གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཚོར་བ་འཁྱག་པོ།

2009-12-09 10:53:00 མགར་རྩེ་བ། ཀློག་གྲངས། མཆན ཡོད།

མུན་ནག་གི་ངོ་གདོང

འཆི་བདག་གི་ངོ་གདོང

བྱང་ཁོག་སྟོད་དུ་འཚང་བའི་འོད་ཟེར་རེ་རེ

རྩ་ལམ་དུ་རྒྱུ་བའི་སྲིན་འབུ་ནག་པོ

 

མཚེར་ཤུལ་ཏུ་ལུས་པའི་གཡག་རྒན་རྐང་ཆག

དུད་སྨུག་ནང་དུ་མགོ་འཁོར་བའི་བྱེའུ་གཤོག་མེད

ཉིན་དང་མཚན

ངའི་སྒལ་གཞུང་ན་རྒྱུག་གིན་འདུག

 

མདུན་གྱི་མུན་དོང

རྒྱབ་ཀྱི་གད་ཁུང

མི་ལོ་དུ་མར་ཉལ་བའི་ཕ་བོང་དེ

དུམ་བུར་བཏང་ནས་གཏེར་དུ་བཞག་དུས

ཟླ་དང་ཚེས་གྲངས་ཀྱི་གོ་རིམ་ནོར

 

ཁང་རྙིང་དང་ཁ་བ

ཉི་མའི་དྲོད་དང་ཟླ་བའི་བསིལ་གྲིབ

རྡོ་བའི་ཀློང་ནས་ཤི་རྗེས

ཚོར་བ་འཁྱག་པོའི་མངལ་ནས

ནམ་མཁའི་ངོ་གདོང་འགྱུར

 

 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།