སྙན་ཞུ།
ཕ་ཡུལ་ནི་སྲིད་གཞུང་གི་ཡིག་ཚགས་ནང་མེད་པའི་མིང་ཡིག་དེ་དང
ལོ་རྒྱུས་ཀྱི་མེ་ཏོག་ལ་རྒྱང་ཐག་རིང་བའི་བུང་བ་དེ་ཡིན
ནམ་ཡང ལོ་ཏོག་གི་མཛེས་སྡུག
སེམས་ཁུང་དང་དུས་ཚོད་ཀྱི་ར་བ་ནས་བཟུང་སྟེ
སྲིད་གཞུང་གི་བསྡོམས་རྩིས་ལ
ལོ་ལེགས་ཕུལ་བཞིན་ཡོད་ཅིང
རྐུ་བྱས་པ་དང
ཤོབ་གཏམ་པ་དང
ཁྲལ་ལ་བཀྱེད་པ་དང
རྨོངས་པའི་ཚུལ་འཛིན་པ་སོགས་ནི
གཉོམ་ཆུང་གི་མི་དེ་དག་གི
ཡིད་དུ་འོང་བའི་འདུ་བྱེད་རྒྱ་ཁྱོན་ལགས་པས
ངས ཕྱུག་པོ་དག ཇེ་ཕྱུག་ཏུ་འགྱུར་བར་བཀྲ་ཤིས་བདེ་ལེགས་ཞུ་བཞིན་ཡོད་ལ
མེད་པ་དག ཇེ་མེད་དུ་གྱུར་བ་ཡང
བྱས་རྗེས་ལ་སྙན་ཞུ་འབུལ་བཞིན་ཡོད
རྩོམ་ཁུངས། ༢༠༠༨ལོའི་གངས་རྒྱན་མེ་ཏོག