གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

འདི་ལྟར་འཚོ་དགོས་བྱུང་།

2013-02-06 09:54:00 ཚེ་སྒྲོན་སྐྱིད། ཀློག་གྲངས། མཆན ཡོད།

མཚན་མོ་འདིར།
རབ་རིབ་ཀྱི་གྲིབ་གཟུགས་འགའ་དང་།
འཁྱག་སིབ་སིབ་ཀྱི་བསེར་བུའི་འཁུན་སྒྲ་ལས།
ཡོད་ཚད་ང་ལ་དབང་མི་འདུག
ཁེར་རྐྱང་གི་བདེ་བར་བསྙེགས་ཀྱང་།
ཟང་ཟིང་གི་ཚོར་བས་གཙེས་པའི།
ངའི་རྣམ་ཤེས་ཕྲ་མོ།
ས་མཐའི་རི་དྭགས་བཞིན།
གང་ལ་རྔམ་ནས།  གང་དུ་བཤར་རམ།
 
ལྷིང་འཇགས་ནི་གནས་སྐལ་དབེན་ཏེ།
སེམས་འདི་ཤེས་ཚོགས་ཀྱི་གཞིས་ཁྱིམ་ཡིན་པས།
ཁེར་རྐྱང་ཡིན་ཡང་།
ང་ཟང་ཟིང་གིས་འཚོ་དགོས་བྱུང་།
 
ཀྱེ།  བདག་ལ་ལྷིང་འཇགས་ཀྱི་གནས་ཚང་ཞིག་གཡོར་དང་།
ཡོད་ཚད་དེ།  བདག་གི་ཁེར་རྐྱང་གི་སེམས་འདི་ཁྱེད་ལ་གླན་འདོད།
 
                                             ༢༠༡༢་༤་༢༦ཞོགས་པར་ཟི་ལིང་ནས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།