གཅེས་ཕྲུག

བདེ་སྐྱིད་སྒྲོལ་མ། མཆོད་མེ་བོད་ཀྱི་རྩོམ་རིག་དྲ་བ། 2009-11-16

འདི་རུ་ཤོག་དང་།  གཅེས་ཕྲུག

ཨ་མའི་པང་ན་འབྱོར་ཕྱུག་གི་གཏེར་མཛོད་དང་།

ངོ་མཚར་ཆོག་ཤེས་བྲལ་པའི་ལྟད་མོ་མེད་མོད།

ཁྱོད་ཀྱི་ལུས་ལ་དྲོད་སྐྱིད་ཀྱི་བདེ་སྣང་སྟེར་ནུས།

ཁྱོད་ཀྱི་སེམས་ལ་ཚད་མེད་ཀྱི་བརྩེ་བ་སྦྱིན་ནུས།

རང་སེམས་ཞིབ་མོས་བཅོས་པའི་ཚང་མལ་འདི།

ཁྱོད་ལ་བྱིན་པའི་ཤམ་བྷ་ལའི་ཞིང་ཁམས་ཡིན།

 

མཆོང་ལྡིང་གྱིས་དང་། གཅེས་ཕྲུག

རང་ཁྱིམ་ན་གློག་འཕྲུལ་ལྡན་པའི་རྩེད་ཆས་མེད་ལ།

དགོས་འདོན་ཀྱི་ནོར་བུའང་མི་གནས་མོད།

ཁུ་ལུའི་སྤོ་ལོ་དང་ཐེ་གེའི་སྒོ་ཕྱུགས།

ད་རུང་དབྱངས་གསལ་སོ་བཞིའི་གླུ་དབྱངས་སྙན་མོ་དེ།

མེས་པོས་ཁྱོད་ལ་བཞག་པའི་ཚིམ་མེད་ཀྱི་རོལ་རྩེད་ཡིན།

 

ལྷུག་ལྷུག་དགོད་དང་། གཅེས་ཕྲུག

ཨ་མའི་མཆུ་འདབ་ཡང་མོས་འདི་ལྟར།

ཁྱོད་ཀྱི་ལུས་ཡོངས་མ་ལུས་འོ་ཡིས་ལྡག་པར་ཆུགས་ཤིག

བྲང་ཁོག་ན་ནམ་རྒྱུན་སེམས་ཁྲལ་ངན་ངོན་ཞིག་གནས་པ་ནི།

ནམ་ཞིག་ཁྱོད་ནར་སོན་ནས་སྟག་ཤར་ཡིན་དུས།

ངའི་བྱམས་སེམས་ཀྱི་འོ་ཞིམ་དེ་རིང་ནང་བཞིན།

དགའ་བས་དང་དུ་ལེན་མི་སྲིད་པ་དེ་རེད་ཨང་།

 

ལོངས་སུ་སྤྱོད་དང་། གཅེས་ཕྲུག

གོ་ལའི་སྟེང་ཆེས་མཐོ་བའི་ལྗོངས་ནི་ཁྱོད་ཀྱི་ཕ་ཡུལ་ཡིན་ལ།

འཇིག་རྟེན་དུ་ཆེས་བརྩེ་བའི་གཉེན་ནི་ཁྱོད་ཀྱི་མ་ལོ་ཡིན།

ད་དུང་ཉི་མས་བཞུ་མ་ནུས་པའི་ཁ་བའི་ཁོར་ཡུག་ཅིག་ཀྱང་ཁྱོད་ལ་ཡོད་པས།

རྒྱུས་མེད་དང་ཐེ་ཚོམ་གྱི་འཛེམ་དོགས་འཆང་ག་ལ་དགོས།

ཡོད་ཚད་ཀྱི་ཡོད་ཚད་སྔོག་འདོན་བྱོས་ལ་ཁྱེར་དང་།

མཐར་མཇུག་ང་ལ་མཁོ་བ་ནི་བུ་ཡི་དྲིན་ལན་མ་ཡིན་ཏེ།

སེམས་རྟེན་ཁྱོད་ཀྱིས་མིའི་རིགས་ཀྱི་འབྱུང་འགྱུར་ལ།

གནམ་ས་འགུལ་བའི་ལག་རྗེས་ཤིག་འཇོག་རྒྱུ་དེ་ཡིན།

 

 

རྩོམ་ཁུངས། ༢༠༠༢ལོའི་སྦྲང་ཆར།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

གཅེས་ཕྲུག

2009-11-16 བདེ་སྐྱིད་སྒྲོལ་མ། ཀློག་གྲངས། མཆན ཡོད།

འདི་རུ་ཤོག་དང་།  གཅེས་ཕྲུག

ཨ་མའི་པང་ན་འབྱོར་ཕྱུག་གི་གཏེར་མཛོད་དང་།

ངོ་མཚར་ཆོག་ཤེས་བྲལ་པའི་ལྟད་མོ་མེད་མོད།

ཁྱོད་ཀྱི་ལུས་ལ་དྲོད་སྐྱིད་ཀྱི་བདེ་སྣང་སྟེར་ནུས།

ཁྱོད་ཀྱི་སེམས་ལ་ཚད་མེད་ཀྱི་བརྩེ་བ་སྦྱིན་ནུས།

རང་སེམས་ཞིབ་མོས་བཅོས་པའི་ཚང་མལ་འདི།

ཁྱོད་ལ་བྱིན་པའི་ཤམ་བྷ་ལའི་ཞིང་ཁམས་ཡིན།

 

མཆོང་ལྡིང་གྱིས་དང་། གཅེས་ཕྲུག

རང་ཁྱིམ་ན་གློག་འཕྲུལ་ལྡན་པའི་རྩེད་ཆས་མེད་ལ།

དགོས་འདོན་ཀྱི་ནོར་བུའང་མི་གནས་མོད།

ཁུ་ལུའི་སྤོ་ལོ་དང་ཐེ་གེའི་སྒོ་ཕྱུགས།

ད་རུང་དབྱངས་གསལ་སོ་བཞིའི་གླུ་དབྱངས་སྙན་མོ་དེ།

མེས་པོས་ཁྱོད་ལ་བཞག་པའི་ཚིམ་མེད་ཀྱི་རོལ་རྩེད་ཡིན།

 

ལྷུག་ལྷུག་དགོད་དང་། གཅེས་ཕྲུག

ཨ་མའི་མཆུ་འདབ་ཡང་མོས་འདི་ལྟར།

ཁྱོད་ཀྱི་ལུས་ཡོངས་མ་ལུས་འོ་ཡིས་ལྡག་པར་ཆུགས་ཤིག

བྲང་ཁོག་ན་ནམ་རྒྱུན་སེམས་ཁྲལ་ངན་ངོན་ཞིག་གནས་པ་ནི།

ནམ་ཞིག་ཁྱོད་ནར་སོན་ནས་སྟག་ཤར་ཡིན་དུས།

ངའི་བྱམས་སེམས་ཀྱི་འོ་ཞིམ་དེ་རིང་ནང་བཞིན།

དགའ་བས་དང་དུ་ལེན་མི་སྲིད་པ་དེ་རེད་ཨང་།

 

ལོངས་སུ་སྤྱོད་དང་། གཅེས་ཕྲུག

གོ་ལའི་སྟེང་ཆེས་མཐོ་བའི་ལྗོངས་ནི་ཁྱོད་ཀྱི་ཕ་ཡུལ་ཡིན་ལ།

འཇིག་རྟེན་དུ་ཆེས་བརྩེ་བའི་གཉེན་ནི་ཁྱོད་ཀྱི་མ་ལོ་ཡིན།

ད་དུང་ཉི་མས་བཞུ་མ་ནུས་པའི་ཁ་བའི་ཁོར་ཡུག་ཅིག་ཀྱང་ཁྱོད་ལ་ཡོད་པས།

རྒྱུས་མེད་དང་ཐེ་ཚོམ་གྱི་འཛེམ་དོགས་འཆང་ག་ལ་དགོས།

ཡོད་ཚད་ཀྱི་ཡོད་ཚད་སྔོག་འདོན་བྱོས་ལ་ཁྱེར་དང་།

མཐར་མཇུག་ང་ལ་མཁོ་བ་ནི་བུ་ཡི་དྲིན་ལན་མ་ཡིན་ཏེ།

སེམས་རྟེན་ཁྱོད་ཀྱིས་མིའི་རིགས་ཀྱི་འབྱུང་འགྱུར་ལ།

གནམ་ས་འགུལ་བའི་ལག་རྗེས་ཤིག་འཇོག་རྒྱུ་དེ་ཡིན།

 

 

རྩོམ་ཁུངས། ༢༠༠༢ལོའི་སྦྲང་ཆར།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།