ཕྱིར་དྲན་གྱི་ལོ་ཟླ་སྐྱུར་མོ།

བློ་གྲོས་ཟླ་འོད། མཆོད་མེ་བོད་ཀྱི་རྩོམ་རིག་དྲ་བ། 2012-05-12

     ཧི་མ་ལ་ཡ་རི་འདབས་ན་ཤེས་རིག་གི་མེ་ཏོག་བཞད་པའི་སློབ་གླིང་ཆེན་མོ་ཞིག་ཡོད།  དེ་ན་ནམ་རྒྱུན་སྨྲ་བ་ཉུང་ཞིང་སེམས་ཁོང་གི་དགའ་སྐྱོ་མཐའ་དག་གླུ་རུ་གྱེར་མཁན་གྱི་གླུ་བ་སྨྱོན་པ་ཞིག་ཡོད།  མི་རྣམས་ཀྱིས་ཁོ་ལ་སྙན་ངག་པ་ཞེས་འབོད་བཞིན་ཡོད།  ཁོའི་མི་ཚེ་ཕྱེད་ཀ་སྐྱོ་སྣང་དང་ཕམ་ཁའི་ཁྲོད་རྫོགས་ཡོད་ལ།  ད་དུང་ཡང་འདི་ལྟར་ཤུགས་རིང་གི་རྔམ་ཁ་བརྩེགས་ནས་ལོ་ཟླ་ག་ཚོད་ཅིག་ལ་འདུག་དགོས་པ་ཁོ་བར་གདེངས་ཚོད་མེད།  ཡིན་ནའང་ཁོ་ལ་ཐོབ་པ་ནི་གནམ་འོག་གི་སྙན་ངག་དང་རང་དབང་གི་སྐྲ་ལོ་འདི་གཉིས་རེད།
      སྙན་ངག་པའི་ཉིན་ཐོ་ནང་ལོགས་ན་མེ་ཏོག་བཞིན་གང་སར་བཞད་ཡོད་པ་ནི་ཚེ་རིང་མཚོ་མོའི་མིང་རེད།  སྙན་ངག་པས་ཁོ་མོའི་ཆེད་དུ་ཆུ་ཚོད་མང་བོ་ཞིག་ཆུད་ཟོས་སུ་བཏང་མྱོང་།ཕྱོགས་གཞན་ཞིག་ནས་བཤད་ན་ཚེ་རིང་མཚོ་མོའི་དུང་སེམས་ཀྱི་རམ་འདེགས་འོག་ཁོའི་སྙན་ངག་གི་སྒྱུ་རྩལ་ལ་ཁྱད་དུ་འཕགས་པའི་གསོན་ཉམས་ལྡན། འདས་པའི་མི་ལོ་གཉིས་ལྷག་གི་རིང་ལ་ཁོ་གཉིས་མཚར་སྡུག་གི་མེ་ཏོག་ཆ་གཅིག་དང་འདྲ་བར་མཉམ་འདུག་མཉམ་འགྲོགས་བྱས་ནས་ཤེས་རིག་གི་ཐང་ཆེན་བརྒལ།  ཡིན་ནའང་ཁོ་གཉིས་ཕན་ཚུན་བར་ལ་སྟོང་ཆ་ཞིག་ལྷག་ཡོད་པ་ནི་གབ་ཚིག་གི་རང་བཞིན་ལྟར་སེམས་སྟེང་གི་སྐད་ཆ་ངོ་མ་བཤད་མ་ཐུབ་པ་དེ་རེད།
       སྤྱི་ཟླ་བཅུ་བའི་ཚེས་བཅུ་ཉིན་གྱི་ཞོགས་པར་སློབ་གྲྭའི་སྒོ་འགྲམ་གྱི་བསང་ཁྲིའི་འདབས་རོལ་ན།  སློབ་གྲོགས་མང་བོ་ཞིག་གིས་ཁ་བཏགས་ལག་ཏུ་བཟུང་ནས་ཚེ་རིང་མཚོ་མོར་སྐྱེལ་མ་བྱེད་ཀྱིན་འདུག    སྐབས་དེར་སྙན་ངག་པས་ཐ་མག་རྔམ་འཐེན་བྱེད་ཞོར་སེམས་ནས་ཅི་ཞིག་ཤོར་སོང་སྙམ་བཞིན་བསྡད་འདུག་ལ།  ཕལ་ཆེར་ཁོ་མོའི་སེམས་ནས་ཀྱང་ཅི་ཞིག་ལུས་སོང་བའི་སྣང་བ་འཆར།  དེ་དུས་སྙན་ངག་པས་སློབ་གྲྭ་ནས་བར་ཐག་ཅུང་རིང་ཙམ་ཆོད་པའི་གཞུང་ལམ་སྟེང་དུ་སྐྱེལ་མ་བྱས།  ཁོ་གཉིས་ཀྱི་གོམ་པ་སྤོ་ཚུལ་ཧ་ཅང་དལ།
 “ ཁྱེད་རང་གློ་བུར་དུ་འགྲོ་དོན་ཅི་”སྙན་ངག་པས་ཤུགས་རིང་བསྟུད་མར་འབྱིན་བཞིན་དེ་སྐད་དྲིས།           
  ཁོ་མོའི་ཞེན་ཆགས་ཀྱི་མིག་ཟུང་ལས་སྐྱོ་སྡུག་གི་མཆི་མ་དལ་བུར་བཞུར།   
   “བུ་མོ་ཚོའི་ལས་དབང་སྟོན་མཇུག་གི་སྡོང་ལོ་དང་འདྲ”                                                                                                                                        
    “ངེད་གཉིས་ཡོད་ཚད་འདི་ལྟར་མཇུག་རྫོགས་སོང་ངམ” སྙན་ངག་པས་གོམ་པ་སྤོ་མཚམས་བཞག་ནས་དེ་སྐད་དྲིས།                                                                                        
    “ ཁྱེད་ཀྱིས་སྔོན་མ་ནས་མི་བཤད་དོན་ཅི”                                                                                                             
    “ ང་རང་ནམ་ཡང་ཁྱེད་ལ་དགའ”སྙན་ངག་པས་གཟབ་ནན་ངང་བཤད།”                                                        
    “ ཡིན་ནའང། ད་ཚར་སོང་།”ཁོ་མོའི་མིག་ཆུའི་བཞུར་རྒྱུན་ད་དུང་མཚམས་ཆད་ཀྱིན་མི་འདུག                           
     སྙན་ངག་པས་ཁོའི་གདོང་ལ་ཁེབས་པའི་སྐྲ་ལོ་རིང་བོ་ལག་ཟུང་གིས་རྒྱབ་ཏུ་དེད་ནས། “ཁྱེད་རང་ང་ལ་དགའ་མྱོང་ངམ” “ ཨུམ”  ཁོ་མོས་སྤོབས་པ་ཆེར་བསྐྱེད་ཀྱིས་ང “ཁྱེད་རང་ལ་དགའ།  དངོས་གནས་ཁྱེད་ལ་དགའ། ཡིན་ནའང་བུ་མོ་ཚོའི་སེམས་ཁྱེད་ཀྱིས་མི་ཤེས་སམ།”                                                                                          
  སྐབས་དེར་སྙན་ངག་པས་སེམས་ལ་བློ་འགྱོད་སྐྱེས།  ཁོ་གཉིས་དཔུང་པ་མཉམ་གཤིབ་ཀྱིས་མདུན་དུ་སྐྱོད་བཞིན་འདུག  ཁོ་གཉིས་ཀྱི་སེམས་ལ་སྐར་ཆ་བཅུའི་རིང་ཚད་ལས་མེད་པའི་ལམ་ཕྲན་ཐུང་ཐུང་འདི་ནི་ནམ་ཡང་སོང་མི་ཚར་བའི་བགྲོད་ལམ་རིང་ཤོས་ཤིག་ཡིན་ན་ཅི་མ་རུང་སྙམ།
  “ཕ་བོང་འདིའི་འགྲམ་ནས་ངལ་གསོ་ཞིག་བརྒྱབ་ན་འགྲིག་གམ”སྙན་ངག་པས་ཐ་མག་རྐང་གཅིག་མེར་སྒྲོན་བཞིན་དེ་ལྟར་བཤད།  ཁོ་མོའི་སེམས་སུ་ཡང་དེ་ལྟར་འདོད་ཡོད།
  “རྡོ་ཕ་བོང་འདིའི་འགྲམ་ནས་ངས་ཁྱེད་ཀྱི་སྙན་ངག་བཀླགས་མྱོང་། ”
  ”དངོས་གནས་ཡིན་ནམ། རྗེས་མ་ནས་ཁྱེད་ཀྱིས་རྡོ་ཕ་བོང་འདི་དྲན་སྲིད་དམ།”
  “དྲན་ངེས།  ང་སོང་ཤུལ་དུ་ཁྱེད་ཀྱིས་ཕ་བོང་འདིའི་འགྲམ་ནས་སྙན་ངག་འབྲིའམ། ”ཁོ་མོའི་མིག་ཟུང་ལས་ཡང་བསྐྱར་མིག་ཆུ་འཁྱིལ།
  “རྡོ་ཕ་བོང་འདི་མ་འཇིག་ན།  ངས་སྙན་ངག་ཅི་ལ་མི་འབྲི” སྙན་ངག་པའི་སྐད་ཆ་དེས་ཁོ་མོར་སྐྱོ་སྣང་ལྷག་མ་ཞིག་སྤྲད།  དེ་དུས་ཁོ་མོའི་མགོ་བོ་སྙན་ངག་པའི་པང་དུ་བཞག
  “ངེད་གཉིས་འདི་ལྟར་གཏན་དུ་འདུག་རྒྱུ་བྱུང་ན་ཅི་མ་རུང་།  ”སྙན་ངག་པས་ཁོ་མོའི་གནག་སྣུམ་གྱི་དབུ་སྐྲ་བྱིལ་བྱིལ་བྱེད་ཞོར་དེ་ལྟར་བཤད།
  “ད་ནི་ཡོད་ཚད་འཕྱི་སོང་། ”ཁོ་མོ་སྙན་ངག་པའི་སྐེ་ལ་འཐམས་ནས་ངུས།
  “ཅིའི་ཕྱིར།  ཁྱེད་རང་ང་དང་ཁ་བྲལ་དགོས། ”སྙན་ངག་པས་སེམས་ཚོར་གནོན་མ་ཐུབ་པར་ཁོ་མོར་འཐམས།
  ཁོ་གཉིས་ཀྱི་སེམས་ལ་ད་ནི་འཇིག་རྟེན་ཁམས་འདིའི་ཡོད་ཚད་སྟོང་བ་ཡིན་པའི་སྣང་བ་འཆར། དེ་ལྟར་ཚེ་རིང་མཚོ་མོས་ཤེས་རིག་གི་སྐྱེད་ཚལ་འདི་བསྐྱུར་ནས་བུད་སོང་ལ།  རྨི་ལམ་ནང་གི་རྒྱལ་སྲས་མེ་ཏོག་དེ་ཡང་འདི་ལྟར་བཞག་ནས་བུད་སོང་།
   སྙན་ངག་པའི་ཉལ་ཁྲིའི་འགྲམ་གྱི་ལྕགས་སྒམ་སྟེང་ལ་ཐ་མག་གི་འཐེན་འཕྲོ་རྡེའུ་བཞིན་གང་སར་བཀྲམས་འདུག    ཁོ་བོ་བསམ་གཞིག་གི་ཀློང་ལ་འཁྱམས་ནས་ཉིན་མཚན་གཉིས་ལ་ཟས་བཅད་ངོ་རྒོལ་བྱས།“ཚེ་རིང་མཚོ་མོ། ཁྱེད་མ་འགྲོ།  ང་བསྐྱུར་ནས་མ་འགྲོ། ”སྙན་ངག་པས་མཚན་གུང་ཚོད་ཚོད་ལ་གཉིིད་སྐད་བརྒྱབ།  གྲོགས་པོ་འགས་ཁོའི་སེམས་ཚོར་རྟོགས་ནས་སེམས་གསོ་ཡང་ཡང་བྱས་པ་མ་ཟད།  སྨན་པའི་ལག་ནས་ནད་དགོངས་རྫུན་མ་ལེན་རོགས་བྱས།
   དེ་ལྟར་ལྷིང་འཇགས་ཀྱི་མཚན་མོ་རེར་སྙན་ངག་པ་ཁང་མིག་སུམ་ཅུའི་སྒེའུ་ཁུང་འགྲམ་ནས་བུ་མོའི་ཉལ་ཁང་གི་ཕྱོགས་སུ་མིག་ཟུང་གཏད་དེ་འདས་དོན་མང་བོ་ཞིག་ལ་ཕྱིར་དྲན་བྱས།
  “གྲོགས་པོ། ཕྱི་ལོགས་སུ་ཤོག་དང་།  ངས་རྔན་པ་ཁྱེར་ཡོང་ཡོད།  ”ཁོ་མོ་བུའི་ཉལ་ཁང་གི་གཤམ་ནས་སྐད་བཏང་།  “ཨ་ལ་ལ།  གནམ་ལ་ཉི་ཟླ་ཆ་གཅིག  ས་ལ་མེ་ཏོག་ཆ་གཅིག”
  “མགྱོགས་སུ་སོང་།  གོ་སྐབས་ཤོར་དུ་མ་འཇུག” ཉལ་ཁང་ནང་གི་གྲོགས་པོ་ཚོས་གཅིག་རྗེས་གཉིས་མཐུད་དུ་སྐད་ཅོར་བརྒྱབ།  བསིལ་རླུང་ཞིག་ག་ལེར་གཡུགས་པས་སྙན་ངག་པའི་རྩེ་གཅིག་གི་དྲན་འཛིན་ཐོལ་གྱིས་དཀྲོགས།  སྙན་ངག་པ་སྐྱོ་བའི་ཤུགས་རིང་འབྱིན་བཞིན་ཞག་སྒྲོན་གྱི་འོད་མདངས་ངོགས་ནས་དྲན་རྟེན་འབྲི་དེབ་ནང་གི་ཤོག་ངོས་ཉེར་གསུམ་པ་དེར་ཐེངས་གཅིག་བལྟ་དགོས་བྱུང་།  (ཚེ་རིང་མཚོ་མོ་ད་ལོ་མོ་ལོ་ཉེར་གསུམ་ཡིན་སྟབས་ཆེད་དུ་ཤོག་ངོས་ཉེར་གསུམ་པའི་སྟེང་ཁོ་མོའི་སྙན་ངག་པར་དྲན་རྟེན་བྲིས་ཡོད)              
   ཨ་ཇོ།  རླུང་ཁར་མ་འགྲོ།   ཚིག་མཚོན་གྱིས་བཏབ་པའི་ཁོར་ཡུག་གང་མང་ལ། ང་ཚོས་སྤོབས་པའི་ལག་ཟུང་སྦྲེལ་དགོས།                                                                                   ཐག་རིང་གི་སྐར་མདའ་མིག་ལམ་ནས་ཡལ་ཚུལ།  ཁྱེད་ཀྱིས་ཅིའི་མི་མཐོང་། ནམ་ཞིག་ན་ཁྱེད་ཀྱི་མཁའ་དབྱིངས་སུ་འཚེར་བའི་སྐར་མ་འོད་ཆེན་དེ།                                      འདི་ལྟར་ཐང་ལ་མི་ལྷུང་བའི་ངེས་པ་མེད། ཨ་ཇོ།  རླུང་ཁར་མ་འགྲོ།  གདོད་མའི་སྦྲ་ནག་འདིར།  མཚར་སྡུག་གི་བཀྲག་མདངས་དབེན་ཡང་།  དེར་ལྷད་མེད་པའི་དྲོད་ཁོལ་ཡོད།  དེ་ལས་ཁྱེད་ཀྱི་ཚེ་སྲོག་གི་གླུ་སྐད་ཐོས་ཐུབ།  དེ་ལས་ཁྱེད་ཀྱི་བྱིས་དུས་ཀྱི་དྲོད་ཤ་མྱོང་ཐུབ། ཨ་ཇོ།  རླུང་ཁར་མ་འགྲོ།  མེ་ཏོག་གི་འཇིག་རྟེན་ཞིག་ལ་ཕེབས་རོགས།       ཡིད་ཆེས་དང་སྤོབས་པ་ཁྱེར་ནས།  བརྩེ་དུང་་་་་་་་་་་་་་་་་་མཚམས་འདིར་ཐོན་དུས།  སྙན་ངག་པ་སྐྱོ་གདུང་གི་མིག་ཆུའི་ཀློང་ནས་ལག་ཟུང་འདར་འདར་ངང་ཁོ་མོའི་འདྲ་པར་བྲང་ལ་སྦྱར།  གནམ་མཐའ་ཅི་ཙམ་རིང་ཡང་།  རྒྱ་མཚོ་ཇི་ལྟར་ཟབ་ཀྱང་།བརྩེ་དུང་གིས་ཡོད་ཚད་ལ་དབང་སྒྱུར་བྱེད་ཐུབ་སྙམ།                                                                       “སྙན་ངག་པ་སྨྱོས་འདུག་ཟེར”བུ་མོའི་ཉལ་ཁང་གི་སྒོ་འགྲམ་ནས་རླུང་བུ་ཞིག་ག་ལེར་གཡུགས།                                      
  “སྙིང་རྗེ། བརྩེ་དུང་གི་རྒྱལ་སྲས་ཤིག”འཛིན་ཁང་གི་རྒྱབ་ལོགས་ན་ཐ་མག་སྐོར་འཐེན་བྱེད་པའི་མི་རྐྱང་ཁ་ཤས་ཀྱིས་དེ་ལྟར་སྟོང་ལབ་བརྒྱབ།  དེ་ནས་བཟུང་།  སྙན་ངག་པའི་ཉེ་འགྲམ་དུ་ཡོང་མཁན་ཇེ་ཉུང་ལ་སོང་།  ཆར་བ་སིམ་སིམ་བབས་པའི་དགོང་མོའི་རང་སྦྱོང་སྐབས་ཤིག་ལ།  སྙན་ངག་པས་འཛིན་གྲྭའི་སྒོ་སམ་སྟེང་དུ་སྙན་ཚིག་ཅིག་འདི་ལྟར་བྲིས།                                                                                                            
   ཁྱེད་སོང་ཤུལ་དུ།  ངའི་ལོ་ཟླ་ལ་གོད་ཆག་ཐེབས་ཤིང་།  ངའི་རྨི་ལམ་ལ་འགྱུར་ལྡོག་མང་།   ཁྱེད་སོང་ཤུལ་དུ།  ཁ་བ་ནག་པོ་གདུག་རྩུབ་ཀྱིས་བབས་ལ།  གྲང་རླུང་འཁྱམ་པོ་ཁང་མིག་ནང་ཁྱབ།  ཁྱེད་སོང་ཤུལ་དུ།  ཉིན་མཚན་གྱི་དབྱེ་བ་མི་ཤེས་ལ། ཞལ་ཟས་ཀྱི་བྲོ་བ་མི་ཤེས།  ཁྱེད་སོང་ཤུལ་དུ།  གྲོགས་པོ་ཚོའི་འཕྱ་སྨོད་རྒོད་ལ།  བུ་མོ་ཚོའི་དགོད་སྒྲ་མཐོ།   ཁྱེད་སོང་ཤུལ་དུ།   མལ་ས་ནང་དྲོད་ཁོལ་ཡལ་ལ།  གཡས་གཡོན་དུ་འདྲེ་ཤིག་གིས་བཀང་།  ཁྱེད་སོང་ཤུལ་དུ།  ན་ཟླ་ཚོར་ལབ་གླེང་དབེན་ལ།  དོན་མེད་དུ་ཤུགས་རིང་འཆོར།  ཁྱེད་སོང་ཤུལ་དུ།
          བརྩེ་དུང་ལ་དགའ་བའི་སློབ་གྲོགས་སྐོར་ཞིག་གིས་སྙན་ངག་དེ་རྐུ་བཤུ་བྱེད་བཞིན་འདུག  སེམས་ཚོར་སྙི་བའི་བུ་མོ་ཁ་ཤས་ལ་སྐྱོ་གདུང་གི་ན་བུན་འཐིབས།  སྙན་ངག་པ་རང་ཉིད་ཀྱི་མདུན་ཅོག་མཐའ་འགྲམ་ནས་སྒེའུ་ཁུང་ཕྱི་རོལ་ལ་ཅེར།  ཆར་ཐིགས་ཀྱི་ཟེགས་མ་རེ་རེ་ཁོ་མོའི་མིག་ཆུ་བཞིན་ཤེལ་སྒོའི་ངོས་སུ་དལ་གྱིས་བཞུར། སྐབས་དེར་དགེ་རྒན་ཉི་མ་སྙན་ངག་པའི་གམ་དུ་བསླེབས་ཤིང་ཁོ་བོའི་ཉམས་ཉེས་ཤོར་བའི་བཟོ་ལྟར་བལྟས་ནས་སྙིང་ཉེ་བའི་ངང་སློབ་གསོ་གང་མང་བརྒྱབ།  དེ་སྔོན་འབྲེལ་འདྲིས་ཟབ་པའི་སློབ་གྲོགས་ཁ་ཤས་ཀྱིས་སྙན་ངག་པའི་སེམས་ཁམས་དང་ཡིག་རྒྱུག་གི་སྐོར་ལ་སེམས་ཁྲལ་བྱས།  སྙན་ངག་པའི་སེམས་སུ་ཁོ་མོ་མེད་ན་འཇིག་རྟེན་འདི་ལ་བསྡད་ཀྱང་སྙིང་པོ་ཅི་ཡོད་སྙམ།                                                                                                                
   སྐབས་དེར་ཆུ་ཚོད་དགུ་བ་ཟིན་ལ་ཉེ།  སྙན་ངག་པ་སུ་ཞིག་གིས་ཅི་ཞིག་བོར་སོང་བ་ནང་བཞིན་འཛིན་ཁང་རེ་རེ་སྒོ་འགྲམ་ནས་ཁོ་མོ་བཙལ།   བུ་མོ་ཁ་ཤས་སྐྲག་ནས་ངུ་སྐད་ཤོར།
   ཕྱི་ཉིན་ཞོགས་པར་སྙན་ངག་པ་བདེ་ལེགས་སྨན་ཁང་དུ་ཁྲིད་སོང་ཟེར།    ཕྱི་རོལ་གྱི་གནམ་གཤིས་སྡང་སྡིག་ལས་འཕྱ་སྨོད་དང་ཟུར་ཟའི་རླུང་བུ་ཞིག་ཉལ་ཁང་སུམ་ཅུའི་ནང་དུ་ཁྱབ་ལ།  སྙན་ངག་པའི་ཉལ་ཁྲིའི་སྟེང་ཤོག་ལྷེ་འགའ་རླུང་གིས་འཁུར་གྱིན་འདུག    ཁོས་ནམ་རྒྱུན་ཀློག་བཞིན་པའི་དྲན་རྟེན་གྱི་འབྲི་དེབ་རྡུལ་གྱིས་ཟོས།  ཁོར་ཡུག་དེའི་སློབ་མ་ཁ་ཤས་ཀྱིས་སྙན་ངག་པའི་བརྩེ་དུང་ལ་ཡིད་སྨོན་གཏིང་ནས་སྐྱེས།
     སྐབས་འདི་འདྲ་ཞིིག་ལ། བྱང་ཨ་རི་ནས་སྙན་ངག་པར་འཕྲིན་ཡིག་ཅིག་འབྱོར།  དེ་ནི་ཚེ་རིང་མཚོ་མོའི་སེམས་འཕྲིན་རེད། ཡིན་ནའང་ད་ནི་ཡོད་ཚད་འཕྱིས་སོང་བ་འདྲ། ཚེ་རིང་མཚོ་མོས་སྙན་ངག་པ་བསྐྱུར་ནས་གློ་བུར་དུ་འགྲོ་དགོས་པའི་རྒྱུ་རྐྱེན་མཐའ་དག་འཕྲིན་ཡིག་དེའི་ནང་དུ་ཡོད་པ་ཐག་གིས་ཆོད། འོན་ཀྱང་སྙན་ངག་པ་སྨན་ཁང་ནས་ཕྱིར་མ་སླེབས་པར་དུ་ང་ཚོ་སུ་ཡིན་ཡང་ཁོ་མོའི་གསང་བ་དེ་རྟོགས་མི་སྲིད།  
                                                    ༢༠༠༦  ༩  ༡༠ ཉིན།                     

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཕྱིར་དྲན་གྱི་ལོ་ཟླ་སྐྱུར་མོ།

2012-05-12 བློ་གྲོས་ཟླ་འོད། ཀློག་གྲངས། མཆན ཡོད།

     ཧི་མ་ལ་ཡ་རི་འདབས་ན་ཤེས་རིག་གི་མེ་ཏོག་བཞད་པའི་སློབ་གླིང་ཆེན་མོ་ཞིག་ཡོད།  དེ་ན་ནམ་རྒྱུན་སྨྲ་བ་ཉུང་ཞིང་སེམས་ཁོང་གི་དགའ་སྐྱོ་མཐའ་དག་གླུ་རུ་གྱེར་མཁན་གྱི་གླུ་བ་སྨྱོན་པ་ཞིག་ཡོད།  མི་རྣམས་ཀྱིས་ཁོ་ལ་སྙན་ངག་པ་ཞེས་འབོད་བཞིན་ཡོད།  ཁོའི་མི་ཚེ་ཕྱེད་ཀ་སྐྱོ་སྣང་དང་ཕམ་ཁའི་ཁྲོད་རྫོགས་ཡོད་ལ།  ད་དུང་ཡང་འདི་ལྟར་ཤུགས་རིང་གི་རྔམ་ཁ་བརྩེགས་ནས་ལོ་ཟླ་ག་ཚོད་ཅིག་ལ་འདུག་དགོས་པ་ཁོ་བར་གདེངས་ཚོད་མེད།  ཡིན་ནའང་ཁོ་ལ་ཐོབ་པ་ནི་གནམ་འོག་གི་སྙན་ངག་དང་རང་དབང་གི་སྐྲ་ལོ་འདི་གཉིས་རེད།
      སྙན་ངག་པའི་ཉིན་ཐོ་ནང་ལོགས་ན་མེ་ཏོག་བཞིན་གང་སར་བཞད་ཡོད་པ་ནི་ཚེ་རིང་མཚོ་མོའི་མིང་རེད།  སྙན་ངག་པས་ཁོ་མོའི་ཆེད་དུ་ཆུ་ཚོད་མང་བོ་ཞིག་ཆུད་ཟོས་སུ་བཏང་མྱོང་།ཕྱོགས་གཞན་ཞིག་ནས་བཤད་ན་ཚེ་རིང་མཚོ་མོའི་དུང་སེམས་ཀྱི་རམ་འདེགས་འོག་ཁོའི་སྙན་ངག་གི་སྒྱུ་རྩལ་ལ་ཁྱད་དུ་འཕགས་པའི་གསོན་ཉམས་ལྡན། འདས་པའི་མི་ལོ་གཉིས་ལྷག་གི་རིང་ལ་ཁོ་གཉིས་མཚར་སྡུག་གི་མེ་ཏོག་ཆ་གཅིག་དང་འདྲ་བར་མཉམ་འདུག་མཉམ་འགྲོགས་བྱས་ནས་ཤེས་རིག་གི་ཐང་ཆེན་བརྒལ།  ཡིན་ནའང་ཁོ་གཉིས་ཕན་ཚུན་བར་ལ་སྟོང་ཆ་ཞིག་ལྷག་ཡོད་པ་ནི་གབ་ཚིག་གི་རང་བཞིན་ལྟར་སེམས་སྟེང་གི་སྐད་ཆ་ངོ་མ་བཤད་མ་ཐུབ་པ་དེ་རེད།
       སྤྱི་ཟླ་བཅུ་བའི་ཚེས་བཅུ་ཉིན་གྱི་ཞོགས་པར་སློབ་གྲྭའི་སྒོ་འགྲམ་གྱི་བསང་ཁྲིའི་འདབས་རོལ་ན།  སློབ་གྲོགས་མང་བོ་ཞིག་གིས་ཁ་བཏགས་ལག་ཏུ་བཟུང་ནས་ཚེ་རིང་མཚོ་མོར་སྐྱེལ་མ་བྱེད་ཀྱིན་འདུག    སྐབས་དེར་སྙན་ངག་པས་ཐ་མག་རྔམ་འཐེན་བྱེད་ཞོར་སེམས་ནས་ཅི་ཞིག་ཤོར་སོང་སྙམ་བཞིན་བསྡད་འདུག་ལ།  ཕལ་ཆེར་ཁོ་མོའི་སེམས་ནས་ཀྱང་ཅི་ཞིག་ལུས་སོང་བའི་སྣང་བ་འཆར།  དེ་དུས་སྙན་ངག་པས་སློབ་གྲྭ་ནས་བར་ཐག་ཅུང་རིང་ཙམ་ཆོད་པའི་གཞུང་ལམ་སྟེང་དུ་སྐྱེལ་མ་བྱས།  ཁོ་གཉིས་ཀྱི་གོམ་པ་སྤོ་ཚུལ་ཧ་ཅང་དལ།
 “ ཁྱེད་རང་གློ་བུར་དུ་འགྲོ་དོན་ཅི་”སྙན་ངག་པས་ཤུགས་རིང་བསྟུད་མར་འབྱིན་བཞིན་དེ་སྐད་དྲིས།           
  ཁོ་མོའི་ཞེན་ཆགས་ཀྱི་མིག་ཟུང་ལས་སྐྱོ་སྡུག་གི་མཆི་མ་དལ་བུར་བཞུར།   
   “བུ་མོ་ཚོའི་ལས་དབང་སྟོན་མཇུག་གི་སྡོང་ལོ་དང་འདྲ”                                                                                                                                        
    “ངེད་གཉིས་ཡོད་ཚད་འདི་ལྟར་མཇུག་རྫོགས་སོང་ངམ” སྙན་ངག་པས་གོམ་པ་སྤོ་མཚམས་བཞག་ནས་དེ་སྐད་དྲིས།                                                                                        
    “ ཁྱེད་ཀྱིས་སྔོན་མ་ནས་མི་བཤད་དོན་ཅི”                                                                                                             
    “ ང་རང་ནམ་ཡང་ཁྱེད་ལ་དགའ”སྙན་ངག་པས་གཟབ་ནན་ངང་བཤད།”                                                        
    “ ཡིན་ནའང། ད་ཚར་སོང་།”ཁོ་མོའི་མིག་ཆུའི་བཞུར་རྒྱུན་ད་དུང་མཚམས་ཆད་ཀྱིན་མི་འདུག                           
     སྙན་ངག་པས་ཁོའི་གདོང་ལ་ཁེབས་པའི་སྐྲ་ལོ་རིང་བོ་ལག་ཟུང་གིས་རྒྱབ་ཏུ་དེད་ནས། “ཁྱེད་རང་ང་ལ་དགའ་མྱོང་ངམ” “ ཨུམ”  ཁོ་མོས་སྤོབས་པ་ཆེར་བསྐྱེད་ཀྱིས་ང “ཁྱེད་རང་ལ་དགའ།  དངོས་གནས་ཁྱེད་ལ་དགའ། ཡིན་ནའང་བུ་མོ་ཚོའི་སེམས་ཁྱེད་ཀྱིས་མི་ཤེས་སམ།”                                                                                          
  སྐབས་དེར་སྙན་ངག་པས་སེམས་ལ་བློ་འགྱོད་སྐྱེས།  ཁོ་གཉིས་དཔུང་པ་མཉམ་གཤིབ་ཀྱིས་མདུན་དུ་སྐྱོད་བཞིན་འདུག  ཁོ་གཉིས་ཀྱི་སེམས་ལ་སྐར་ཆ་བཅུའི་རིང་ཚད་ལས་མེད་པའི་ལམ་ཕྲན་ཐུང་ཐུང་འདི་ནི་ནམ་ཡང་སོང་མི་ཚར་བའི་བགྲོད་ལམ་རིང་ཤོས་ཤིག་ཡིན་ན་ཅི་མ་རུང་སྙམ།
  “ཕ་བོང་འདིའི་འགྲམ་ནས་ངལ་གསོ་ཞིག་བརྒྱབ་ན་འགྲིག་གམ”སྙན་ངག་པས་ཐ་མག་རྐང་གཅིག་མེར་སྒྲོན་བཞིན་དེ་ལྟར་བཤད།  ཁོ་མོའི་སེམས་སུ་ཡང་དེ་ལྟར་འདོད་ཡོད།
  “རྡོ་ཕ་བོང་འདིའི་འགྲམ་ནས་ངས་ཁྱེད་ཀྱི་སྙན་ངག་བཀླགས་མྱོང་། ”
  ”དངོས་གནས་ཡིན་ནམ། རྗེས་མ་ནས་ཁྱེད་ཀྱིས་རྡོ་ཕ་བོང་འདི་དྲན་སྲིད་དམ།”
  “དྲན་ངེས།  ང་སོང་ཤུལ་དུ་ཁྱེད་ཀྱིས་ཕ་བོང་འདིའི་འགྲམ་ནས་སྙན་ངག་འབྲིའམ། ”ཁོ་མོའི་མིག་ཟུང་ལས་ཡང་བསྐྱར་མིག་ཆུ་འཁྱིལ།
  “རྡོ་ཕ་བོང་འདི་མ་འཇིག་ན།  ངས་སྙན་ངག་ཅི་ལ་མི་འབྲི” སྙན་ངག་པའི་སྐད་ཆ་དེས་ཁོ་མོར་སྐྱོ་སྣང་ལྷག་མ་ཞིག་སྤྲད།  དེ་དུས་ཁོ་མོའི་མགོ་བོ་སྙན་ངག་པའི་པང་དུ་བཞག
  “ངེད་གཉིས་འདི་ལྟར་གཏན་དུ་འདུག་རྒྱུ་བྱུང་ན་ཅི་མ་རུང་།  ”སྙན་ངག་པས་ཁོ་མོའི་གནག་སྣུམ་གྱི་དབུ་སྐྲ་བྱིལ་བྱིལ་བྱེད་ཞོར་དེ་ལྟར་བཤད།
  “ད་ནི་ཡོད་ཚད་འཕྱི་སོང་། ”ཁོ་མོ་སྙན་ངག་པའི་སྐེ་ལ་འཐམས་ནས་ངུས།
  “ཅིའི་ཕྱིར།  ཁྱེད་རང་ང་དང་ཁ་བྲལ་དགོས། ”སྙན་ངག་པས་སེམས་ཚོར་གནོན་མ་ཐུབ་པར་ཁོ་མོར་འཐམས།
  ཁོ་གཉིས་ཀྱི་སེམས་ལ་ད་ནི་འཇིག་རྟེན་ཁམས་འདིའི་ཡོད་ཚད་སྟོང་བ་ཡིན་པའི་སྣང་བ་འཆར། དེ་ལྟར་ཚེ་རིང་མཚོ་མོས་ཤེས་རིག་གི་སྐྱེད་ཚལ་འདི་བསྐྱུར་ནས་བུད་སོང་ལ།  རྨི་ལམ་ནང་གི་རྒྱལ་སྲས་མེ་ཏོག་དེ་ཡང་འདི་ལྟར་བཞག་ནས་བུད་སོང་།
   སྙན་ངག་པའི་ཉལ་ཁྲིའི་འགྲམ་གྱི་ལྕགས་སྒམ་སྟེང་ལ་ཐ་མག་གི་འཐེན་འཕྲོ་རྡེའུ་བཞིན་གང་སར་བཀྲམས་འདུག    ཁོ་བོ་བསམ་གཞིག་གི་ཀློང་ལ་འཁྱམས་ནས་ཉིན་མཚན་གཉིས་ལ་ཟས་བཅད་ངོ་རྒོལ་བྱས།“ཚེ་རིང་མཚོ་མོ། ཁྱེད་མ་འགྲོ།  ང་བསྐྱུར་ནས་མ་འགྲོ། ”སྙན་ངག་པས་མཚན་གུང་ཚོད་ཚོད་ལ་གཉིིད་སྐད་བརྒྱབ།  གྲོགས་པོ་འགས་ཁོའི་སེམས་ཚོར་རྟོགས་ནས་སེམས་གསོ་ཡང་ཡང་བྱས་པ་མ་ཟད།  སྨན་པའི་ལག་ནས་ནད་དགོངས་རྫུན་མ་ལེན་རོགས་བྱས།
   དེ་ལྟར་ལྷིང་འཇགས་ཀྱི་མཚན་མོ་རེར་སྙན་ངག་པ་ཁང་མིག་སུམ་ཅུའི་སྒེའུ་ཁུང་འགྲམ་ནས་བུ་མོའི་ཉལ་ཁང་གི་ཕྱོགས་སུ་མིག་ཟུང་གཏད་དེ་འདས་དོན་མང་བོ་ཞིག་ལ་ཕྱིར་དྲན་བྱས།
  “གྲོགས་པོ། ཕྱི་ལོགས་སུ་ཤོག་དང་།  ངས་རྔན་པ་ཁྱེར་ཡོང་ཡོད།  ”ཁོ་མོ་བུའི་ཉལ་ཁང་གི་གཤམ་ནས་སྐད་བཏང་།  “ཨ་ལ་ལ།  གནམ་ལ་ཉི་ཟླ་ཆ་གཅིག  ས་ལ་མེ་ཏོག་ཆ་གཅིག”
  “མགྱོགས་སུ་སོང་།  གོ་སྐབས་ཤོར་དུ་མ་འཇུག” ཉལ་ཁང་ནང་གི་གྲོགས་པོ་ཚོས་གཅིག་རྗེས་གཉིས་མཐུད་དུ་སྐད་ཅོར་བརྒྱབ།  བསིལ་རླུང་ཞིག་ག་ལེར་གཡུགས་པས་སྙན་ངག་པའི་རྩེ་གཅིག་གི་དྲན་འཛིན་ཐོལ་གྱིས་དཀྲོགས།  སྙན་ངག་པ་སྐྱོ་བའི་ཤུགས་རིང་འབྱིན་བཞིན་ཞག་སྒྲོན་གྱི་འོད་མདངས་ངོགས་ནས་དྲན་རྟེན་འབྲི་དེབ་ནང་གི་ཤོག་ངོས་ཉེར་གསུམ་པ་དེར་ཐེངས་གཅིག་བལྟ་དགོས་བྱུང་།  (ཚེ་རིང་མཚོ་མོ་ད་ལོ་མོ་ལོ་ཉེར་གསུམ་ཡིན་སྟབས་ཆེད་དུ་ཤོག་ངོས་ཉེར་གསུམ་པའི་སྟེང་ཁོ་མོའི་སྙན་ངག་པར་དྲན་རྟེན་བྲིས་ཡོད)              
   ཨ་ཇོ།  རླུང་ཁར་མ་འགྲོ།   ཚིག་མཚོན་གྱིས་བཏབ་པའི་ཁོར་ཡུག་གང་མང་ལ། ང་ཚོས་སྤོབས་པའི་ལག་ཟུང་སྦྲེལ་དགོས།                                                                                   ཐག་རིང་གི་སྐར་མདའ་མིག་ལམ་ནས་ཡལ་ཚུལ།  ཁྱེད་ཀྱིས་ཅིའི་མི་མཐོང་། ནམ་ཞིག་ན་ཁྱེད་ཀྱི་མཁའ་དབྱིངས་སུ་འཚེར་བའི་སྐར་མ་འོད་ཆེན་དེ།                                      འདི་ལྟར་ཐང་ལ་མི་ལྷུང་བའི་ངེས་པ་མེད། ཨ་ཇོ།  རླུང་ཁར་མ་འགྲོ།  གདོད་མའི་སྦྲ་ནག་འདིར།  མཚར་སྡུག་གི་བཀྲག་མདངས་དབེན་ཡང་།  དེར་ལྷད་མེད་པའི་དྲོད་ཁོལ་ཡོད།  དེ་ལས་ཁྱེད་ཀྱི་ཚེ་སྲོག་གི་གླུ་སྐད་ཐོས་ཐུབ།  དེ་ལས་ཁྱེད་ཀྱི་བྱིས་དུས་ཀྱི་དྲོད་ཤ་མྱོང་ཐུབ། ཨ་ཇོ།  རླུང་ཁར་མ་འགྲོ།  མེ་ཏོག་གི་འཇིག་རྟེན་ཞིག་ལ་ཕེབས་རོགས།       ཡིད་ཆེས་དང་སྤོབས་པ་ཁྱེར་ནས།  བརྩེ་དུང་་་་་་་་་་་་་་་་་་མཚམས་འདིར་ཐོན་དུས།  སྙན་ངག་པ་སྐྱོ་གདུང་གི་མིག་ཆུའི་ཀློང་ནས་ལག་ཟུང་འདར་འདར་ངང་ཁོ་མོའི་འདྲ་པར་བྲང་ལ་སྦྱར།  གནམ་མཐའ་ཅི་ཙམ་རིང་ཡང་།  རྒྱ་མཚོ་ཇི་ལྟར་ཟབ་ཀྱང་།བརྩེ་དུང་གིས་ཡོད་ཚད་ལ་དབང་སྒྱུར་བྱེད་ཐུབ་སྙམ།                                                                       “སྙན་ངག་པ་སྨྱོས་འདུག་ཟེར”བུ་མོའི་ཉལ་ཁང་གི་སྒོ་འགྲམ་ནས་རླུང་བུ་ཞིག་ག་ལེར་གཡུགས།                                      
  “སྙིང་རྗེ། བརྩེ་དུང་གི་རྒྱལ་སྲས་ཤིག”འཛིན་ཁང་གི་རྒྱབ་ལོགས་ན་ཐ་མག་སྐོར་འཐེན་བྱེད་པའི་མི་རྐྱང་ཁ་ཤས་ཀྱིས་དེ་ལྟར་སྟོང་ལབ་བརྒྱབ།  དེ་ནས་བཟུང་།  སྙན་ངག་པའི་ཉེ་འགྲམ་དུ་ཡོང་མཁན་ཇེ་ཉུང་ལ་སོང་།  ཆར་བ་སིམ་སིམ་བབས་པའི་དགོང་མོའི་རང་སྦྱོང་སྐབས་ཤིག་ལ།  སྙན་ངག་པས་འཛིན་གྲྭའི་སྒོ་སམ་སྟེང་དུ་སྙན་ཚིག་ཅིག་འདི་ལྟར་བྲིས།                                                                                                            
   ཁྱེད་སོང་ཤུལ་དུ།  ངའི་ལོ་ཟླ་ལ་གོད་ཆག་ཐེབས་ཤིང་།  ངའི་རྨི་ལམ་ལ་འགྱུར་ལྡོག་མང་།   ཁྱེད་སོང་ཤུལ་དུ།  ཁ་བ་ནག་པོ་གདུག་རྩུབ་ཀྱིས་བབས་ལ།  གྲང་རླུང་འཁྱམ་པོ་ཁང་མིག་ནང་ཁྱབ།  ཁྱེད་སོང་ཤུལ་དུ།  ཉིན་མཚན་གྱི་དབྱེ་བ་མི་ཤེས་ལ། ཞལ་ཟས་ཀྱི་བྲོ་བ་མི་ཤེས།  ཁྱེད་སོང་ཤུལ་དུ།  གྲོགས་པོ་ཚོའི་འཕྱ་སྨོད་རྒོད་ལ།  བུ་མོ་ཚོའི་དགོད་སྒྲ་མཐོ།   ཁྱེད་སོང་ཤུལ་དུ།   མལ་ས་ནང་དྲོད་ཁོལ་ཡལ་ལ།  གཡས་གཡོན་དུ་འདྲེ་ཤིག་གིས་བཀང་།  ཁྱེད་སོང་ཤུལ་དུ།  ན་ཟླ་ཚོར་ལབ་གླེང་དབེན་ལ།  དོན་མེད་དུ་ཤུགས་རིང་འཆོར།  ཁྱེད་སོང་ཤུལ་དུ།
          བརྩེ་དུང་ལ་དགའ་བའི་སློབ་གྲོགས་སྐོར་ཞིག་གིས་སྙན་ངག་དེ་རྐུ་བཤུ་བྱེད་བཞིན་འདུག  སེམས་ཚོར་སྙི་བའི་བུ་མོ་ཁ་ཤས་ལ་སྐྱོ་གདུང་གི་ན་བུན་འཐིབས།  སྙན་ངག་པ་རང་ཉིད་ཀྱི་མདུན་ཅོག་མཐའ་འགྲམ་ནས་སྒེའུ་ཁུང་ཕྱི་རོལ་ལ་ཅེར།  ཆར་ཐིགས་ཀྱི་ཟེགས་མ་རེ་རེ་ཁོ་མོའི་མིག་ཆུ་བཞིན་ཤེལ་སྒོའི་ངོས་སུ་དལ་གྱིས་བཞུར། སྐབས་དེར་དགེ་རྒན་ཉི་མ་སྙན་ངག་པའི་གམ་དུ་བསླེབས་ཤིང་ཁོ་བོའི་ཉམས་ཉེས་ཤོར་བའི་བཟོ་ལྟར་བལྟས་ནས་སྙིང་ཉེ་བའི་ངང་སློབ་གསོ་གང་མང་བརྒྱབ།  དེ་སྔོན་འབྲེལ་འདྲིས་ཟབ་པའི་སློབ་གྲོགས་ཁ་ཤས་ཀྱིས་སྙན་ངག་པའི་སེམས་ཁམས་དང་ཡིག་རྒྱུག་གི་སྐོར་ལ་སེམས་ཁྲལ་བྱས།  སྙན་ངག་པའི་སེམས་སུ་ཁོ་མོ་མེད་ན་འཇིག་རྟེན་འདི་ལ་བསྡད་ཀྱང་སྙིང་པོ་ཅི་ཡོད་སྙམ།                                                                                                                
   སྐབས་དེར་ཆུ་ཚོད་དགུ་བ་ཟིན་ལ་ཉེ།  སྙན་ངག་པ་སུ་ཞིག་གིས་ཅི་ཞིག་བོར་སོང་བ་ནང་བཞིན་འཛིན་ཁང་རེ་རེ་སྒོ་འགྲམ་ནས་ཁོ་མོ་བཙལ།   བུ་མོ་ཁ་ཤས་སྐྲག་ནས་ངུ་སྐད་ཤོར།
   ཕྱི་ཉིན་ཞོགས་པར་སྙན་ངག་པ་བདེ་ལེགས་སྨན་ཁང་དུ་ཁྲིད་སོང་ཟེར།    ཕྱི་རོལ་གྱི་གནམ་གཤིས་སྡང་སྡིག་ལས་འཕྱ་སྨོད་དང་ཟུར་ཟའི་རླུང་བུ་ཞིག་ཉལ་ཁང་སུམ་ཅུའི་ནང་དུ་ཁྱབ་ལ།  སྙན་ངག་པའི་ཉལ་ཁྲིའི་སྟེང་ཤོག་ལྷེ་འགའ་རླུང་གིས་འཁུར་གྱིན་འདུག    ཁོས་ནམ་རྒྱུན་ཀློག་བཞིན་པའི་དྲན་རྟེན་གྱི་འབྲི་དེབ་རྡུལ་གྱིས་ཟོས།  ཁོར་ཡུག་དེའི་སློབ་མ་ཁ་ཤས་ཀྱིས་སྙན་ངག་པའི་བརྩེ་དུང་ལ་ཡིད་སྨོན་གཏིང་ནས་སྐྱེས།
     སྐབས་འདི་འདྲ་ཞིིག་ལ། བྱང་ཨ་རི་ནས་སྙན་ངག་པར་འཕྲིན་ཡིག་ཅིག་འབྱོར།  དེ་ནི་ཚེ་རིང་མཚོ་མོའི་སེམས་འཕྲིན་རེད། ཡིན་ནའང་ད་ནི་ཡོད་ཚད་འཕྱིས་སོང་བ་འདྲ། ཚེ་རིང་མཚོ་མོས་སྙན་ངག་པ་བསྐྱུར་ནས་གློ་བུར་དུ་འགྲོ་དགོས་པའི་རྒྱུ་རྐྱེན་མཐའ་དག་འཕྲིན་ཡིག་དེའི་ནང་དུ་ཡོད་པ་ཐག་གིས་ཆོད། འོན་ཀྱང་སྙན་ངག་པ་སྨན་ཁང་ནས་ཕྱིར་མ་སླེབས་པར་དུ་ང་ཚོ་སུ་ཡིན་ཡང་ཁོ་མོའི་གསང་བ་དེ་རྟོགས་མི་སྲིད།  
                                                    ༢༠༠༦  ༩  ༡༠ ཉིན།                     

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།