ཁོ་མོ་ཚོའི་ལག་ཟུང་།
ཁོ་མོ་ཚོའི་མཉེན་འཇམ་གྱི་ལག་ཟུང་གིས
སྔོན་ཆད་ཅིག་ལ
སྐྱ་རེངས་བུ་མོའི་རྨི་ལམ་བསྒུལ་ཏེ
ཆུ་དྭངས་མོ་དལ་གྱིས་བཅུས་ཤིང
འབྲི་མཛོ་མོ་དབྱངས་ཀྱིས་བཞོ་ཆོག
ཁོ་མོ་ཚོའི་མཉེན་འཇམ་གྱི་ལག་ཟུང་གིས
མ་གཞི་ཞིག་ནས
རིག་པའི་སྒོ་མོ་དལ་གྱིས་བརྡུང་སྟེ
ཀ་ཁ་སུམ་ཅུ་ཤུགས་ཀྱིས་བྲིས་ཤིང
མི་ཚེ་བཀྲག་མདངས་སྟོབས་ཀྱིས་མངོན་ཆོག
ཁོ་མོ་ཚོའི་མཉེན་འཇམ་གྱི་ལག་ཟུང་གིས
དེ་རིང་འདི་ནས
མ་ཎི་འཁོར་ལོ་མདུན་དུ་བཀྱགས་ཏེ
མཐེ་བོང་ནར་མོ་གྱེན་ལ་བསྒྲེངས་ཤིང
ལག་པ་ཆུང་ཆུང་གཞན་ལ་བསྲིངས་འདུག
༢༠༡༢ ༡༡ ༢༧ཁམས་ནས།
གསལ་བཤད།༼སྙན་ངག་འདི་ཁམས་ཕྱོགས་ན་མང་དུ་མཐོང་རྒྱུ་ཡོད་པ་དེ་དག་རྒྱུས་བྱས་ཏེ་བྲིས་པ་ཡིན་པས།ཐུགས་ལ་མི་གནོད་པར་མཁྱེན་ནོ།།
རྩོམ་ཁུངས། ངེད་དྲ་བ།