དབུས་ལམ་ནས་སྒྲོལ་མ་དྲན་ཚུལ།

འབྲོག་བུ་དཀོན་བཀྲ མཆོད་མེ་བོད་ཀྱི་རྩོམ་རིག་དྲ་བ། 2010-04-15

གྲམ་གཞུང་དང་ལ་མོ་བརྒལ་ཏེ་གནས་འདིར་བསླེབས་དུས

གདང་ལ་རི་བོའི་འཁྱག་རླུང་གིས་ཡང་ཡང་བརྡར་ཞིང

 རྡོ་བའི་ལོ་རྒྱུས་སུ་སིམ་པའི་སྲ་མཁྲེགས་ཀྱི་རྨི་ལམ

རྒྱ་མཚོ་ལྟར་དྲག་ཏུ་གཡོ་ཞིང་ལྷོད་ཀྱིས་བསྐྱོམས

 

གནམ་གྲུའི་ཡང་ཟོར་གྱིས་གངས་རིའི་སྐྲ་ལོ་འབྲེག་ཅིང

དུས་ཚོད་ཀྱི་མདའ་རྩེས་བདག་གི་སྙིང་ཆུང་བརྡུང

སེང་རས་ལྟར་ཡང་ལ་ཤོག་བུ་ལས་འཇམ་པའི་ང་རང

མུ་ནས་མུ་རུ་བསྲིང་ཆོག་པའི་ཕྱི་མིག་ཅིག་ལ་འཇུས་ཡོད

མཚན་མོ་འདིར་ཁ་བ་ཇི་ལྟར་བབས་ཀྱང་

ངས་དབུས་ལམ་ཕྲ་མོ་སྔར་བཞིན་གཏོང་མི་སྲིད

 

ཉི་མ་དམར་པོའི་དཀྱིལ་འཁོར་ཇི་འདྲའི་ཚ་ལ

ས་གཞི་སེར་པོའི་ལྗང་ལོ་ཇི་འདྲའི་གཉོམ་ཨང

མིག་ཤེལ་ནག་པོའི་ཁ་དོག་ལ་འབྱར་བའི་ཕ་ཡུལ

དེ་ན་གནས་པའི་སེམས་ཀྱི་སྒྲོལ་མ

ཆེས་མཐའ་མའི་སྙན་ངག་གི་བརྗོད་བྱ་ཅི་ལ་མིན

 

བརྩེ་དུང་གི་ལེའུ་ཆར་ཆུས་འཇིག་གིན་འདུག

འཚོ་བ་ཞེས་པའི་ཆང་རག་དེའང་མི་སྣང་བར་གྱུར

ད་ལྟ་ང་ལ་ལྷག་པའི་ཚེ་ནོམ་ལྟ་བུ་དེ

ཆགས་སྡང་གི་ཕུང་བོ་སྤུངས་པའི་གསང་འཕྲིན་ཡུག་ཅིག

 

སྦྲུལ་བཞིན་འཁྱུག་པའི་ལྕགས་ལམ་འདིའི་སྣེ་ན

རང་ཉིད་ཀྱིས་ལོངས་སྤྱོད་བྱེད་ཆོག་པ་ག་ཚོད་ཡོད

ཚངས་མགུར་ཡོད་དམ སྒྲོལ་མ་ཡོད་དམ

 

རྩོམ་ཁུངས། ༢༠༠༩ལོའི་འོད་འབར།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དབུས་ལམ་ནས་སྒྲོལ་མ་དྲན་ཚུལ།

2010-04-15 འབྲོག་བུ་དཀོན་བཀྲ ཀློག་གྲངས། མཆན ཡོད།

གྲམ་གཞུང་དང་ལ་མོ་བརྒལ་ཏེ་གནས་འདིར་བསླེབས་དུས

གདང་ལ་རི་བོའི་འཁྱག་རླུང་གིས་ཡང་ཡང་བརྡར་ཞིང

 རྡོ་བའི་ལོ་རྒྱུས་སུ་སིམ་པའི་སྲ་མཁྲེགས་ཀྱི་རྨི་ལམ

རྒྱ་མཚོ་ལྟར་དྲག་ཏུ་གཡོ་ཞིང་ལྷོད་ཀྱིས་བསྐྱོམས

 

གནམ་གྲུའི་ཡང་ཟོར་གྱིས་གངས་རིའི་སྐྲ་ལོ་འབྲེག་ཅིང

དུས་ཚོད་ཀྱི་མདའ་རྩེས་བདག་གི་སྙིང་ཆུང་བརྡུང

སེང་རས་ལྟར་ཡང་ལ་ཤོག་བུ་ལས་འཇམ་པའི་ང་རང

མུ་ནས་མུ་རུ་བསྲིང་ཆོག་པའི་ཕྱི་མིག་ཅིག་ལ་འཇུས་ཡོད

མཚན་མོ་འདིར་ཁ་བ་ཇི་ལྟར་བབས་ཀྱང་

ངས་དབུས་ལམ་ཕྲ་མོ་སྔར་བཞིན་གཏོང་མི་སྲིད

 

ཉི་མ་དམར་པོའི་དཀྱིལ་འཁོར་ཇི་འདྲའི་ཚ་ལ

ས་གཞི་སེར་པོའི་ལྗང་ལོ་ཇི་འདྲའི་གཉོམ་ཨང

མིག་ཤེལ་ནག་པོའི་ཁ་དོག་ལ་འབྱར་བའི་ཕ་ཡུལ

དེ་ན་གནས་པའི་སེམས་ཀྱི་སྒྲོལ་མ

ཆེས་མཐའ་མའི་སྙན་ངག་གི་བརྗོད་བྱ་ཅི་ལ་མིན

 

བརྩེ་དུང་གི་ལེའུ་ཆར་ཆུས་འཇིག་གིན་འདུག

འཚོ་བ་ཞེས་པའི་ཆང་རག་དེའང་མི་སྣང་བར་གྱུར

ད་ལྟ་ང་ལ་ལྷག་པའི་ཚེ་ནོམ་ལྟ་བུ་དེ

ཆགས་སྡང་གི་ཕུང་བོ་སྤུངས་པའི་གསང་འཕྲིན་ཡུག་ཅིག

 

སྦྲུལ་བཞིན་འཁྱུག་པའི་ལྕགས་ལམ་འདིའི་སྣེ་ན

རང་ཉིད་ཀྱིས་ལོངས་སྤྱོད་བྱེད་ཆོག་པ་ག་ཚོད་ཡོད

ཚངས་མགུར་ཡོད་དམ སྒྲོལ་མ་ཡོད་དམ

 

རྩོམ་ཁུངས། ༢༠༠༩ལོའི་འོད་འབར།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།