འཇམ་མགོན་བླ་མ་དྲན་པའི་ངག་རིག་མགུར་གྱི་མཆོད་པ་རྣམ་ཐར་པདྨོ་རྒྱས་པའི་ཉིན་བྱེད་ཀྱི་ཟུར་རྒྱན་ཞེས་བྱ་བ་བཞུགས་སོ།།

ཅོང་ཆུའི་གྲོལ་སྡེ།(སེར་ཤུལ) མཆོད་མེ་བོད་ཀྱི་རྩོམ་རིག་དྲ་བ། 2021-12-29
           ---༧མཉམ་མེད་ཙོང་ཁ་བ་ཆེན་པོ་ཞི་བར་གཤེགས་ནས་ལོ་འཁོར༦༠༢འཁོར་བའི་རྗེས་དྲན་དུ།

ན་མོ་གུ་རུ་སྭ་ར་སྭ་སྟྱཻ།
དང་པོར་རྒྱ་ཆེན་ཐོས་པའི་མེ་ཡིས་ཤེས་བྱའི་ནགས་ཚལ་མང་དུ་བསྲེགས།།
བར་དུ་གཞུང་ལུགས་ཐམས་ཅད་རི་མོ་ཐུགས་ཀྱི་ཡིད་དུ་གདམས་པར་ཤར།།
ཐ་མར་ཉིན་མཚན་ཀུན་ལ་རྒྱལ་བསྟན་དགོངས་དོན་ཇི་བཞིན་ཉམས་སུ་བླངས།།
རྣམ་པར་ཐར་བ་འདི་ཡི་གོ་རིམ་ཇི་བཞིན་འབྲི་རྩོམ་དབྱངས་ཅན་བསྙེན།།

           1
འཇམ་མགོན་བླ་མ་དྲན་བྱུང་།།
བསྟན་འགྲོའི་དོན་ཆེན་དྲན་བྱུང་།།
བགྲང་ཡས་བསྐལ་པ་མང་པོར།།
ཡང་ཡང་བྱོན་པ་དྲན་བྱུང་།།

           2
འཇམ་མགོན་བླ་མ་དྲན་བྱུང་།།
ཡབ་ཡུམ་ཟུང་གཅིག་དྲན་བྱུང་།།
བསིལ་ལྡན་སཱ་ལའི་ལྗོངས་སུ།།
བསམ་བཞིན་འཁྲུངས་པ་དྲན་བྱུང་།།
         
           3
འཇམ་མགོན་བླ་མ་དྲན་བྱུང་།།
བག་ཡོད་སྤྱོད་པ་དྲན་བྱུང་།།
ཆུང་ཆུང་བྱིས་པའི་དུས་ནས།།
ཆོས་ལ་གཞོལ་བ་དྲན་བྱུང་།།
         
           4
འཇམ་མགོན་བླ་མ་དྲན་བྱུང་།།
བསྟན་སྒོར་ཞུགས་པ་དྲན་བྱུང་།།
ཀརྨ་རོལ་བའི་རྡོ་རྗེས།།
དགེ་བསྙེན་བསྒྲུབས་པ་དྲན་བྱུང་།།

           5
འཇམ་མགོན་བླ་མ་དྲན་བྱུང་།།
སྡོམ་གསུམ་མནོས་པ་དྲན་བྱུང་།།
ཆོས་རྗེ་དོན་གྲུབ་རིན་ཆེན།།
བདུན་པར་ཕྲད་པ་དྲན་བྱུང་།།
          
           6
འཇམ་མགོན་བླ་མ་དྲན་བྱུང་།།
མནལ་ལམ་བཟང་བ་དྲན་བྱུང་།།
ཕྱག་རྡོར་ཨ་ཏི་ཤ་གཉིས།།
བྱོན་པའི་ངང་ཚུལ་དྲན་བྱུང་།།

           7
འཇམ་མགོན་བླ་མ་དྲན་བྱུང་།།
དབུས་སུ་ཕེབས་པ་དྲན་བྱུང་།།
ཆོས་ཀྱི་རྒྱལ་བོའི་གསུང་གི།།
བདུད་རྩི་མྱངས་པ་དྲན་བྱུང་།།
  
           8
འཇམ་མགོན་བླ་མ་དྲན་བྱུང་།།
གསོ་དཔྱད་རིག་པ་དྲན་བྱུང་།།
དཀོན་མཆོག་སྐྱབས་ཞེས་ཞུ་བའི།།
མཁན་དང་མཇལ་བ་དྲན་བྱུང་།།

           9
འཇམ་མགོན་བླ་མ་དྲན་བྱུང་།།
ཤེར་ཕྱིན་རྩ་འགྲེལ་དྲན་བྱུང་།།
བཀྲ་ཤིས་སེངྒེ་ལ་སོགས།།
ཡོངས་འཛིན་འཕྲེང་བ་དྲན་བྱུང་།།

           10
འཇམ་མགོན་བླ་མ་དྲན་བྱུང་།།
བྱམས་ཆོས་སྡེ་ལྔ་དྲན་བྱུང་།།
འཇམ་དབྱངས་རིན་ཆེན་དྲུང་དུ།།
ལེགས་པར་གསན་པ་དྲན་བྱུང་།།

           11
འཇམ་མགོན་བླ་མ་དྲན་བྱུང་།།
ཟབ་ཆོས་རྗེས་གནང་དྲན་བྱུང་།།
བླ་མ་བསོད་ནམས་རྒྱལ་མཚན།།
སྤྱི་བོར་བསྟེན་པ་དྲན་བྱུང་།།

           12
འཇམ་མགོན་བླ་མ་དྲན་བྱུང་།།
གྲྭ་སྐོར་གནང་བ་དྲན་བྱུང་།།
དགུང་གྲངས་བཅུ་དགུའི་དུས་ལ།།
ཕར་ཕྱིན་རྫོགས་པ་དྲན་བྱུང་།།

           13
འཇམ་མགོན་བླ་མ་དྲན་བྱུང་།།
གཙང་ལ་ཕེབས་པ་དྲན་བྱུང་།།
རིན་ཆེན་ས་བཟང་གཉིས་ལས།།
མདོ་སྔགས་ཐོས་པ་དྲན་བྱུང་།།

           14
འཇམ་མགོན་བླ་མ་དྲན་བྱུང་།།
སྦྱོར་དྲུག་ཡན་ལག་དྲན་བྱུང་།།
ཕྱོགས་ལས་རྣམ་རྒྱལ་དྲུང་དུ།།
ཁྲིད་སྦྱངས་གནང་བ་དྲན་བྱུང་།།

           15
འཇམ་མགོན་བླ་མ་དྲན་བྱུང་།།
མཛོད་དང་ཕར་ཕྱིན་དྲན་བྱུང་།།
དོན་བཟང་ཉ་དབོན་སྤྱན་སྔར།།
ཡོངས་སུ་སློབ་པ་དྲན་བྱུང་།།

           16
འཇམ་མགོན་བླ་མ་དྲན་བྱུང་།།
མཛོད་འགྲེལ་མངོན་པ་དྲན་བྱུང་།།
རྗེ་བཙུན་རེད་མདའི་དྲུང་ནས།།
ཚར་གཅིག་ཐོབ་པ་དྲན་བྱུང་།།

           17
འཇམ་མགོན་བླ་མ་དྲན་བྱུང་།།
དབུས་ནས་བཞུགས་པ་དྲན་བྱུང་།།
ལོ་ཆེན་བྱང་ཆུབ་རྩེ་མོར།།
གསན་ཆོས་ཞུས་པ་དྲན་བྱུང་།།

           18
འཇམ་མགོན་བླ་མ་དྲན་བྱུང་།།
འདུལ་བར་གནས་པ་དྲན་བྱུང་།།
སྐྱོར་མོ་ལུང་གི་མཁན་པོ།།
བློ་གསལ་བསྟེན་པ་དྲན་བྱུང་།།

           19
འཇམ་མགོན་བླ་མ་དྲན་བྱུང་།།
ཀུན་བཏུས་གཟིགས་པ་དྲན་བྱུང་།།
དགུན་གཞུག་གནས་རྙིང་བཞུགས་མཛད།།
ཚིག་དོན་མཁྱེན་པ་དྲན་བྱུང་།།

           20
འཇམ་མགོན་བླ་མ་དྲན་བྱུང་།།
བཀའ་བསྟན་གསན་པ་དྲན་བྱུང་།།
ས་སྐྱར་རེད་མདའི་དྲུང་དུ།།
ལུང་མང་ཐོབ་པ་དྲན་བྱུང་།།

           21
འཇམ་མགོན་བླ་མ་དྲན་བྱུང་།།
དཔག་མེད་དད་ཤུགས་དྲན་བྱུང་།།
ཆོས་ཀྱི་གྲགས་པའི་རྣམ་འགྲེལ།།
བརྩོན་པས་གཟིགས་པ་དྲན་བྱུང་།།

           22
འཇམ་མགོན་བླ་མ་དྲན་བྱུང་།།
སྙན་ངག་གཙུག་རྒྱན་དྲན་བྱུང་།།
ལོ་ཆེན་ནམ་མཁའ་བཟང་པོ།།
བསྟེན་ནས་སྦྱངས་པ་དྲན་བྱུང་།།

           23
འཇམ་མགོན་བླ་མ་དྲན་བྱུང་།།
མཁས་ཀུན་གྲགས་པ་དྲན་བྱུང་།།
དབུས་གཙང་སྣར་ཐང་ཕྱོགས་ཀྱི།།
བཀའ་ཆེན་གྲྭ་སྐོར་དྲན་བྱུང་།།

           24
འཇམ་མགོན་བླ་མ་དྲན་བྱུང་།།
བསྙེན་རྫོགས་བཞེས་པ་དྲན་བྱུང་།།
མཁན་ཆེན་ཚུལ་ཁྲིམས་རིན་ཆེན།།
བླ་མར་བཀུར་བ་དྲན་བྱུང་།།

           25
འཇམ་མགོན་བླ་མ་དྲན་བྱུང་།།
ནཱ་རོ་ཆོས་དྲུག་དྲན་བྱུང་།།
ཆོས་རྗེ་རིན་ཆེན་གྲགས་པའི།།
སྤྱན་སྔར་གཏུག་པ་དྲན་བྱུང་།།

           26
འཇམ་མགོན་བླ་མ་དྲན་བྱུང་།།
བཀའ་བསྟན་གཟིགས་ཚུལ་དྲན་བྱུང་།།
ལེགས་བཤད་གསེར་གྱི་ཕྲེང་བ།།
སྐྱིད་ཤོད་མཛད་པ་དྲན་བྱུང་།།

           27
འཇམ་མགོན་བླ་མ་དྲན་བྱུང་།།
ཕར་ཚད་དབུ་མ་དྲན་བྱུང་།།
འུ་སྟོད་བྱ་བའི་ཡུལ་དུ།།
དམ་ཆོས་གསུངས་པ་དྲན་བྱུང་།།

           28
འཇམ་མགོན་བླ་མ་དྲན་བྱུང་།།
དུས་འཁོར་འགྲེལ་ཆེན་དྲན་བྱུང་།།
རྟོགས་ལྡན་ཡེ་ཤེས་རྒྱལ་མཚན།།
ཞབས་ཟུང་མཇལ་བ་དྲན་བྱུང་།།

           29
འཇམ་མགོན་བླ་མ་དྲན་བྱུང་།།
མངོན་འདུལ་གསུངས་པ་དྲན་བྱུང་།།
གོང་ཀར་ཆོས་ཀྱི་རྒྱལ་བོའི།།
གསུང་ལྟར་བྱོན་པ་དྲན་བྱུང་།།

           30
འཇམ་མགོན་བླ་མ་དྲན་བྱུང་།།
བསྟན་བཅོས་བཅུ་བདུན་དྲན་བྱུང་།།
མོན་དཀར་བཀྲ་ཤིས་གདོང་དུ།།
བཤད་པ་མཛད་པ་དྲན་བྱུང་།།

           31
འཇམ་མགོན་བླ་མ་དྲན་བྱུང་།།
འཇིགས་བྱེད་ཐུགས་དམ་དྲན་བྱུང་།།
ཆགས་མེད་སྲོད་ཆོས་གྲོལ་དུས།།
ཐུགས་དམ་གནང་བ་དྲན་བྱུང་།།

           32
འཇམ་མགོན་བླ་མ་དྲན་བྱུང་།།
རྟོགས་པ་འཁྲུངས་པ་དྲན་བྱུང་།།
ཡར་ལུང་ཨོ་དཀར་བྲག་ཏུ།།
རྣལ་འབྱོར་བརྩོན་པ་དྲན་བྱུང་།།

           33
འཇམ་མགོན་བླ་མ་དྲན་བྱུང་།།
སྐྱོར་མོ་ལུང་རིང་དྲན་བྱུང་།།
སྡེ་སྣོད་འཛིན་པ་མང་པོར།།
ཕར་ཚད་གསུངས་པ་དྲན་བྱུང་།།

           34
འཇམ་མགོན་བླ་མ་དྲན་བྱུང་།།
ལྷ་མོ་དབྱངས་ཅན་དྲན་བྱུང་།།
དབུ་མ་བརྩོན་འགྲུས་སེངྒེར།།
རྗེས་གནང་སྩལ་བ་དྲན་བྱུང་།།

           35
འཇམ་མགོན་བླ་མ་དྲན་བྱུང་།།
གསང་འདུས་རྩ་རྒྱུད་དྲན་བྱུང་།།
རྗེ་བཙུན་རེད་མདའ་བ་ལས།།
སླར་ཡང་མཉན་པ་དྲན་བྱུང་།།

           36
འཇམ་མགོན་བླ་མ་དྲན་བྱུང་།།
འཇམ་དབྱངས་བྱིན་མཐུ་དྲན་བྱུང་།།
དབུ་མ་བརྩོན་འགྲུས་སེངྒེར།།
ཆོས་སྐོར་ཞུས་པ་དྲན་བྱུང་།།

           37
འཇམ་མགོན་བླ་མ་དྲན་བྱུང་།།
དུས་ཀྱི་འཁོར་ལོ་དྲན་བྱུང་།།
ཆོས་ཀྱི་དཔལ་བའི་དྲུང་དུ།།
ཐུགས་སུ་ཆུད་པ་དྲན་བྱུང་།།

           38
འཇམ་མགོན་བླ་མ་དྲན་བྱུང་།།
ཡོ་གའི་དཀྱིལ་འཁོར་དྲན་བྱུང་།།
བྲི་ཐིག་གར་དབྱངས་ཕྱག་རྒྱ།།
མཐའ་དག་སྦྱངས་པ་དྲན་བྱུང་།།

           39
འཇམ་མགོན་བླ་མ་དྲན་བྱུང་།།
ཟབ་ཡངས་བཀའ་ཆོས་དྲན་བྱུང་།།
ཆེན་པོ་ཕྲེང་བ་སྐོར་གསུམ།།
ཐུགས་སྦྱོངས་འདྲེས་པ་དྲན་བྱུང་།།

           40
འཇམ་མགོན་བླ་མ་དྲན་བྱུང་།།
རྒྱུད་སྡེའི་བཀའ་ལུང་དྲན་བྱུང་།།
སྔགས་འཆང་ཁྱུང་བོ་ལྷས་པའི།།
ཞབས་དྲུང་བཅར་བ་དྲན་བྱུང་།།

           41
འཇམ་མགོན་བླ་མ་དྲན་བྱུང་།།
རྒྱུད་དང་རྒྱ་གཞུང་དྲན་བྱུང་།།
ཆོས་རྗེ་རྒྱལ་མཚན་གྲགས་པར།།
རྩ་རྒྱུད་གསན་པ་དྲན་བྱུང་།།

           42
འཇམ་མགོན་བླ་མ་དྲན་བྱུང་།།
དྲི་བ་མཛད་ཚུལ་དྲན་བྱུང་།།
བླ་མ་དབུ་མས་མཚམས་སྦྱར།།
འཇམ་དབྱངས་ཞལ་མཇལ་དྲན་བྱུང་།།

           43
འཇམ་མགོན་བླ་མ་དྲན་བྱུང་།།
ལྷག་ལྷའི་ཞལ་གཟིགས་དྲན་བྱུང་།།
བླ་མ་ཡི་དམ་ངོ་བོ།།
དབྱེར་མེད་སྒོམ་པ་དྲན་བྱུང་།།

           44
འཇམ་མགོན་བླ་མ་དྲན་བྱུང་།།
བསགས་སྦྱངས་བརྩོན་པ་དྲན་བྱུང་།།
འོལ་ཁ་ཆོས་ཀྱི་ལུང་པར།།
འཁོར་བརྒྱད་བཞུགས་པ་དྲན་བྱུང་།།

           45
འཇམ་མགོན་བླ་མ་དྲན་བྱུང་།།
ཡན་ལག་ཆོ་ག་དྲན་བྱུང་།།
བདེ་གཤེགས་སུམ་ཅུ་སོ་ལྔ།།
མངོན་སུམ་གཟིགས་པ་དྲན་བྱུང་།།

           46
འཇམ་མགོན་བླ་མ་དྲན་བྱུང་།།
རྫིང་ཕྱིའི་ཇོ་བོ་དྲན་བྱུང་།།
མཇལ་ཁ་ཐེངས་གཅིག་ཞུས་པས།།
ཉམས་སྣང་སྣ་ཚོགས་དྲན་བྱུང་།།

           47
འཇམ་མགོན་བླ་མ་དྲན་བྱུང་།།
བྱིན་གྱིས་བརླབས་པ་དྲན་བྱུང་།།
རྫིང་ཕྱིའི་གཙུག་ལག་ཁང་ཆེན།།
རབ་གནས་མཛད་པ་དྲན་བྱུང་།།

           48
འཇམ་མགོན་བླ་མ་དྲན་བྱུང་།།
དཔོན་སློབ་ཐུགས་མཐུན་དྲན་བྱུང་།།
ལྷོ་བྲག་གྲུབ་ཆེན་མདུན་གྱི།།
ལམ་རིམ་གསན་སྦྱངས་དྲན་བྱུང་།།

           49
འཇམ་མགོན་བླ་མ་དྲན་བྱུང་།།
ཡང་དག་དོན་བསྟོད་དྲན་བྱུང་།།
རྒྱལ་ཚབ་མི་ཕམ་མགོན་པོར།།
བསྟོད་ཆེན་མཛད་པ་དྲན་བྱུང་།།

           50
འཇམ་མགོན་བླ་མ་དྲན་བྱུང་།།
འཁོར་ལོའི་སྡོམ་པ་དྲན་བྱུང་།།
བདག་འཇུག་ལེགས་པར་བཞེས་པའི།།
དཔོན་སློབ་སུམ་ཅུ་དྲན་བྱུང་།།

           51
འཇམ་མགོན་བླ་མ་དྲན་བྱུང་།།
ལུང་བསྟན་གནང་བ་དྲན་བྱུང་།།
ཞག་བཞུགས་རྨི་ལམ་ཞིང་དུ།།
བྱམས་མགོན་ཕེབས་པ་དྲན་བྱུང་།།

           52
འཇམ་མགོན་བླ་མ་དྲན་བྱུང་།།
གཉལ་སྨད་བཞུགས་པ་དྲན་བྱུང་།།
བཅོམ་ལྡན་འཁོར་ལོ་དཔའ་གཅིག།
གཟིགས་སྣང་བྱུང་བ་དྲན་བྱུང་།།

           53
འཇམ་མགོན་བླ་མ་དྲན་བྱུང་།།
བསྟན་པའི་ཞབས་ཏོག་དྲན་བྱུང་།།
དམ་ཆོས་འདུལ་བའི་ཆོས་སྐོར།།
མང་དུ་བསྐྱངས་པ་དྲན་བྱུང་།།

           54
འཇམ་མགོན་བླ་མ་དྲན་བྱུང་།།
གདུལ་བྱ་སྨིན་མཛད་དྲན་བྱུང་།།
གཉལ་གྱི་སྤང་ཆུང་སྟེང་དུ།།
དགེ་སྐུལ་མཛད་པ་དྲན་བྱུང་།།

           55
འཇམ་མགོན་བླ་མ་དྲན་བྱུང་།།
ཐུགས་ཀྱི་སྲས་གཅིག་དྲན་བྱུང་།།
རྒྱལ་ཚབ་དར་མ་རིན་ཆེན།།
སྤྱན་སྔར་བྱོན་པ་དྲན་བྱུང་།།

           56
འཇམ་མགོན་བླ་མ་དྲན་བྱུང་།།
ལྷ་ལྡིངས་དགོན་པ་དྲན་བྱུང་།།
དགོན་ནང་རྨི་ལམ་ནང་གི།།
སངས་རྒྱས་བསྐྱངས་ཁོང་དྲན་བྱུང་།།

           57
འཇམ་མགོན་བླ་མ་དྲན་བྱུང་།།
ལེགས་བཤད་སྙིང་བོ་དྲན་བྱུང་།།
བུད་ངྷ་པ་ལི་གཟིགས་ནས།།
ལྟ་བ་འཁྲུངས་པ་དྲན་བྱུང་།།

           58
འཇམ་མགོན་བླ་མ་དྲན་བྱུང་།།
མཆོད་པ་ཕུལ་བ་དྲན་བྱུང་།།
རྫིང་ཕྱིའི་ཇོ་བོའི་མདུན་དུ།།
དུས་མཆོད་མཛད་པ་དྲན་བྱུང་།།

           59
འཇམ་མགོན་བླ་དྲན་བྱུང་།།
དབུ་འདུལ་གསུངས་པ་དྲན་བྱུང་།།
ཕོ་བྲང་པོ་ཏ་ལ་རུ།།
བློ་གསལ་བསྐྱངས་པ་དྲན་བྱུང་།།

           60
འཇམ་མགོན་བླ་མ་དྲན་བྱུང་།།
རེད་མདའ་དཔོན་སློབ་དྲན་བྱུང་།།
རྭ་སྒྲེང་ཕྱོགས་སུ་ཕེབས་ནས།།
ཟབ་ཆོས་གསུངས་པ་དྲན་བྱུང་།།

           61
འཇམ་མགོན་བླ་མ་དྲན་བྱུང་།།
འདུལ་བ་དག་ཐེར་དྲན་བྱུང་།།
ཡབ་སྲས་སྐྱབས་མཆོག་དཔལ་བཅས།།
སྟོད་ལུང་གདན་འཛོམས་དྲན་བྱུང་།།

           62
འཇམ་མགོན་བླ་མ་དྲན་བྱུང་།།
བྱང་ཆུབ་ལམ་རིམ་དྲན་བྱུང་།།
ལོ་ཆེན་སྐྱབས་མཆོག་དཔལ་བས།།
ཞུས་བཞིན་བརྩམས་པ་དྲན་བྱུང་།།

           63
འཇམ་མགོན་བླ་མ་དྲན་བྱུང་།།
འཆད་ཉན་མཛད་པ་དྲན་བྱུང་།།
ཚད་མའི་ངོ་བོ་གོ་རིམ།།
ཕལ་ཆེར་ལམ་བསྟུན་དྲན་བྱུང་།།

           64
འཇམ་མགོན་བླ་མ་དྲན་བྱུང་།།
དབུ་ཚད་དཀའ་གནད་དྲན་བྱུང་།།
དད་ལྡན་བུ་སློབ་མང་བོར།།
དེ་ཉིད་བཀྲོལ་བ་དྲན་བྱུང་།།

           65
འཇམ་མགོན་བླ་མ་དྲན་བྱུང་།།
སྔགས་རིམ་བརྩམས་པ་དྲན་བྱུང་།།
འོལ་ཁ་བྱམས་པ་གླིང་གི།།
གསང་སྔགས་ཉམས་རྟོགས་དྲན་བྱུང་།།

           66
འཇམ་མགོན་བླ་མ་དྲན་བྱུང་།།
གསང་སྔགས་བཤད་ལུང་དྲན་བྱུང་།།
སྡེ་སྣོད་འཛིན་པ་དུ་མར།།
ཁྲིད་སྦྱངས་གནང་བ་དྲན་བྱུང་།།

           67
འཇམ་མགོན་བླ་མ་དྲན་བྱུང་།།
སེ་ར་ཆོས་སྡིངས་དྲན་བྱུང་།།
དྲང་ངེས་རྩ་ཤེས་ཊཱིཀ་ཆེན།།
ཟུང་གཅིག་བརྩམས་པ་དྲན་བྱུང་།།

           68
འཇམ་མགོན་བླ་མ་དྲན་བྱུང་།།
དགེ་ལེགས་དཔལ་བཟང་དྲན་བྱུང་།།
སྲས་ཀྱི་ཐུ་བོ་གཉིས་པ།།
མཚམས་སྦྱར་འོང་བ་དྲན་བྱུང་།།

           69
འཇམ་མགོན་བླ་མ་དྲན་བྱུང་།།
རྒྱ་ནག་ཕོ་ཉ་དྲན་བྱུང་།།
གོང་མས་གསེར་ཡིག་ཕུལ་ཡང་།།
ཆིབས་བསྒྱུར་མེད་པ་དྲན་བྱུང་།།

           69
འཇམ་མགོན་བླ་མ་དྲན་བྱུང་།།
དགེ་འདུན་སྟོང་ཕྲག་དྲན་བྱུང་།།
ལམ་སྔགས་ཆོས་ཀྱི་ཕུང་བོ།།
གསུང་སྐལ་བྱུང་བ་དྲན་བྱུང་།།

           70
འཇམ་མགོན་བླ་མ་དྲན་བྱུང་།།
སྨོན་ལམ་སྟ་གོན་དྲན་བྱུང་།།
རྭ་ས་གཙུག་ལག་ཁང་གི།།
རྟེན་བཞེངས་ཞིག་གསོ་དྲན་བྱུང་།།

           71
འཇམ་མགོན་བླ་མ་དྲན་བྱུང་།།
རྒྱལ་བ་དགྱེས་པ་དྲན་བྱུང་།།
གླང་ལོའི་ཧོར་ཟླ་དང་བོའི།།
མཆོད་པའི་སྤྲིན་ཕུང་དྲན་བྱུང་།།

           72
འཇམ་མགོན་བླ་མ་དྲན་བྱུང་།།
ཐུགས་སྨོན་གནང་བ་དྲན་བྱུང་།།
ཇོ་ཤཱཀ་རྣམ་གཉིས་དབུ་ལ།།
རིན་ཆེན་རྒྱན་པ་དྲན་བྱུང་།།

           73
འཇམ་མགོན་བླ་མ་དྲན་བྱུང་།།
འབྲོག་རི་དགའ་ལྡན་དྲན་བྱུང་།།
གནས་གཟིགས་མཛད་པའི་དུས་ལ།།
ངོ་མཚར་བྱུང་བ་དྲན་བྱུང་།།

           74
འཇམ་མགོན་བླ་མ་དྲན་བྱུང་།།
སླར་ཡང་སེ་ར་དྲན་བྱུང་།།
མདོ་སྔགས་ཟབ་ཆོས་མང་བོ།།
ཅི་དགར་བསྩལ་བ་དྲན་བྱུང་།།

           75
འཇམ་མགོན་བླ་མ་དྲན་བྱུང་།།
ཟངས་རིར་བྱོན་པ་དྲན་བྱུང་།།
སྤྱན་སྔ་བསོད་ནམས་བཟང་པོས།།
གསོལ་བ་བཏབ་པ་དྲན་བྱུང་།།

           76
འཇམ་མགོན་བླ་མ་དྲན་བྱུང་།།
དགའ་ལྡན་ཕྱག་བཏབ་དྲན་བྱུང་།།
རྒྱལ་ཚབ་ཆོས་ཀྱི་རྗེ་ལ།།
བཀའ་སློབ་གནང་བ་དྲན་བྱུང་།།

           77
འཇམ་མགོན་བླ་མ་དྲན་བྱུང་།།
རིམ་ལྔ་གསལ་སྒྲོན་དྲན་བྱུང་།།
འཆད་རྩོད་རྩོམ་པའི་དེ་གར།།
ཉིན་མཚན་འདའ་བ་དྲན་བྱུང་།།

           78
འཇམ་མགོན་བླ་མ་དྲན་བྱུང་།།
དགུང་གྲངས་ལྔ་བཅུ་དྲན་བྱུང་།།
སྐུ་ཚེ་ཟླ་བཞིན་འཕེལ་བའི།།
རིམ་གྲོ་མཛད་པ་དྲན་བྱུང་།།

           79
འཇམ་མགོན་བླ་མ་དྲན་བྱུང་།།
མི་དབང་གྲགས་རྒྱན་དྲན་བྱུང་།།
འོན་གྱི་བཀྲ་ཤིས་དོ་ཁར།།
ལེགས་པར་ཕེབས་པ་དྲན་བྱུང་།།

           80
འཇམ་མགོན་བླ་མ་དྲན་བྱུང་།།
སྔགས་ཀྱི་བསྟན་བཅོས་དྲན་བྱུང་།།
བདེ་མཆོག་ལཱུ་ཨི་པ་ཡི།།
ཊིཀ་ཆེན་བརྩམས་པ་དྲན་བྱུང་།།

           81
འཇམ་མགོན་བླ་མ་དྲན་བྱུང་།།
གསང་སྔགས་བསྟན་རྒྱས་དྲན་བྱུང་།།
དཀྱིལ་འཁོར་སྒྲུབ་མཆོད་བཞེངས་ནས།།
འཕྲིན་ལས་ཁྱབ་པ་དྲན་བྱུང་།།

           82
འཇམ་མགོན་བླ་མ་དྲན་བྱུང་།།
གངས་ཁྲོད་འགྲན་མེད་དྲན་བྱུང་།།
འཁོར་ལོ་གསུམ་གྱི་མཛད་བཟང་།།
བསྟན་འགྲོར་ཕན་པ་དྲན་བྱུང་།།

           83
འཇམ་མགོན་བླ་མ་དྲན་བྱུང་།།
ལྷ་སར་ཕེབས་པ་དྲན་བྱུང་།།
མཛད་པ་ཐ་མ་ཉེ་དུས།།
ཇོ་ཤཱཀ་མཆོད་པ་དྲན་བྱུང་།།

           84
འཇམ་མགོན་བླ་མ་དྲན་བྱུང་།།
ཐུགས་བཞེད་བསྐངས་པ་དྲན་བྱུང་།།
དཔལ་ལྡན་འབྲས་དཀར་སྤུངས་སུ།།
གྲྭ་ཚང་སྤེལ་བ་དྲན་བྱུང་།།

           85
འཇམ་མགོན་བླ་མ་དྲན་བྱུང་།།
སེ་རར་ཕེབས་པ་དྲན་བྱུང་།།
བྱམས་ཆེན་ཆོས་ཀྱི་རྗེ་ལ།།
བཀའ་སློབ་གནང་བ་དྲན་བྱུང་།།

           86
འཇམ་མགོན་བླ་མ་དྲན་བྱུང་།།
རྒྱ་ཆེའི་ཐུགས་སྨོན་དྲན་བྱུང་།།
ཡངས་པ་ཅན་དུ་ཕེབས་ནས།།
སྨོན་ལམ་བཏབ་པ་དྲན་བྱུང་།།

           87
འཇམ་མགོན་བླ་མ་དྲན་བྱུང་།།
རླབས་ཆེན་མཛད་པ་དྲན་བྱུང་།།
ས་ཕག་བཅུ་བའི་ཉེར་ལྔར།།
དགའ་ལྡན་གཤེགས་ཚུལ་དྲན་བྱུང་།།

           89
འཇམ་མགོན་བླ་མ་དྲན་བྱུང་།།
རྣམ་ཐར་རྒྱ་མཚོ་དྲན་བྱུང་།།
དེ་ལས་ཆུ་ཐིགས་ཙམ་ཞིག།
བརྗོད་ནུས་དགའ་བ་དྲན་བྱུང་།།
       ཞེས་རྒྱལ་བ་ཐམས་ཀྱི་མཁྱེན་བརྩེ་ནུས་གསུམ་གཅིག་ཏུ་འདུས་པའི་ངོ་བོ་ཁམས་གསུམ་འགྲོ་བའི་བླ་མ་ཙོང་ཁ་པ་ཆེན་པོ་ཞེས་ཡོངས་སུ་གྲགས་པ་དེ་ཉིད་ཀྱི་རྣམ་ཐར་ཕྱོགས་ཙམ་བརྗོད་པའི་དོན་བརྗོད་སྙན་ངག་རིང་མོ་འདི་ནི་མཁས་གྲུབ་དགེ་ལེགས་དཔལ་བཟང་བོས་མཛད་པའི་རྣམ་ཐར་དད་པའི་འཇུག་ངོགས་ལ་སྔར་རང་ཉིད་ཐེངས་གཅིག་མཇལ་མྱོང་བའི་བག་ཆགས་བཟང་བོའི་རྐྱེན་བྱས་ཐོགས་༧རྗེ་བཙུན་བློ་བཟང་ཡེ་ཤེས་བསྟན་འཛིན་གྱི་ཚིགས་སུ་བཅད་པ་རྣམ་ཐར་པདྨོ་རྒྱས་པའི་ཉིན་བྱེད་ལ་བརྗོད་བྱ་དང་བརྗོད་བྱེད་གཉིས་ཀྱི་ཆ་ནས་སྒོ་ཀུན་ནས་བསྟུན་པ་འདི་ཉིད་རང་གིས་དམ་པའི་རྩོམ་རྩལ་ལ་སློབ་སྦྱོང་དང་བསོད་ནམས་ཀྱི་ཚོགས་རླབས་པོ་ཆེ་ཞིག་ཏུ་བསམ་ནས་མདོ་ཁམས་ས་ཡི་ཐིག་ལེ་བྱང་ཉི་མ་རྫ་ཆུ་ཁའི་དཔལ་མཉམ་མེད་རི་བོ་དགེ་ལུགས་པའི་རང་ལུགས་དྲི་མ་མེད་པ་འཛིན་པའི་ཆོས་སྡེ་ཆེན་པོ་རྫ་སེར་ཤུལ་དགོན་ཐེག་ཆེན་དར་རྒྱས་གླིང་གི་འདུས་མང་ཉིས་སྟོང་ཉེ་བའི་གྲལ་མཐའ་བ་ཅོང་ཆུའི་གྲོལ་སྡེ་རུ་འབོད་པའི་རབ་གནས་ས་གླང་ལོའི་བོད་ཟླ་༡༠བའི་ཚེས་༡༢ཉིན་རེས་གཟའ་ལྷག་དཀར་དང་བསྟུན་ནས་མཇུག་ལེགས་པར་བགྱིས་པ་དགེ་ལེགས་སུ་གྱུར་ཅིག
རྩོམ་སྒྲིག་པ། གངས་དགའ།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག   བཤེར་འཚོལ།བཤེར་འཚོལ།

འཇམ་མགོན་བླ་མ་དྲན་པའི་ངག་རིག་མགུར་གྱི་མཆོད་པ་རྣམ་ཐར་པདྨོ་རྒྱས་པའི་ཉིན་བྱེད་ཀྱི་ཟུར་རྒྱན་ཞེས་བྱ་བ་བཞུགས་སོ།།

2021-12-29 ཅོང་ཆུའི་གྲོལ་སྡེ།(སེར་ཤུལ) ཀློག་གྲངས། མཆན ཡོད།
           ---༧མཉམ་མེད་ཙོང་ཁ་བ་ཆེན་པོ་ཞི་བར་གཤེགས་ནས་ལོ་འཁོར༦༠༢འཁོར་བའི་རྗེས་དྲན་དུ།

ན་མོ་གུ་རུ་སྭ་ར་སྭ་སྟྱཻ།
དང་པོར་རྒྱ་ཆེན་ཐོས་པའི་མེ་ཡིས་ཤེས་བྱའི་ནགས་ཚལ་མང་དུ་བསྲེགས།།
བར་དུ་གཞུང་ལུགས་ཐམས་ཅད་རི་མོ་ཐུགས་ཀྱི་ཡིད་དུ་གདམས་པར་ཤར།།
ཐ་མར་ཉིན་མཚན་ཀུན་ལ་རྒྱལ་བསྟན་དགོངས་དོན་ཇི་བཞིན་ཉམས་སུ་བླངས།།
རྣམ་པར་ཐར་བ་འདི་ཡི་གོ་རིམ་ཇི་བཞིན་འབྲི་རྩོམ་དབྱངས་ཅན་བསྙེན།།

           1
འཇམ་མགོན་བླ་མ་དྲན་བྱུང་།།
བསྟན་འགྲོའི་དོན་ཆེན་དྲན་བྱུང་།།
བགྲང་ཡས་བསྐལ་པ་མང་པོར།།
ཡང་ཡང་བྱོན་པ་དྲན་བྱུང་།།

           2
འཇམ་མགོན་བླ་མ་དྲན་བྱུང་།།
ཡབ་ཡུམ་ཟུང་གཅིག་དྲན་བྱུང་།།
བསིལ་ལྡན་སཱ་ལའི་ལྗོངས་སུ།།
བསམ་བཞིན་འཁྲུངས་པ་དྲན་བྱུང་།།
         
           3
འཇམ་མགོན་བླ་མ་དྲན་བྱུང་།།
བག་ཡོད་སྤྱོད་པ་དྲན་བྱུང་།།
ཆུང་ཆུང་བྱིས་པའི་དུས་ནས།།
ཆོས་ལ་གཞོལ་བ་དྲན་བྱུང་།།
         
           4
འཇམ་མགོན་བླ་མ་དྲན་བྱུང་།།
བསྟན་སྒོར་ཞུགས་པ་དྲན་བྱུང་།།
ཀརྨ་རོལ་བའི་རྡོ་རྗེས།།
དགེ་བསྙེན་བསྒྲུབས་པ་དྲན་བྱུང་།།

           5
འཇམ་མགོན་བླ་མ་དྲན་བྱུང་།།
སྡོམ་གསུམ་མནོས་པ་དྲན་བྱུང་།།
ཆོས་རྗེ་དོན་གྲུབ་རིན་ཆེན།།
བདུན་པར་ཕྲད་པ་དྲན་བྱུང་།།
          
           6
འཇམ་མགོན་བླ་མ་དྲན་བྱུང་།།
མནལ་ལམ་བཟང་བ་དྲན་བྱུང་།།
ཕྱག་རྡོར་ཨ་ཏི་ཤ་གཉིས།།
བྱོན་པའི་ངང་ཚུལ་དྲན་བྱུང་།།

           7
འཇམ་མགོན་བླ་མ་དྲན་བྱུང་།།
དབུས་སུ་ཕེབས་པ་དྲན་བྱུང་།།
ཆོས་ཀྱི་རྒྱལ་བོའི་གསུང་གི།།
བདུད་རྩི་མྱངས་པ་དྲན་བྱུང་།།
  
           8
འཇམ་མགོན་བླ་མ་དྲན་བྱུང་།།
གསོ་དཔྱད་རིག་པ་དྲན་བྱུང་།།
དཀོན་མཆོག་སྐྱབས་ཞེས་ཞུ་བའི།།
མཁན་དང་མཇལ་བ་དྲན་བྱུང་།།

           9
འཇམ་མགོན་བླ་མ་དྲན་བྱུང་།།
ཤེར་ཕྱིན་རྩ་འགྲེལ་དྲན་བྱུང་།།
བཀྲ་ཤིས་སེངྒེ་ལ་སོགས།།
ཡོངས་འཛིན་འཕྲེང་བ་དྲན་བྱུང་།།

           10
འཇམ་མགོན་བླ་མ་དྲན་བྱུང་།།
བྱམས་ཆོས་སྡེ་ལྔ་དྲན་བྱུང་།།
འཇམ་དབྱངས་རིན་ཆེན་དྲུང་དུ།།
ལེགས་པར་གསན་པ་དྲན་བྱུང་།།

           11
འཇམ་མགོན་བླ་མ་དྲན་བྱུང་།།
ཟབ་ཆོས་རྗེས་གནང་དྲན་བྱུང་།།
བླ་མ་བསོད་ནམས་རྒྱལ་མཚན།།
སྤྱི་བོར་བསྟེན་པ་དྲན་བྱུང་།།

           12
འཇམ་མགོན་བླ་མ་དྲན་བྱུང་།།
གྲྭ་སྐོར་གནང་བ་དྲན་བྱུང་།།
དགུང་གྲངས་བཅུ་དགུའི་དུས་ལ།།
ཕར་ཕྱིན་རྫོགས་པ་དྲན་བྱུང་།།

           13
འཇམ་མགོན་བླ་མ་དྲན་བྱུང་།།
གཙང་ལ་ཕེབས་པ་དྲན་བྱུང་།།
རིན་ཆེན་ས་བཟང་གཉིས་ལས།།
མདོ་སྔགས་ཐོས་པ་དྲན་བྱུང་།།

           14
འཇམ་མགོན་བླ་མ་དྲན་བྱུང་།།
སྦྱོར་དྲུག་ཡན་ལག་དྲན་བྱུང་།།
ཕྱོགས་ལས་རྣམ་རྒྱལ་དྲུང་དུ།།
ཁྲིད་སྦྱངས་གནང་བ་དྲན་བྱུང་།།

           15
འཇམ་མགོན་བླ་མ་དྲན་བྱུང་།།
མཛོད་དང་ཕར་ཕྱིན་དྲན་བྱུང་།།
དོན་བཟང་ཉ་དབོན་སྤྱན་སྔར།།
ཡོངས་སུ་སློབ་པ་དྲན་བྱུང་།།

           16
འཇམ་མགོན་བླ་མ་དྲན་བྱུང་།།
མཛོད་འགྲེལ་མངོན་པ་དྲན་བྱུང་།།
རྗེ་བཙུན་རེད་མདའི་དྲུང་ནས།།
ཚར་གཅིག་ཐོབ་པ་དྲན་བྱུང་།།

           17
འཇམ་མགོན་བླ་མ་དྲན་བྱུང་།།
དབུས་ནས་བཞུགས་པ་དྲན་བྱུང་།།
ལོ་ཆེན་བྱང་ཆུབ་རྩེ་མོར།།
གསན་ཆོས་ཞུས་པ་དྲན་བྱུང་།།

           18
འཇམ་མགོན་བླ་མ་དྲན་བྱུང་།།
འདུལ་བར་གནས་པ་དྲན་བྱུང་།།
སྐྱོར་མོ་ལུང་གི་མཁན་པོ།།
བློ་གསལ་བསྟེན་པ་དྲན་བྱུང་།།

           19
འཇམ་མགོན་བླ་མ་དྲན་བྱུང་།།
ཀུན་བཏུས་གཟིགས་པ་དྲན་བྱུང་།།
དགུན་གཞུག་གནས་རྙིང་བཞུགས་མཛད།།
ཚིག་དོན་མཁྱེན་པ་དྲན་བྱུང་།།

           20
འཇམ་མགོན་བླ་མ་དྲན་བྱུང་།།
བཀའ་བསྟན་གསན་པ་དྲན་བྱུང་།།
ས་སྐྱར་རེད་མདའི་དྲུང་དུ།།
ལུང་མང་ཐོབ་པ་དྲན་བྱུང་།།

           21
འཇམ་མགོན་བླ་མ་དྲན་བྱུང་།།
དཔག་མེད་དད་ཤུགས་དྲན་བྱུང་།།
ཆོས་ཀྱི་གྲགས་པའི་རྣམ་འགྲེལ།།
བརྩོན་པས་གཟིགས་པ་དྲན་བྱུང་།།

           22
འཇམ་མགོན་བླ་མ་དྲན་བྱུང་།།
སྙན་ངག་གཙུག་རྒྱན་དྲན་བྱུང་།།
ལོ་ཆེན་ནམ་མཁའ་བཟང་པོ།།
བསྟེན་ནས་སྦྱངས་པ་དྲན་བྱུང་།།

           23
འཇམ་མགོན་བླ་མ་དྲན་བྱུང་།།
མཁས་ཀུན་གྲགས་པ་དྲན་བྱུང་།།
དབུས་གཙང་སྣར་ཐང་ཕྱོགས་ཀྱི།།
བཀའ་ཆེན་གྲྭ་སྐོར་དྲན་བྱུང་།།

           24
འཇམ་མགོན་བླ་མ་དྲན་བྱུང་།།
བསྙེན་རྫོགས་བཞེས་པ་དྲན་བྱུང་།།
མཁན་ཆེན་ཚུལ་ཁྲིམས་རིན་ཆེན།།
བླ་མར་བཀུར་བ་དྲན་བྱུང་།།

           25
འཇམ་མགོན་བླ་མ་དྲན་བྱུང་།།
ནཱ་རོ་ཆོས་དྲུག་དྲན་བྱུང་།།
ཆོས་རྗེ་རིན་ཆེན་གྲགས་པའི།།
སྤྱན་སྔར་གཏུག་པ་དྲན་བྱུང་།།

           26
འཇམ་མགོན་བླ་མ་དྲན་བྱུང་།།
བཀའ་བསྟན་གཟིགས་ཚུལ་དྲན་བྱུང་།།
ལེགས་བཤད་གསེར་གྱི་ཕྲེང་བ།།
སྐྱིད་ཤོད་མཛད་པ་དྲན་བྱུང་།།

           27
འཇམ་མགོན་བླ་མ་དྲན་བྱུང་།།
ཕར་ཚད་དབུ་མ་དྲན་བྱུང་།།
འུ་སྟོད་བྱ་བའི་ཡུལ་དུ།།
དམ་ཆོས་གསུངས་པ་དྲན་བྱུང་།།

           28
འཇམ་མགོན་བླ་མ་དྲན་བྱུང་།།
དུས་འཁོར་འགྲེལ་ཆེན་དྲན་བྱུང་།།
རྟོགས་ལྡན་ཡེ་ཤེས་རྒྱལ་མཚན།།
ཞབས་ཟུང་མཇལ་བ་དྲན་བྱུང་།།

           29
འཇམ་མགོན་བླ་མ་དྲན་བྱུང་།།
མངོན་འདུལ་གསུངས་པ་དྲན་བྱུང་།།
གོང་ཀར་ཆོས་ཀྱི་རྒྱལ་བོའི།།
གསུང་ལྟར་བྱོན་པ་དྲན་བྱུང་།།

           30
འཇམ་མགོན་བླ་མ་དྲན་བྱུང་།།
བསྟན་བཅོས་བཅུ་བདུན་དྲན་བྱུང་།།
མོན་དཀར་བཀྲ་ཤིས་གདོང་དུ།།
བཤད་པ་མཛད་པ་དྲན་བྱུང་།།

           31
འཇམ་མགོན་བླ་མ་དྲན་བྱུང་།།
འཇིགས་བྱེད་ཐུགས་དམ་དྲན་བྱུང་།།
ཆགས་མེད་སྲོད་ཆོས་གྲོལ་དུས།།
ཐུགས་དམ་གནང་བ་དྲན་བྱུང་།།

           32
འཇམ་མགོན་བླ་མ་དྲན་བྱུང་།།
རྟོགས་པ་འཁྲུངས་པ་དྲན་བྱུང་།།
ཡར་ལུང་ཨོ་དཀར་བྲག་ཏུ།།
རྣལ་འབྱོར་བརྩོན་པ་དྲན་བྱུང་།།

           33
འཇམ་མགོན་བླ་མ་དྲན་བྱུང་།།
སྐྱོར་མོ་ལུང་རིང་དྲན་བྱུང་།།
སྡེ་སྣོད་འཛིན་པ་མང་པོར།།
ཕར་ཚད་གསུངས་པ་དྲན་བྱུང་།།

           34
འཇམ་མགོན་བླ་མ་དྲན་བྱུང་།།
ལྷ་མོ་དབྱངས་ཅན་དྲན་བྱུང་།།
དབུ་མ་བརྩོན་འགྲུས་སེངྒེར།།
རྗེས་གནང་སྩལ་བ་དྲན་བྱུང་།།

           35
འཇམ་མགོན་བླ་མ་དྲན་བྱུང་།།
གསང་འདུས་རྩ་རྒྱུད་དྲན་བྱུང་།།
རྗེ་བཙུན་རེད་མདའ་བ་ལས།།
སླར་ཡང་མཉན་པ་དྲན་བྱུང་།།

           36
འཇམ་མགོན་བླ་མ་དྲན་བྱུང་།།
འཇམ་དབྱངས་བྱིན་མཐུ་དྲན་བྱུང་།།
དབུ་མ་བརྩོན་འགྲུས་སེངྒེར།།
ཆོས་སྐོར་ཞུས་པ་དྲན་བྱུང་།།

           37
འཇམ་མགོན་བླ་མ་དྲན་བྱུང་།།
དུས་ཀྱི་འཁོར་ལོ་དྲན་བྱུང་།།
ཆོས་ཀྱི་དཔལ་བའི་དྲུང་དུ།།
ཐུགས་སུ་ཆུད་པ་དྲན་བྱུང་།།

           38
འཇམ་མགོན་བླ་མ་དྲན་བྱུང་།།
ཡོ་གའི་དཀྱིལ་འཁོར་དྲན་བྱུང་།།
བྲི་ཐིག་གར་དབྱངས་ཕྱག་རྒྱ།།
མཐའ་དག་སྦྱངས་པ་དྲན་བྱུང་།།

           39
འཇམ་མགོན་བླ་མ་དྲན་བྱུང་།།
ཟབ་ཡངས་བཀའ་ཆོས་དྲན་བྱུང་།།
ཆེན་པོ་ཕྲེང་བ་སྐོར་གསུམ།།
ཐུགས་སྦྱོངས་འདྲེས་པ་དྲན་བྱུང་།།

           40
འཇམ་མགོན་བླ་མ་དྲན་བྱུང་།།
རྒྱུད་སྡེའི་བཀའ་ལུང་དྲན་བྱུང་།།
སྔགས་འཆང་ཁྱུང་བོ་ལྷས་པའི།།
ཞབས་དྲུང་བཅར་བ་དྲན་བྱུང་།།

           41
འཇམ་མགོན་བླ་མ་དྲན་བྱུང་།།
རྒྱུད་དང་རྒྱ་གཞུང་དྲན་བྱུང་།།
ཆོས་རྗེ་རྒྱལ་མཚན་གྲགས་པར།།
རྩ་རྒྱུད་གསན་པ་དྲན་བྱུང་།།

           42
འཇམ་མགོན་བླ་མ་དྲན་བྱུང་།།
དྲི་བ་མཛད་ཚུལ་དྲན་བྱུང་།།
བླ་མ་དབུ་མས་མཚམས་སྦྱར།།
འཇམ་དབྱངས་ཞལ་མཇལ་དྲན་བྱུང་།།

           43
འཇམ་མགོན་བླ་མ་དྲན་བྱུང་།།
ལྷག་ལྷའི་ཞལ་གཟིགས་དྲན་བྱུང་།།
བླ་མ་ཡི་དམ་ངོ་བོ།།
དབྱེར་མེད་སྒོམ་པ་དྲན་བྱུང་།།

           44
འཇམ་མགོན་བླ་མ་དྲན་བྱུང་།།
བསགས་སྦྱངས་བརྩོན་པ་དྲན་བྱུང་།།
འོལ་ཁ་ཆོས་ཀྱི་ལུང་པར།།
འཁོར་བརྒྱད་བཞུགས་པ་དྲན་བྱུང་།།

           45
འཇམ་མགོན་བླ་མ་དྲན་བྱུང་།།
ཡན་ལག་ཆོ་ག་དྲན་བྱུང་།།
བདེ་གཤེགས་སུམ་ཅུ་སོ་ལྔ།།
མངོན་སུམ་གཟིགས་པ་དྲན་བྱུང་།།

           46
འཇམ་མགོན་བླ་མ་དྲན་བྱུང་།།
རྫིང་ཕྱིའི་ཇོ་བོ་དྲན་བྱུང་།།
མཇལ་ཁ་ཐེངས་གཅིག་ཞུས་པས།།
ཉམས་སྣང་སྣ་ཚོགས་དྲན་བྱུང་།།

           47
འཇམ་མགོན་བླ་མ་དྲན་བྱུང་།།
བྱིན་གྱིས་བརླབས་པ་དྲན་བྱུང་།།
རྫིང་ཕྱིའི་གཙུག་ལག་ཁང་ཆེན།།
རབ་གནས་མཛད་པ་དྲན་བྱུང་།།

           48
འཇམ་མགོན་བླ་མ་དྲན་བྱུང་།།
དཔོན་སློབ་ཐུགས་མཐུན་དྲན་བྱུང་།།
ལྷོ་བྲག་གྲུབ་ཆེན་མདུན་གྱི།།
ལམ་རིམ་གསན་སྦྱངས་དྲན་བྱུང་།།

           49
འཇམ་མགོན་བླ་མ་དྲན་བྱུང་།།
ཡང་དག་དོན་བསྟོད་དྲན་བྱུང་།།
རྒྱལ་ཚབ་མི་ཕམ་མགོན་པོར།།
བསྟོད་ཆེན་མཛད་པ་དྲན་བྱུང་།།

           50
འཇམ་མགོན་བླ་མ་དྲན་བྱུང་།།
འཁོར་ལོའི་སྡོམ་པ་དྲན་བྱུང་།།
བདག་འཇུག་ལེགས་པར་བཞེས་པའི།།
དཔོན་སློབ་སུམ་ཅུ་དྲན་བྱུང་།།

           51
འཇམ་མགོན་བླ་མ་དྲན་བྱུང་།།
ལུང་བསྟན་གནང་བ་དྲན་བྱུང་།།
ཞག་བཞུགས་རྨི་ལམ་ཞིང་དུ།།
བྱམས་མགོན་ཕེབས་པ་དྲན་བྱུང་།།

           52
འཇམ་མགོན་བླ་མ་དྲན་བྱུང་།།
གཉལ་སྨད་བཞུགས་པ་དྲན་བྱུང་།།
བཅོམ་ལྡན་འཁོར་ལོ་དཔའ་གཅིག།
གཟིགས་སྣང་བྱུང་བ་དྲན་བྱུང་།།

           53
འཇམ་མགོན་བླ་མ་དྲན་བྱུང་།།
བསྟན་པའི་ཞབས་ཏོག་དྲན་བྱུང་།།
དམ་ཆོས་འདུལ་བའི་ཆོས་སྐོར།།
མང་དུ་བསྐྱངས་པ་དྲན་བྱུང་།།

           54
འཇམ་མགོན་བླ་མ་དྲན་བྱུང་།།
གདུལ་བྱ་སྨིན་མཛད་དྲན་བྱུང་།།
གཉལ་གྱི་སྤང་ཆུང་སྟེང་དུ།།
དགེ་སྐུལ་མཛད་པ་དྲན་བྱུང་།།

           55
འཇམ་མགོན་བླ་མ་དྲན་བྱུང་།།
ཐུགས་ཀྱི་སྲས་གཅིག་དྲན་བྱུང་།།
རྒྱལ་ཚབ་དར་མ་རིན་ཆེན།།
སྤྱན་སྔར་བྱོན་པ་དྲན་བྱུང་།།

           56
འཇམ་མགོན་བླ་མ་དྲན་བྱུང་།།
ལྷ་ལྡིངས་དགོན་པ་དྲན་བྱུང་།།
དགོན་ནང་རྨི་ལམ་ནང་གི།།
སངས་རྒྱས་བསྐྱངས་ཁོང་དྲན་བྱུང་།།

           57
འཇམ་མགོན་བླ་མ་དྲན་བྱུང་།།
ལེགས་བཤད་སྙིང་བོ་དྲན་བྱུང་།།
བུད་ངྷ་པ་ལི་གཟིགས་ནས།།
ལྟ་བ་འཁྲུངས་པ་དྲན་བྱུང་།།

           58
འཇམ་མགོན་བླ་མ་དྲན་བྱུང་།།
མཆོད་པ་ཕུལ་བ་དྲན་བྱུང་།།
རྫིང་ཕྱིའི་ཇོ་བོའི་མདུན་དུ།།
དུས་མཆོད་མཛད་པ་དྲན་བྱུང་།།

           59
འཇམ་མགོན་བླ་དྲན་བྱུང་།།
དབུ་འདུལ་གསུངས་པ་དྲན་བྱུང་།།
ཕོ་བྲང་པོ་ཏ་ལ་རུ།།
བློ་གསལ་བསྐྱངས་པ་དྲན་བྱུང་།།

           60
འཇམ་མགོན་བླ་མ་དྲན་བྱུང་།།
རེད་མདའ་དཔོན་སློབ་དྲན་བྱུང་།།
རྭ་སྒྲེང་ཕྱོགས་སུ་ཕེབས་ནས།།
ཟབ་ཆོས་གསུངས་པ་དྲན་བྱུང་།།

           61
འཇམ་མགོན་བླ་མ་དྲན་བྱུང་།།
འདུལ་བ་དག་ཐེར་དྲན་བྱུང་།།
ཡབ་སྲས་སྐྱབས་མཆོག་དཔལ་བཅས།།
སྟོད་ལུང་གདན་འཛོམས་དྲན་བྱུང་།།

           62
འཇམ་མགོན་བླ་མ་དྲན་བྱུང་།།
བྱང་ཆུབ་ལམ་རིམ་དྲན་བྱུང་།།
ལོ་ཆེན་སྐྱབས་མཆོག་དཔལ་བས།།
ཞུས་བཞིན་བརྩམས་པ་དྲན་བྱུང་།།

           63
འཇམ་མགོན་བླ་མ་དྲན་བྱུང་།།
འཆད་ཉན་མཛད་པ་དྲན་བྱུང་།།
ཚད་མའི་ངོ་བོ་གོ་རིམ།།
ཕལ་ཆེར་ལམ་བསྟུན་དྲན་བྱུང་།།

           64
འཇམ་མགོན་བླ་མ་དྲན་བྱུང་།།
དབུ་ཚད་དཀའ་གནད་དྲན་བྱུང་།།
དད་ལྡན་བུ་སློབ་མང་བོར།།
དེ་ཉིད་བཀྲོལ་བ་དྲན་བྱུང་།།

           65
འཇམ་མགོན་བླ་མ་དྲན་བྱུང་།།
སྔགས་རིམ་བརྩམས་པ་དྲན་བྱུང་།།
འོལ་ཁ་བྱམས་པ་གླིང་གི།།
གསང་སྔགས་ཉམས་རྟོགས་དྲན་བྱུང་།།

           66
འཇམ་མགོན་བླ་མ་དྲན་བྱུང་།།
གསང་སྔགས་བཤད་ལུང་དྲན་བྱུང་།།
སྡེ་སྣོད་འཛིན་པ་དུ་མར།།
ཁྲིད་སྦྱངས་གནང་བ་དྲན་བྱུང་།།

           67
འཇམ་མགོན་བླ་མ་དྲན་བྱུང་།།
སེ་ར་ཆོས་སྡིངས་དྲན་བྱུང་།།
དྲང་ངེས་རྩ་ཤེས་ཊཱིཀ་ཆེན།།
ཟུང་གཅིག་བརྩམས་པ་དྲན་བྱུང་།།

           68
འཇམ་མགོན་བླ་མ་དྲན་བྱུང་།།
དགེ་ལེགས་དཔལ་བཟང་དྲན་བྱུང་།།
སྲས་ཀྱི་ཐུ་བོ་གཉིས་པ།།
མཚམས་སྦྱར་འོང་བ་དྲན་བྱུང་།།

           69
འཇམ་མགོན་བླ་མ་དྲན་བྱུང་།།
རྒྱ་ནག་ཕོ་ཉ་དྲན་བྱུང་།།
གོང་མས་གསེར་ཡིག་ཕུལ་ཡང་།།
ཆིབས་བསྒྱུར་མེད་པ་དྲན་བྱུང་།།

           69
འཇམ་མགོན་བླ་མ་དྲན་བྱུང་།།
དགེ་འདུན་སྟོང་ཕྲག་དྲན་བྱུང་།།
ལམ་སྔགས་ཆོས་ཀྱི་ཕུང་བོ།།
གསུང་སྐལ་བྱུང་བ་དྲན་བྱུང་།།

           70
འཇམ་མགོན་བླ་མ་དྲན་བྱུང་།།
སྨོན་ལམ་སྟ་གོན་དྲན་བྱུང་།།
རྭ་ས་གཙུག་ལག་ཁང་གི།།
རྟེན་བཞེངས་ཞིག་གསོ་དྲན་བྱུང་།།

           71
འཇམ་མགོན་བླ་མ་དྲན་བྱུང་།།
རྒྱལ་བ་དགྱེས་པ་དྲན་བྱུང་།།
གླང་ལོའི་ཧོར་ཟླ་དང་བོའི།།
མཆོད་པའི་སྤྲིན་ཕུང་དྲན་བྱུང་།།

           72
འཇམ་མགོན་བླ་མ་དྲན་བྱུང་།།
ཐུགས་སྨོན་གནང་བ་དྲན་བྱུང་།།
ཇོ་ཤཱཀ་རྣམ་གཉིས་དབུ་ལ།།
རིན་ཆེན་རྒྱན་པ་དྲན་བྱུང་།།

           73
འཇམ་མགོན་བླ་མ་དྲན་བྱུང་།།
འབྲོག་རི་དགའ་ལྡན་དྲན་བྱུང་།།
གནས་གཟིགས་མཛད་པའི་དུས་ལ།།
ངོ་མཚར་བྱུང་བ་དྲན་བྱུང་།།

           74
འཇམ་མགོན་བླ་མ་དྲན་བྱུང་།།
སླར་ཡང་སེ་ར་དྲན་བྱུང་།།
མདོ་སྔགས་ཟབ་ཆོས་མང་བོ།།
ཅི་དགར་བསྩལ་བ་དྲན་བྱུང་།།

           75
འཇམ་མགོན་བླ་མ་དྲན་བྱུང་།།
ཟངས་རིར་བྱོན་པ་དྲན་བྱུང་།།
སྤྱན་སྔ་བསོད་ནམས་བཟང་པོས།།
གསོལ་བ་བཏབ་པ་དྲན་བྱུང་།།

           76
འཇམ་མགོན་བླ་མ་དྲན་བྱུང་།།
དགའ་ལྡན་ཕྱག་བཏབ་དྲན་བྱུང་།།
རྒྱལ་ཚབ་ཆོས་ཀྱི་རྗེ་ལ།།
བཀའ་སློབ་གནང་བ་དྲན་བྱུང་།།

           77
འཇམ་མགོན་བླ་མ་དྲན་བྱུང་།།
རིམ་ལྔ་གསལ་སྒྲོན་དྲན་བྱུང་།།
འཆད་རྩོད་རྩོམ་པའི་དེ་གར།།
ཉིན་མཚན་འདའ་བ་དྲན་བྱུང་།།

           78
འཇམ་མགོན་བླ་མ་དྲན་བྱུང་།།
དགུང་གྲངས་ལྔ་བཅུ་དྲན་བྱུང་།།
སྐུ་ཚེ་ཟླ་བཞིན་འཕེལ་བའི།།
རིམ་གྲོ་མཛད་པ་དྲན་བྱུང་།།

           79
འཇམ་མགོན་བླ་མ་དྲན་བྱུང་།།
མི་དབང་གྲགས་རྒྱན་དྲན་བྱུང་།།
འོན་གྱི་བཀྲ་ཤིས་དོ་ཁར།།
ལེགས་པར་ཕེབས་པ་དྲན་བྱུང་།།

           80
འཇམ་མགོན་བླ་མ་དྲན་བྱུང་།།
སྔགས་ཀྱི་བསྟན་བཅོས་དྲན་བྱུང་།།
བདེ་མཆོག་ལཱུ་ཨི་པ་ཡི།།
ཊིཀ་ཆེན་བརྩམས་པ་དྲན་བྱུང་།།

           81
འཇམ་མགོན་བླ་མ་དྲན་བྱུང་།།
གསང་སྔགས་བསྟན་རྒྱས་དྲན་བྱུང་།།
དཀྱིལ་འཁོར་སྒྲུབ་མཆོད་བཞེངས་ནས།།
འཕྲིན་ལས་ཁྱབ་པ་དྲན་བྱུང་།།

           82
འཇམ་མགོན་བླ་མ་དྲན་བྱུང་།།
གངས་ཁྲོད་འགྲན་མེད་དྲན་བྱུང་།།
འཁོར་ལོ་གསུམ་གྱི་མཛད་བཟང་།།
བསྟན་འགྲོར་ཕན་པ་དྲན་བྱུང་།།

           83
འཇམ་མགོན་བླ་མ་དྲན་བྱུང་།།
ལྷ་སར་ཕེབས་པ་དྲན་བྱུང་།།
མཛད་པ་ཐ་མ་ཉེ་དུས།།
ཇོ་ཤཱཀ་མཆོད་པ་དྲན་བྱུང་།།

           84
འཇམ་མགོན་བླ་མ་དྲན་བྱུང་།།
ཐུགས་བཞེད་བསྐངས་པ་དྲན་བྱུང་།།
དཔལ་ལྡན་འབྲས་དཀར་སྤུངས་སུ།།
གྲྭ་ཚང་སྤེལ་བ་དྲན་བྱུང་།།

           85
འཇམ་མགོན་བླ་མ་དྲན་བྱུང་།།
སེ་རར་ཕེབས་པ་དྲན་བྱུང་།།
བྱམས་ཆེན་ཆོས་ཀྱི་རྗེ་ལ།།
བཀའ་སློབ་གནང་བ་དྲན་བྱུང་།།

           86
འཇམ་མགོན་བླ་མ་དྲན་བྱུང་།།
རྒྱ་ཆེའི་ཐུགས་སྨོན་དྲན་བྱུང་།།
ཡངས་པ་ཅན་དུ་ཕེབས་ནས།།
སྨོན་ལམ་བཏབ་པ་དྲན་བྱུང་།།

           87
འཇམ་མགོན་བླ་མ་དྲན་བྱུང་།།
རླབས་ཆེན་མཛད་པ་དྲན་བྱུང་།།
ས་ཕག་བཅུ་བའི་ཉེར་ལྔར།།
དགའ་ལྡན་གཤེགས་ཚུལ་དྲན་བྱུང་།།

           89
འཇམ་མགོན་བླ་མ་དྲན་བྱུང་།།
རྣམ་ཐར་རྒྱ་མཚོ་དྲན་བྱུང་།།
དེ་ལས་ཆུ་ཐིགས་ཙམ་ཞིག།
བརྗོད་ནུས་དགའ་བ་དྲན་བྱུང་།།
       ཞེས་རྒྱལ་བ་ཐམས་ཀྱི་མཁྱེན་བརྩེ་ནུས་གསུམ་གཅིག་ཏུ་འདུས་པའི་ངོ་བོ་ཁམས་གསུམ་འགྲོ་བའི་བླ་མ་ཙོང་ཁ་པ་ཆེན་པོ་ཞེས་ཡོངས་སུ་གྲགས་པ་དེ་ཉིད་ཀྱི་རྣམ་ཐར་ཕྱོགས་ཙམ་བརྗོད་པའི་དོན་བརྗོད་སྙན་ངག་རིང་མོ་འདི་ནི་མཁས་གྲུབ་དགེ་ལེགས་དཔལ་བཟང་བོས་མཛད་པའི་རྣམ་ཐར་དད་པའི་འཇུག་ངོགས་ལ་སྔར་རང་ཉིད་ཐེངས་གཅིག་མཇལ་མྱོང་བའི་བག་ཆགས་བཟང་བོའི་རྐྱེན་བྱས་ཐོགས་༧རྗེ་བཙུན་བློ་བཟང་ཡེ་ཤེས་བསྟན་འཛིན་གྱི་ཚིགས་སུ་བཅད་པ་རྣམ་ཐར་པདྨོ་རྒྱས་པའི་ཉིན་བྱེད་ལ་བརྗོད་བྱ་དང་བརྗོད་བྱེད་གཉིས་ཀྱི་ཆ་ནས་སྒོ་ཀུན་ནས་བསྟུན་པ་འདི་ཉིད་རང་གིས་དམ་པའི་རྩོམ་རྩལ་ལ་སློབ་སྦྱོང་དང་བསོད་ནམས་ཀྱི་ཚོགས་རླབས་པོ་ཆེ་ཞིག་ཏུ་བསམ་ནས་མདོ་ཁམས་ས་ཡི་ཐིག་ལེ་བྱང་ཉི་མ་རྫ་ཆུ་ཁའི་དཔལ་མཉམ་མེད་རི་བོ་དགེ་ལུགས་པའི་རང་ལུགས་དྲི་མ་མེད་པ་འཛིན་པའི་ཆོས་སྡེ་ཆེན་པོ་རྫ་སེར་ཤུལ་དགོན་ཐེག་ཆེན་དར་རྒྱས་གླིང་གི་འདུས་མང་ཉིས་སྟོང་ཉེ་བའི་གྲལ་མཐའ་བ་ཅོང་ཆུའི་གྲོལ་སྡེ་རུ་འབོད་པའི་རབ་གནས་ས་གླང་ལོའི་བོད་ཟླ་༡༠བའི་ཚེས་༡༢ཉིན་རེས་གཟའ་ལྷག་དཀར་དང་བསྟུན་ནས་མཇུག་ལེགས་པར་བགྱིས་པ་དགེ་ལེགས་སུ་གྱུར་ཅིག
རྩོམ་སྒྲིག་པ། གངས་དགའ།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།