གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གྲྭ་བ།

2015-04-26 10:21:48 འོད་ཞགས། ཀློག་གྲངས། མཆན ཡོད།


ཁྱོད་རང་སོང་བའི་ཉིན་དེ་ནས་བཟུང་
ངས་ཐལ་མོ་ཕྱི་གཙུག་ལ་བཞག་ཅིང་སྙིང་དབུས་སུ་སྒོམ
རླུང་གིས་བསྐྱོད་པའི་སྐྲ་ལོ་དང་ན་བཟའ
ཉི་མ་དང་ཁ་བའི་འོད་ཀྱིས་ཚོན་བརྩི་བྱུགས་ཤིང་
ཕ་ཡུལ་གྱི་ངག་རྒྱུན་ཁྲོད་ན་འོད་དུ་འཚེར

ཁྱོད་ཀྱི་སྔས་འགྲམ་དུ་ཁ་བ་བབས་བྱུང་
དུས་ཚོད་ཀྱིས་བརྡར་བའི་འོད་ཀྱི་སྐུད་པ་རེ་རེ
ཉི་མའི་འགྲོས་དང་བསྟུན
ཚོན་མདོག་གཞན་ཞིག་གི་སྣང་བརྙན་ལས་བབས་བྱུང་
ལྷབ་ལྷུབ་ཏུ་སྟོན་ལོ་བཞིན
སེམས་པའི་མཁུར་ཚོས་ཡང་ཡང་བརླན
སྒེའུ་ཁུང་ནང་ནས་ཁོ་བོ་མཐོང་བྱུང་
ཁྱོད་སུ་ཡིན
རལ་གྲི་འདོགས་དོན་ཅི

ང་ ཁྱོད གཞན
ལ་ལུང་གི་དར་ལྕོག་བཞིན་ཟད་སོང་
རླུང་བུ་མ་ལྡང་ཡང་རང་ཉིད་འགུལ་བས་ཟད་སོང
དར་ལྕོག་ཐེད་སོང་
ཨོཾ་ཡིག་དག་ཡལ་སོང་
ཁྱོད་ནམ་ཡང་རི་འདབས་དེ་རུ་སྡོད་དགོས་བྱུང་
ངུ་འབོད་ཀྱི་གདུང་དབྱངས་ཡོད་ཚད
ཁྱོད་ཀྱི་ད་དུང་རོལ་དབྱངས་རིགས་ཤིག་ལ་འཁྲུལ་བཞིན
ངུ་མ་དགོད་ཀྱི་གཏམ་རྒྱུད་དེ་སྐྱོང་དགོས་བྱུང་

                       2014.11.2 ཉིན། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།