ཞུ་འཕྲིན་གྱི་ལེའུ།
རྒན་གཞོན
སྟོན་གྱི་ལོ་མ་དང་བསྡུར་ན
ང་ཤིན་ཏུ་གཞོན
དཔྱིད་ཀྱི་མེ་ཏོག་ལ་བལྟས་ན
ང་ངོ་མ་རྒས་འདུག
མཛའ་མོ།
མཆུ་སྦྱོར་ཐེངས་གཅིག་བྱེད་རོགས སྙིང་ཉེ་མ
ཁྱོད་ཀྱི་དབྱར་གོས་འོག་ན་འགུལ་བའི རང་ལོ་བཅུ་དགུའི་ལང་ཚོ
སྐར་མའི་མེ་ཏོག་འཛུམ་པའི ནམ་མཁའི་བརྩེ་དུང་རེད
ལུག་རྫི་གཞོན་ནུ་མ།
ཁྱོད་ཀྱིས་མེ་ཏོག་ཐང་ནས་སྤྲིན་དཀར་ལྟ་བུའི་ལུག་ཁྱུ་འཚོ
རྫི་ཕོ་ཚོས་རི་རྩེ་ནས་མེ་ཏོག་ལྟ་བུའི་ཁྱོད་རང་འཚོ
ཆོས་ཉིད།
ཟླ་འོད ཁྱོད་ཀྱི་སྒེའུ་ཁུང་ན་འཛད་མེད་དུ་བཞུར
ཡིན་ཡང ཁྱོད་ཀྱི་སྐོམ་པ་སེལ་མ་མྱོང
ཁྱོད བདག་གི་རྨི་ལམ་ན་ཡལ་མེད་དུ་རྩེན
ཡིན་ཡང ང་ཡི་རེ་བ་འགྲུབ་མ་མྱོང
བརྩེ་འདང་།
གལ་ཏེ་ང་རང་ཤི་སོང་ཡང
གྲོགས་པོ སེམས་སྡུག་སྤུ་ཙམ་ཡང་བྱེད་མི་དགོས
ངས་ནམ་ཡང་ཁྱོད་ཀྱི་སེམས་ཁོང་ན་འཚོ་བ་རོལ་གྱིན་ཡོད
རྩོམ་ཁུངས། ༢༠༠༥ལོའི་གངས་རྒྱན་མེ་ཏོག