གློག་ཀླད།
འོད་གོར་ཆུང་ཆུང་འདི
དབང་རྩའི་སྦུབས་སུ
ཧ་ཅང་ཉག་ཕྲ་བའི་ངང
སྐད་སྒྲ་མེད་པའི་ངང
འབབ་ཀྱིན་འདུག

    བོད་པ།
འདས་ཟིན་པར་ན་ཟུག་མེད་ལ
འདས་ཟིན་པར་རྨི་ལམ་ཡང་མེད
ཡོད་ཚད་འདས་སོང་པའི་རྐྱེན་གྱིས་ཡིན་ནམ
    
        མི།
རྣོ་ལྕགས་དེ་ཇི་ལྟར་སྦྱངས་རྡུང་བྱས་སམ
མི་དེ་ཡང་དེ་ལྟར་རྣོ་ལྕགས་ཀྱིས་རྡུང་ངམ
  
བརྩེ་དུང་ལ་བྱི་དོར་བྱས་པ།
མོ་མཚན་ལྟ་བུའི་ས་གཞི་འདི
ངས་ཅིས་ཀྱང་རུམ་འདོད
གཡོ་སྒྱུ་དང་ཧམ་སེམས་མེད་པར་རུམ་འདོད

     ནད་ཁང༌།
གནས་གང་ན་འང
ནད་ཀྱིས་གཟིར་བའི་མི་དེ་ཚོས
བྲེད་ཤ་དང་འཚང་ཁ་ཤིག་ཤིག་བྱེད་ཀྱིན
སྨན་རྫས་ཕོར་བ་གང་ཁྱེར་འོངས་ནས
འདི་ཟོ་ཤིག་ཟེར

རྩོམ་ཁུངས། ངེད་དྲ་བ།