གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཧོར་ཟླ་བཅུ་བ་དང་ཁྱོད་ལ་བྲིས་པའི་སྙན་ངག༼ཞར་བཀོད་གཅིག་ཡོད ༽

2015-12-19 19:03:12 མདའ་ལྗང་ལོ།༼ རྨ་ལྷོ་སོག་རྫོང ༽ ཀློག་གྲངས། མཆན ཡོད།


ཧོར་ཟླ་བཅུ་བའི་ངོ་གདོང་གི་སྨ་ར
སྒེའུ་འགྲམ་དུ་ཟགས་ལ
ཕྱི་ནང་གི་གྲང་རེག་ལ་ཉི་ཟེར་གྱིས་བྱིལ་བྱིལ་གཏོང

ཉིན་འདི་གར་ཁྱོད་ལ་བྲིས་པའི་སྙན་ངག་དེ
ཧོར་ཟླ་བཅུ་བའི་ཕྲག་སྟེང་ན་དཔྱངས་བའི་ཉི་མ་དེའོ
ཡང་ན རླུང་གིས་བསྒུལ་བའི་གཡེར་དྲིལ་དེའང

དུས་ཚོད་ཀྱི་སྦུབས་སུ་ལྷུང་བའི་ཤིང་ལོ་རེ་འགའ
དྲན་གདུང་གི་སྐྲ་ལོར་འཁྱུད་ལ
བྱིས་དུས་ཀྱི་ཁུར་མོང་དེའང་དྲན་བྱུང

ཧོར་ཟླ་བཅུ་བ་ནི་ཁེར་རྐྱང་གི་བྱེའུ་དེའོ
ཡང་ན་ཁྱོད་ལ་བྲིས་པའི་སྙན་ངག་གི་ལྡེབས་རིས་དེའང
         ༢༠༡༥-༡༢-༠༣ཉིན་ལ།

               ནམ་ཕྱེད་དུ་བྲིས་པའི་སྙན་ངག་ཅིག

དོ་ནུབ ང་རང་ཟླ་བའི་གྲུ་གཟིངས་ལ་བསྡད་དེ
མི་ལོ་དུ་མར་བྲིས་པའི་སྙན་ངག་དག
གཅིག་རེ་གཅིག་རེ་བྱས་ཏེ་འཛམ་གླིང་གི་གྲུ་ཁ་སོ་སོར་སྐྱེལ་འདྲེན་བྱ་ན་འདོད
          ༢༠༡༥-༡༡-༢༥ཉིན་ལ་བྲིས།

 

 

(མཆོད་མེའི་པར་དབང་གཞན་གྱིས་དགོལ་མི་རུང) 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།