སྲང་ནས་མཛེས་མ་ཞིག་ལ་འཕྲད་པ།

  དབྱར་ཟླ་ཚར་སློག་འདྲ་བ་དེ་མིག་རྡེབ་ཡུན་གྱི་ཙམ་ལ་ཅི་ཡིན་འདི་ཡིན་མེད་པར་རྫོགས་སོང་།ད་ནི་སྟོན་རླུང་བསིལ་བོ་ཞིག་གྲོང་ཁྱེར་གྱི་གྲུ་ཟུར་ག་སར་ཁྱབ་འདུག
  མཐོ་རྒྱུ་མེད་པའི་ཁང་བརྩེགས་དང་ཁང་ལེབ་སྣ་ཚོགས་ལམ་གྱི་གཡས་གཡོན་ནས་བསྟར་ཕྲེང་བསྒྲིགས་ཤིང་།མི་དག་སྤྲང་བོ་ཚོས་ཅི་ཞིག་འཐོབ་འདོད་ཀྱི་རེ་བ་ཕྲ་མོས་ཁ་མིག་ཆེར་གདངས་པ་དང་འདྲ་བའི་ཚོང་ཁང་གི་མདུན་དུ་ཁོམ་ལོང་མེད་པར་ཕར་འགྲོ་ཚུར་འགྲོ་བྱེད་བཞིན་འདུག་ལ་ནུབ་ཁའི་མཚམས་སྤྲིན་གྱི་གསེང་ནས་ཉི་མ་དམར་པོ་དེས་ཀྱང་མིག་ཟུང་རིག་རིག་གིས་ཁོ་ཚོའི་བྱ་བྱེད་ལ་གཟབ་ལྟ་བྱེད་ཞོར་རང་གི་མལ་དུ་ལོག་རྩིས་བྱེད་བཞིན་པ་འདྲ།དེ་དུས་ང་དང་ངའི་གྲོགས་པོ་གཉིས་ཀྱང་ཁོ་ཚོའི་གྲས་སུ་ཚུད་ཡོད་དེ་ངེད་གཉིས་ཀྱིས་ཀྱང་གཡས་ལྟ་གཡོན་ལྟ་བྱེད་ཞོར་གྲོང་ཁྱེར་གྱི་འདུ་འཛིའི་ཁྲོད་ན་འགྲོ་བཞིན་ཡོད།
  གློ་བུར་དུ་ཁོ་བོས་འཕྲུལ་འཁོར་གྱི་འུར་ཟིང་ཁྲོད་ནས་བུད་མེད་ཅིག་མཐོང་བྱུང་།མ་རེད།གཞོན་ནུ་མ་དེས་ང་རང་མཐོང་བྱུང་།དེ་ཡང་མ་རེད།ང་རང་མཛེས་མ་ཞིག་ལ་འཕྲད་བྱུང་།
  སྐད་ཅིག་མ་དེ་ལ་ངས་མོ་ལས་གཞན་སུ་ཡང་མཐོང་མ་སོང་།ཐ་ན་རང་ལ་འགྲོ་རོགས་ཤིག་ཡོད་པ་དེའང་བརྗེད་ཟིན།མོའི་མིག་ཀོང་ཆུང་ཆུང་དེ་རུ་ཤིན་ཏུ་ཟབ་པའི་བརྩེ་བ་ཞིག་འཁྱིལ་འདུག་སྙམ་པའི་ཡིད་ཆེས་ཤིག་སྟེར་ལ་མིག་མདངས་ཞིམ་པོ་དེ་ཡིས་མོ་ནི་རང་བཞིན་བཟང་ལ་གཤིས་རྒྱུད་འཇམ་པའི་གཞོན་ནུ་མ་ཡ་རབས་ཤིག་ཡིན་ཟེར་བའི་བརྡ་སྤྲད་པ་འདྲ།ཆུ་བཞིན་གྱི་བཞིན་རས་དེ་ལས་དཔག་མི་བཏུབ་པའི་འཛུམ་མདངས་ཕྲ་མོ་ཞིག་ཕྱིར་མངོན་བྱུང་ལ་ཅུང་སེར་མདོག་ཏུ་སྣང་བའི་དཔྲལ་བའི་སྐྲ་ལོ་དག་ལ་རླུང་བུས་བརྡར་ཙམ་གྱིས་གཡས་ནས་གཡོན་ལ་ཁུར་རྗེས་ཕྱིར་གཡས་ཕྱོགས་སུ་གཡུག་ཡོང་ནས་རང་སར་བབས་སོང་།ངས་མོ་ངོ་ཤེས་སམ།ཤེས་མི་སྲིད།ཕལ་ཆེར་ངས་སྔོན་ཞིག་ལ་མཐོང་མྱོང་བ་འདྲ།ཧེ་ཧེ།དེ་འདྲ་ཞིག་ཡིན་མི་སྲིད།དེ་ན་མོས་ང་རང་ངོ་ཤེས་པ་ཡིན་ནམ།ཡང་ན་མོས་ང་རང་མཐོང་མྱོང་བ་ཡིན་ནམ།མོའི་གདོང་གི་ཉམས་ལ་ལྟོས་དང་ཤིན་ཏུ་གཟབ་ནན་ཏུ་སྣང་།ཧ་ཧ།དེ་ཡང་མི་སྲིད་ཁོ་ཐག་རེད།
  གྲོགས་པོས་ང་རང་དྲུད་སོང་།ང་ལ་ཡང་ཐབས་མེད་སོང་།ཡིན་ཡང་མོ་སྔར་བཞིན་གནས་དེ་དང་ཁ་མ་བྲལ།ཕལ་ཆེར་རླངས་འཁོར་ཞིག་གམ་མི་ཞིག་ལ་སྒུག་ཡོད་པ་འདྲ།སྲབ་ཅིང་འཇམ་པར་སྣང་བའི་ཚི་ལེན་གྱི་ཐུ་བའི་སྣེ་གཅིག་རླུང་གི་དབང་གིས་ཕར་གཡུག་ཚུར་གཡུག་བྱེད་བཞིན་གདའ་ལ།མཚམས་ཤིག་ལ་ཁ་པར་རྣ་སྒོར་སྦྱར་ཏེ་མགོ་སྒུར་ནས་སུ་ཞིག་ལ་སྐད་ཆ་ལབ་བྱུང་།དེ་ལྟར་ང་རང་མོ་དང་ཁ་ཐག་ཇེ་རིང་ནས་ཇེ་རིང་དུ་ཕྱིན་སོང་།ཡིན་ཡང་རླངས་འཁོར་ཆེ་ཆུང་སྣ་ཚོགས་སྔར་བཞིན་མོའི་འགྲམ་ནས་འཚང་ཁ་རྒྱག་བཞིན་འདུག
  ཉི་ནུབ་གྱི་ཁྲོད་ནས་ང་དེ་ལྟར་མོ་དང་གྱེས།མཐའ་མར་མོ་རང་ཤུག་སྡོང་ཤིག་གིས་བསྒྲིབས་སོང་།དེ་ནས་ནག་ཐིག་གཅིག་ཏུ་གྱུར་སོང་།དེ་ནས་ངའི་ཕྱིར་མིག་ཡང་དེ་ནས་མཚམས་བཞག
  སྒྲུང་གཏམ་བྲིས་ནས་མཚམས་འདིར་སླེབས་དུས་ང་ལ་གློ་བུར་དུ་འཇིགས་སྣང་ཞིག་སྐྱེས་བྱུང་།དེ་ནི་ངོ་ཤེས་ཚོས་ཁོ་བོས་བྲིས་པའི་སྒྲུང་གཏམ་འདི་དངོས་བྲིས་སུ་སྒྲོ་བཏགས་ནས་ཁོ་བོ་འདུག་ཏུ་མི་བཟོད་པ་ཞིག་ཏུ་གཏོང་བ་དེ་རེད།ཡང་ཅུང་འཕྲོས་ཏེ་གལ་སྲིད་ཁོ་བོར་མཛའ་མོ་ཞིག་ཡོད་པའི་དབང་དུ་བཏང་ན།མོ་རང་གོ་ལོག་ཐེབས་ནས་ཁོ་བོ་དང་གྱེས་འགྲོ་སྲིད་པ་དེ་རེད།འོན་ཀྱང་།དགའ་འོས་པ་ཞིག་ལ་ཁོ་བོར་ཅི་ཡང་མེད་པས་འཇིགས་སྣང་དེ་ལས་ཆེ་བ་ཞིག་མྱོང་དགོས་མ་སོང་།ཧ་ཧ།གང་ལྟར་སྒྲུང་གཏམ་བྲིས་ནས་ཚར་སོང་བས་ད་ནི་རང་ཉིད་དགའ་ན་འོས་སམ།ཡིན་ཡང་སྒྲུང་གཏམ་འདིའི་ནང་གི་མཛེས་མ་འདི་རང་ཁོ་བོའི་སེམས་ཁོང་གི་ཡིད་འཕྲོག་ལྷ་མོ་དང་བསྡུར་ན་ད་རུང་ཤིན་ཏུ་ནས་བར་ཐག་རིང་སྟེ།རྒྱུ་མཚན་ནི་དེ་ནི་སྐད་ཆ་འབའ་ཞིག་གིས་བཞེངས་བསྐྲུན་བྱེད་ཐུབ་པ་ཞིག་མ་ཡིན་ལ།ཕལ་ཆེར་ཁོ་བོའི་སོར་རྩེ་ལས་ནམ་ཡང་ཡོང་དཀའ་བར་འདུག་པས་ཡང་སྐྱོ་བ་ཞིག་གིས་ཀྱང་རབ་ཏུ་གཙེས་བྱུང་ངོ་།།
  ངས་དེ་ལྟར་མུ་སྐྱོང་པའི་སྒང་ལ་གྲོགས་པོའི་ཁ་པར་ཐོན་བྱུང་།
  “ཨ་རོག གང་ན་ཡོད།ཅི་བྱེད་གི་ཡོད།སྲང་ལ་འགྲོའམ།”
  “ཅི་བྱེད་གི་འགྲོ་རྒྱུ་ཡིན།བྱ་བ་མེད་ལ།”
  “འགྲོ་དང་ཤེས་ནི་རེད།སྟབས་ལེགས་ན་ཡིད་འཕྲོག་ལྷ་མོར་འཕྲད་ནའང་ཐང་།ད་ཅི་མོ་གཅིག་པུ་སློབ་གྲྭའི་ཕྱི་ན་འགྲོ་བཞིན་ཡོད་ཐལ།”
  “ཨེ། ངོ་མ་ཡིན་ནམ།”
                                    ༢༠༡༤ལོའི་ཟླ༡༠ཚེས༡༩ཉིན་བྲིས་ཚར། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྲང་ནས་མཛེས་མ་ཞིག་ལ་འཕྲད་པ།

2015-02-04 འབུམ་ཕྲག ཀློག་གྲངས། མཆན ཡོད།

  དབྱར་ཟླ་ཚར་སློག་འདྲ་བ་དེ་མིག་རྡེབ་ཡུན་གྱི་ཙམ་ལ་ཅི་ཡིན་འདི་ཡིན་མེད་པར་རྫོགས་སོང་།ད་ནི་སྟོན་རླུང་བསིལ་བོ་ཞིག་གྲོང་ཁྱེར་གྱི་གྲུ་ཟུར་ག་སར་ཁྱབ་འདུག
  མཐོ་རྒྱུ་མེད་པའི་ཁང་བརྩེགས་དང་ཁང་ལེབ་སྣ་ཚོགས་ལམ་གྱི་གཡས་གཡོན་ནས་བསྟར་ཕྲེང་བསྒྲིགས་ཤིང་།མི་དག་སྤྲང་བོ་ཚོས་ཅི་ཞིག་འཐོབ་འདོད་ཀྱི་རེ་བ་ཕྲ་མོས་ཁ་མིག་ཆེར་གདངས་པ་དང་འདྲ་བའི་ཚོང་ཁང་གི་མདུན་དུ་ཁོམ་ལོང་མེད་པར་ཕར་འགྲོ་ཚུར་འགྲོ་བྱེད་བཞིན་འདུག་ལ་ནུབ་ཁའི་མཚམས་སྤྲིན་གྱི་གསེང་ནས་ཉི་མ་དམར་པོ་དེས་ཀྱང་མིག་ཟུང་རིག་རིག་གིས་ཁོ་ཚོའི་བྱ་བྱེད་ལ་གཟབ་ལྟ་བྱེད་ཞོར་རང་གི་མལ་དུ་ལོག་རྩིས་བྱེད་བཞིན་པ་འདྲ།དེ་དུས་ང་དང་ངའི་གྲོགས་པོ་གཉིས་ཀྱང་ཁོ་ཚོའི་གྲས་སུ་ཚུད་ཡོད་དེ་ངེད་གཉིས་ཀྱིས་ཀྱང་གཡས་ལྟ་གཡོན་ལྟ་བྱེད་ཞོར་གྲོང་ཁྱེར་གྱི་འདུ་འཛིའི་ཁྲོད་ན་འགྲོ་བཞིན་ཡོད།
  གློ་བུར་དུ་ཁོ་བོས་འཕྲུལ་འཁོར་གྱི་འུར་ཟིང་ཁྲོད་ནས་བུད་མེད་ཅིག་མཐོང་བྱུང་།མ་རེད།གཞོན་ནུ་མ་དེས་ང་རང་མཐོང་བྱུང་།དེ་ཡང་མ་རེད།ང་རང་མཛེས་མ་ཞིག་ལ་འཕྲད་བྱུང་།
  སྐད་ཅིག་མ་དེ་ལ་ངས་མོ་ལས་གཞན་སུ་ཡང་མཐོང་མ་སོང་།ཐ་ན་རང་ལ་འགྲོ་རོགས་ཤིག་ཡོད་པ་དེའང་བརྗེད་ཟིན།མོའི་མིག་ཀོང་ཆུང་ཆུང་དེ་རུ་ཤིན་ཏུ་ཟབ་པའི་བརྩེ་བ་ཞིག་འཁྱིལ་འདུག་སྙམ་པའི་ཡིད་ཆེས་ཤིག་སྟེར་ལ་མིག་མདངས་ཞིམ་པོ་དེ་ཡིས་མོ་ནི་རང་བཞིན་བཟང་ལ་གཤིས་རྒྱུད་འཇམ་པའི་གཞོན་ནུ་མ་ཡ་རབས་ཤིག་ཡིན་ཟེར་བའི་བརྡ་སྤྲད་པ་འདྲ།ཆུ་བཞིན་གྱི་བཞིན་རས་དེ་ལས་དཔག་མི་བཏུབ་པའི་འཛུམ་མདངས་ཕྲ་མོ་ཞིག་ཕྱིར་མངོན་བྱུང་ལ་ཅུང་སེར་མདོག་ཏུ་སྣང་བའི་དཔྲལ་བའི་སྐྲ་ལོ་དག་ལ་རླུང་བུས་བརྡར་ཙམ་གྱིས་གཡས་ནས་གཡོན་ལ་ཁུར་རྗེས་ཕྱིར་གཡས་ཕྱོགས་སུ་གཡུག་ཡོང་ནས་རང་སར་བབས་སོང་།ངས་མོ་ངོ་ཤེས་སམ།ཤེས་མི་སྲིད།ཕལ་ཆེར་ངས་སྔོན་ཞིག་ལ་མཐོང་མྱོང་བ་འདྲ།ཧེ་ཧེ།དེ་འདྲ་ཞིག་ཡིན་མི་སྲིད།དེ་ན་མོས་ང་རང་ངོ་ཤེས་པ་ཡིན་ནམ།ཡང་ན་མོས་ང་རང་མཐོང་མྱོང་བ་ཡིན་ནམ།མོའི་གདོང་གི་ཉམས་ལ་ལྟོས་དང་ཤིན་ཏུ་གཟབ་ནན་ཏུ་སྣང་།ཧ་ཧ།དེ་ཡང་མི་སྲིད་ཁོ་ཐག་རེད།
  གྲོགས་པོས་ང་རང་དྲུད་སོང་།ང་ལ་ཡང་ཐབས་མེད་སོང་།ཡིན་ཡང་མོ་སྔར་བཞིན་གནས་དེ་དང་ཁ་མ་བྲལ།ཕལ་ཆེར་རླངས་འཁོར་ཞིག་གམ་མི་ཞིག་ལ་སྒུག་ཡོད་པ་འདྲ།སྲབ་ཅིང་འཇམ་པར་སྣང་བའི་ཚི་ལེན་གྱི་ཐུ་བའི་སྣེ་གཅིག་རླུང་གི་དབང་གིས་ཕར་གཡུག་ཚུར་གཡུག་བྱེད་བཞིན་གདའ་ལ།མཚམས་ཤིག་ལ་ཁ་པར་རྣ་སྒོར་སྦྱར་ཏེ་མགོ་སྒུར་ནས་སུ་ཞིག་ལ་སྐད་ཆ་ལབ་བྱུང་།དེ་ལྟར་ང་རང་མོ་དང་ཁ་ཐག་ཇེ་རིང་ནས་ཇེ་རིང་དུ་ཕྱིན་སོང་།ཡིན་ཡང་རླངས་འཁོར་ཆེ་ཆུང་སྣ་ཚོགས་སྔར་བཞིན་མོའི་འགྲམ་ནས་འཚང་ཁ་རྒྱག་བཞིན་འདུག
  ཉི་ནུབ་གྱི་ཁྲོད་ནས་ང་དེ་ལྟར་མོ་དང་གྱེས།མཐའ་མར་མོ་རང་ཤུག་སྡོང་ཤིག་གིས་བསྒྲིབས་སོང་།དེ་ནས་ནག་ཐིག་གཅིག་ཏུ་གྱུར་སོང་།དེ་ནས་ངའི་ཕྱིར་མིག་ཡང་དེ་ནས་མཚམས་བཞག
  སྒྲུང་གཏམ་བྲིས་ནས་མཚམས་འདིར་སླེབས་དུས་ང་ལ་གློ་བུར་དུ་འཇིགས་སྣང་ཞིག་སྐྱེས་བྱུང་།དེ་ནི་ངོ་ཤེས་ཚོས་ཁོ་བོས་བྲིས་པའི་སྒྲུང་གཏམ་འདི་དངོས་བྲིས་སུ་སྒྲོ་བཏགས་ནས་ཁོ་བོ་འདུག་ཏུ་མི་བཟོད་པ་ཞིག་ཏུ་གཏོང་བ་དེ་རེད།ཡང་ཅུང་འཕྲོས་ཏེ་གལ་སྲིད་ཁོ་བོར་མཛའ་མོ་ཞིག་ཡོད་པའི་དབང་དུ་བཏང་ན།མོ་རང་གོ་ལོག་ཐེབས་ནས་ཁོ་བོ་དང་གྱེས་འགྲོ་སྲིད་པ་དེ་རེད།འོན་ཀྱང་།དགའ་འོས་པ་ཞིག་ལ་ཁོ་བོར་ཅི་ཡང་མེད་པས་འཇིགས་སྣང་དེ་ལས་ཆེ་བ་ཞིག་མྱོང་དགོས་མ་སོང་།ཧ་ཧ།གང་ལྟར་སྒྲུང་གཏམ་བྲིས་ནས་ཚར་སོང་བས་ད་ནི་རང་ཉིད་དགའ་ན་འོས་སམ།ཡིན་ཡང་སྒྲུང་གཏམ་འདིའི་ནང་གི་མཛེས་མ་འདི་རང་ཁོ་བོའི་སེམས་ཁོང་གི་ཡིད་འཕྲོག་ལྷ་མོ་དང་བསྡུར་ན་ད་རུང་ཤིན་ཏུ་ནས་བར་ཐག་རིང་སྟེ།རྒྱུ་མཚན་ནི་དེ་ནི་སྐད་ཆ་འབའ་ཞིག་གིས་བཞེངས་བསྐྲུན་བྱེད་ཐུབ་པ་ཞིག་མ་ཡིན་ལ།ཕལ་ཆེར་ཁོ་བོའི་སོར་རྩེ་ལས་ནམ་ཡང་ཡོང་དཀའ་བར་འདུག་པས་ཡང་སྐྱོ་བ་ཞིག་གིས་ཀྱང་རབ་ཏུ་གཙེས་བྱུང་ངོ་།།
  ངས་དེ་ལྟར་མུ་སྐྱོང་པའི་སྒང་ལ་གྲོགས་པོའི་ཁ་པར་ཐོན་བྱུང་།
  “ཨ་རོག གང་ན་ཡོད།ཅི་བྱེད་གི་ཡོད།སྲང་ལ་འགྲོའམ།”
  “ཅི་བྱེད་གི་འགྲོ་རྒྱུ་ཡིན།བྱ་བ་མེད་ལ།”
  “འགྲོ་དང་ཤེས་ནི་རེད།སྟབས་ལེགས་ན་ཡིད་འཕྲོག་ལྷ་མོར་འཕྲད་ནའང་ཐང་།ད་ཅི་མོ་གཅིག་པུ་སློབ་གྲྭའི་ཕྱི་ན་འགྲོ་བཞིན་ཡོད་ཐལ།”
  “ཨེ། ངོ་མ་ཡིན་ནམ།”
                                    ༢༠༡༤ལོའི་ཟླ༡༠ཚེས༡༩ཉིན་བྲིས་ཚར། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།