གྲོང་རྡལ་འདི།
མཚན་ལྗོངས་ཀྱི་སྨག་རུམ་དེ
མི་བོ་ཆེ་ཞིག་གི་སྟོད་གཡོགས་དང་འདྲ་བར
མཐའ་འཁོར་གྱི་ཡོད་ཚད་ནང་དུ་བཅུག
སྲང་ལམ་ན་ཟ་མ་ཟིམ་དུ་དཔྱངས་པའི་གློག་སྒྲོན་དག་ཀྱང
མཚན་གོང་དུ་ཁྱོ་ག་སྒུག་པའི་ཆུང་མ་དག་དང་འདྲ་བར གཉིད་མ་སད
རླུང་ནི་ནི་འདྲེ་ཡིས་བདས་པ་ལྟར
སྲང་ལམ་གྱི་སྣེ་གཉིས་ཀྱི་ཁང་ཆག་ཁྲོད་ནས་ཕར་རྒྱུག་ཚུར་རྒྱུག་གིས
སྐབས་རེར་ཡིད་སྤྲོ་བའི་གླུ་དབྱངས་ལེན་ལ
སྐབས་རེར་ཉམ་ཐག་པའི་སྨྲེ་ངག་འདོན
ཁྱི་རྒན་དག་རྔ་མ་བོར་བའི་སྡུག་བསྔལ་གྱིས
གང་སར་ཉུལ་ནས་ཀུ་ཅོ་འདོན
གད་སྙིགས་ཀྱི་གསེབ་ཏུ་ཉུལ་དྲགས་པས
ཐ་མར་དེ་དག་གིས་རྔ་མ་བརྗེད་དེ
གད་སྙིགས་ཀྱི་ཁྲོད་ནས་གད་སྙིགས་སུ་གྱུར་སོང
དེ་ནི་གསར་བ་གསར་རྐྱང་གི
ཏར་ཝུན་གྱི་འཕེལ་འགྱུར་རིག་པ་ཞིག་ལགས
རྩོམ་སྒྲིག་པ། ལྷ་སྐྱིད།
(མཆོད་མེའི་པར་དབང་གཞན་གྱིས་དགོལ་མི་རུང)
རྩོམ་ཁུངས། ངེད་དྲ་བ།