བཤེར་འཚོལ།
སྨིན་དྲུག་ལྷ་མོ།(ཞར་བཀོད་གཅིག་ཡོད)
སྨིན་དྲུག་ལྷ་མོ་ནམ་མཁར་ཤར།།
མཛེས་པའི་འཇའ་རིས་རི་མོ་འདྲ།།
སྟོང་ཆེན་ཡོམ་ཡོམ་འགུལ་ན་ཡང་།།
དབྱངས་ལ་སྦྱུར་བའི་སྨིན་དྲུག་མ།།
གཡོ་འགུལ་གང་ཡང་མ་མཆིས་སོ།།
སྨིན་དྲུག་ཞི་བའི་དབྱངས་ལ་སྦྱར།།
མགུར་མའི་ཁྱེད་ཉིད་དྲན་པར་བྱ།།
འཁོར་འདས་གཉིས་ཀྱི་བར་སྣང་ལ།།
ཞེ་བློ་འཁྲེང་བའི་སྤྲིན་དཀར་མ།།
སྲིད་པའི་མེ་ལོང་ནང་ན་མཛེས།།
ཚིག་ལ་བཏགས་པའི་དུང་བ་ཤིག།
འགྱུར་མེད་གཡུ་དྲུང་རི་མོ་བཞིན།།
སེམས་ལ་བབས་པའི་སྨིན་དྲུག་མ།།
ཞལ་དཀར་ཟླ་བའི་རང་བཞིན་ཞིག།
ཞེ་ལ་ཡང་ཡང་འཁོར་བར་སྲིད།།
འཁོར་བ་སྒྱུ་འཕྲུལ་དྲ་བའི་ནང་།།
སེམས་ཉིད་ངང་གིས་མ་སྡོད་པར།།
བར་སྣང་སྤྲིན་དཀར་རྗེས་སུ་སྙེག།
སྨིན་དྲུན་ལྷ་མོ་ཞི་བར་བཞུགས།།
མཐོང་སྣང་ཡིད་ཀྱིས་སྨོན་པ་ཤོར།།
སེམས་ཉིད་ཏིང་འཛིན་ངང་ལ་བཞག།
སྟོང་ཉིད་དབྱིངས་སུ་མི་གཡོ་བ།།
སྨིན་དྲུག་ལྷ་མོ་རང་གཟུགས་རེད།།
མ་བཅོས་སེམས་ཀྱི་གཤིས་ངོར་ལ།།
ཁྱེད་ཞལ་མ་གཏོགས་མཇལ་རྒྱུ་མེད།།
དུངས་བའི་ཚིག་གི་འདབ་མ་ལ།།
སེམས་ལ་བབས་པའི་གསང་ཚིག་བྲིས།།
སྙིང་གཏམ་རྒྱ་མཚོ་ཕ་རོལ་བརྒལ།།
མགུར་མའི་སྙན་ཚིག་གཙང་ཆུ་འདི།།
རྒྱུན་ཆད་མེད་པར་རབ་ཏུ་བརྒལ།།
དབྱངས་ཀྱི་ཆོ་འཕྲུལ།
ཟླ་དཀར་ཞིག་མཁའ་ནས་འཛུམ་པ།།
སེམས་པ་ཞིག་དེེར་ལ་ཕྱོགས་ནས།།
མགུར་མ་ཞིག་སེམས་ལ་སྦྱར་ནས།།
བརྩེ་བ་ཞིག་རྒྱ་མཚོ་འཁྱིལ་བཞིན།།
ཉི་ཟེར་ཞིག་དལ་གྱིས་འཕྲོས་པ།།
ལྷ་མོ་ཞིག་སེམས་སུ་འཕྲོས་པའི།།
དྲན་ཚིག་ཞིག་ཉི་ཟེར་བརྒྱུད་ནས།།
ལྷ་མཛེས་དེའི་སྙིང་ལ་འཐུམ་ཡོད།།
ཁ་བ་ཞིག་འབབ་ཕྱོགས་ཤིག་གིས།།
གངས་དཀར་ཞིག་ལྷ་རུ་སྒོམ་ཡོད།།
བརྩེ་བ་ཞིག་སེམས་ལ་སྦྱར་ནས།།
ལྷ་མོ་ཞིག་སྙིང་དབུས་འཐུམ་ཡོད།།
མེ་ཏོག་ཞིག་འཛུམ་གྱིས་འཚོལ་བ།།
དཀར་མོ་དེ་ཡིན་པར་མཚོན་ཡོད།།
དུངས་བ་ཞིག་སྤྲིན་པ་སྤྲུལ་བཞིན།།
སྨིན་དྲུག་དེའི་སེམས་སུ་སྦྱར་ཡོད།།
ལྷ་དཀར་ཞིག་དད་ཕྱག་འཚལ་ནས།།
སེམས་པ་ཞིག་སེམས་ལ་སྦྱར་ནས།།
ལས་དབང་ཞིག་ལྷ་ལ་བཅོལ་བཞིན།།
གཡུ་ཆུང་ཞིག་སེམས་སུ་ཆགས་ཡོད།།
དྲན་པ་ཞིག་རླུང་བུ་འགུལ་འགུལ།།
ཟླ་བ་དེའི་ཕྱོགས་སུ་འགུལ་ཡོད།།
ཚིག་མགུར་ཞིག་ངག་ལ་སྦྱར་ནས།།
དྲན་པ་ཞིག་སླར་ཡང་དྲན་འོང་།།
རྩོམ་སྒྲིག་པ། གངས་དགའ།
མཛེས་པའི་འཇའ་རིས་རི་མོ་འདྲ།།
སྟོང་ཆེན་ཡོམ་ཡོམ་འགུལ་ན་ཡང་།།
དབྱངས་ལ་སྦྱུར་བའི་སྨིན་དྲུག་མ།།
གཡོ་འགུལ་གང་ཡང་མ་མཆིས་སོ།།
སྨིན་དྲུག་ཞི་བའི་དབྱངས་ལ་སྦྱར།།
མགུར་མའི་ཁྱེད་ཉིད་དྲན་པར་བྱ།།
འཁོར་འདས་གཉིས་ཀྱི་བར་སྣང་ལ།།
ཞེ་བློ་འཁྲེང་བའི་སྤྲིན་དཀར་མ།།
སྲིད་པའི་མེ་ལོང་ནང་ན་མཛེས།།
ཚིག་ལ་བཏགས་པའི་དུང་བ་ཤིག།
འགྱུར་མེད་གཡུ་དྲུང་རི་མོ་བཞིན།།
སེམས་ལ་བབས་པའི་སྨིན་དྲུག་མ།།
ཞལ་དཀར་ཟླ་བའི་རང་བཞིན་ཞིག།
ཞེ་ལ་ཡང་ཡང་འཁོར་བར་སྲིད།།
འཁོར་བ་སྒྱུ་འཕྲུལ་དྲ་བའི་ནང་།།
སེམས་ཉིད་ངང་གིས་མ་སྡོད་པར།།
བར་སྣང་སྤྲིན་དཀར་རྗེས་སུ་སྙེག།
སྨིན་དྲུན་ལྷ་མོ་ཞི་བར་བཞུགས།།
མཐོང་སྣང་ཡིད་ཀྱིས་སྨོན་པ་ཤོར།།
སེམས་ཉིད་ཏིང་འཛིན་ངང་ལ་བཞག།
སྟོང་ཉིད་དབྱིངས་སུ་མི་གཡོ་བ།།
སྨིན་དྲུག་ལྷ་མོ་རང་གཟུགས་རེད།།
མ་བཅོས་སེམས་ཀྱི་གཤིས་ངོར་ལ།།
ཁྱེད་ཞལ་མ་གཏོགས་མཇལ་རྒྱུ་མེད།།
དུངས་བའི་ཚིག་གི་འདབ་མ་ལ།།
སེམས་ལ་བབས་པའི་གསང་ཚིག་བྲིས།།
སྙིང་གཏམ་རྒྱ་མཚོ་ཕ་རོལ་བརྒལ།།
མགུར་མའི་སྙན་ཚིག་གཙང་ཆུ་འདི།།
རྒྱུན་ཆད་མེད་པར་རབ་ཏུ་བརྒལ།།
དབྱངས་ཀྱི་ཆོ་འཕྲུལ།
ཟླ་དཀར་ཞིག་མཁའ་ནས་འཛུམ་པ།།
སེམས་པ་ཞིག་དེེར་ལ་ཕྱོགས་ནས།།
མགུར་མ་ཞིག་སེམས་ལ་སྦྱར་ནས།།
བརྩེ་བ་ཞིག་རྒྱ་མཚོ་འཁྱིལ་བཞིན།།
ཉི་ཟེར་ཞིག་དལ་གྱིས་འཕྲོས་པ།།
ལྷ་མོ་ཞིག་སེམས་སུ་འཕྲོས་པའི།།
དྲན་ཚིག་ཞིག་ཉི་ཟེར་བརྒྱུད་ནས།།
ལྷ་མཛེས་དེའི་སྙིང་ལ་འཐུམ་ཡོད།།
ཁ་བ་ཞིག་འབབ་ཕྱོགས་ཤིག་གིས།།
གངས་དཀར་ཞིག་ལྷ་རུ་སྒོམ་ཡོད།།
བརྩེ་བ་ཞིག་སེམས་ལ་སྦྱར་ནས།།
ལྷ་མོ་ཞིག་སྙིང་དབུས་འཐུམ་ཡོད།།
མེ་ཏོག་ཞིག་འཛུམ་གྱིས་འཚོལ་བ།།
དཀར་མོ་དེ་ཡིན་པར་མཚོན་ཡོད།།
དུངས་བ་ཞིག་སྤྲིན་པ་སྤྲུལ་བཞིན།།
སྨིན་དྲུག་དེའི་སེམས་སུ་སྦྱར་ཡོད།།
ལྷ་དཀར་ཞིག་དད་ཕྱག་འཚལ་ནས།།
སེམས་པ་ཞིག་སེམས་ལ་སྦྱར་ནས།།
ལས་དབང་ཞིག་ལྷ་ལ་བཅོལ་བཞིན།།
གཡུ་ཆུང་ཞིག་སེམས་སུ་ཆགས་ཡོད།།
དྲན་པ་ཞིག་རླུང་བུ་འགུལ་འགུལ།།
ཟླ་བ་དེའི་ཕྱོགས་སུ་འགུལ་ཡོད།།
ཚིག་མགུར་ཞིག་ངག་ལ་སྦྱར་ནས།།
དྲན་པ་ཞིག་སླར་ཡང་དྲན་འོང་།།
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།