ཀུ་རེ་སློང་བའི་མེ་ཏོག

གངས་ཅན་དབྱངས་འཚོ། མཆོད་མེ་བོད་ཀྱི་རྩོམ་རིག་དྲ་བ། 2015-03-06


           དང་བོ།
༡ ༽
ཆར་ཟིལ་དང་ཉི་འོད་ཀྱིས་བསླས་པའི་ཞོགས་པ་དེར།
སུ་ཞིག་གིས་ཆུ་ཐིགས་བདག་གི་འགྲམ་པར་གཏོར་བ་ན།
བདག་ལ་དངངས་ཚབ་དང་སྐྲག་སྣང་ཅི་འདྲའི་མོད།
༢༽
ངལ་དུབ་ཀྱི་རྫི་མ་དུད་པོར་འཕྱང་བའི་གཞོན་ནུ་དེས།
སུ་ཡིན་་་སུ་ཡིན། མང་དུ་དྲིས་ཀྱང་།
དབེན་པའི་ལྗོན་ཚལ་དུ་རྨི་ལམ་གྱི་འཇའ་ཟེར་རྐུ་བའི་ཁྱོད།
ད་དུང་གང་དུ་ཡོད་དམ་་་
༣༽
སིམ་མེར་ལུས་པའི་སྨྱུག་སྤྱིལ་གྱི་ཕྱི་རོལ་ནས།
གླུ་སྐད་ཁུར་བའི་ཕྱེ་མ་ལེབ་ཀྱི་གཤོག་དབྱངས།
སྲིན་དར་གྱི་དྲ་གསེབ་ནས་བདག་གི་གམ་དུ་ཤུ་བུར་འཛུལ།
༤༽
སྨྱུག་ཞྭ་དང་རྩྭ་ལྭ་འཚེམ་བཞིན་པའི་འགྲུལ་བཞུད་པ་དེས།
ངའི་ངལ་གསོ་དང་ལས་ཀ་ལ་བར་ཆད་སྟུད་མར་གཏོང་བའི་ཁྱོད།
གང་དུ་ཡོད་་་གང་དུ། ར་བའི་ནང་དང་། ལྡུམ་རའི་ཕྱི་རོལ།
༥༽
རྩི་བཅུད་ཀྱིས་སྨིན་མ་མཁྱོག་པོར་བཅོས་པའི་ཁྱོད།
ཟེ་བ་དང་འདབ་མས་གདོང་ཕྱེད་བཀབ་པའི་ཁྱོད།
ཡལ་གའི་སྟེགས་བུ་ཐོག་གར་རྩེད་ལ་གཞོལ་བ་ན།
ངས་གཞི་ནས་ཁྱོད་ཉིད་ཀུ་རེ་སློང་བའི་མེ་ཏོག་ཏུ་ངེས།
༦༽
དུས་སྐལ་དང་། འཚོ་བ། བླ་སྲོག་ཡོད་ཚད་ལ་དབང་སྒྱུར་བའི་མི་ཡཱ།

              གཉིས་པ།
༡༽
ཕྱི་རོལ་ནས་ཁ་བ་བབས་སོང་།
སྐྱོ་སྣང་གི་ལན་བུ་དུད་པོར་དཔྱངས་པའི་མི་ཚོགས་ཡྰ།
བདག་ལ་གདུང་བ་མི་གནང་བར་འཚལ།
༢༽
གདོང་རས་སུ་ཟུར་མིག་བཀལ་བའི་གྲིབ་གཟུགས་དེས།
ཐག་རིང་ནས་བརྩེ་དགོད་ཀྱིས་བདག་ལ་འཕྱ།
དགོངས་པ་མ་འཚམས། ང་ཁྱེད་ཀྱི་ཉེ་སར་བཅར་ན་འདོད།
༣༽
རྨི་ལམ་དུ་དཔྱིད་མདངས་རྣམ་པར་བཀྲ།
གླིང་བུ་འབུད་པར་མཁས་པའི་བྱིས་པ་ཀྱེ།
ཅི་ཞིག་གི་སླད་དུ་བདག་ལ་ཀུ་རེ་སློང་ངམ།
༤༽
ཧ་ཧ་་་་ ལྗོན་ལོ་ལྡེམ་ལྡེམ་དུ་འདར་བའི་ཕང་བར།
ངས་དངུལ་གྱི་མེ་ཏོག་ལ་བརྒྱུས་པའི་གླུ་སྙན་དཀྲོལ།
ཁྱོད་ཀྱིས་ད་དུང་ཕངས་སེམས་ཀྱིས་བདག་ལ་བལྟ་དོན་ཅི།
༥༽
ཉི་འོད་ཀྱི་དྲྭ་མིག་ཏུ་བྱིའུ་ཁྱུའི་སྒྲོ་ཐུར་འཐོར་དུས།
དངངས་སྐྲག་ཤིག་ཤིག་གིས་ལག་ཟུང་ང་ཡི་བྲང་ཁར་སྙེན།
གནས་མལ་འཚོལ་བའི་གཞོན་ནུ་ལགས། བདག་ལ་དྲོལ་ཁོལ་མི་འདུག
༦༽
ཁྱོད་ཉིད་སིལ་སྡོང་གི་ར་བར་སྟོང་བསམ་གྱིས་འགྲེང་སྟེ་རྒྱང་རིང་ལ་ཅེར།
བསམ་ལ་ངོམས་པའི་མི་དེས་ཡལ་གའི་སྟེང་ནས་འཛུམ་དཀར་གྱིས་ཁྱོད་ལ་ལྟ།

             གསུམ་པ།
༡༽

བརྩེ་བའི་མི་ལགས།
ཁྱོད་ཀྱིས་ཟླ་འོད་ལ་རེ་དུས།
བདག་གིས་གཏན་དུ་སྤྲིན་པ་ལ་གཞིག
སྤྲིན་པས་ཁྱོད་ཉིད་བདག་གི་ཉེ་སར་བསྐྱལ།
ཟླ་བས་ང་རང་ཁྱོད་དང་རྒྱང་དུ་བསྐྱེད།
༢༽
གསལ་ལ་མི་གསལ་བའི་གཞས་གདངས་དེས།
ཁྱོད་རང་གཉིད་དུ་མི་འཇུག ལྟོས་དང་།
བདག་སྐར་ཚོམས་སུ་བརྫུས་ནས་ཁྱོད་ཀྱི་སྒེའུ་ཁྲ་ལས་ཞུ་མོལ་མཆིད།
ཅིས་ཀྱང་གཟིམ་པར་འཚལ།
༣༽
འོད་ངོགས་ནས་ཡིག་འབྲུ་འཚོལ་བའི་བྱིས་པ་ཨང་།
ཨ་མ་གང་སོང་ཟིན།
ངས་ཁ་རོག་གེར་སུ་ཞིག་ལ་སོ་ལྟ་བྱེད་དམ།

             བཞི་བ།
༡༽
མཛེས་སྡུག་གི་ལྡུམ་ར་རུ།
མེ་ཏོག་གི་བསུང་ཞི་ཐུལ།
ལམ་འགྲམ་གྱི་འགྲུལ་བ་དེས་ང་རང་དལ་གྱིས་འཇིབ།
མེ་ཏོག་ཡ་་་མེ་ཏོག
ང་རང་སད་དུ་ཆུགས།
མི་ཚོགས་ཀྱི་མིག་ཟུང་གཏོང་བར་འཚལ།
༢༽
དྭངས་བསིལ་གྱི་རྫིང་བུ་རུ།
གསེར་མདོག་གི་ངང་མོ་འཁོར།
གྲུ་ཐོག་གི་གཞོན་ནུ་དེས་ང་རང་མིག་གིས་དྲངས།
༣༽
ཡུལ་གྱིས་བསྐལ་བའི་མཛའ་གྲོགས་ཀྱེ།
མེ་ཏོག་འདི་བཞེས་རོགས།
བདག་ལ་བཀྲག་མདངས་དང་དྲི་བསུང་མེད་པས་ཁྱོད་ཀྱི་མགུལ་རྒྱན་དུ་ག་ལ་རུང་།
༤༽
ཉི་འོད་ཀྱི་ཞོགས་པ་དེར།
ལྗང་གསར་གྱི་རྨི་ལམ་འཚོལ་བའི་མི་ཚོགས་དག་ཁྱེད་ཀྱི་གམ་དུ་སླེབས།
ངལ་དུབ་ཀྱིས་མནར་བའི་བདག
ད་དུང་རྨི་ལམ་དུ་གཡེངས།

             ལྔ་བ།
༡༽
ཁེར་རྐྱང་གིས་མནར་བའི་མཚན་མོ་དེར།
རབ་རིབ་ཀྱི་ཟླ་བ་བདག་གི་སྒེའུ་ངོས་འཛུམ།
སུན་སྣང་གི་འོད་མོག་གཤོག་རྩེར་ཁུར་བའི་མེ་ཁྱེར་ད་དུང་རྒྱང་རིང་ན།
༢༽
ལྐོག་གྱུར་ཀྱི་གསང་བ་ཞིག་གིས་བདག་དལ་གྱིས་སྒེའུ་ཁུང་གི་ཕྱི་རོལ་ཏུ་ཁྲིད།
སྐབས་དེར་བདག་གིས་ཟླ་བསིལ་གྱིས་མ་རེག་པའི་གྲུ་ག་དེ་རུ།
གཞོན་ནུ་མ་ཞིག་ཀྲོང་ངེར་འགྲེང་བཞིན་ཡོད་པར་ཚོར།
༣­༽
ང་འདི་ན་ཡོད་སྟེས་དབང་གིས་བདག་གི་ངག་སྒོ་ནས་འདི་ལྟར་ཤོར།
༤༽
ཁོ་མོས་འཚེར་སྣང་གི་ངང་ནས་སྒེའུ་ཁྲ་ལྷོད་ཀྱིས་ཕྱེས་སོང་།
༥༽
ཟླ་བ་གློ་བུར་དུ་མུན་ནག་གི་དྲྭ་གཟེབ་ཏུ་ཡིབས།
འོན་ཀྱང་སྔས་འགྲམ་གྱི་མིག་ཆུ་ལ་ད་དུང་འོད་དཀར་འཚེར།
༦༽
མཚན་མོ་འདིར་ཁྱོད་ཀྱིས་སྒེའུ་ཁུང་གི་དྲྭ་མིག་བསལ།
སྒེའུ་ཁུང་གི་དྲྭ་མིག་དེས་བདག་ཉིད་ཡོངས་སུ་བསལ།
༧༽
སྒྱུ་འཕྲུལ་གྱི་ཟློས་གར་ལ་སུན་པ་མེད།
རྨི་ལམ་གྱི་རོལ་རྩེད་ལ་ངོམས་པ་མེད།

             དྲུག་པ།
༡༽
ཟླ་འོད་ཀྱི་ཟེགས་མ་སྒེའུ་ངོགས་སུ་འཐོར་བ་དང་།
འོད་ཞགས་ཀྱིས་བསྣུམས་པའི་འཛུམ་བརྩེ་གོར་མོ་ཞིག
ད་ལྟ་བདག་གི་རྨི་ལམ་ལས་ལྷམ་མེར་འཚེར།
༢༽
ཟིལ་བ་ཐོགས་པའི་མེ་ཏོག་ཨང་།
ཁྱོད་ཀྱིས་དཀྱོག་པོར་བསྟར་བའི་ཐིག་རིས་ལ་རྨི་ལམ་གྱི་འཇའ་ཟེར་ཐགས་སུ་བསླས།
འདབ་མ་ལས་བདག་གི་སེམས་གཏམ་མཆིད།
ཡང་སྙིང་བདག་གང་དུ་ཡོད་དམ།
༣༽
དུང་སེམས་ཀྱི་ཞེན་པ་འབར་བའི་མཐོངས་དབྱིངས་སུ།
འོད་ཀྱི་སྲད་བུ་ལ་བརྒྱུས་པའི་མེ་ཁྱེར་ཡན།
སྒེའུ་འགྲམ་གྱི་མེ་ཏོག་འཛུམ་བག་གིས་བསུ་མཁན་ཁྱོད་ཡིན་ནམ།
༤༽
ཅི་ཞིག་སླད་དུ་ང་ཁྱོད་ཀྱི་དྲི་བསུང་ལས་ནམ་ཡང་ཐར་དུས་མེད།
དེ་ནི་བདག་ཟེའུ་འབྲུ་ལ་སྨྲེང་བ་ཁོ་ནས་མིན་ཏེ།
ཆིག་ལབ་དང་ལྐོག་འཛུམ་ལ་སྐྲག་པས་སོ། །
༥༽
གླུ་སྙན་གྱི་འཇམ་རླུང་ལྷོད་ཀྱིས་ལྡང་ཡོང་།
ངའི་སྒེའུ་ཁྲ་ལ་གསང་ལམ་ཡོད་པ་གཞི་ནས་ཤེས།
ཀྱེ་མ་་་། ངའི་སྙན་ངག་གི་ཕྲ་རྒྱན་ཁྱོད་ཀྱི་གེ་སར་དུ་་འཁྲུལ་སོང་།
དེ་ནི་བསུང་ངད་ཅིག་གི་བྱིན་རླབས་རེད།
༦༽
འཇིག་རྟེན་འདིར་རྨི་ལམ་ཅི་འདྲའི་མོད།
རྨི་ལམ་རེ་རེ་ལའང་ད་དུང་འཇིག་རྟེན་རེ།
ཁྱོད་ཀྱི་འཛུམ་མདངས་ཇི་ལྟར་ཆུང་ཡང་།
བདག་གི་འཇིག་རྟེན་དུ་གཏན་ནས་ཤོང་ཐབས་བྲལ།

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཀུ་རེ་སློང་བའི་མེ་ཏོག

2015-03-06 གངས་ཅན་དབྱངས་འཚོ། ཀློག་གྲངས། མཆན ཡོད།


           དང་བོ།
༡ ༽
ཆར་ཟིལ་དང་ཉི་འོད་ཀྱིས་བསླས་པའི་ཞོགས་པ་དེར།
སུ་ཞིག་གིས་ཆུ་ཐིགས་བདག་གི་འགྲམ་པར་གཏོར་བ་ན།
བདག་ལ་དངངས་ཚབ་དང་སྐྲག་སྣང་ཅི་འདྲའི་མོད།
༢༽
ངལ་དུབ་ཀྱི་རྫི་མ་དུད་པོར་འཕྱང་བའི་གཞོན་ནུ་དེས།
སུ་ཡིན་་་སུ་ཡིན། མང་དུ་དྲིས་ཀྱང་།
དབེན་པའི་ལྗོན་ཚལ་དུ་རྨི་ལམ་གྱི་འཇའ་ཟེར་རྐུ་བའི་ཁྱོད།
ད་དུང་གང་དུ་ཡོད་དམ་་་
༣༽
སིམ་མེར་ལུས་པའི་སྨྱུག་སྤྱིལ་གྱི་ཕྱི་རོལ་ནས།
གླུ་སྐད་ཁུར་བའི་ཕྱེ་མ་ལེབ་ཀྱི་གཤོག་དབྱངས།
སྲིན་དར་གྱི་དྲ་གསེབ་ནས་བདག་གི་གམ་དུ་ཤུ་བུར་འཛུལ།
༤༽
སྨྱུག་ཞྭ་དང་རྩྭ་ལྭ་འཚེམ་བཞིན་པའི་འགྲུལ་བཞུད་པ་དེས།
ངའི་ངལ་གསོ་དང་ལས་ཀ་ལ་བར་ཆད་སྟུད་མར་གཏོང་བའི་ཁྱོད།
གང་དུ་ཡོད་་་གང་དུ། ར་བའི་ནང་དང་། ལྡུམ་རའི་ཕྱི་རོལ།
༥༽
རྩི་བཅུད་ཀྱིས་སྨིན་མ་མཁྱོག་པོར་བཅོས་པའི་ཁྱོད།
ཟེ་བ་དང་འདབ་མས་གདོང་ཕྱེད་བཀབ་པའི་ཁྱོད།
ཡལ་གའི་སྟེགས་བུ་ཐོག་གར་རྩེད་ལ་གཞོལ་བ་ན།
ངས་གཞི་ནས་ཁྱོད་ཉིད་ཀུ་རེ་སློང་བའི་མེ་ཏོག་ཏུ་ངེས།
༦༽
དུས་སྐལ་དང་། འཚོ་བ། བླ་སྲོག་ཡོད་ཚད་ལ་དབང་སྒྱུར་བའི་མི་ཡཱ།

              གཉིས་པ།
༡༽
ཕྱི་རོལ་ནས་ཁ་བ་བབས་སོང་།
སྐྱོ་སྣང་གི་ལན་བུ་དུད་པོར་དཔྱངས་པའི་མི་ཚོགས་ཡྰ།
བདག་ལ་གདུང་བ་མི་གནང་བར་འཚལ།
༢༽
གདོང་རས་སུ་ཟུར་མིག་བཀལ་བའི་གྲིབ་གཟུགས་དེས།
ཐག་རིང་ནས་བརྩེ་དགོད་ཀྱིས་བདག་ལ་འཕྱ།
དགོངས་པ་མ་འཚམས། ང་ཁྱེད་ཀྱི་ཉེ་སར་བཅར་ན་འདོད།
༣༽
རྨི་ལམ་དུ་དཔྱིད་མདངས་རྣམ་པར་བཀྲ།
གླིང་བུ་འབུད་པར་མཁས་པའི་བྱིས་པ་ཀྱེ།
ཅི་ཞིག་གི་སླད་དུ་བདག་ལ་ཀུ་རེ་སློང་ངམ།
༤༽
ཧ་ཧ་་་་ ལྗོན་ལོ་ལྡེམ་ལྡེམ་དུ་འདར་བའི་ཕང་བར།
ངས་དངུལ་གྱི་མེ་ཏོག་ལ་བརྒྱུས་པའི་གླུ་སྙན་དཀྲོལ།
ཁྱོད་ཀྱིས་ད་དུང་ཕངས་སེམས་ཀྱིས་བདག་ལ་བལྟ་དོན་ཅི།
༥༽
ཉི་འོད་ཀྱི་དྲྭ་མིག་ཏུ་བྱིའུ་ཁྱུའི་སྒྲོ་ཐུར་འཐོར་དུས།
དངངས་སྐྲག་ཤིག་ཤིག་གིས་ལག་ཟུང་ང་ཡི་བྲང་ཁར་སྙེན།
གནས་མལ་འཚོལ་བའི་གཞོན་ནུ་ལགས། བདག་ལ་དྲོལ་ཁོལ་མི་འདུག
༦༽
ཁྱོད་ཉིད་སིལ་སྡོང་གི་ར་བར་སྟོང་བསམ་གྱིས་འགྲེང་སྟེ་རྒྱང་རིང་ལ་ཅེར།
བསམ་ལ་ངོམས་པའི་མི་དེས་ཡལ་གའི་སྟེང་ནས་འཛུམ་དཀར་གྱིས་ཁྱོད་ལ་ལྟ།

             གསུམ་པ།
༡༽

བརྩེ་བའི་མི་ལགས།
ཁྱོད་ཀྱིས་ཟླ་འོད་ལ་རེ་དུས།
བདག་གིས་གཏན་དུ་སྤྲིན་པ་ལ་གཞིག
སྤྲིན་པས་ཁྱོད་ཉིད་བདག་གི་ཉེ་སར་བསྐྱལ།
ཟླ་བས་ང་རང་ཁྱོད་དང་རྒྱང་དུ་བསྐྱེད།
༢༽
གསལ་ལ་མི་གསལ་བའི་གཞས་གདངས་དེས།
ཁྱོད་རང་གཉིད་དུ་མི་འཇུག ལྟོས་དང་།
བདག་སྐར་ཚོམས་སུ་བརྫུས་ནས་ཁྱོད་ཀྱི་སྒེའུ་ཁྲ་ལས་ཞུ་མོལ་མཆིད།
ཅིས་ཀྱང་གཟིམ་པར་འཚལ།
༣༽
འོད་ངོགས་ནས་ཡིག་འབྲུ་འཚོལ་བའི་བྱིས་པ་ཨང་།
ཨ་མ་གང་སོང་ཟིན།
ངས་ཁ་རོག་གེར་སུ་ཞིག་ལ་སོ་ལྟ་བྱེད་དམ།

             བཞི་བ།
༡༽
མཛེས་སྡུག་གི་ལྡུམ་ར་རུ།
མེ་ཏོག་གི་བསུང་ཞི་ཐུལ།
ལམ་འགྲམ་གྱི་འགྲུལ་བ་དེས་ང་རང་དལ་གྱིས་འཇིབ།
མེ་ཏོག་ཡ་་་མེ་ཏོག
ང་རང་སད་དུ་ཆུགས།
མི་ཚོགས་ཀྱི་མིག་ཟུང་གཏོང་བར་འཚལ།
༢༽
དྭངས་བསིལ་གྱི་རྫིང་བུ་རུ།
གསེར་མདོག་གི་ངང་མོ་འཁོར།
གྲུ་ཐོག་གི་གཞོན་ནུ་དེས་ང་རང་མིག་གིས་དྲངས།
༣༽
ཡུལ་གྱིས་བསྐལ་བའི་མཛའ་གྲོགས་ཀྱེ།
མེ་ཏོག་འདི་བཞེས་རོགས།
བདག་ལ་བཀྲག་མདངས་དང་དྲི་བསུང་མེད་པས་ཁྱོད་ཀྱི་མགུལ་རྒྱན་དུ་ག་ལ་རུང་།
༤༽
ཉི་འོད་ཀྱི་ཞོགས་པ་དེར།
ལྗང་གསར་གྱི་རྨི་ལམ་འཚོལ་བའི་མི་ཚོགས་དག་ཁྱེད་ཀྱི་གམ་དུ་སླེབས།
ངལ་དུབ་ཀྱིས་མནར་བའི་བདག
ད་དུང་རྨི་ལམ་དུ་གཡེངས།

             ལྔ་བ།
༡༽
ཁེར་རྐྱང་གིས་མནར་བའི་མཚན་མོ་དེར།
རབ་རིབ་ཀྱི་ཟླ་བ་བདག་གི་སྒེའུ་ངོས་འཛུམ།
སུན་སྣང་གི་འོད་མོག་གཤོག་རྩེར་ཁུར་བའི་མེ་ཁྱེར་ད་དུང་རྒྱང་རིང་ན།
༢༽
ལྐོག་གྱུར་ཀྱི་གསང་བ་ཞིག་གིས་བདག་དལ་གྱིས་སྒེའུ་ཁུང་གི་ཕྱི་རོལ་ཏུ་ཁྲིད།
སྐབས་དེར་བདག་གིས་ཟླ་བསིལ་གྱིས་མ་རེག་པའི་གྲུ་ག་དེ་རུ།
གཞོན་ནུ་མ་ཞིག་ཀྲོང་ངེར་འགྲེང་བཞིན་ཡོད་པར་ཚོར།
༣­༽
ང་འདི་ན་ཡོད་སྟེས་དབང་གིས་བདག་གི་ངག་སྒོ་ནས་འདི་ལྟར་ཤོར།
༤༽
ཁོ་མོས་འཚེར་སྣང་གི་ངང་ནས་སྒེའུ་ཁྲ་ལྷོད་ཀྱིས་ཕྱེས་སོང་།
༥༽
ཟླ་བ་གློ་བུར་དུ་མུན་ནག་གི་དྲྭ་གཟེབ་ཏུ་ཡིབས།
འོན་ཀྱང་སྔས་འགྲམ་གྱི་མིག་ཆུ་ལ་ད་དུང་འོད་དཀར་འཚེར།
༦༽
མཚན་མོ་འདིར་ཁྱོད་ཀྱིས་སྒེའུ་ཁུང་གི་དྲྭ་མིག་བསལ།
སྒེའུ་ཁུང་གི་དྲྭ་མིག་དེས་བདག་ཉིད་ཡོངས་སུ་བསལ།
༧༽
སྒྱུ་འཕྲུལ་གྱི་ཟློས་གར་ལ་སུན་པ་མེད།
རྨི་ལམ་གྱི་རོལ་རྩེད་ལ་ངོམས་པ་མེད།

             དྲུག་པ།
༡༽
ཟླ་འོད་ཀྱི་ཟེགས་མ་སྒེའུ་ངོགས་སུ་འཐོར་བ་དང་།
འོད་ཞགས་ཀྱིས་བསྣུམས་པའི་འཛུམ་བརྩེ་གོར་མོ་ཞིག
ད་ལྟ་བདག་གི་རྨི་ལམ་ལས་ལྷམ་མེར་འཚེར།
༢༽
ཟིལ་བ་ཐོགས་པའི་མེ་ཏོག་ཨང་།
ཁྱོད་ཀྱིས་དཀྱོག་པོར་བསྟར་བའི་ཐིག་རིས་ལ་རྨི་ལམ་གྱི་འཇའ་ཟེར་ཐགས་སུ་བསླས།
འདབ་མ་ལས་བདག་གི་སེམས་གཏམ་མཆིད།
ཡང་སྙིང་བདག་གང་དུ་ཡོད་དམ།
༣༽
དུང་སེམས་ཀྱི་ཞེན་པ་འབར་བའི་མཐོངས་དབྱིངས་སུ།
འོད་ཀྱི་སྲད་བུ་ལ་བརྒྱུས་པའི་མེ་ཁྱེར་ཡན།
སྒེའུ་འགྲམ་གྱི་མེ་ཏོག་འཛུམ་བག་གིས་བསུ་མཁན་ཁྱོད་ཡིན་ནམ།
༤༽
ཅི་ཞིག་སླད་དུ་ང་ཁྱོད་ཀྱི་དྲི་བསུང་ལས་ནམ་ཡང་ཐར་དུས་མེད།
དེ་ནི་བདག་ཟེའུ་འབྲུ་ལ་སྨྲེང་བ་ཁོ་ནས་མིན་ཏེ།
ཆིག་ལབ་དང་ལྐོག་འཛུམ་ལ་སྐྲག་པས་སོ། །
༥༽
གླུ་སྙན་གྱི་འཇམ་རླུང་ལྷོད་ཀྱིས་ལྡང་ཡོང་།
ངའི་སྒེའུ་ཁྲ་ལ་གསང་ལམ་ཡོད་པ་གཞི་ནས་ཤེས།
ཀྱེ་མ་་་། ངའི་སྙན་ངག་གི་ཕྲ་རྒྱན་ཁྱོད་ཀྱི་གེ་སར་དུ་་འཁྲུལ་སོང་།
དེ་ནི་བསུང་ངད་ཅིག་གི་བྱིན་རླབས་རེད།
༦༽
འཇིག་རྟེན་འདིར་རྨི་ལམ་ཅི་འདྲའི་མོད།
རྨི་ལམ་རེ་རེ་ལའང་ད་དུང་འཇིག་རྟེན་རེ།
ཁྱོད་ཀྱི་འཛུམ་མདངས་ཇི་ལྟར་ཆུང་ཡང་།
བདག་གི་འཇིག་རྟེན་དུ་གཏན་ནས་ཤོང་ཐབས་བྲལ།

(མཆོད་མེའི་པར་དབང་གཞན་གྱིས་དགོལ་མི་རུང)
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།