གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྤྱང་མོ།

2012-06-30 13:03:00 ས་དམར་གྲགས་པ། ཀློག་གྲངས། མཆན ཡོད།


རི་ནས་ཚེར་མ་མ་སྐྱེས་པའི་གོང་རོལ་དུ
སྤྱང་མོ་རི་ནས་ཟུག་པའི་འཇིགས་སྣང་གིས
ཤྭ་གཡུ་མོའི་རྨིག་སྒྲ་རླུང་གིས་མི་ཚོར
འབྲོང་དེར་མའི་ངུར་སྒྲ་ཆར་བས་མི་ཁོགས
སྤྱང་མོ་ཡོད་པས    རྩྭ་ཐང་གི་བདག་མོ་ཡོད་པས
 
སྤྱང་མོས      མུན་པ་གོས་སུ་གྱོན་ནས་རླུང་བུ་འགེམས་མྱོང
སྤྱང་མོས      མེ་མདར་མིག་གིས་འཚོས་ནས་ལུག་ཁྱུ་ཕྲོགས་མྱོང
སྤྱང་མོས      སྟག་མོའི་རྨི་ལམ་རྐུས་ཏེ་དགྲ་ཤ་བརྩད་མྱོང
 
རི་ལ་ཚེར་མ་སྐྱེས་སྟེ      ཚེར་མའི་མཚོ་མོ་འཕྱུར་དུས
སྤྱང་མོའི་མལ་ཚང་ཐོག་གིས་གཏོར་སོང  
སྤྱང་ཕྲུག་ལས་དབང་ཚེར་མའི་མཚོ་ལ་འཐིམ་སོང
མཚོ་མོ་འུར་སྒྲ་ཆེ་བའི་དབང་གིས   
སྤྱང་མོ་ཟུག་སྐད་མ་ཐོས       སྤྱང་ཕྲུག་ངུ་སྐད་མ་ཐོས
        ༢༠༡༡ལོའི་ཟླ༡༡པའི་ཚེས༡༩ཉིན་དབུས་སུ་བྲིས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།