མེ་རོ་འཚུབ་བྱུང་།
ཁྱོད་ཀྱི་སེམས་ངོས་སུ་གབ་པའི་སྙན་ངག་དེ
ཅི་འདྲའི་གཙང་ཞིང་གཡང་དག་རུང
ནམ་ཡང་སེམས་ངོས་ཀྱི་སྙན་ངག་ཡིན་པ་ལས
གཞན་སུས་ཀྱང་ལོངས་སྤྱོད་བྱེད་མ་ཐུབ
མདང་ནུབ་སྒར་ཁ་ནས་མེར་བསྲེགས་པའི<<ཡིག་ནོར>>དང<<བསྔོ་ཡིག>>དག
ཆང་ཕར་ཁ་ནས་དུར་སྦས་བྱས་ཟིན
སྔོན་ཆད བསམ་བློའི་ལག་རྟེན་དང་ཤེས་རིག་གི་རྒྱགས་ཕྱེ་མེད་པའི
སྤྲང་བོ་རྣམ་དཔྱོད་ཅན་ག་ཚོད་སྒར་ཁ་ནས་སྦྱིན་སྲེག་བྱས་མྱོང
མིག་ཟུང་རིག་རིག་དང་རྣ་བ་གྲོང་གྲོང་བྱས་ནས
གཞན་སྐྱོན་གླེང་ལ་མཁས་པའི་དམག་མི་དག་གིས
ད་དུང་སུ་ཚོའི་ལང་ཚོ་དང་ལྷག་བསམ བརྩེ་དུངས་སོགས
དུ་སྣེའི་ཚག་སྒྲ་དང་བཅས་རྨེད་མེད་བྱས་ན་འདོད་ཡོད
རྩོམ་ཁུངས། ༢༠༠༨ལོའི་གངས་རྒྱན་མེ་ཏོག