བཤེར་འཚོལ།
མེ་ལོང་ནང་གི་ཤྭ་ཡུ་མོ།
འདི་ནས་ཁ་བ་འབབ་ཅིང་འཁྱག་པར་གྱུར།།
རི་ནས་གྲང་རླུང་ལྡང་ཞིང་འཁྱག་པར་གྱུར།།
ནང་སེམས་ཞི་བའི་ལས་དེ་འཁྱག་པའི་ཚེ།།
ཐག་རིང་མེ་ལོང་ནང་གི་ཡུ་མོ་ལགས།།
འཁྱག་པར་ཨེ་འདུག་རླུང་ལ་འཕྲིན་པ་བསྐུར།།
རྣམ་རྟོག་རི་མོའི་གམ་དུ་སླེབས་པའི་ཚེ།།
མི་སྨྲ་བརྟུལ་ཞུགས་འཛིན་པའི་ལྷ་མོ་ཁོང་།།
དབྱངས་ཅན་ལ་མོ་སྒང་དུ་རི་དྭགས་སྤྲུལ།།
རབ་ཏུ་གསང་བའི་གྲོལ་བ་རུ།།
ཡིད་འོང་ལས་ཀྱི་ལྗོན་པ་ལྡེམ།།
མཚན་མོའི་སྐར་མ་སྤྲོ་གར་ཅན།།
དགའ་འཛིན་པདྨའི་རྫིང་བུ་ཁ།།
སྨིན་མ་ཆགས་པའི་གཞས་ཤིག་བཀུག།
རྒུད་པ་བྲལ་བའི་སྙིང་བོ་ཅན།།
སྒྱུ་འཕྲུལ་གན་དུ་བཏབ་པའི་ཚེ།།
མཛེས་པའི་མེ་ལོང་བཅོས་སུ་མེད།།
གཡུ་ལོ་རྒྱས་ཀྱང་ཐ་དད་སྣང་།།
ཡིད་ཀྱི་དྲི་མ་གང་ནས་དག།
གཡུ་ལོ་བཀོད་པའི་ནགས་མའི་ཚལ།།
རྣལ་འབྱོར་དེ་དང་ཡུ་མོའི་གར།།
སྣང་སྲིད་གཉིས་སུ་མཛེས་པས་ཁྱབ།།
ཟླ་བའི་ཞལ་རས་ཚང་ཚིང་ནགས་སུ་ལྷུང་།།
ཀ་ལ་པིང་ཀ་རྣ་བའི་གྲོགས་སུ་བརྟན།།
སྒྱུ་མའི་རང་སྣང་འབར་བའི་ལས་ཀྱི་གར།།།
མེ་ལོང་སྐྱ་བོའི་སྟེང་ནས་རག་ཙམ་གསལ།།
གང་ཞིག་མ་གཡེལ་རྙི་ལས་མ་ཤོར་གོང་།།
དབྱངས་ཀྱི་ཆུ་འཛིན་ཡིད་ཀྱིས་བཟུང་བའི་ཚེ།།
སྲེེད་ལྡན་ངག་གི་ཐོགས་རེག་དང་བྲལ་མེད།།
སྒྱུ་མའི་གཞིས་ཀྱི་བར་སྣང་དུ།།
ཉེ་བར་འཁྲུངས་བའི་ཁྲུང་ཁྲུང་ཁོང་།།
ལས་ཀྱི་རྣམ་སྨིན་དཀར་ནག་ཅན།།
སྲོད་ཀའི་མཚམས་སུ་སྨིན་པའི་ཚེ།།
ཨུཏྤལ་སེམས་གཞས་ས་རུ་རྒྱུ།།
རྨུ་ཐག་བརྒྱུད་ནས་གསོན་བྱུང་ངམ།།
འདི་ནས་ཐུག་བྱུང་མ་ཟེེར་རོགས།།
གླིང་གི་མཚོ་མོའི་ཉག་ག་ཅན།།
ཁྲུང་ཁྲུང་ཁྱོད་རང་འཕུར་ལམ་འདུག།
མ་དྲིས་ངག་གི་བརྗོད་པའི་གན།།
སྔ་ཕྱི་གཉིས་ཀྱི་ལན་ཆགས་འདུག།
རྫོགས་ཚིག་ལས་ཀྱི་ལ་མོའི་འདབས།།
ཤྭ་བ་ཡུ་མོའི་དྲན་པ་གསལ།།
དྲན་པ་གསལ་བའི་གོ་རིམ་ནང་།།
སྨྲེང་བ་བརྒྱ་རྩ་གར་དུ་བཤམས།།
མགུར་རེར་ནང་ལ་མགུར་མ་དབྱངས་ཅན་མ།།
སེམས་སུ་འབབ་ཚེ་ངག་གི་རྡོ་བ་བཞད།།
བར་སྐོར་སེམས་གཞས་ཁྲོམ་དུ་བཞད་པའི་ཚེ།།
ཚངས་དབྱངས་རྒྱ་མཚོ་དེ་ཡི་གཏམ་ཞིག་དྲན།།
གྱེས་ཁ་གཡུ་ཡིས་བཀོད་པའི་སྐྱེད་མོས་ཚལ།།
ཕྱི་གསལ་ནང་གསལ་ཅན་གྱི་ཟློས་གར་ཞིག།
ར་སའི་འཕྲུལ་སྣང་གམ་དུ་འཁྲབ་པ་རྨིས།།
མ་སྐྱེས་ཨ་མ་ཟེར་བའི་ཇ་ཡི་མཁར།།
ཟློས་གར་ལས་ཀྱི་འཇའ་ཚོན་འཁྲབ་པ་རྨིས།།
མེ་ལོང་དེ་ཡང་ས་རུ་ལྷུང་།།
ཁ་དོག་དེ་ཡང་འགྱུར་བ་འདུག།
ལག་ཏུ་བཟུང་བའི་བརྩེ་བ་དེ།།
ས་རུ་འབབ་ཚེ་གང་ཞིག་འགྱུར།།
ཡིད་ལ་བྲིས་པའི་རླབས་ཕྲེང་དེ།།
གཙང་བོའི་བྲུག་ཅིང་གང་སར་བཞུར།།
ལྷ་མོའི་ཁམས་སུ་འབབ་པའི་ཚེ།།
རིན་ཆེན་ལ་མོའི་རི་འདབས་སུ།།
སེམས་གཞས་ངག་ཅིག་བདག་ལ་གནང་།།
མྱ་ངན་ཐང་གི་ཡིག་འབྲུ་ལ།།
དབུས་ལམ་དཀར་པོའི་ཉིན་ཞག་ཏུ།།
ངལ་དུབ་མགུར་ལ་ཁྱོད་རང་གླེང་།།
ལྷ་སའི་ཡུལ་ནས་ཕེབས་བྱུང་ངམ།།
སྨྲེང་བ་བཞེང་མཁན་ཨེ་ཡིན་ནམ།།
གཡུ་ཆུང་ངག་གི་པི་ཝང་ཅན།།
བདག་ལ་གནང་བ་གཞུག་ཏུ་ལུས།།
ཚངས་རྒྱམ་སྨྲེང་བའི་བར་སྐོར་གླིང་།།
བརྩེ་བའི་རྡོ་བ་བཞད་འདུག་གམ།།
ཇི་གའི་ལས་ཀྱི་ཚང་ཚིང་ནགས།།
བདག་ཉིད་དབང་བའི་ནགས་མའི་ཚལ།།
ཡིག་འབྲུ་ནག་པོའི་སྐྱེ་བར་བླངས།།
ཁྱོད་རང་མཚོན་པའི་ཡིག་འབྲུ་ཡིན།།
ཁྲུང་ཁྲུང་དཀར་མོའི་འཕུར་ལམ་ཡག་ཅིག་རྣམ་པའི་གར་དེ་ཡིད་གར་འོང་།།
འཕུར་གྱིན་འཕུར་ཚེ་སྐྱོ་གར་མེ་ལོང་མེ་ཏོག་གླིང་ནས་དལ་གྱིས་ཤར།།
མ་དམིགས་ངག་གིས་སྡང་བའི་སེམས་བྱུང་ལ་མོའི་མཚམས་ནས་ཆད་པའི་ཚེ།།
མ་རྙིང་ཨུཏྤལ་ངག་ཏུ་ལྷུང་འདུག་ཡུན་ཚད་མེ་ལོང་བློ་རུ་འཁྲུལ།།
ཨ་གསར་ངག་གི་ཐག་རིང་དུ།།
རྨས་མ་ཅན་དེ་གང་ནས་འདྲོགས།།
ཡིད་འོང་ལ་ཡི་རྐེད་པ་རུ།།
གཏམ་རྒྱུད་ཁག་ཅིག་གསལ་བོར་རྨིས།།
གསར་བོར་སྣང་བའི་གཏམ་རྒྱུད་དུ།།
མཛེས་པ་ལས་ཀྱིས་དབང་པོ་བཀུག།
ནང་སེམས་ཤིག་ཏུ་གར་མ་ཅན།།
གླིང་དཀར་སྟོད་ནས་མ་རྙེད་ཀྱང་།།
མཛེས་པའི་གཞི་རུ་འདང་བར་སྙམ།།
གཞས་པའི་གདངས་སུ་ལྷ་མོའི་སྐོར་ཅིག་ཁྱོད་ཉིད་སྤྲུལ།།
དབྱངས་རྟ་དེ་ཡང་བཀུག་ཅིང་བཀུག་ཚེ་ཁྱོད་དང་འབྲེལ།།
བར་སྐོར་གླིང་གི་གཞས་ཆུང་དེ་དང་འབྲེལ་བ་ཆགས།།
སྨུག་པ་ཅན་གྱི་ལ་མོའི་འདབས་སུ་སླེབས་པའི་ཚེ།།
བརྩེ་བའི་གཏམ་ཞིག་ནང་སེམས་དྭངས་ཏེ་ཡོལ་བ་དྲན།།
ཐམས་ཅད་ངག་ལས་མ་བཅད་པ།།
ཟླ་བའི་ཞལ་ལས་མཐོང་བའི་ཚེ།།
ནང་སེམས་དེ་ཡང་བརྐུས་མ་ཆགས།།
ཟླ་བའི་གན་ནས་བལྟས་པའི་ཚེ།།
ཐམས་ཅད་འཕྲོག་པའི་མཚན་དཔེ་ཅན།།
ནང་སེམས་དོན་གྱི་གྲོང་བའི་མཐའ།།
ལྷ་མོ་ཕེབས་ཀྱང་འགྲན་ཡ་མེད།།
2021 9 24
རི་ནས་གྲང་རླུང་ལྡང་ཞིང་འཁྱག་པར་གྱུར།།
ནང་སེམས་ཞི་བའི་ལས་དེ་འཁྱག་པའི་ཚེ།།
ཐག་རིང་མེ་ལོང་ནང་གི་ཡུ་མོ་ལགས།།
འཁྱག་པར་ཨེ་འདུག་རླུང་ལ་འཕྲིན་པ་བསྐུར།།
རྣམ་རྟོག་རི་མོའི་གམ་དུ་སླེབས་པའི་ཚེ།།
མི་སྨྲ་བརྟུལ་ཞུགས་འཛིན་པའི་ལྷ་མོ་ཁོང་།།
དབྱངས་ཅན་ལ་མོ་སྒང་དུ་རི་དྭགས་སྤྲུལ།།
རབ་ཏུ་གསང་བའི་གྲོལ་བ་རུ།།
ཡིད་འོང་ལས་ཀྱི་ལྗོན་པ་ལྡེམ།།
མཚན་མོའི་སྐར་མ་སྤྲོ་གར་ཅན།།
དགའ་འཛིན་པདྨའི་རྫིང་བུ་ཁ།།
སྨིན་མ་ཆགས་པའི་གཞས་ཤིག་བཀུག།
རྒུད་པ་བྲལ་བའི་སྙིང་བོ་ཅན།།
སྒྱུ་འཕྲུལ་གན་དུ་བཏབ་པའི་ཚེ།།
མཛེས་པའི་མེ་ལོང་བཅོས་སུ་མེད།།
གཡུ་ལོ་རྒྱས་ཀྱང་ཐ་དད་སྣང་།།
ཡིད་ཀྱི་དྲི་མ་གང་ནས་དག།
གཡུ་ལོ་བཀོད་པའི་ནགས་མའི་ཚལ།།
རྣལ་འབྱོར་དེ་དང་ཡུ་མོའི་གར།།
སྣང་སྲིད་གཉིས་སུ་མཛེས་པས་ཁྱབ།།
ཟླ་བའི་ཞལ་རས་ཚང་ཚིང་ནགས་སུ་ལྷུང་།།
ཀ་ལ་པིང་ཀ་རྣ་བའི་གྲོགས་སུ་བརྟན།།
སྒྱུ་མའི་རང་སྣང་འབར་བའི་ལས་ཀྱི་གར།།།
མེ་ལོང་སྐྱ་བོའི་སྟེང་ནས་རག་ཙམ་གསལ།།
གང་ཞིག་མ་གཡེལ་རྙི་ལས་མ་ཤོར་གོང་།།
དབྱངས་ཀྱི་ཆུ་འཛིན་ཡིད་ཀྱིས་བཟུང་བའི་ཚེ།།
སྲེེད་ལྡན་ངག་གི་ཐོགས་རེག་དང་བྲལ་མེད།།
སྒྱུ་མའི་གཞིས་ཀྱི་བར་སྣང་དུ།།
ཉེ་བར་འཁྲུངས་བའི་ཁྲུང་ཁྲུང་ཁོང་།།
ལས་ཀྱི་རྣམ་སྨིན་དཀར་ནག་ཅན།།
སྲོད་ཀའི་མཚམས་སུ་སྨིན་པའི་ཚེ།།
ཨུཏྤལ་སེམས་གཞས་ས་རུ་རྒྱུ།།
རྨུ་ཐག་བརྒྱུད་ནས་གསོན་བྱུང་ངམ།།
འདི་ནས་ཐུག་བྱུང་མ་ཟེེར་རོགས།།
གླིང་གི་མཚོ་མོའི་ཉག་ག་ཅན།།
ཁྲུང་ཁྲུང་ཁྱོད་རང་འཕུར་ལམ་འདུག།
མ་དྲིས་ངག་གི་བརྗོད་པའི་གན།།
སྔ་ཕྱི་གཉིས་ཀྱི་ལན་ཆགས་འདུག།
རྫོགས་ཚིག་ལས་ཀྱི་ལ་མོའི་འདབས།།
ཤྭ་བ་ཡུ་མོའི་དྲན་པ་གསལ།།
དྲན་པ་གསལ་བའི་གོ་རིམ་ནང་།།
སྨྲེང་བ་བརྒྱ་རྩ་གར་དུ་བཤམས།།
མགུར་རེར་ནང་ལ་མགུར་མ་དབྱངས་ཅན་མ།།
སེམས་སུ་འབབ་ཚེ་ངག་གི་རྡོ་བ་བཞད།།
བར་སྐོར་སེམས་གཞས་ཁྲོམ་དུ་བཞད་པའི་ཚེ།།
ཚངས་དབྱངས་རྒྱ་མཚོ་དེ་ཡི་གཏམ་ཞིག་དྲན།།
གྱེས་ཁ་གཡུ་ཡིས་བཀོད་པའི་སྐྱེད་མོས་ཚལ།།
ཕྱི་གསལ་ནང་གསལ་ཅན་གྱི་ཟློས་གར་ཞིག།
ར་སའི་འཕྲུལ་སྣང་གམ་དུ་འཁྲབ་པ་རྨིས།།
མ་སྐྱེས་ཨ་མ་ཟེར་བའི་ཇ་ཡི་མཁར།།
ཟློས་གར་ལས་ཀྱི་འཇའ་ཚོན་འཁྲབ་པ་རྨིས།།
མེ་ལོང་དེ་ཡང་ས་རུ་ལྷུང་།།
ཁ་དོག་དེ་ཡང་འགྱུར་བ་འདུག།
ལག་ཏུ་བཟུང་བའི་བརྩེ་བ་དེ།།
ས་རུ་འབབ་ཚེ་གང་ཞིག་འགྱུར།།
ཡིད་ལ་བྲིས་པའི་རླབས་ཕྲེང་དེ།།
གཙང་བོའི་བྲུག་ཅིང་གང་སར་བཞུར།།
ལྷ་མོའི་ཁམས་སུ་འབབ་པའི་ཚེ།།
རིན་ཆེན་ལ་མོའི་རི་འདབས་སུ།།
སེམས་གཞས་ངག་ཅིག་བདག་ལ་གནང་།།
མྱ་ངན་ཐང་གི་ཡིག་འབྲུ་ལ།།
དབུས་ལམ་དཀར་པོའི་ཉིན་ཞག་ཏུ།།
ངལ་དུབ་མགུར་ལ་ཁྱོད་རང་གླེང་།།
ལྷ་སའི་ཡུལ་ནས་ཕེབས་བྱུང་ངམ།།
སྨྲེང་བ་བཞེང་མཁན་ཨེ་ཡིན་ནམ།།
གཡུ་ཆུང་ངག་གི་པི་ཝང་ཅན།།
བདག་ལ་གནང་བ་གཞུག་ཏུ་ལུས།།
ཚངས་རྒྱམ་སྨྲེང་བའི་བར་སྐོར་གླིང་།།
བརྩེ་བའི་རྡོ་བ་བཞད་འདུག་གམ།།
ཇི་གའི་ལས་ཀྱི་ཚང་ཚིང་ནགས།།
བདག་ཉིད་དབང་བའི་ནགས་མའི་ཚལ།།
ཡིག་འབྲུ་ནག་པོའི་སྐྱེ་བར་བླངས།།
ཁྱོད་རང་མཚོན་པའི་ཡིག་འབྲུ་ཡིན།།
ཁྲུང་ཁྲུང་དཀར་མོའི་འཕུར་ལམ་ཡག་ཅིག་རྣམ་པའི་གར་དེ་ཡིད་གར་འོང་།།
འཕུར་གྱིན་འཕུར་ཚེ་སྐྱོ་གར་མེ་ལོང་མེ་ཏོག་གླིང་ནས་དལ་གྱིས་ཤར།།
མ་དམིགས་ངག་གིས་སྡང་བའི་སེམས་བྱུང་ལ་མོའི་མཚམས་ནས་ཆད་པའི་ཚེ།།
མ་རྙིང་ཨུཏྤལ་ངག་ཏུ་ལྷུང་འདུག་ཡུན་ཚད་མེ་ལོང་བློ་རུ་འཁྲུལ།།
ཨ་གསར་ངག་གི་ཐག་རིང་དུ།།
རྨས་མ་ཅན་དེ་གང་ནས་འདྲོགས།།
ཡིད་འོང་ལ་ཡི་རྐེད་པ་རུ།།
གཏམ་རྒྱུད་ཁག་ཅིག་གསལ་བོར་རྨིས།།
གསར་བོར་སྣང་བའི་གཏམ་རྒྱུད་དུ།།
མཛེས་པ་ལས་ཀྱིས་དབང་པོ་བཀུག།
ནང་སེམས་ཤིག་ཏུ་གར་མ་ཅན།།
གླིང་དཀར་སྟོད་ནས་མ་རྙེད་ཀྱང་།།
མཛེས་པའི་གཞི་རུ་འདང་བར་སྙམ།།
གཞས་པའི་གདངས་སུ་ལྷ་མོའི་སྐོར་ཅིག་ཁྱོད་ཉིད་སྤྲུལ།།
དབྱངས་རྟ་དེ་ཡང་བཀུག་ཅིང་བཀུག་ཚེ་ཁྱོད་དང་འབྲེལ།།
བར་སྐོར་གླིང་གི་གཞས་ཆུང་དེ་དང་འབྲེལ་བ་ཆགས།།
སྨུག་པ་ཅན་གྱི་ལ་མོའི་འདབས་སུ་སླེབས་པའི་ཚེ།།
བརྩེ་བའི་གཏམ་ཞིག་ནང་སེམས་དྭངས་ཏེ་ཡོལ་བ་དྲན།།
ཐམས་ཅད་ངག་ལས་མ་བཅད་པ།།
ཟླ་བའི་ཞལ་ལས་མཐོང་བའི་ཚེ།།
ནང་སེམས་དེ་ཡང་བརྐུས་མ་ཆགས།།
ཟླ་བའི་གན་ནས་བལྟས་པའི་ཚེ།།
ཐམས་ཅད་འཕྲོག་པའི་མཚན་དཔེ་ཅན།།
ནང་སེམས་དོན་གྱི་གྲོང་བའི་མཐའ།།
ལྷ་མོ་ཕེབས་ཀྱང་འགྲན་ཡ་མེད།།
2021 9 24
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།