གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁོ་བོ།

2014-02-04 16:11:00 བྲག་གཞིས་བུ།༼གཞིས་ཀ་རྩེ༽ ཀློག་གྲངས། མཆན ཡོད།


ཆུ་ཐིགས་ཤིག་དང་འདྲ་བའི་མིག་ཆུ་འདི།།
སུ་ཡི་བྲང་གཞུང་བརྟོལ་བའི་ལྟེང་ཀ་ཡིན།།
ཆུ་མིག་དེ་ནི་ལྷ་ཡི་བདུད་རྩི་བཞིན།།
བདག་གི་སེམས་པ་བཅིངས་པའི་ཞགས་པ་ཡིན།།

རླུང་བུ་ཞིག་དང་འདྲ་བའི་འདྲེན་བྱེད་ཟུང་།།
ཡང་ཡང་གཡོ་ཞིང་ཕྱོགས་སུ་རྒྱུ་བར་བྱེད།།
མིག་ཟུང་དེ་ནི་དཔྱིད་ཀྱི་ཕོ་ཉ་བཞིན།།
ཁྱེད་དང་ང་ཡི་སེམས་པ་ལྷན་དུ་བསུས།།

གྲུ་ཆུང་ཞིག་དང་འདྲ་བའི་གོམ་ཆུང་འདི།།
འཇིག་རྟེན་མཚོ་མོ་འཁྱོམ་པའི་རླབས་ཀྱིས་དེད།།
གོམ་ཆུང་དེ་ནི་སེར་བྱ་ངང་པ་འདྲ།།
མཚོ་མོའི་རླབས་ལ་འཁྱུད་དེ་རྩེད་འཇོར་རོལ།།
           ༢༠༡༣ ་ ༡༡ ་ ༢༦ ཉིན་དགོང་དྲོར་བྲིས།
 
       
(མཆོད་མེ་དྲ་བའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།