༡

དབྱངས་ང་རོ་གྱེར་བའི་སྲོག་ལྡན
ཁེར་ཧྲེང་གི་སྐྱོ་གཞས་སྙན་མོ
བདག་གི་འཁྱག་རླུང་ལ་རེག་པའི་ལག་པ་དྲོན་པོ

སེང་གེའི་གཡུ་རལ  གཡུ་རལ་གསིག་གསིག་གི་དབྱིབས

                       ༢

སུན་སྣང་གི་སྙིང་ལ་འཇུས་པའི་གཟུགས་ཅན
མེ་ལོང་གི་ངོས་སུ་འཕྱོ་ལྡིང་བྱ
ཁྱེད་ཀྱི་ཕྱོགས་སུ་འཕུར་བའི་བྱ་དཀར་པོ

རྨི་ལམ་གྱི་གར  གར་ལ་ཐིམ་པའི་སྲོག་གི་འོད་རླབས

                       ༣

འཆི་བའི་ལམ་གྱི་གཟེར་མ
གངས་རི་དང་རྩྭ་ཐང་ཁོག་ཏུ་གཅུད
དཀར་ནག་ས་མཚམས་ཀྱི་མེལ་ཚེ་ཡིན

རྒྱང་ལ་བྲིས་པའི་ལམ  ལམ་དུ་འཆར་བའི་འགྲོ་དྲུག་གི་གཟུཊ་བརྙན

                        ༤

ཅི་ཡང་འཇིངས་སུ་ནུབ  མེ་འོད་ཀྱི་འཇིངས་སུ་ནུབ
ཞེད་སྣང་དང་སྐྱོ་གར་ཚ་བོ  མེད་པར་གྱུར
མཐོ་སྒང་གི་རྣམ་ཤེས་ཁུར་བའི་སེམས་ཅན

སྲོག་གི་དང་རྟེན  རྟེན་གྱི་སྙིང་བོ་འཕྲོ་བའི་མེ་འོད

                                   2016-2-15

                                                  རྩོམ་སྒྲིག་པ། སྐྱ་བོ།

                                                                                                        (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།