སེམས་པ་དང་ང་རང་།
སེམས་པ་དང་ང་རང་།
མི་ཚོགས་ཀྱི་དབུས་སུ།
རྦ་རླབས་བཞིན།
འཕྱུར་དུས།
ང་དང་སེམས་པ།
འདུས་ཚོགས་ཀྱི་ཁྲོད།
དྭ་ཕྲུག་བཞིན།
ཨ་མ་ཞེས་འབོད་དུས།
སྐད་རིགས་མི་གཅིག་པའི།
ངོ་གདོང་དེ་དག
ང་དང་སེམས་པར།
ལྟ་གིན་པ་ཚོར།
མི་ཚོགས་ཀྱི་ཁྲོད།
སེམས་པས་ང་རང་ལ།
སྙིང་སྟོབས་ཀྱི་རྒྱན་མཚན་སྒྲེང་ན།
ཐམས་ཅད་ནུས།
ང་དང་སེམས་པ།
ཉིན་མོ་དེར།
གཞན་གི་ཐོས་མི་ཐུབ་པའི།
འདས་སོང་གི་སྐད་ཆ་མང་དག་བཤད།
ངས་སེམས་པར།
འཁང་ར་ཇི་ལྟར་བྱས་ཀྱང་།
སེམས་པས་ང་རང་ལ།
མདུན་སྐྱོད་ཀྱི་སྐུལ་མ་གང་མང་གནང་།
༢༠༡༣། ༢། ༡༢ ཞོགས་པ་མེ་འཁོར་ནང་དུ་བྲིས།
རྩོམ་ཁུངས། ངེད་དྲ་བ།