གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྨན་ཁང་གི་ཕྱི་རོལ།

2011-12-13 18:58:00 ན་རོ། ཀློག་གྲངས། མཆན ཡོད།


རུས་ལ་ཟུག་པའི་ཟི་ལིང་གི་ལྷགས་པ་དེས།
ཚེ་ཡི་མཚོ་མོ་ལ་སྲིད་པའི་འཁོར་ལོ་དྲུབ།
དྲ་སུག་ལ་བཀལ་བའི་མར་རྩམ་དང་ཤ་རྡོག
དེ་ཉིད་མཐོང་བྱེད་ཀྱི་མིག་ཤེལ་རལ་བོ་ཞིག

སྒུར་ཏེ་འགྲོ་བ་དག་དྲང་མོར་མཐོང་ཞིང་།
གློ་ལུད་རྒྱག་མཁན་དག་གཞས་པར་སྤྲུལ།
འདུ་བྲལ་གཉིས་གཅིག་ཏུ་སེམས་པའི་དུས་སུ།
སྨན་ཁང་ནི་ལྷ་ཡུལ་གྱི་མཚེ་མའོ།།

སྨན་ཁང་ནང་གི་ཁམས་དང་མོས་པ།
གདོས་བཅས་ཀྱི་ཕུང་བོ་འདིས་བརྟན་ཆགས་སེ་མི་ཐེག་དུས།
ཁྱེད་ལ་ཡོད་པ་ནི་སྐར་ཁུང་ཅི་རིགས་སོ།།
            2011.12.6ཉིན་མཚོ་སྔོན་བོད་སྨན་ཁང་ནས།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།