གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མར་ཁེ་སི་རིང་ལུགས་ཀྱི་མི་རིགས་ལྟ་བའི་སྐོར།༡

2009-11-26 17:44:00 ཕུན་ཚོགས་དབང་རྒྱལ(ཕུན་དབང)། ཀློག་གྲངས། མཆན ཡོད།

ཁོ་བོས་ཡུན་རིང་བོར་ཁོམ་གསེང་གི་དུས་ཚོད་བེད་སྤྱད་དེ། མར་ཁེ་སི་རིང་ལུགས་ཀྱི་གཞུང་ལུགས་ལ་སློབ་སྦྱོང་དང་ཞིབ་འཇུག་བྱས་པའི་མྱོང་འབྲས་སུ།   མི་རིགས་ཀྱི་གནད་དོན་ཐད་གཤམ་གྱི་ལྟ་བ་འགའ་ཕྱོགས་བསྡོམས་བྱས་པ་ཡིན།
ཨེ་རེ་སི་ཐོ་ཐལ(Aristotle)གྱི་ཞལ་ནས། ང་རང་ངའི་དགེ་རྒན་ལ་དགའ།  དེ་ལས་ཀྱང་བདེན་དོན་ལ་དགའ། ཞེས་གསུངས་པ་ལྟར།   ལྟ་བ་དང་བསམ་ཚུལ་ཡང་ན་དགོངས་འཆར་གང་ཞིག་འདོན་པའི་ཚེ།     ཐོག་མར་གཞུང་ལུགས་ཀྱི་རྩ་དོན་དང་གཏན་ཚིགས་སྟེང་དེ་ཉིད་ཚུགས་ཐུབ་ཡིན་མིན་ལ་བསམ་བློ་གཏོང་དགོས།
   ཚན་རིག་དང་མཐུན་པའི་དབྱེ་ཞིབ་དང༌། གཏན་ཚིགས་དང་མཐུན་པའི་བསམ་གཞིགས་ལ་བརྟེན་ན། ད་གཟོད་ཡིན་མིན་གྱི་ཁྲུན་ཐག་ཆོད་ཡོང༌།
ཤེས་ཡོན་ལྡན་པ་དང་བསམ་གཞིགས་རང་རྐྱ་འཕེར་བའི་མི་ཞིག་ཡིན་ཚེ། ལྟ་ཚུལ་མི་འདྲ་བ་དང་གནད་དོན་གང་ཞིག་ལ་དམིགས་ནས།  རྒྱུ་མཚན་གང་ཡིན་གསལ་བོར་འདྲི་དགོས་ཏེ།  ཕ་རོལ་པོས་བཤད་པ་ལ་གནས་ལུགས་ཡོད་མེད་དང༌།  ཁུངས་ལུང་ཡོད་མེད།  དོན་དངོས་དང་མཐུན་མིན་བཅས་ལ་རིགས་པས་བརྡར་ཤ་གཅོད་པ་ལས། བླུན་པོ་ཆུ་སྣ་གར་འཁྲིད་དང་བྲན་བཀོད་འདུ་ཤེས་སོགས་ངེས་པར་སྤངས་དགོས་པ་ཡིན།
བདེན་དོན་དང་རྩ་དོན་གང་ཞིག་ཡིན་ཡང་རུང༌།  ཐམས་ཅད་ཡུལ་དུས་རྐྱེན་གསུམ་ངེས་ཅན་ལ་བརྟེན་ནས་བྱུང་བ་ཡིན། འདི་གསུམ་སྤངས་ནས་གནད་དོན་གང་ཞིག་ལ་དཔྱད་བསྡུར་དང་བདེན་རྫུན་གྱི་ཤན་འབྱེད་པར་འདོད་པ་ནི་ཆེས་ལོག་པར་གྱུར་པའི་ལས་ཡིན་ཞིང༌།     མི་རིགས་གནད་དོན་ལ་མཚོན་ནའང་དེ་བཞིན་ནོ།།   གོང་གསལ་ནི་མར་ཁེ་སི་རིང་ལུགས་ཀྱི་གཞི་རྩའི་ལྟ་བ་ཡིན་ལ། ལྟ་བ་འདིར་ཀུན་འཇུག་གི་དོན་་སྙིང་ལྡན་པ་ཡིན།

རྩོམ་ཁུངས། ཕྱིར་དྲན་དང་གསར་རྟོག

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།