༡

སྒྲོམ་དང་འབྲེལ་བ་མེད་པའི་ལོ་ཟླའི་ནང

ངས་ཁོ་མོ་ད་དུང་རྨི་ལམ་དུ་རྨིས་ཤིང

གཙང་པོ་ཞིག་གི་ཕར་ཚུར་ནས

ཕན་ཚུན་ལ་མེ་ཏོག་འཕེན་རེས་བྱེད

སེམས་ཀྱི་འཕྲུལ་སྣང་ཞིག་ལ

མེད་པ་དེ་དངོས་སུ་ཡོད་ཡོད་འདྲ་བས

ངས་གྲོགས་པོ་ཚོར་ཆང་དཀར་འདེགས་བཞིན

སྒྲོལ་མ་དངོས་སུ་ཡོང་གིན་ཡོད་ཅེས་བཤད

༢

སྒྲོལ་མ་དང་འབྲེལ་བ་མེད་པའི་ལོ་ཟླའི་ནང

ངས་རྒྱུན་དུ་སྒྲོལ་མ་སེམས་ཀྱིས་འཚོས་ཤིང

སྒྲོལ་མ་ཉེར་གཅིག་གི་བསྟོད་པ་དེ་ཡང

ཚེ་རབས་སྔོན་མའི་སྔོན་མ་ཞིག་ལ

རང་གི་བྲིས་པ་ལོས་ཡིན་སྙམ

སྒྲོལ་མ་དང་འབྲེལ་བ་མེད་པའི་ལོ་ཟླའི་ནང

ངས་རང་ལ་དོན་མེད་ཀྱི་མྱི་ཁ་ཞིག་

འཁོར་གྱིན་འདུག་སྙམ

ཁ་པར་ཞིག་གི་སྣེ་མོ་ན

སྒྲོལ་མས་སུ་ཞིག་ལ་སྒུག་བསྡད་ཡོད་པ

སྒྲོལ་མ་མིན་པའི་ང་ཚོས་ཅི་ལྟར་ཤེས

༣

སྒྲོམ་དང་འབྲེལ་བ་མེད་པའི་ལོ་ཟླའི་ནང

སྙན་ངག་ནི་ནམ་ཡང་བཞུར་ནས་ཡོང་བས

ལན་རེར་ང་ལ་སྣག་ཤོག་གིས་ཀྱང་འདང་གི་མེད

རྩོམ་ཁུངས། ༢༠༠༨ལོའི་གངས་རྒྱན་མེ་ཏོག