གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གསང་བ།

2013-07-08 14:42:00 རྨོག་རྡོ་རྗེ་རྒྱལ། ཀློག་གྲངས། མཆན ཡོད།

 

སུས་ཀྱང་མཉམ་འཇོག་བྱེད་མི་སྲིད་པའི།
ངའི་ལྷིང་འཇགས་ཀྱི་གྲུ་ཟུར་དེར།
སྐྱོ་གདུང་དང་ན་ཟུག་གི་ཁུར་བོ་སྤུངས་ནས།
ནམ་ཞིག་གི་ཚེ་ན།
ངས་དེ་དག་ལྷག་ལུས་མེད་པར་ཁུར་ནས།
གནས་གང་ཞིག་ཏུ་སུ་ཞིག་གི་ཕྱོགས་སུ་བསྐྱོད་དགོས་སམ།
ཀྱེ།   བདག་གི་སྐྱོ་མཚོར་མོས་པའི་ཡིད་དབང་ལགས།
 
མཚན་མོ་མང་པོ་ཞིག་ལ།
ཆུ་ཤེལ་གྱི་དབང་བོ་དང་ལྷན་དུ།
སྐྱ་རེངས་མང་པོ་ཞིག་ལ་སྣེ་ལེན་བྱས་རྗེས།
ངས་ད་གཟོད་གནས་ལུགས་གང་ཞིག་རྟོགས་པ་ཇི་བཞིན།
དེ་ནི་ངའི་འཚོ་བའི་ལམ་རྒྱགས་རེད་ཅེས་ལབ་དགོས་བྱུང་།
 
འཁྲེང་བཞིན་པའི་བྱ་དངོས་ཡོད་ཚད་དང་།
ཐོབ་ཡོད་པའི་བྱ་དངོས་གང་ཡོད།
ངས་གསང་བ་ཡི་སྒྲོམ་རུ་བཅུག་ནས།
གངྒྰ་སྲིང་མོའི་རྒྱུན་ལ་བསྐྱུར་འདོད།
སོ་ནམ་གྱི་ལས་ལ་བརྩོན་པའི་མི་དམངས་ཀྱིས།
རོལ་རྙེད་མ་ཡི་མཚན་མཆོག་སྦྱར་ནས།
རྒྱུས་མེད་པའི་མི་ཞིག་ཕུལ་ལམ།
ཁྱི་ལ་ཟས་བཞིན་ལོགས་ཤིག་ཏུ་འཕེན།
 
གང་ལྟར་ཡང་།
མཇུག་འབྲས་གཅིག་ཡིན་སྲིད་པས།
དོ་སྣང་བྱས་ཀྱང་རུང་ལ།
མ་བྱས་ཀྱང་ཆོག་གོ།        
                                      ༢༠༡༣ལོའི་ཟླ༥ཚེས༢༥ཉིན་ལྷ་ལྡན་དགས་པའི་ཞིང་ནས་སྦྱར།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།