གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཇ་ཕོར་ལ་སེམས་ཟུག་པ།

2012-10-29 14:57:00 རྒོད་རྒྱལ་བློ་ཕུན། ཀློག་གྲངས། མཆན ཡོད།

ཆུང་མའི་གཉིད་ལབ་ཁྲོད་དུ།
ངའི་མིང་ལ་ཡང་བསྐྱར་འབོད་པ་བཏང་།
མཚན་སྨག་གི་ཁྲོད་དུ།
ངའི་མིང་ནས་འབོད་མཁན་ཁོ་མོ་ལས་སུ།
ཡིན་ནའང་།  ཁོ་མོས་གོ་ཚོར་གང་ཡང་བྱུང་མེད།

མི་ཚོགས་སྐར་མདའ་ལྟར་རུབ་ཁ་ན།
ངའི་གོ་གནས་ཀྱི་མཚན་རྟགས་ཐོས་འོང་།
ངས་སུ་ཞིག་ཡིན་མིན་སྐོར་ནས་བལྟས།
ཕལ་ཆེར་ངའི་གཤམ་འོག་གི་ལས་མི་ཞིག་ཡིན་ངེས།

ཕ་ཡུལ་དུ་ས་འདྲིས་ཆུ་འདྲིས་ཆེ་བས།
ཡུལ་མི་ཚོས་ངའི་ཆུང་མིང་ནས་སྐད་ཞིག་བཏང་།  
སེམས་ལ་ཟུག་པའི་སྐད་འདི་ཇ་ཕོར་གྱི་ཁ་དང་།  
ཞིང་གྲོང་གི་སྲང་ལམ་གཞུང་ནས་ཉན་དུས།
ངས་རྨི་ལམ་ལྟ་བུའི་ལོ་ཟླ་དག་དྲན།  
ངས་ས་སྤུངས་དང་དེའི་མཐའ་འཁོར་གྱི་རོགས་ལོ་དག་དྲན།        
        ༢༠༡༢ལོའི་ཟླ་༡༠པའི་ཚེས་༢ཉིན་ཕ་ཡུལ་ནས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།