གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དགོང་མོ་དེར།

2014-08-01 10:55:00 མདའ་ལྗང་ལོ། ཀློག་གྲངས། མཆན ཡོད།

 

དགོང་མོ་དེར
ཕྱི་རོལ་གྱི་རླུང་བུ་སྔ་ནས་འཇགས་ན་ཡང
གར་འགྲོ་འདུར་རྒྱུག་ལ་རྒོད་པའི
ཞིང་གྲོང་གི་སྒོ་ཁྱི་ལྡོམ་པོ་དེ་དག་གི་ཟུག་སྐད་སྔ་ལྟར་ཆེའོ

དགོང་མོ་དེར
ལོ་དུ་མ་ལ་སེམས་སུ་སྦས་བའི་ཚིག་དང་ཐ་སྙད
མུན་པའི་ཡལ་གར་ཟིལ་བ་ལྟར་ཆགས་ཏེ
ལོ་མའི་མཁུར་མགོར་ལྕི་བས་དཔྱངས

དགོང་མོ་དེར
ཁྱོད་ཀྱིས་ང་རང་ལྷིང་ཞིང་འཇགས་པར་བྱས་ཏེ
རྨི་ལམ་ཞིག་བསྩལ་བྱུང
དེ་དུས་སུ  ང་ནི་ཁ་དོག་ཅིག
ཡང་ན   ཚིག་དང་ཐ་སྙད་ཅིག

དགོང་མོ་དེར
ངས་ཁྱོད་ཀྱི་སྐྲ་ལོར་བྱིལ་བྱིལ་བཏང་སྟེ
ཁྱོད་ཀྱི་དཔྲལ་བའི་སྨིན་མའི་བར་དུ་མིག་ཆུ་ཞིག་ལྷུང་སོང
དེ་ནི་ཁྱོད་དེའོ   ཡང་ན་ང་དེའོ

དགོང་མོ་དེར
ཁྱོད་རང་ངའི་བྲང་ཁར་མགོ་བོ་བསྙེས་ཏེ་གཉིད་སོང
དུས་ཚོད་ནི་སྐད་ཅིག་མའི་མིག་རྡེབ་དབང་ཙམ་རེད

དགོང་མོ་དེར
ཁྱོད་ཀྱི་སྔུར་བ་དེའང
ང་ལ་གཉིད་སྣང་གི་དབྱངས་རྟ་ཟ་ཟི་ཞིག

དགོང་མོ་དེར
ངས  ང་རང་གི་བྲང་ཁར་ཁྱོད་ཀྱི་མགོ་བོ་བཅུག་སྟེ
ཀྱེ  དཀོན་ཅོག་ལགས
དོ་ནུབ་ཀྱི་ལྷིང་འཇགས་འདི་ང་ལ་བསྐྱུར་རོགས

་་་་་་ ་་་་་་   ་་་་་་  ་་་་་་་་
         ༢༠༡༥-༠༥-༡༩ཉིན་གྱི་དགོང་མོ་དེར་བྲིས།

       
  (མཆོད་མེའི་པར་དབང་གཞན་གྱིས་དགོལ་མི་རུང)
 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།