གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དམར་ཆུང་བྱུ་རུ།

2011-12-13 18:56:00 ས་དམར་གྲགས་པ། ཀློག་གྲངས། མཆན ཡོད།

རྩྭ་ཐང་གི་རྣམ་ཤེས    སྦྲ་རོག་རོག
སྦྲ་རོག་རོག་ནང་གི་དམར་ཆུང་བྱུ་རུ
དམར་ཆུང་བྱུ་རུའི་གཏམ་རྒྱུད་རིང་མོ
སྦྲ་རོག་རོག་གི་སེམས་པ་ལྟ་བུའི    བྱུ་རུ་དམར་ཆུང
རྩྭ་ཐང་གི་མིག་ཆུའི་རིལ་བུ       དམར་ཆུང་བྱུ་རུ   
 
རྨི་ལམ་གྱི་གཤོག་པ    སྦྲ་རོག་རོག
སྦྲ་རོག་རོག་ནང་གི་སེམས་པ་ཕྲ་མོ
རྩྭ་འོག་གི་རྣམ་ཤེས་གསོན་པོའི་ཚོགས
ན་ཆུང་མའི་སྙིང་གི་ཕྱེད་ཀ་ལྟ་བུའི     བྱུ་རུ་དམར་ཆུང
རྩྭ་ཐང་གི་མིག་ཆུའི་རིལ་བུ     དམར་ཆུང་བྱུ་རུ
         ༢༠༡༡ལོའི་ཟླ༡༢པའི༡༣ཉིན་དབུས་ལྷ་ལྡན་གྲོང་དུ༼སྙན་ངག་འདུ་ཚོགས་ལང་ཚོའི་རྦབ་ཆུ་སྐབས་ལྔ་བར༽ཞུགས་པའི་ཆེད་དུ་བྲིས་པའོ།།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།