སྲང་ལམ་བཞི་བའི་སྒོ་རྟགས་༣༤ཅན་གྱི་མགྲོན་ཁང་གི་སྒོ་ག་ལེར་རྡུང་བས་མོ་ལོ་སུམ་ཅུ་ཡོལ་ཙམ་གྱི་གཞོན་ནུ་་སྐྱེ་འབྲས་མཚར་བ་་ཞིག་གིས་སྒོ་དལ་བུར་ཕྱེ་བྱུང་བས། ཁོང་ཅུང་འཚབ་འཚུབ་ངང་འདི་ནི་སུས་ནང་རེད་དམ་ཞེས་དྲིས་པའི་ཚེ། བུ་མོ་གཞོན་ནུ་མ་དེས་འཛུམ་མདངས་དང་བཅས་བཤད་རྒྱུར་འཚབ་ཀྱི་འདུག་པ་ཅི་རེད། མོ་སྒོ་བློ་་མི་འབབ་ཁ་ཟེར་ཞོར་ལག་པ་ལ་འཇུས་ནས་ནང་ལ་ཤོག་ཟེར་བས། ཁོང་གིས་ཀྱང་ཡིན་པའི་བརྡ་ལ་ཡ་ལན་བཅས་ནང་དུ་ཡོང་རྗེས་གཞི་ནས་རང་སེམས་ག་ལེར་ལྷོད་ལ་བབས། ལོ་ཚོད་རན་ཞིང་མཁུར་ཚོས་དམར་ལ་མིག་དཀྱུས་ཡངས་ཤིང་སྐེད་པ་ཕྲ་བ་བཅས་མཛེས་ཉམས་ལྡན་པའི་གཞོན་ནུ་མ་དེའི་ལུས་སྟོད་དུ་ལྭ་བ་གོང་མེད་ཞིག་གོན་ཡོད་པ་ལས་ནུ་འབུར་གཉིས་ཕྱིར་འབུར་བ་ཕལ་ཆེར་མཐོང་ཡོང་།ཁོ་མོས་ཁོང་ལ་བསིལ་ཁུ་བླུགས་ནས་འཐུང་རོགས་གནང་ཟེར་བས།ཁོང་གིས་ཀྱང་ཡ་ཡ་ཟེར་བཞིན་བསིལ་ཁུ་འཐུང་་ཞོར་དུ་ཁོ་མོར་སྐད་ཆ་དྲིས།
རིན་གོང་ག་ཚོད་རེད་ཐེངས་མ་གཅིག་དང་དགོང་ཞག་གང་པོར་བསྡད་ན་ཞེས་དྲིས་པས།ཁོ་མོས་ཚམ་ཚོམ་མེད་པར་ཐེངས་གཅིག་ལ་རྒྱ་སྒོར་༣༠་དང་། མཚན་གང་བོར་ང་དང་མཉམ་ཏུ་ཉལ་ན་རྒྱ་སྒོར་བརྒྱ་རེད། གོང་ཚད་ནམ་རྒྱུན་ལྟར་ཡིན་ཞིང་རིན་གོང་མཐོ་རྒྱུ་མེད་ཟེར། ཁོང་གིས་ཡ་ལན་ཅི་ཡང་མི་སྟེར་བར་སྒོར་ཁུག་ལས་རྒྱ་སྒོར་བརྒྱ་བླངས་ནས་ཁོ་མོཪ་སྤྲད་པས། ཁོ་མོས་འཛུམ་མདངས་དང་བཅས་སྔར་ལས་ཤ་ཚ་ཞོར་གོན་པ་ཚང་མ་ཕུད་ནས་མལ་ཁྲིའི་ཐོག་བུད་དེ་་འོ་མ་དང་མོ་མཚན་རྗེན་པར་བསྟན། དེ་ནས་ཁོང་གིས་ཀྱང་རང་ཉིད་ཀྱི་གོན་པ་སོགས་ཕུད་ནས་སྤྱང་ལྟོགས་ཤ་ལ་རྔམས་པ་ལྟར་གཞོན་ནུ་མའི་ལུས་ཐོག་ལ་མཆོངས།
འདི་ལྟར་ཁོང་་གཉིས་ཇ་ཡུན་ཙམ་རིང་འཁྲིག་སྤྱོད་ཀྱི་བདེ་བར་རོལ་བས་ཁོང་གཉིས་ཡིད་ཚིམ་རྗེས་མལ་ཁྲིའི་སྟེང་གན་རྐྱལ་དུ་ཉལ་ཞིང་ཕན་ཚུན་ལབ་གླེང་ཞིག་གི་མགོ་བཙུགས། ཁོ་མོའི་བཤད་ན་ཁོ་མོ་ལ་ཁྱོ་ག་ཡོད་ལ་བུ་ཆུང་གཉིས་ཡོད་ཟེར། བུ་ཆུང་དེ་སློབ་ཆུང་དང་བུ་འབྲིང་བ་དེ་་སློབ་འབྲིང་དུ་འགྲོ་བཞིན་ཡོད། ཁྱོ་གས་ལག་འཐེན་འཕྲུལ་འཁོར་ཞིག་བསྐོར་གྱི་ཡོད་ཀྱང་དེ་ཙམ་གྱིས་ངེད་ཅག་གི་འགྲོ་སོང་ཙམ་ལས་བྱིས་པ་གཉིས་ཀྱི་སློབ་ཡོན་གྱི་འགྲོ་སོང་སོགས་ལ་མི་འདང་བས་ཁོ་མོས་འདི་ལྟར་མི་བྱེད་ག་མེད་བྱུང་། ཁྱོ་ག་དང་ངེད་གཉིས་གྲོས་བྱས་ནས་འདིར་ཡོང་བ་ཡིན་ཟེར། མགྲོན་ཁང་འདིའི་་ནང་ནས་བསྡད་ན་མགྲོན་ཁང་ལ་སྒོར་མོ་བཅོ་ལྔ་དང་ཟས་རིན་ལ་སྒོར་བཅོ་ལྔ་བཅས་ཁྱོན་བསྡོམས་སྒོར་སུམ་ཅུ་རེད། དེ་ནས་ལྷག་མ་ག་ཚོད་བྱུང་ན་ངའི་ཡོང་སྒོ་རེད་ཟེར།
དེ་ལྟར་ཁོ་མོས་ཁ་ཁོག་པས་མ་གསང་བློ་རྒྱུ་མའི་མ་བསྐུམས་པར་དྲང་བོར་བཤད་པས། ཁོང་ཡང་སེམས་འགུལ་ཐེབས་ནས་བཤད་རྒྱུར། ང་ལ་ཡང་ཆུང་མ་ཡོད་ལ་བྱིས་པ་གསུམ་པོ་ཚང་མས་ནང་ན་ང་དང་མཉམ་ཏུ་འབྲོག་ལས་བྱེད་བཞིན་བསྡད་ཡོད། ང་ཚོའི་འབྲོག་ཕྱོགས་སུ་ནོར་ལུག་རེ་བཙོང་བའི་ཡོང་སྒོ་དང་། དེ་མིན་དབྱར་རྩ་དགུན་འབུ་རེ་བཙལ་བ་བཅས་སྒོར་མོའི་ཡོང་ཁུངས་དེ་ཙམ་རེད་ཅེས་ལབ་གླེང་བྱེད་ཞོར་བྱེད་ཞོར་རྨི་ལམ་གྱི་ཞིང་ཁམས་སུ་སོང། ཕྱི་ཉིན་ཞོགས་པའི་ཉི་ཟེར་སྒེའུ་ཁུང་ལས་ཕོག་ནས་ཁོ་མོ་ཡར་ལངས་དུས། ཕོ་གསར་དེའི་གྲིབ་མ་ཙམ་ཡང་མཐོང་རྒྱུ་མ་བྱུང་ལ། ཁོ་མོའི་སྔས་འགྲམ་དུ་སྒོར་མོ་ཉིས་སྟོང་བཞག་ནས་འདི་ནི་ཁྱེད་ཀྱི་བྱིས་པ་གཉིས་ཀྱི་སློབ་ཡོན་ཐད་བཀོད་རོགས་ཞེས་ཡི་གེ་དག་ཆ་མེད་པ་ཞིག་བྲིས་ནས་བཞག་འདུག་པ་མཐོང་། ཁོ་མོ་རྟབ་རྟབ་པོར་སྒོའི་ཕྱི་ལ་རྒྱུགས་ནས་ཁོང་བཙལ་ཡང་ཁོང་གི་གྲིབ་རྗེས་ཙམ་ཡང་མ་མཐོང་བར་གྱུར།
                                                ༢༠༡༢་༡༠་༤་ཉིན་བྲིས།

རྩོམ་ཁུངས། ངེད་དྲ་བ།