ཇེ་ཉུང་ཇེ་ཉུང་།
ངག་གི་ལྷ་མོ་དབྱངས་ཅན་མ་ལ་ཕྱག་འཚལ་ལོ།།
སེམས་ལ་བསམ་ཚད་ཁ་ནས་འདོན་པ་དང་།།
ཁ་ནས་དོན་ཚད་ལག་གིས་བྲིས་པ་རྣམས།།
ཡིག་ནོར་སྟར་ཕྲེང་བསྒྲིགས་ཏེ་སྡེབ་མཁན་རིགས།།
རྩོམ་པ་པོ་རུ་རློམ་མཁན་ཇེ་མང་རེད།།
ཁ་ནས་དོན་ཚད་ལག་གིས་བྲིས་པ་རྣམས།།
ཡིག་ནོར་སྟར་ཕྲེང་བསྒྲིགས་ཏེ་སྡེབ་མཁན་རིགས།།
རྩོམ་པ་པོ་རུ་རློམ་མཁན་ཇེ་མང་རེད།།
སེམས་ཀྱི་འཆར་སྒོ་འཚོ་བའི་ཉམས་མྱོང་རྣམས།།
ལྷན་ཅིག་བསྡེབས་ཏེ་སྤྱི་ཚོགས་ཕན་བདེའི་ཆེད།།
གོ་བདེ་དོན་ཟབ་རྩོམ་ལུས་འདྲ་མིན་གྱི།།
སྣ་ཚོགས་རྩོམ་རིགས་སྤེལ་མཁན་ཇེ་ཉུང་རེད།།
ལྷན་ཅིག་བསྡེབས་ཏེ་སྤྱི་ཚོགས་ཕན་བདེའི་ཆེད།།
གོ་བདེ་དོན་ཟབ་རྩོམ་ལུས་འདྲ་མིན་གྱི།།
སྣ་ཚོགས་རྩོམ་རིགས་སྤེལ་མཁན་ཇེ་ཉུང་རེད།།
མཐོ་ལ་འཕྱ་སྨོད་དམའ་ལ་གཤེ་སྐུར་བྱེད།།
ཆོས་ལ་ལོག་མཐོང་སྲིད་ལ་འགྲེལ་ལོག་བྱེད།།
རང་ཕྱོགས་ལྷ་དང་གཞན་ཕྱོགས་འདྲེ་རུ་ལྟ།།
བདུད་ཀྱི་རལ་གྲིར་སྒྱུར་མཁན་ཇེ་མང་རེད།།
ཆོས་ལ་ལོག་མཐོང་སྲིད་ལ་འགྲེལ་ལོག་བྱེད།།
རང་ཕྱོགས་ལྷ་དང་གཞན་ཕྱོགས་འདྲེ་རུ་ལྟ།།
བདུད་ཀྱི་རལ་གྲིར་སྒྱུར་མཁན་ཇེ་མང་རེད།།
བྱས་པ་དྲིན་གཟོ་མཁས་པ་གོང་དུ་བཀུར།།
ཆོས་ཤེས་སྲིད་རྟོགས་སྤྱི་ཚོགས་དགེ་སྐྱོན་གླེང་།།
རང་གཞན་ཀུན་ཕན་སྣ་ཚོགས་བྱ་གཞག་གཉེར།།
གདོང་མཆོང་དཔའ་བོའི་རྗེས་འགྲོ་ཇེ་ཉུང་རེད།།
ཆོས་ཤེས་སྲིད་རྟོགས་སྤྱི་ཚོགས་དགེ་སྐྱོན་གླེང་།།
རང་གཞན་ཀུན་ཕན་སྣ་ཚོགས་བྱ་གཞག་གཉེར།།
གདོང་མཆོང་དཔའ་བོའི་རྗེས་འགྲོ་ཇེ་ཉུང་རེད།།
གཞན་ལ་མཚོན་ཆ་འཕེན་པར་ཤིན་ཏུ་མཁས།།
རང་ལ་གོ་ཁྲབ་གྱོན་པར་དེ་བས་མཁས།།
རང་གཞན་ཕུང་ལ་སྦྱོར་བྱེད་དམག་དཔོན་རིགས།།
རྩོམ་པ་པོ་རུ་རློམ་མཁན་ཇེ་མང་རེད།།
རང་ལ་གོ་ཁྲབ་གྱོན་པར་དེ་བས་མཁས།།
རང་གཞན་ཕུང་ལ་སྦྱོར་བྱེད་དམག་དཔོན་རིགས།།
རྩོམ་པ་པོ་རུ་རློམ་མཁན་ཇེ་མང་རེད།།
མཁས་མང་གཤེགས་པའི་ཤུལ་ན་སྤྲོ་བས་འཇུག།།
བཀའ་བསྟན་གཞུང་ལུགས་སྦྱོང་བར་བརྟུན་པ་བསྐྱེད།།
ཕྱི་ནང་རིག་གཞུང་ལྟ་བའི་བློ་མིག་སྲིང་།།
རྣམ་དཔྱོད་ལང་ཚོ་དར་བ་ཇེ་ཉུང་རེད།།
བཀའ་བསྟན་གཞུང་ལུགས་སྦྱོང་བར་བརྟུན་པ་བསྐྱེད།།
ཕྱི་ནང་རིག་གཞུང་ལྟ་བའི་བློ་མིག་སྲིང་།།
རྣམ་དཔྱོད་ལང་ཚོ་དར་བ་ཇེ་ཉུང་རེད།།
གོ་ལོ་ཐོས་ལོས་བློ་ཡིད་ཚིམས་པ་དང་།།
འབྲི་ཀློག་ཁྱར་ཁྱོར་ཙམ་གྱིས་རང་སེམས་གསོ།།
རང་གི་ངོམ་རྒྱུ་གཞན་ལ་སྟོན་རྒྱུའི་འབག།།
ཕྱི་རྫིག་ཁོག་སྟོང་གྱོན་མཁན་ཇེ་མང་རེད།།
འབྲི་ཀློག་ཁྱར་ཁྱོར་ཙམ་གྱིས་རང་སེམས་གསོ།།
རང་གི་ངོམ་རྒྱུ་གཞན་ལ་སྟོན་རྒྱུའི་འབག།།
ཕྱི་རྫིག་ཁོག་སྟོང་གྱོན་མཁན་ཇེ་མང་རེད།།
ཕ་མེས་རིག་གཞུང་སྙིང་གི་ཟུངས་སུ་སྨིན།།
དེང་རབས་རིག་གསར་ཕྱི་ཡི་རྒྱན་དུ་བསུ།།
གནའ་དེང་ཟུང་འབྲེལ་དུས་རབས་ལང་ཚོ་ཡི།།
སྒེག་ཉམས་ངོམ་མཁན་གླིང་འདིར་ཇེ་ཉུང་རེད།།
དེང་རབས་རིག་གསར་ཕྱི་ཡི་རྒྱན་དུ་བསུ།།
གནའ་དེང་ཟུང་འབྲེལ་དུས་རབས་ལང་ཚོ་ཡི།།
སྒེག་ཉམས་ངོམ་མཁན་གླིང་འདིར་ཇེ་ཉུང་རེད།།
ཁྱོད་ཀྱིས་དབྱིན་ཡིག་སྦྱོང་གིན་རང་ལམ་འཚོལ།།
ང་ཡིས་རྒྱ་ཡིག་སྦྱོང་གིན་ལྟོ་བ་གསོ།།
ཁོང་གིས་ཧྤ་ཡིག་སྦྱོང་གིན་ངོམ་གསོ་བྱེད།།
སྐད་ཡིག་སྣ་ཚོགས་སྦྱོང་མཁན་ཇེ་མང་རེད།།
ང་ཡིས་རྒྱ་ཡིག་སྦྱོང་གིན་ལྟོ་བ་གསོ།།
ཁོང་གིས་ཧྤ་ཡིག་སྦྱོང་གིན་ངོམ་གསོ་བྱེད།།
སྐད་ཡིག་སྣ་ཚོགས་སྦྱོང་མཁན་ཇེ་མང་རེད།།
བོད་སྐད་བོད་ཡིག་གླེང་གིན་འུར་སྒྲ་སྒྲོག།།
བོད་དོན་བོད་སྐོར་སྒྲུབ་ཀྱིན་འདུར་རྒྱུག་བྱེད།།
བོད་མིས་བོད་མིར་འཕྱ་གིན་ལོ་ཟླ་སྦྲེལ།།
བོད་པ་བོད་ལ་ཞེན་མཁན་ཇེ་ཉུང་རེད།།
བོད་དོན་བོད་སྐོར་སྒྲུབ་ཀྱིན་འདུར་རྒྱུག་བྱེད།།
བོད་མིས་བོད་མིར་འཕྱ་གིན་ལོ་ཟླ་སྦྲེལ།།
བོད་པ་བོད་ལ་ཞེན་མཁན་ཇེ་ཉུང་རེད།།
ཕྱོགས་བཞིར་ཚོགས་པ་ཆེ་མ་ཆུང་གསུམ་མང་།།
སྤྱི་དོན་སྒེར་དོན་སྒྲུབ་མཁན་ཤིན་ཏུ་མང་།།
འཛམ་གླིང་ཕྱོགས་བཅུར་ལག་པ་སྲིང་མཁན་མང་།།
དོན་དམ་རྩ་དོན་སྒྲུབ་མཁན་ཇེ་ཉུང་རེད།།
སྤྱི་དོན་སྒེར་དོན་སྒྲུབ་མཁན་ཤིན་ཏུ་མང་།།
འཛམ་གླིང་ཕྱོགས་བཅུར་ལག་པ་སྲིང་མཁན་མང་།།
དོན་དམ་རྩ་དོན་སྒྲུབ་མཁན་ཇེ་ཉུང་རེད།།
གཞིས་ཆགས་སློབ་གྲྭ་དགོན་སྡེ་ཤིན་ཏུ་མང་།།
ཞིང་ལས་སློབ་གཉེར་བྱ་བར་གཞོལ་མཁན་ཉུང་།།
རེ་བའི་འདུན་པ་སྲིད་པའི་རྩེ་མོར་བསྙེགས།།
དོན་གྱི་འབྲས་བུས་སྟོངས་པ་ཇེ་མང་རེད།།
ཞིང་ལས་སློབ་གཉེར་བྱ་བར་གཞོལ་མཁན་ཉུང་།།
རེ་བའི་འདུན་པ་སྲིད་པའི་རྩེ་མོར་བསྙེགས།།
དོན་གྱི་འབྲས་བུས་སྟོངས་པ་ཇེ་མང་རེད།།
ཡུལ་གྱར་ལས་དབང་ལོ་ཟླ་ཤིན་ཏུ་རིང་།།
བདེན་དོན་འཐབ་རྩོད་དབུགས་ཐག་ཤིན་ཏུ་ཐུང་།།
རིང་ཐུང་འགལ་ཟླ་མང་བའི་མེ་ལོང་ནང་།།
སེམས་ལ་བདེ་སྐྱིད་ཚོར་མཁན་ཇེ་ཉུང་རེད།།
བདེན་དོན་འཐབ་རྩོད་དབུགས་ཐག་ཤིན་ཏུ་ཐུང་།།
རིང་ཐུང་འགལ་ཟླ་མང་བའི་མེ་ལོང་ནང་།།
སེམས་ལ་བདེ་སྐྱིད་ཚོར་མཁན་ཇེ་ཉུང་རེད།།
ས་མཐའི་མགྲོན་པོ་ནུབ་ལ་འཚང་ཁ་ཆེ།།
ནུབ་ཀྱི་གཡོག་པོ་བོད་ལ་འཚང་ཁ་ཆེ།།
མགྲོན་པོ་གཡོག་པོ་རྒྱུ་ལ་འཚང་ཁ་ཆེ།།
འཚང་ཁ་ཆེ་བའི་གཏམ་རྒྱུད་ཇེ་མང་རེད།།
ནུབ་ཀྱི་གཡོག་པོ་བོད་ལ་འཚང་ཁ་ཆེ།།
མགྲོན་པོ་གཡོག་པོ་རྒྱུ་ལ་འཚང་ཁ་ཆེ།།
འཚང་ཁ་ཆེ་བའི་གཏམ་རྒྱུད་ཇེ་མང་རེད།།
རིགས་པའི་བློ་མིག་ཞར་བ་གཅིག་གཉིས་མིན།།
ལྷག་བསམ་སོལ་བར་བསྒྱུར་བ་གཅིག་གཉིས་མིན།།
སེམས་ཤུགས་དར་ཁ་འགྲིགས་པའང་གཅིག་གཉིས་མིན།།
ལྷད་མེད་རྩམ་གཟན་གདོང་དམར་ཇེ་ཉུང་རེད།།
ལྷག་བསམ་སོལ་བར་བསྒྱུར་བ་གཅིག་གཉིས་མིན།།
སེམས་ཤུགས་དར་ཁ་འགྲིགས་པའང་གཅིག་གཉིས་མིན།།
ལྷད་མེད་རྩམ་གཟན་གདོང་དམར་ཇེ་ཉུང་རེད།།
རང་གི་གཏམ་སྙན་སྟོང་གསུམ་ཁྱོན་དུ་སྒྲོག།།
གཞན་གྱི་མཚང་རྡུལ་རི་རབ་ཟོལ་དུ་བཅོས།།
རང་ལྟ་མཆོག་འཛིན་ལྟ་བའི་སྲོག་ཏུ་གཅེས།།
དཔྱོད་ཤེས་བློ་མིག་བྲལ་བ་ཇེ་མང་རེད།།
གཞན་གྱི་མཚང་རྡུལ་རི་རབ་ཟོལ་དུ་བཅོས།།
རང་ལྟ་མཆོག་འཛིན་ལྟ་བའི་སྲོག་ཏུ་གཅེས།།
དཔྱོད་ཤེས་བློ་མིག་བྲལ་བ་ཇེ་མང་རེད།།
ཕ་ཡུལ་ཕ་མའི་བཀའ་དྲིན་སྙིང་ནས་དྲན།།
ཕ་མེས་ཕ་སའི་ལོ་རྒྱུས་མིག་ལ་འཆར།།
ཕ་རྒོད་ཕ་མའི་ཞལ་ལུང་སེམས་ལ་ཉར།།
ཕ་ཡུལ་ཕ་མ་བསམ་ན་རིག་པ་སྒྲིམས།།
ཕ་མེས་ཕ་སའི་ལོ་རྒྱུས་མིག་ལ་འཆར།།
ཕ་རྒོད་ཕ་མའི་ཞལ་ལུང་སེམས་ལ་ཉར།།
ཕ་ཡུལ་ཕ་མ་བསམ་ན་རིག་པ་སྒྲིམས།།
ཇེ་མང་ཇེ་ཉུང་གཏམ་རྒྱུད་ཐར་ཐོར་རྣམས།།
གོ་ལའི་རྣ་བས་ཐོས་ཤིང་མིག་གིས་རིག།།
སེམས་ཀྱིས་བསམ་རྗེས་སེམས་ཀྱིས་ལེགས་པར་སོམས།།
སེམས་ངོ་འཕྲོད་རྗེས་སྙིང་གར་དོགས་གཟོན་མཛོད།།
གོ་ལའི་རྣ་བས་ཐོས་ཤིང་མིག་གིས་རིག།།
སེམས་ཀྱིས་བསམ་རྗེས་སེམས་ཀྱིས་ལེགས་པར་སོམས།།
སེམས་ངོ་འཕྲོད་རྗེས་སྙིང་གར་དོགས་གཟོན་མཛོད།།
ང་ཡི་བསམ་གཞིགས་ཀློང་ནས་ཐོལ་གྱིས་བྱུང་།།
ཁྱེད་ཀྱི་སྤྱན་ཟུང་སྤྱི་ཚོགས་སྟེང་དུ་གཟིགས།།
ཁོང་གིས་བསམ་ཚེ་དུས་གསུམ་ལུང་བསྟན་ཡིན།།
བསེ་རུ་སྨྱོ་བའི་སྨྱོ་གཏམ་ཡིན་མིན་གཟིགས།།
ཁྱེད་ཀྱི་སྤྱན་ཟུང་སྤྱི་ཚོགས་སྟེང་དུ་གཟིགས།།
ཁོང་གིས་བསམ་ཚེ་དུས་གསུམ་ལུང་བསྟན་ཡིན།།
བསེ་རུ་སྨྱོ་བའི་སྨྱོ་གཏམ་ཡིན་མིན་གཟིགས།།
རྩོམ་ཁུངས། ངེད་དྲ་བ།