གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མེ་ལོང་ངོས་ཀྱི་སྐར་ཚོགས།

2017-03-31 11:01:47 ལྗང་རླུང་།(དཀར་མཛེས) ཀློག་གྲངས། མཆན ཡོད།

མཚན་མོ་ནི་ཧ་ཅང་འཁྱོལ་དཀའ་བའི་དུས་ཚིགས་ཤིག་རེད
སྣང་བ་ཞིག་ལ་ངང་བ་དཀར་པོ་ཁྱུ་ཞིག་གིས་ཉི་འོད་སྒྲིབ་ཅིང
ཟླ་བའི་མཛེས་སྡུག་ལ་མཚོ་མོ་ཡི་ཟེགས་མ་ཕོག་པས
མིག་ཟུང་བགྲད་དེ་སྒེའུ་ཁུང་ནས་བལྟ་སྐབས
འོད་ཆེམ་ཆེམ་གྱི་སྐར་མའི་ཚོམ་བུ
ངའི་ཡིད་ཀྱི་ཐད་དུ་དཀར་ལམ་མེར་གསལ་འདུག

ཉི་འོད་རླུང་གིས་དེད་ནས་ཟད་སོང
མེ་ལོང་ངོས་ཀྱི་སྐར་ཚོགས་ཀྱི་འོད་ཟེར་དག
ངས་བར་སྣང་ལ་ཐེམ་སྐས་བཙུགས་ཏེ་ལག་གིས་བཟུང་ཞིང
འོད་ཟེར་འདི་དག་གི་ཁྲོད་ཀྱི་སྐར་མ་སྨིན་དྲུག
ཨ་མ་ཞིག་གིས་བུ་ཕྲུག་རུམ་པ་བཞིན་དྲོད་ཀྱིས་བསྲུངས་ཡོད

སྐར་ཚོགས་ཀྱི་འོད་ཟེར་དག
ལག་གིས་འཐེན་ཞིང་རུམ་དུ་སྡུད་དུས
བར་སྣང་ལ་བལྟ་འདོད་མཁན་གྱི་སྐྱེས་པ་གང་མང་ཞིག་གིས
ཆུང་མའི་སྐྲ་ཉག་རེ་རེ་འཇིག་རྟེན་ཞིག་གི་ངོ་བོར་འཁྲུལ་ཏེ
ཆུ་ནང་དུ་འཆར་བའི་ཟླ་གཟུགས་དེ་རང་ལུས་ཀྱིས་བཀབ་ཅིང
ཕ་རོལ་གྱི་གཡའ་རྡོ་ལས་མཆེད་པའི་བྲག་ཅའི་བརྩེ་གཞས་ཀྱི་གླུ་སྐད་དག
སྒོ་ཁྱིས་བར་སྣང་དུ་བལྟས་ཀྱིན་ཟུག་སྐད་གཏོང་བ་བཞིན
སྐར་མའི་འོད་ཟེར་གྱི་ཕོ་བྲང་དེར་བཏང་ཡོད་ངེས


རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།