གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁྱོད་ཀྱིས་ང་རང་མེ་ཏོག་ཅིག་ཏུ་བསྒྱུར།(ཞར་བཀོད་གཅིག་ཡོད)

2019-03-15 00:24:15 སྒྲོལ་མ་འཚོ།(མཚོ་ལྷོ) ཀློག་གྲངས། མཆན ཡོད།

                         ______Nrལ་ཕུལ།

དབྱར་ཁ་སླེབས་དུས།
ཁྱེད་ཀྱིས་ང་རང་མེ་ཏོག་ཅིག་ཏུ་བསྒྱུར།
ཞོགས་པ་རེ་རེར།
ང་རང་སྒེའུ་སྟེགས་སུ་བསྐྱལ་ཏེ་ཆུ་གཏོར་གིན་འདུག

ང་རང་མེ་ཏོག་ཅིག་ཡིན།
ཟེའུ་འབྲུ་སྨིན་ཐག་ཆོད་པའི་མེ་ཏོག་ཞིག་ཡིན།
རླུང་བུ་ལགས། ང་རང་ཨེན་ཙམ་བཞད་དུ་ཆུགས་དང་།
ངའི་ནེམ་ཤ་ཁུར་བའི་འདབ་ལོ་རེ་རེར།
ཁོ་བོས་ད་དུང་ཞིབ་ཏུ་བལྟ་དགོས་ཨང་།

སྟོན་ལ་གཅར་དུས།
ཡིད་སེམས་སྨྲེང་མི་དགོས།
མེ་ཁོག་ཁྱིམ་དུ་ལོངས་དང་།
ང་རང་གཏན་ནས་རྒས་མི་སྲིད།

འཁྱག་རླུང་གིས་ཇི་ལྟར་གཙེས་ཀྱང་།
སོས་ཀ་ཞིག་ཡོད་པ་ཡིད་ལ་ཟུངས་དང་།
ཡིད་འོང་གི་སོས་ཀ་རེ་རེར།
ཞེ་འདང་གི་མེ་ཏོག་བཞད་སྲིད།

             ཡིད་འོང་གི་མི།


ཁྱེད་ལམ་ལ་ཆས་ཁར།
རྟ་ཕོས་ཁྱེད་ལ་ཡང་ཡང་བལྟས་ཡོད་ངེས།
ཁྱེད་རྟ་ཕོར་ཧ་ཅང་དགའ་བས།
རྟ་ཕོས་ཁྱེད་ལ་ཞེ་འདང་བཞག་ཡོད་པ་འདྲ།
གང་ལྟར་ང་ལ་མཚོན་ན།
རྟ་ཕོ་ནི་ཡིད་འོང་གི་མཚོན་བྱེད་ཅིག་རེད།

ཁྱེད་རྒྱང་ལ་འཐེན་དུས།
ངས་རྟ་ཕོར་བྱིལ་བྱིལ་གཏོང་ཞོར།
རྟ་ཕོའི་མིག་ཆུ་ཕྱིས་པ་ཡིན།
བརྩེ་དུང་ལ་ཁྲེལ་བག་ཡོད་པར།
ག་ལེར་ཡིད་ཆེས་གནོངས་དང་།
ང་དང་རྟ་ཕོས།
ཡིད་འོང་གི་གྲུ་ཁ་གཞན་ཞིག་ནས།
ཡིད་འོང་གི་ཁྱེད་རང་དྲན་པར་བྱ།

ཁྱེད་རྒྱང་ལ་ཆས་དུས།
རྟ་ཕོར་ཡིད་སེམས་འཁྲེང་མི་དགོས།
ངས་རྟ་ཕོར་སེམས་གསོ་གནང་ཆོག
ངས་རྟ་ཕོར་སྒ་ཆ་བསྟད་ཆོག
ཡིད་ཆེས་གནོངས་དང་།
ང་དང་རྟ་ཕོས།
ལོ་ངོ་ག་ཙམ་ཕྱིན་ཡང་།
བལ་ལྟར་འཇམ་པའི་ཁྱེད་རང་།
གཏན་ནས་བརྗེད་མི་སྲིད།

ཀ་ཡེ   ཡིད་འོང་གི་མི་ལགས།
ཕ་ཡུལ་དྲན་དུས།
ཞིབ་ཏུ་ཉོན་དང་།
ཁྱེད་རང་དྲན་པའི་བརྡ་ལ།
རྟ་ཕོས་འཚེར་སྐད་ལྷང་ལྷང་བསྒྲག་ངེས།
ངས་ཀྱང་ནང་སེམས་བསྟན་ནས།
ཡིད་འོང་གི་སྙན་ངག་བྲི་ཆོག
 

 རྩོམ་སྒྲིག་པ། ལྷ་སྐྱིད།

  (མཆོད་མེའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།