སྐད་ཆ་འཇའ་ལ་བྲིས།
ཚོས་ཁ་བྱུགས་པའི་ཐག་པ་སྣ་ཚོགས་ཀྱིས་ལུས་པོ་བསྡམས
རུས་པའི་གསེང་གི་ཟུག་གཟེར་ནི་ཆུ་བཞིན་བཞུར
སྒྲ་དབྱངས་བར་མཚམས་མེད་པར་འཕྱོ
ཆར་བས་མུན་ནག་གི་མིག་མཐའ་བརླན
ཁ་སང་ཀི་འདེབས་མཁན་གྱི་མི་དེས
དེ་རིང་མགོ་བཏུམས་ནས་ངུ་ཤུམ་རྒྱག
ཁོས རི་གན་མཇེ་ཞིག་ཡིན་ན་ཟེར
ཁོས མཚོ་གན་མོ་མཚན་ཞིག་ཡིན་ན་ཟེར
ཚིག་ལ་མདུད་པ་མེད དབྱངས་ལ་རི་མོ་མེད
སྟག་གཟིག་གི་མཆེ་བའི་འོད་ལ་བྲོས
རྐང་སྣམ་སྒྱིད་ཁུག་ཏུ་ལྷུང
སྐད་ཆ་འཇའ་ལ་བྲིས
རྨི་ལམ་གད་སྙིགས་ལ་བཅོལ
ལང་ཚོའི་རྟ་ཕོ་སྲབ་མཐུར་ལས་ཤོར་ཡང་འདམ་ལ་ཟུག
མེ་ཏོག་སྨོན་ལམ་ཞིག་ལ་ཕྱུགས་ཆུང་གིས་དཔེ་འཇོག་མཛད
ངལ་དུབ་ཀྱི་དབང་གིས དལ་ཅིག་སྡོད་དགོས་པ་འདྲ སྡོད་དགོས་པ་འདྲ
༢༠༡༡.༠༦.༢༤
རྩོམ་ཁུངས། ངེད་དྲ་བ།