གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྙན་ངག་རིང་མོ། དབུས་ལ་སོང་བའི་སྒྲུང་།༦

2010-03-12 10:12:00 མདའ་བཙན་པོ། ཀློག་གྲངས། མཆན ཡོད།

ལྔ་བ     ཕྱིར་ལོག་པ

དོན་ངོ་མར    ངེད་ཅག

དགུན་འཁྱག་གི་སྨག་རུམ་ཁྲོད་ནས

རང་ཁྱིམ་ལ་ལོག་པ་དང་འདྲ་བར

ཕར་འགྲོ་ས་ཞིག་དང་ཚུར་ལོག་ས་ཞིག་གང་ན་ཡོད

 

དོན་ངོ་མར  ངེད་ཅག

སེམས་ཀྱི་དུར་ཁྲོད་ཆེན་པོ་ནས་ཉུལ་ཉུལ་ཏེ

སྐྱོ་སྡུག་གི་མཆི་མས

རང་ཉིད་སྦངས་ཚར་དུས

ཕར་སོང་བ་ཡིན་ལ

ཚུར་ལོག་པའང་མིན་ནམ

 

ལྷག་པར་ཏུ  ང་རང་ལ་མཚོན་ན

ལོ་རྒྱུས་ཀྱི་ཆག་རོ་ལྟ་བུའི

ཐ་སྙད་སྐོར་ཞིག་གིས་བྲང་ཁ་ལྗིད་ཏིག་གེར་མནན་དུས

 

ཤི་རོ་ལྟ་བུའི  ས་སྟོང་འདི་ནས

ཕར་མི་འགྲོ་ཀ་མེད་ཡིན་ལ

ཡང   འདང་ཞིག་བཤད་ན

ཨ་མའི་མིག་ཆུ་ལྟ་བུའི་སྡུག་བསྔལ་འདིའི་ནང་ལ

མི་ལོག་གང་དུ་ལོག་ཨང

 

ཀྱེ  ཀྱེ   ཀྱེ  ཀྱེ  ཀྱེ

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།