གྲུ་ཁ།
ཁུ་སིམ་གྱི་གྲུ་ཁ་དེ་ནས།
ཞོགས་ཀའི་ཉི་གཞོན་ལྷན།
རྨི་ལམ་འབུམ་ཕྲག ཉི་འོད་ལ་འཁྱུད་བཞིན།
མིག་རྒྱང་མི་ཟིན་པའི་རྒྱ་མཚོའི་ཕ་རོལ་དུ།
འགྲུད་བཞུད་དུ་འཆད་འགོ་བརྩམས།
འགྲུལ་བཞུད་རིང་པའི་མཚོ་ཐོག་ནས།
ཆར་རླུང་དང་རླབས་ཕྲེང་གིས།
ཁུ་སིམ་གྱི་ཀོ་གྲུ་ཆུང་ཆུང་དེ།
ཇི་ལྟར་སྐྱོམ་ཡང་།
ཆེད་ཕྲ་བའི་སྐྱ་བ་ཆད་མེད་དུ་འགུལ་གྱིན་འདུག།
ཀོ་གྲུ་ཆུང་ཆུང་དེ།
ཆེད་མི་མྱུར་ཡང་།
ཆད་མེད་ཀྱི་འགྲུལ་བཞུད་ངང་།
དབྱར་གཞུང་གི་སྦྲང་ཆར་འབབ་དུས།
ཁུ་སིམ་གྱི་གྲུ་ཁ་ཞིག་ཏུ་ཐོན་ངེས།
གྲུ་ཁ་དེ་སྔར་རྒྱུན་བཞིན།
ཁུ་སིམ་ཞིག་ཡིན་ན།
ཕུག་མདུན་གྱི་རྨི་ལམ།
ཨམ་ཕྲག་ནས་ག་ལེར་བཏོན་ཏེ།
འགྲུལ་བཞུད་པ་བདེ་ལྷོད་ངང་། ཚ་འབོག་ཅིག་བརྒྱབ།
འགྲུལ་བཞུད་པ།
ལ་ལུང་དང་གཙང་པོ་ཇི་ལྟར་འགལ་ཡང་།
ཕ་ས་དང་ཕའི་གཏམ་རྒྱུད།
སྙིང་དབུས་གཏིང་རིམ་ནས་དྲན་བཞིན།
འཕྲེང་སེམས་ཀྱི་མིག་བཟུང་ཕ་ས་ལ་ཕྱོགས་ཡོད།
༢༠༡༢།༨།༡༥།
རྩོམ་ཁུངས། ངེད་དྲ་བ།