི་གཟུགས་བརྙན་ཙམ།།
ཀུན་མཁྱེན་ཡེ་ཤེས་ཀྱིས་ཀྱང་མི་དམིགས་པ།།
ཁྱོད་ཐུགས་དྲི་མེད་ཤེལ་གྱི་མེ་ལོང་ལ།།
མ་ལུས་ཤེས་བྱའི་རི་མོ་རྣམ་པར་བཀྲ།།
ལྟར་སྣང་ཤེས་བྱའི་ཚང་ཚིང་སྨྲ་ངན་བྲག།།
ལོག་བཤད་དྲ་བ་མ་ལུས་རིགས་པའི་མཚོན།།
བསྐལ་བའི་མེ་དང་རྡོ་རྗེའི་ཐོག་གི་མདའ།།
ཤེས་རབ་རལ་གྲིར་བསྒྱུར་ཏེ་ཚར་ཏུ་བཅད།།
འཇམ་དཔལ་སྙིང་བོའི་རིང་ལུགས་དྲི་མ་མེད།།
སྲོག་འཛིན་སྨན་གྱི་སྦྱོར་བ་འཛིན་པའི་ཁུར།།
བརྟན་པོར་བགོས་པའི་ལྷག་བསམ་གསེར་གྱི་རི།།
དབྱིག་འཛིན་དཔལ་དུ་འགྱིང་བ་ངོ་མཚར་ཆེ།།
མདོ་སྔགས་ཆབ་ཀྱི་ཡང་བཅུད་གང་གཱའི་ཀླུང།།
རྣམ་དཔྱོད་རལ་བའི་ཀློང་དུ་བསྡུས་པ་ན།།
ཕྱག་ན་པད་མོའི་བཀའ་གསུང་ཡུར་བ་ཡིས།།
ཐུབ་བསྟན་ལྗོན་བཟང་སྲོག་རྩའི་གསོས་སུ་དྲངས།།
མཐའ་བྲལ་ཤེས་བྱའི་འཆི་མེད་ལམ་གྱི་ཁམས།།
བློ་གྲོས་དབྱར་སྐྱེས་རྔ་སྒྲས་ཀུན་དཀྲིགས་པས།།
གངས་ལྗོངས་ཐུབ་བསྟན་གུར་ཀུམ་དགའ་ཚལ་དུ།།
རྫོགས་ལྡན་དཔྱིད་ཀྱི་དཔལ་ཡོན་རབ་ཏུ་བདོ།།
དེ་ལས་ལེགས་འོངས་གྲགས་པའི་འོད་དཀར་ཀྱིས།།
འཁོར་ལོས་བསྒྱུར་བ་འཛམ་གླིང་ཆེ་རྒུའི་སྤྱན།།
ཆབ་སྲིད་ཉ་ཟླའི་སྣང་བས་མ་ཟིན་པའི།།
གཏན་བདེའི་ཐར་ལམ་རི་མོར་བཀྲི་ཞེས་གྲགས།།
བློ་བཟང་རྒྱལ་བའི་ལེགས་བཤད་ཆུ་གཏེར་ཆེ།།
མཁྱེན་དཔྱོད་དེད་དཔོན་འདོད་རྒུར་དབང་སྒྱུར་པས།།
ཀླུ་སྒྲུབ་ལུགས་བཟང་སྔོན་མེད་བྱུ་རུའི་ཕྲེང་།།
གསར་རྙིང་རིས་མེད་མཁས་མང་རྒྱན་དུ་འཆང་།།
ཟག་མེད་ཐུགས་ཀྱི་གངས་དཀར་ལྷུན་པོ་ལས།།
མྱོང་གྲོལ་ཕན་བདེའི་ལེགས་བཤད་བདུད་རྩིའི་ཆབ།།
རང་གཞན་དགེ་བའི་ཞིང་སར་དྲངས་པ་ལ།།
ཨ་རུ་སྨན་གྱི་དགའ་ཚལ་རྣམ་པར་རྒྱས།།
བློ་གྲོས་བི་ཤྭ་ཀརྨའི་སོར་མོའི་རྩལ།།
གངས་ཅན་རིག་འཕྲུལ་གླེགས་བམ་ཁང་བཟང་ཆེར།།
བསྒྱུར་བའི་འགྲན་བྲལ་གསུང་ངག་ལྷ་ཡི་སྐུར།།
འཇམ་དཔལ་དབྱངས་ཀྱང་རང་སྲིད་འཆོར་དུ་དོགས།།་
ཟུང་འཇུག་སྟོབས་ཀྱིས་བཏེགས་པའི་ཆོས་སྲིད་གདུགས།།
ད་ཡང་གཅིག་ཏུ་བྲལ་བ་འདོར་མིན་ཞེས།།
གཞན་ཕན་ལས་ལ་ཀུན་ནས་གཡོ་བའི་སྐུ།།
ལོངས་སྐུར་མཆོད་པའི་སྙན་རྒྱན་ཕུལ་བ་བཞིན།།
བདེན་གཉིས་བདེན་བཞིའི་ཞི་འཇམ་ཆོས་ཁྲིམས་ཀྱིས།།
མི་བསྲུན་འགྲོ་བའི་རྒྱུད་ཀུན་ལེགས་བསྡམས་པས།།
དགྲ་གཉེན་ཞི་བའི་དབྱིངས་སུ་འདྲེས་པའི་མོད།།
འགའ་ཞིག་གང་སྐུ་སྲོང་བཙན་མགོན་དུ་དོགས།།
མཐའ་ཀླས་འགྲོ་བའི་ཀུ་མུད་ད་ཡི་ཚལ།།
སྙིང་རྗེའི་བསིལ་སྦྱིན་འོད་ཀྱིས་འཁྱུད་པ་ན།།
འོག་མིན་ཞིང་གི་རྒྱལ་སྲས་སྐར་ཚོགས་འབུམ།།
གཟིགས་མོར་ཕེབས་པས་ལྷ་ལམ་དོག་པོར་བགྱིས།།
འཛམ་གླིང་ཐ་གྲུ་ཡངས་པོའི་ཁྱོན་ཀུན་ལ།།
འཚེ་མེད་ཞི་བདེའི་དུང་དཀར་འབུད་བཞིན་དུ།།
ཐུབ་བསྟན་ནོར་བུའི་རྒྱལ་མཚན་སྒྲེང་བའི་ཚེ།།
གཡུ་འབྲུག་སྔོན་མོ་མཁའ་ལ་བགྲོད་པར་འགྲན།།
ཁྱོད་ཞབས་པད་མོ་འབར་མའི་རྒྱལ་པོ་ཡིས།།
བདུད་རྩིས་གཏམས་པའི་ཡོལ་གོར་ལེགས་མཆོད་པས།།
ཆེ་རྒུའི་སྙིང་ལ་ངོ་མཚར་འགྱུར་བག་དང་།།
       ལྷ་ཆེན་རང་གི་སྲིད་ལ་སོམ་ཉིས་ཁེངས།།
འཇིགས་སྐྲག་འཐོར་རླུང་འཚུབ་མའི་དུས་འགྱུར་ཁྲོད།།
སྡུག་གི་ཆོ་ངེ་རླུང་ལ་བསྐུར་བའི་འབངས།།
ཐུགས་རྗེའི་གཟན་རས་སྐྱོབ་པའི་དགེ་སྦྱོང་དཔོན།།
ཕྱོགས་བཅུའི་རྒྱལ་བས་བསྟོད་པའི་རྔ་ཆེན་ལྡིར།།
རྒྱུ་འབྲས་ལྡོག་པའི་དུས་ངན་བྱེད་གཏེ་ཡིས།།
འབངས་མིའི་སྐྱིད་སྡུག་སྲང་མདའ་ཡོ་བ་ན།།
ལེགས་སྤེལ་ཉེས་བསུབ་ཟོལ་མེད་དྲང་སྲོང་གཏམ།།
སྨྲ་མཁན་ས་སྟེང་འདི་ན་ཁྱོད་མིན་སུ།།
རིགས་དང་ཁམས་དང་མོས་པ་གང་གཱའི་རྡུལ།།
མཐོ་འཚམས་ཚིག་མཚོན་རྡེག་དང་ཅོ་འདྲི་སོགས།།
གང་ལ་དམིགས་པའི་ཇི་སྙེད་འགྲོ་བ་ཀུན།།
བུ་ལྟར་བརྩེ་བ་རྒྱལ་སྲས་ཁྱོད་ལས་སུ།།
བདེན་རྫུན་ལྡོག་པའི་ཡ་ངའི་ལོ་ཟླ་རུ།།
བདེན་པ་རྫུན་ལས་རྒྱལ་བར་འགྱུར་རོ་ཞེས།།
ཁྱེད་ཀྱི་བཀའ་གསུང་སེང་གེའི་ང་རོ་སྒྲ།།
ད་དུང་མི་ཡི་ཡུལ་ན་ལྷང་ལྷང་གྲགས།།
བསླབ་གསུམ་ཚུལ་ཁྲིམས་གཙང་མའི་དབྱིག་འཛིན་ལྟོར།།
ལེགས་འཁྲུངས་མཁས་བཙུན་བཟང་པོའི་དཔག་བསམ་ལྗོན།།
ལྟ་སྒོམ་སྤྱོད་པའི་རྩེ་མོ་སྲིད་ན་མཐོ།།
ངོ་མཚར་རྒྱལ་བའི་མཆོད་ཡོན་སྲིད་གསུམ་རྒྱན།།
གཟུགས་སྐུའི་མྱུ་གུ་མདོ་སྨད་ཡུལ་དུ་འཁྲུངས།།
འཕྲིན་ལས་ཟེའུ་འབྲུ་དབུས་གཙང་ལྗོངས་སུ་རྒྱས།།
སྙན་གྲགས་བསུང་ཞིམ་འཛམ་གླིང་ཡོངས་ལ་ཁྱབ།།
སྔོན་མེད་ཨུ་དུམ་ཝ་ར་ཁྱོད་མིན་སུ།།
ཤེས་རབ་རྒྱ་མཚོའི་མཚན་གྱི་ཟློས་བརྗོད་ཚིག།
སྒྲོགས་པའི་བློ་གསལ་གཞོན་ནུའི་ཁ་རླངས་གིས།།
རྡུང་བའི་མཛད་བཟང་འཛམ་གླིང་ཅོང་ཆེན་སྒྲ།།
བསྐལ་བའི་མཐར་ཡང་འཇགས་པའི་དཔེ་མི་སྲིད།།
གང་གི་མཛད་འཕྲིན་ཆུ་གཏེར་ཆེན་པོའི་འཇིངས།།
མཁས་གྲུབ་ཀླུ་དབང་བྱེ་བའི་བློ་རྩལ་གྱིས།།
ཇི་བཞིན་མ་ཐིག་བཏང་སྙོམས་ཚུལ་མཛད་ན།།
བདག་བློ་གསེར་མིག་རྐྱལ་གྱིས་ག་ལ་ཆོད།།
འོན་ཀྱང་ཁྱོད་ཀྱི་ལེགས་བཤད་ཉི་མའི་ཟེར།།
བདག་བློའི་པད་མོའི་ཟེའུ་འབྲུར་ཟུག་པའི་མཐུས།།
བསུང་ཞིམ་མཆོད་པའི་ཡོན་དུ་ལྡང་བ་ནི།།
གངས་ལྗོངས་རིག་པའི་པད་ཚལ་རྒྱས་ཕྱིར་བསྔོ།།
   ཞེས་པ་འདི་ནི་རང་རེའི་བོད་གངས་ཅན་གྱི་ཆོས་སྲིད་རིག་གནས་གང་ཅིར་མཛད་རྗེས་བསུབ་ཏུ་མེད་པ་བཞག་གནང་མཛད་པའི་མཁས་ཆེན་འགྲན་ཟླ་བྲལ་བ། དོན་ཀྱི་སླད་དུ་མཚན་ནས་སྨྲོས་ཏེ་༧ ཡོངས་ཀྱི་དགེ་བའི་བཤེས་གཉེན་ཆེན་པོ་ཤེས་རབ་རྒྱ་མཚོ་འཇམ་དཔལ་དགྱེས་པའི་བློ་གྲོས་མཆོག་གི་མཛད་རྣམ་མདོར་བསྡུས་རིག་བྱེད་སྙན་ཚིག་གི་ཕྲེང་བ་ཐུང་ངུའི་ལམ་ནས་སྤེལ་བ་ཚེ་རབས་ནས་མགོན་པོ་གང་གིས་འབྲལ་མེད་རྗེས་སུ་འཛིན་ཅིང་གངས་ལྗོངས་རིག་པའི་སྐྱེད་ཚལ་སྐྱེས་སྟོབས་གཟི་དཔལ་ཉམས་པ་མེད་པའི་རྒྱུར་འགྱུར་བའི་སྨོན་པས་ཀུན་ནས་བསླངས་ཏེ་བྲིས་པ་དོན་ཡོད་པར་གྱུར་ཅིག།


རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མཆོད་བསྟོད་འཇམ་དཔལ་དགྱེས་པའི་རོལ་མོ།

2011-09-15 ཤེར་གྲོལ། ཀློག་གྲངས། མཆན ཡོད།

༄༅།།རྒྱལ་ཀུན་མཁྱེན་པའི་ཡེ་ཤེས་ཐིག་ལེའི་གཟུགས།།
རབ་མཛེས་ལུས་ཕྲ་མཆོག་གི་ཟློས་གར་མཁན།།
ཚངས་སྲས་ཤེས་རབ་ལྷ་མོ་དབྱངས་ཅན་མས།།
བདག་གི་ངག་ལ་ཤིས་པའི་དཔལ་སྩོལ་དང་།།
ཤེས་རབ་འོད་ཀྱི་གཟི་བྱིན་རྩིབས་སྟོང་འབར།།
རྒྱ་མཚོ་སྐྱེ་རྒུ་གདུལ་བྱའི་ཐར་བའི་དཔྱིད།།
ཕྱོགས་ལས་རྣམ་པར་རྒྱལ་བའི་དགེ་མཚན་ཅན།།
འཇམ་དཔལ་དགྱེས་བློའི་ཉི་མ་སྙིང་ལ་བཞུགས།།
ཡབ་ཡུམ་བརྩེ་བའི་དཔྱིད་ཀྱི་དགའ་ཚལ་དུ།།
ཁྱོད་ཀྱི་མཛད་འཕྲིན་འོད་སྟོང་བདག་པོའི་ཟིལ།།
ཡང་ཡང་སྙིང་ནས་འཐུང་པའི་གེ་ས་རའི།།
བསུང་ཞིམ་མཆོད་པའི་སྤྲིན་དུ་འདི་ན་ལྡང།།
རྒྱལ་བ་སེང་གེའི་ང་རོའི་མཚན་དཔེའི་སྐུ།།
བཞད་པའི་ཙོང་ཁ་ལིམ་བུའི་སྐྱེད་མོས་ཚལ།།
ལྕགས་རིའི་ས་འཛིན་དཔུང་རྡང་སྦྲེལ་བའི་ཤར།།
རྡོ་སྦིས་འཛིན་མར་མཚན་དཔེའི་མེ་ཏོག་འཛུམ།།
ཨེ་མ་ཁྱེད་ཀྱི་མཛད་འཕྲིན་འོ་མའི་མཚོ།།
ས་གསུམ་ཀུན་ཏུ་གཡོ་བའི་རྟེན་འབྲེལ་ལ།།
གཡུ་དང་དངུལ་གྱི་མདངས་འཛིན་མཚེའུ་ཟུང་།།
བྱེད་པོས་འཕྲུལ་གྱིས་བསྒྲིགས་འདི་མཚར་དུ་ཆེ།།
གང་སྐུ་ཉི་གཞོན་ཤར་རིའི་ཕྲག་གོང་ནས།།
སྐྱེ་རྒུའི་བསོད་ནམས་མཁའ་ལ་འཕགས་པ་ན།།
མ་རིག་མུན་པའི་དཔུང་གི་སྦྱོར་བ་ནི།།
ནག་པོའི་གོ་མཚོན་བོར་ནས་རང་སར་ཞི།།
ཕུན་ཚོགས་འདོད་ཡོན་ལྕགས་སྐུད་བསྣོལ་མའི་གཟེབ།།
ངེས་འབྱུང་གསེར་གྱི་ཐོ་བས་ལེགས་གཏོར་ཏེ།།
རྨད་བྱུང་ཐུགས་བསྐྱེད་གཤོག་རླབས་ལྡེམ་པོ་ནི།།
གཏན་བདེའི་ཀུན་མཁྱེན་མཁའ་ལ་ལེགས་པར་བསྒྱུར།།
ལྷ་རམས་ཉི་ཟླའི་སྤྱན་གྱིས་གཟི་བྱིན་བསྩལ།།
སློབ་དཔོན་བརྩེ་བའི་རོལ་མཚོས་ལེགས་པར་འཁྱུད།།
རྡོ་རྗེ་འཆང་གི་དགོངས་པའི་བཅུད་གྱིས་བསྐྱངས།།
ཁྱོད་ནི་ཆོས་རྒྱལ་ལྷུན་པོར་མི་འགྱུར་གྲང་།།
དབྱངས་ཅན་ངག་གི་ལང་ཚོའི་རྩལ་རྫོགས་པ།།
བསྔགས་བརྗོད་ལྷ་ཡི་གོས་བཟང་སྤྲས་པས་མིན།།
རིག་བྱེད་ངག་གི་སེང་ཆེན་ལ་བཅིབས་ཏེ།།
གཞུང་བརྒྱ་སྨྲ་བའི་དོ་རར་འགྲིམས་པས་ཀྱང་།།
འཛམ་གླིང་རིག་བྱེད་སྨྲ་བ་ཀུན་གྱི་གྲལ།།
གཞོན་ནུའི་དུས་ནས་ཁྱེད་ཀྱིས་ལེགས་ཟིན་པའི།།
ངོ་མཚར་གཏམ་གྱི་རོལ་མོ་ལྷང་ངེར་བ།།
དཔྱོད་ལྡན་གཟུར་གནས་དྲན་དབང་ངག་ན་མཛེས།།
རིག་བྱེད་ངག་གི་ཁྲི་ལ་ཆུང་ནས་བཞུགས།།
རིག་པའི་ནོར་མང་བློ་གྲོས་མཛོད་ལ་དབང་།།
རིག་གཏེར་ནོར་བུའི་རྒྱ་མཚོའི་ཀློང་ཆེན་པོར།།
ད་དུང་མ་ངོམས་ཞུགས་པའི་སྤོབས་པ་རྒྱལ།།
མི་འཇིགས་བཞི་ལྡན་སྤོབས་པའི་གཡུ་རལ་རྒྱས།།
ཡང་དག་ཚུལ་གསུམ་རིགས་པའི་གད་རྒྱངས་འདིས།།
ཐུབ་བསྟན་གངས་རི་སྐྱོང་ལ་འགྲན་མེད་པ།།
ལོ་པཎ་གངས་རིའི་སེང་ཆེན་དག་ཀྱང་དྲན།།
ཇི་སྙེད་རིག་གཞུང་ཤེས་བྱའི་མེ་ཏོག་ཀུན།།
ཁྱོད་བློའི་སྤང་ལྗོངས་དཔྱིད་དུ་མངོན་བཞད་ཚེ།།
དམ་པའི་སྐྱེ་རབས་ཕྲེང་བའི་མེ་ཏོག་མཚན།།
རྒྱལ་སྲས་དུ་མས་ཁྱོད་ལ་ཕུལ་འདི་འཚེངས།།
ཐོགས་མེད་རིགས་ལམ་རྩེ་བརྒྱ་འབར་བའི་གཟིས།།
མ་རྟོགས་ལོག་རྟོག་ལྷུན་པོ་འཇོམས་དང་ལྷན།།
གསེར་ཁྲི་མཁན་སྤྲུལ་མཚན་གྱི་ཉི་ཟླའི་ཆ།།
མོག་པོར་བགྱིས་པའི་འཇིགས་ཟིལ་སུ་ཡིས་འགོག།
གཞུང་བཟང་ཆུ་བོ་བཅུད་དུ་སྨིན་པའི་མཚོ།།
མཁྱེན་དཔྱོད་ལྷུན་པོས་བསྲུབས་པོའི་སྙིང་པོའི་ཕུལ།།
སྔོན་མེད་ལེགས་བཤད་ཆུ་ཤེལ་དབང་པོས་ནི།།
ཐུབ་བསྟན་གངས་རི་ཉིན་མོ་ལྟ་བུར་བྱེད།།
མི་ཤེས་ལོག་རྟོག་སྐྱོན་ཀྱི་གཟུགས་བརྙན་ཙམ།།
ཀུན་མཁྱེན་ཡེ་ཤེས་ཀྱིས་ཀྱང་མི་དམིགས་པ།།
ཁྱོད་ཐུགས་དྲི་མེད་ཤེལ་གྱི་མེ་ལོང་ལ།།
མ་ལུས་ཤེས་བྱའི་རི་མོ་རྣམ་པར་བཀྲ།།
ལྟར་སྣང་ཤེས་བྱའི་ཚང་ཚིང་སྨྲ་ངན་བྲག།།
ལོག་བཤད་དྲ་བ་མ་ལུས་རིགས་པའི་མཚོན།།
བསྐལ་བའི་མེ་དང་རྡོ་རྗེའི་ཐོག་གི་མདའ།།
ཤེས་རབ་རལ་གྲིར་བསྒྱུར་ཏེ་ཚར་ཏུ་བཅད།།
འཇམ་དཔལ་སྙིང་བོའི་རིང་ལུགས་དྲི་མ་མེད།།
སྲོག་འཛིན་སྨན་གྱི་སྦྱོར་བ་འཛིན་པའི་ཁུར།།
བརྟན་པོར་བགོས་པའི་ལྷག་བསམ་གསེར་གྱི་རི།།
དབྱིག་འཛིན་དཔལ་དུ་འགྱིང་བ་ངོ་མཚར་ཆེ།།
མདོ་སྔགས་ཆབ་ཀྱི་ཡང་བཅུད་གང་གཱའི་ཀླུང།།
རྣམ་དཔྱོད་རལ་བའི་ཀློང་དུ་བསྡུས་པ་ན།།
ཕྱག་ན་པད་མོའི་བཀའ་གསུང་ཡུར་བ་ཡིས།།
ཐུབ་བསྟན་ལྗོན་བཟང་སྲོག་རྩའི་གསོས་སུ་དྲངས།།
མཐའ་བྲལ་ཤེས་བྱའི་འཆི་མེད་ལམ་གྱི་ཁམས།།
བློ་གྲོས་དབྱར་སྐྱེས་རྔ་སྒྲས་ཀུན་དཀྲིགས་པས།།
གངས་ལྗོངས་ཐུབ་བསྟན་གུར་ཀུམ་དགའ་ཚལ་དུ།།
རྫོགས་ལྡན་དཔྱིད་ཀྱི་དཔལ་ཡོན་རབ་ཏུ་བདོ།།
དེ་ལས་ལེགས་འོངས་གྲགས་པའི་འོད་དཀར་ཀྱིས།།
འཁོར་ལོས་བསྒྱུར་བ་འཛམ་གླིང་ཆེ་རྒུའི་སྤྱན།།
ཆབ་སྲིད་ཉ་ཟླའི་སྣང་བས་མ་ཟིན་པའི།།
གཏན་བདེའི་ཐར་ལམ་རི་མོར་བཀྲི་ཞེས་གྲགས།།
བློ་བཟང་རྒྱལ་བའི་ལེགས་བཤད་ཆུ་གཏེར་ཆེ།།
མཁྱེན་དཔྱོད་དེད་དཔོན་འདོད་རྒུར་དབང་སྒྱུར་པས།།
ཀླུ་སྒྲུབ་ལུགས་བཟང་སྔོན་མེད་བྱུ་རུའི་ཕྲེང་།།
གསར་རྙིང་རིས་མེད་མཁས་མང་རྒྱན་དུ་འཆང་།།
ཟག་མེད་ཐུགས་ཀྱི་གངས་དཀར་ལྷུན་པོ་ལས།།
མྱོང་གྲོལ་ཕན་བདེའི་ལེགས་བཤད་བདུད་རྩིའི་ཆབ།།
རང་གཞན་དགེ་བའི་ཞིང་སར་དྲངས་པ་ལ།།
ཨ་རུ་སྨན་གྱི་དགའ་ཚལ་རྣམ་པར་རྒྱས།།
བློ་གྲོས་བི་ཤྭ་ཀརྨའི་སོར་མོའི་རྩལ།།
གངས་ཅན་རིག་འཕྲུལ་གླེགས་བམ་ཁང་བཟང་ཆེར།།
བསྒྱུར་བའི་འགྲན་བྲལ་གསུང་ངག་ལྷ་ཡི་སྐུར།།
འཇམ་དཔལ་དབྱངས་ཀྱང་རང་སྲིད་འཆོར་དུ་དོགས།།་
ཟུང་འཇུག་སྟོབས་ཀྱིས་བཏེགས་པའི་ཆོས་སྲིད་གདུགས།།
ད་ཡང་གཅིག་ཏུ་བྲལ་བ་འདོར་མིན་ཞེས།།
གཞན་ཕན་ལས་ལ་ཀུན་ནས་གཡོ་བའི་སྐུ།།
ལོངས་སྐུར་མཆོད་པའི་སྙན་རྒྱན་ཕུལ་བ་བཞིན།།
བདེན་གཉིས་བདེན་བཞིའི་ཞི་འཇམ་ཆོས་ཁྲིམས་ཀྱིས།།
མི་བསྲུན་འགྲོ་བའི་རྒྱུད་ཀུན་ལེགས་བསྡམས་པས།།
དགྲ་གཉེན་ཞི་བའི་དབྱིངས་སུ་འདྲེས་པའི་མོད།།
འགའ་ཞིག་གང་སྐུ་སྲོང་བཙན་མགོན་དུ་དོགས།།
མཐའ་ཀླས་འགྲོ་བའི་ཀུ་མུད་ད་ཡི་ཚལ།།
སྙིང་རྗེའི་བསིལ་སྦྱིན་འོད་ཀྱིས་འཁྱུད་པ་ན།།
འོག་མིན་ཞིང་གི་རྒྱལ་སྲས་སྐར་ཚོགས་འབུམ།།
གཟིགས་མོར་ཕེབས་པས་ལྷ་ལམ་དོག་པོར་བགྱིས།།
འཛམ་གླིང་ཐ་གྲུ་ཡངས་པོའི་ཁྱོན་ཀུན་ལ།།
འཚེ་མེད་ཞི་བདེའི་དུང་དཀར་འབུད་བཞིན་དུ།།
ཐུབ་བསྟན་ནོར་བུའི་རྒྱལ་མཚན་སྒྲེང་བའི་ཚེ།།
གཡུ་འབྲུག་སྔོན་མོ་མཁའ་ལ་བགྲོད་པར་འགྲན།།
ཁྱོད་ཞབས་པད་མོ་འབར་མའི་རྒྱལ་པོ་ཡིས།།
བདུད་རྩིས་གཏམས་པའི་ཡོལ་གོར་ལེགས་མཆོད་པས།།
ཆེ་རྒུའི་སྙིང་ལ་ངོ་མཚར་འགྱུར་བག་དང་།།
       ལྷ་ཆེན་རང་གི་སྲིད་ལ་སོམ་ཉིས་ཁེངས།།
འཇིགས་སྐྲག་འཐོར་རླུང་འཚུབ་མའི་དུས་འགྱུར་ཁྲོད།།
སྡུག་གི་ཆོ་ངེ་རླུང་ལ་བསྐུར་བའི་འབངས།།
ཐུགས་རྗེའི་གཟན་རས་སྐྱོབ་པའི་དགེ་སྦྱོང་དཔོན།།
ཕྱོགས་བཅུའི་རྒྱལ་བས་བསྟོད་པའི་རྔ་ཆེན་ལྡིར།།
རྒྱུ་འབྲས་ལྡོག་པའི་དུས་ངན་བྱེད་གཏེ་ཡིས།།
འབངས་མིའི་སྐྱིད་སྡུག་སྲང་མདའ་ཡོ་བ་ན།།
ལེགས་སྤེལ་ཉེས་བསུབ་ཟོལ་མེད་དྲང་སྲོང་གཏམ།།
སྨྲ་མཁན་ས་སྟེང་འདི་ན་ཁྱོད་མིན་སུ།།
རིགས་དང་ཁམས་དང་མོས་པ་གང་གཱའི་རྡུལ།།
མཐོ་འཚམས་ཚིག་མཚོན་རྡེག་དང་ཅོ་འདྲི་སོགས།།
གང་ལ་དམིགས་པའི་ཇི་སྙེད་འགྲོ་བ་ཀུན།།
བུ་ལྟར་བརྩེ་བ་རྒྱལ་སྲས་ཁྱོད་ལས་སུ།།
བདེན་རྫུན་ལྡོག་པའི་ཡ་ངའི་ལོ་ཟླ་རུ།།
བདེན་པ་རྫུན་ལས་རྒྱལ་བར་འགྱུར་རོ་ཞེས།།
ཁྱེད་ཀྱི་བཀའ་གསུང་སེང་གེའི་ང་རོ་སྒྲ།།
ད་དུང་མི་ཡི་ཡུལ་ན་ལྷང་ལྷང་གྲགས།།
བསླབ་གསུམ་ཚུལ་ཁྲིམས་གཙང་མའི་དབྱིག་འཛིན་ལྟོར།།
ལེགས་འཁྲུངས་མཁས་བཙུན་བཟང་པོའི་དཔག་བསམ་ལྗོན།།
ལྟ་སྒོམ་སྤྱོད་པའི་རྩེ་མོ་སྲིད་ན་མཐོ།།
ངོ་མཚར་རྒྱལ་བའི་མཆོད་ཡོན་སྲིད་གསུམ་རྒྱན།།
གཟུགས་སྐུའི་མྱུ་གུ་མདོ་སྨད་ཡུལ་དུ་འཁྲུངས།།
འཕྲིན་ལས་ཟེའུ་འབྲུ་དབུས་གཙང་ལྗོངས་སུ་རྒྱས།།
སྙན་གྲགས་བསུང་ཞིམ་འཛམ་གླིང་ཡོངས་ལ་ཁྱབ།།
སྔོན་མེད་ཨུ་དུམ་ཝ་ར་ཁྱོད་མིན་སུ།།
ཤེས་རབ་རྒྱ་མཚོའི་མཚན་གྱི་ཟློས་བརྗོད་ཚིག།
སྒྲོགས་པའི་བློ་གསལ་གཞོན་ནུའི་ཁ་རླངས་གིས།།
རྡུང་བའི་མཛད་བཟང་འཛམ་གླིང་ཅོང་ཆེན་སྒྲ།།
བསྐལ་བའི་མཐར་ཡང་འཇགས་པའི་དཔེ་མི་སྲིད།།
གང་གི་མཛད་འཕྲིན་ཆུ་གཏེར་ཆེན་པོའི་འཇིངས།།
མཁས་གྲུབ་ཀླུ་དབང་བྱེ་བའི་བློ་རྩལ་གྱིས།།
ཇི་བཞིན་མ་ཐིག་བཏང་སྙོམས་ཚུལ་མཛད་ན།།
བདག་བློ་གསེར་མིག་རྐྱལ་གྱིས་ག་ལ་ཆོད།།
འོན་ཀྱང་ཁྱོད་ཀྱི་ལེགས་བཤད་ཉི་མའི་ཟེར།།
བདག་བློའི་པད་མོའི་ཟེའུ་འབྲུར་ཟུག་པའི་མཐུས།།
བསུང་ཞིམ་མཆོད་པའི་ཡོན་དུ་ལྡང་བ་ནི།།
གངས་ལྗོངས་རིག་པའི་པད་ཚལ་རྒྱས་ཕྱིར་བསྔོ།།
   ཞེས་པ་འདི་ནི་རང་རེའི་བོད་གངས་ཅན་གྱི་ཆོས་སྲིད་རིག་གནས་གང་ཅིར་མཛད་རྗེས་བསུབ་ཏུ་མེད་པ་བཞག་གནང་མཛད་པའི་མཁས་ཆེན་འགྲན་ཟླ་བྲལ་བ། དོན་ཀྱི་སླད་དུ་མཚན་ནས་སྨྲོས་ཏེ་༧ ཡོངས་ཀྱི་དགེ་བའི་བཤེས་གཉེན་ཆེན་པོ་ཤེས་རབ་རྒྱ་མཚོ་འཇམ་དཔལ་དགྱེས་པའི་བློ་གྲོས་མཆོག་གི་མཛད་རྣམ་མདོར་བསྡུས་རིག་བྱེད་སྙན་ཚིག་གི་ཕྲེང་བ་ཐུང་ངུའི་ལམ་ནས་སྤེལ་བ་ཚེ་རབས་ནས་མགོན་པོ་གང་གིས་འབྲལ་མེད་རྗེས་སུ་འཛིན་ཅིང་གངས་ལྗོངས་རིག་པའི་སྐྱེད་ཚལ་སྐྱེས་སྟོབས་གཟི་དཔལ་ཉམས་པ་མེད་པའི་རྒྱུར་འགྱུར་བའི་སྨོན་པས་ཀུན་ནས་བསླངས་ཏེ་བྲིས་པ་དོན་ཡོད་པར་གྱུར་ཅིག།


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།