གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བོར་ཟིན་པའི་ང་།

2009-12-26 17:23:00 བདེ་སྐྱིད་སྒྲོལ་མ། ཀློག་གྲངས། མཆན ཡོད།

 གློ་བུར་བའི་ཉི་མ་ཞིག་ལ

ལག་ཁྱེར་ཁ་པར་དུ་བརྡ་རྟགས་ཅི་ཡང་མི་སྣང་བས་ན

འབྲི་ཤོག་སྟེང་གི་ཡི་གེ་རྣམས་ཀྱང་གར་བོར་ཆ་མེད་དུ་ཡལ་སོང

གཡུ་ཡི་རྣ་ལུང་དང་བྱུ་རུའི་སྐེ་རྒྱན་རྣམས་ཐང་ལ་འཐོར་རྗེས

རྐང་མགོའི་ལྷམ་འབོབ་ཀྱང་ས་ནང་དུ་འཐིམ་མགོ་བརྩམས

རིམ་བཞིན  ངའི་ཀླད་པ་སྟོང་བ་ཉིད་དུ་གྱུར་ལ

ལུས་པོ་བཞུར་ནས་མཁའ་དབུགས་དང་དབྱེར་མེད་དུ་འདྲེས

 

ངས་ང་རང་ཅི་ནུས་ཀྱི་བཙལ་ཡང་མ་རྙེད་པས

བོར་ཟིན་པའི་ངས  ལག་པ་གཉིས

མེ་ཏོག་སེར་ཆེན་རྐང་གཅིག་ལ་འཇུས་ནས

ནམ་ཞིག་ང་བཙལ་མཁན་གྱི་ར་མདའ་རྣམས

དབྱར་དྲུག་པའི་སྤང་ཐང་སྔོན་མོ་བརྒྱུད་དེ

རྩྭ་ཐང་འདིར་སླེབས་པར་རེ་སྒུག་གི་དྲི་བསུང་གཏོར་བཞིན་ཡོད

 

རྩོམ་ཁུངས། ༢༠༠༧ལོའི་གངས་རྒྱན་མེ་ཏོག

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།