གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བོར་ཟིན་པའི་རྨི་ལམ།

2012-01-25 18:27:00 སྙན་བཟང་དགེ་དར། ཀློག་གྲངས། མཆན ཡོད།


དྲན་སྣང་ཞིག་ལ   རྨིས་མ་ཚར་བའི་རྨི་ལམ་ཞིག
སྣང་བ་ཟ་ཟིའི་ཁྲོད་ན  མཛེས་སྡུག་ཅིག་གམ
སྡུག་བསྔལ་ཞིག་གིས་བལྟམས་འདུག
བཞུར་གྱིན་པའི་ལང་ཚོ་འདི
དུས་ཚིགས་ཀྱིས་ཁྱུར་མིད་བྱས་པས
ཁ་སང་གི་མཛེས་སྡུག་སྣ་ཚོགས
དེ་རིང་དྲན་ཤིང་ཁོ་ན་གྱུར་འདུག
              
ལྷ་སྒྲུང་ལ་འཐིམ་པའི་ལོ་རྒྱུས་རིང་མོ་དེ
 སུས་ཀྱང་བསུབ་མ་འདོད་ཀྱང
 སུས་ཀྱང་འབྲི་མ་ནུས་པས
 དེ་རིང་གི་ངས
 སུ་ཞིག་གིས་བཞག་པའི་ཁ་ཆེམས་ཀྱི་ཤོག་ལྷེ་རུ་འཇུས་ཏེ
 འདས་སོང་གི་སྐྱ་བོའི་སྤང་ཐང་དེ་ལ་ཚོན་མདོག་གི་བཟོ་བཅོས་བརྒྱབ
 རྨི་ལམ་ལས་རྨི་ལམ་རྨིས་པས
རྨི་ལམ་གྱི་ལོ་ཟླ་དེ་དག་ཀྱང
བཞུར་གྱིན་པའི་ལང་ཚོ་དང་འགྲོགས་ཏེ
ན་བུན་བཞིན་ཡལ་འདུག

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།