བཙོན་རའི་སྙན་ངག

 

 

སྲིད་པའི་ལོངས་སྤྱོད་མ་ཁུག་འོབས་སུ་མཆོངས་པ།།
འཁོར་བའི་སྡུག་ཡུས་མ་ཐེག་གཡང་ལ་ཞུགས་པ།།
ཆུང་མའི་མཛེས་པ་མ་བཟོད་ཧེབ་ཀྱིས་བསྙབས་པ།།
ཀུན་ཀྱང་རྨོངས་པའི་དབང་གིས་འདི་རུ་ལྷགས་པ།།
 
གནོང་བའི་མགོ་བོ་སྲ་མོ་གྱང་ལ་བསྙེས་ཏེ།།
ཡིད་ཆད་སྤར་མོ་བྲང་གི་ཤ་སྐྱིར་འཐམས་ནས།།
སྤྱང་མདོག་ཙམ་གྱིས་མགོ་བོ་དཀྲུག་དཀྲུག་བྱས་ཀྱང་།།
སྡིག་པའི་གྲིབ་སོ་དེ་ལ་གཡོལ་ས་མེད་པ།།
 
ལེ་ལན་གཞན་ལ་འཕེན་པ་སྡུག་གི་འཁུན་ངར།།
ཁུར་བོ་རང་གིས་འཁུར་བ་ཉེས་པའི་བྱབས་དྲི།།
མི་ཐེག་ལོ་དང་ཟླ་བས་གཉའ་བ་སྒུར་དུས།།
རུས་སྒྲོམ་ཀོག་པོ་དྲུད་ནས་གང་ལ་འཁྱམས་པ།།

ཉིན་ལ་བྲེལ་བས་ངལ་བ་བུ་ལ་མ་རེ།།
མཚན་ལ་གཉིད་ཐུན་ཆག་པ་ཆུང་མ་མ་ཕན།།
ཆགས་སྲེད་ཁབ་ཏུ་བསོགས་པའི་སྒྱེ་མོའི་ནང་ནས།།
མི་གཙང་ཁུ་བའི་རོ་ངར་ཁྱོར་དུ་ཟགས་པ།།
 
བུ་སྡུག་འཁོར་བར་ཕྱོགས་པའི་འཆིང་བ་ཇེ་དམ།།
ཁྱིམ་སྡུག་ཆུང་མར་ཆགས་པའི་བཟི་ཁ་ཇེ་བཙན།།
ཁེར་རྐྱང་མལ་ཁྲིའི་སྟེང་གི་མགོ་རུས་ཀོག་པོ།།
རྨི་ལམ་དགའ་མའི་བྲང་ལ་ཡང་ཡང་བསྙེས་པ།།
 
སྟོང་བསམ་ལེ་ལོའི་ཐང་ལ་བར་མེད་ཉུལ་ནས།།
མི་ཚོར་དགའ་བའི་དྲི་ལ་ཡང་ཡང་བསྣམས་ཀྱང་།།
ཟིན་མེད་འཁོར་བའསི་རླུང་གིས་ཕར་ཕར་ཁུར་བས།།
གང་ཞིག་ཐོབ་པའི་རེ་བ་ཇེ་ཉུང་ཇེ་ཉུང་།།
 
དལ་ཅིག་སྡོད་ལོང་མེད་པའི་སེམས་ཀྱི་འཕྲུལ་འདི།།
ལ་དང་ལུང་བ་བརྒལ་ནས་གང་དུ་ཆས་ཀྱང་།།
ཤ་ཁྲག་རྣག་གིས་ཁེངས་པའི་ཕྱི་ཡི་གྲིབ་གཟུགས།།
ཆད་པ་སྟོང་གི་སྣེ་ནས་གང་དུ་མ་སོང་།།
 
སྒྱུ་ལུས་གཡར་བའི་སྣང་བ་ཁྱོད་ལ་མ་སྐྱེས།།
མི་རྟག་འཁོར་བའི་ཆོས་ལ་བསྒོམས་འབྲས་ང་མེད།།
འུ་གཉིས་འདོད་པའི་ཐ་གུ་ཕར་འཐེན་ཚུར་འཐེན།།
ནམ་ཞིག་ཆད་པའི་སྣེ་ནས་རང་སར་འགྱེལ་བ།།
        2012.7.9 ཉིན།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བཙོན་རའི་སྙན་ངག

2013-11-28 མུར་སྤྱན་ཆབ། ཀློག་གྲངས། མཆན ཡོད།

 

 

སྲིད་པའི་ལོངས་སྤྱོད་མ་ཁུག་འོབས་སུ་མཆོངས་པ།།
འཁོར་བའི་སྡུག་ཡུས་མ་ཐེག་གཡང་ལ་ཞུགས་པ།།
ཆུང་མའི་མཛེས་པ་མ་བཟོད་ཧེབ་ཀྱིས་བསྙབས་པ།།
ཀུན་ཀྱང་རྨོངས་པའི་དབང་གིས་འདི་རུ་ལྷགས་པ།།
 
གནོང་བའི་མགོ་བོ་སྲ་མོ་གྱང་ལ་བསྙེས་ཏེ།།
ཡིད་ཆད་སྤར་མོ་བྲང་གི་ཤ་སྐྱིར་འཐམས་ནས།།
སྤྱང་མདོག་ཙམ་གྱིས་མགོ་བོ་དཀྲུག་དཀྲུག་བྱས་ཀྱང་།།
སྡིག་པའི་གྲིབ་སོ་དེ་ལ་གཡོལ་ས་མེད་པ།།
 
ལེ་ལན་གཞན་ལ་འཕེན་པ་སྡུག་གི་འཁུན་ངར།།
ཁུར་བོ་རང་གིས་འཁུར་བ་ཉེས་པའི་བྱབས་དྲི།།
མི་ཐེག་ལོ་དང་ཟླ་བས་གཉའ་བ་སྒུར་དུས།།
རུས་སྒྲོམ་ཀོག་པོ་དྲུད་ནས་གང་ལ་འཁྱམས་པ།།

ཉིན་ལ་བྲེལ་བས་ངལ་བ་བུ་ལ་མ་རེ།།
མཚན་ལ་གཉིད་ཐུན་ཆག་པ་ཆུང་མ་མ་ཕན།།
ཆགས་སྲེད་ཁབ་ཏུ་བསོགས་པའི་སྒྱེ་མོའི་ནང་ནས།།
མི་གཙང་ཁུ་བའི་རོ་ངར་ཁྱོར་དུ་ཟགས་པ།།
 
བུ་སྡུག་འཁོར་བར་ཕྱོགས་པའི་འཆིང་བ་ཇེ་དམ།།
ཁྱིམ་སྡུག་ཆུང་མར་ཆགས་པའི་བཟི་ཁ་ཇེ་བཙན།།
ཁེར་རྐྱང་མལ་ཁྲིའི་སྟེང་གི་མགོ་རུས་ཀོག་པོ།།
རྨི་ལམ་དགའ་མའི་བྲང་ལ་ཡང་ཡང་བསྙེས་པ།།
 
སྟོང་བསམ་ལེ་ལོའི་ཐང་ལ་བར་མེད་ཉུལ་ནས།།
མི་ཚོར་དགའ་བའི་དྲི་ལ་ཡང་ཡང་བསྣམས་ཀྱང་།།
ཟིན་མེད་འཁོར་བའསི་རླུང་གིས་ཕར་ཕར་ཁུར་བས།།
གང་ཞིག་ཐོབ་པའི་རེ་བ་ཇེ་ཉུང་ཇེ་ཉུང་།།
 
དལ་ཅིག་སྡོད་ལོང་མེད་པའི་སེམས་ཀྱི་འཕྲུལ་འདི།།
ལ་དང་ལུང་བ་བརྒལ་ནས་གང་དུ་ཆས་ཀྱང་།།
ཤ་ཁྲག་རྣག་གིས་ཁེངས་པའི་ཕྱི་ཡི་གྲིབ་གཟུགས།།
ཆད་པ་སྟོང་གི་སྣེ་ནས་གང་དུ་མ་སོང་།།
 
སྒྱུ་ལུས་གཡར་བའི་སྣང་བ་ཁྱོད་ལ་མ་སྐྱེས།།
མི་རྟག་འཁོར་བའི་ཆོས་ལ་བསྒོམས་འབྲས་ང་མེད།།
འུ་གཉིས་འདོད་པའི་ཐ་གུ་ཕར་འཐེན་ཚུར་འཐེན།།
ནམ་ཞིག་ཆད་པའི་སྣེ་ནས་རང་སར་འགྱེལ་བ།།
        2012.7.9 ཉིན།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།