གནས་ལུགས་གསལ་བོ་ཞིག་ཐོབ་ཆེད
ཚུལ་འཆོས་ཀྱི་རས་ཡོལ་ནག་པོ་དེའམ
ཕྱི་ལྤགས་ཀྱི་མཛེས་པ་ཁྲ་ཁྲ་དེ་བསུབ་ཟིན

ཤོབ་ཀྱི་སྒམ་ལ་བཅུག་པའི་སྐད་ཆ་ལྷག་རོ་དེས
ཚེ་གཅིག་གི་རྨི་ལམ་ལ་དར་ཁ་བསྒྲིགས
འཚོ་བ་ནི་སྣང་བ་ལས་རིང་དུ་གྱེས

མི་རྣམས་མུན་པ་དང་བསྲེས་ཏེ
རང་རང་ཤོག་བྱ་མོད་པོར་བརྫིས
ཁྱོད་ཀྱི་འདོགས་ཐག་ཕོ་རོག་ནག་ཆུང་གི་ཕྱོགས་སུ་འཐེན

རྨ་ཁ་སྔོན་པོ་དག བདག་གི་རྒྱབ་གཞུང་དུ་བབས་ཤིང
ན་ཟུག་ཚད་མེད་ཅིག བདག་གི་བྲང་ངོས་སུ་འབར

དྲོད་ཡལ་བའི་ལག་པ་གཉིས་རེངས་བར་གྱུར་ཏེ
ལང་ཚོ་དང་དུས་ཚོད བརྩེ་དུང་བཅས་ཡོངས་སུ་ཤོར

        2014.6.19

    (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།