གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྐར་མདའ།

2012-06-12 13:48:00 འབའ་ཚེ་སྨྱོན།༼ལྷ་ས༽ ཀློག་གྲངས། མཆན ཡོད།


སྲིད་པ་ཆགས་པ་ནས། ངའི་བྲང་གཞུང་དུ།
སྐར་མདའ་ཞིག  ཕྱོགས་མེད་དུ་འཁྱམས་སོང་།

ཨ་ཕས་མིད་ཀྱིན་པའི་གཏམ་རྒྱུད་སྨུག་པོ་དེའི་ཁ་དོག་ལས།
མི་བུ་ཞིག་གི་ལས་དོན་གྱི་གཞི་མ་སྟེ།
ཁ་སང་རྩྭ་ཐང་ན་འཚོ་བའི་སྤྱང་ཀི་གང་དེའི་རྐང་རྗེས་ཡིན་སྐད།

ཁ་དོག་གིས་འཚོས་པའི་གཏམ་རྒྱུད་ཅིག་གི་སྐྱེལ་མ་བསམ་ཚེ།
ངས་ནམ་རྒྱུན་སྦྲ་ནག་གི་ཁ་ཚུབ་ལས།
སྐར་མདའ་གང་དེའི་བརྒྱུད་ཕྱོགས་ལ་ཅེར་ནས།
སེམས་ཀྱི་རྨ་ཁ་ཡོད་ཚད་རྨོངས་པས་སྒྲིབ་ཡོད།

ཨ་ཕས། གླེང་ཞོར་དུ།
སྐར་མདའ་གང་དེའི་གོམ་སྒྲ་དང་ལྗིད་ཏིག་གི་སེམས་སྒྲ
རླུང་ལྟར་འཕྱོ་བའི་སྐྲ་ལོ་ཡི་གྲངས་ཀ་མིད་བྱུང་།
གྲངས་ཀའི་གསེབ་དུ་གཏམ་རྒྱུད་ཅིག་གིས་རྐྱང་བྲོ་འཁྲབ་བཞིན།
སེམས་པ་ཕྱི་རུ་བྱོ་བཞིན་གདའ།

ངས་ཀྱང་སེམས་པ་མིད་ཀྱིན།
སྐར་མདའ་གང་དེའི་ཡང་སྙིང་ཕྱི་རུ་སྐྱུག་བཞིན་ཡོད།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།