ལོ་མའི་རྨི་ལམ།

                 _____ལོ་མ་ནི་སྡོང་མགོའི་ལོ་མ་བཞིན་ནམ་མཁའི་གཙང་བོ་རུ་ཉ་མོ་འཁྱུག་འཁྱུག  རྨི་ལམ་ནི་མཚན་མོའི་རྨི་ལམ་བཞིན་སྔས་འགྲམ་ན་གཉིད་མ་སད་ཀྱིས།  
                                                                 སྔོན་འགྲོའི་གླེང་ཚིག
                                                  ༡
   སྟོན་རླུང་གིས་བལྡས་པའི་ལོ་མ་སེར་བོ་རྒས་དྲགས་པའི་ཕྱེ་ལེབ་སེར་བོ་ཞིག་དང་འདྲ་བར།  ངའི་མལ་ཁང་གི་སྒེའུ་འགྲམ་བརྒྱུད་ནས་འཁྱར་འཁྱོར་གྱིས་གང་ཞིག་ཏུ་བཞུད་ཀྱིན་འདུག  ད་དུང་སྦྲང་ནག་འགའ་ཡང་སྒེའུ་འགྲམ་དུ་འགྱེལ་ཡོད་པ་མཐོང་སོང་།   ཏག་ཏག་སྐབས་དེར།  གློ་བུར་དུ་ང་ལོ་མའི་རྨི་ལམ་གྱི་ངོ་བོར་ཡལ་སོང་།
                                                 ༢
  ལོ་མའི་རྨི་ལམ།  རྨི་ལམ་གྱི་ལོ་མ།  སྟོང་འདང་མང་བོའི་ཕ་རོལ་ན་རྩེན་པའི་ཁྱོད་རང་།  མ་གཞིར་ངའི་སྙིང་དབུས་སུ་སྦྲུམ་པའི་མི་ཚེའི་སྙིང་ནོར་རེད།  ཁྱོད་ཀྱི་མཛེས་སྡུག་གི་ཕོ་བྲང་རེ་རེ།  བདག་གི་དྲན་ཡོལ་གྱི་མཛེས་རིས་ཡིན་ལ།  ཁྱོད་ཀྱི་ཞིམ་མེད་ཀྱི་སྙིང་སྟོབས་བརྗིད་པོ།  ཁོ་བོའི་སེམས་ཁོང་གི་རྒྱབ་རི་སྨུག་པོ་ཡིན།
                                                  ༣
   ལོ་མའི་རྨི་ལམ།   རྨི་ལམ་གྱི་ལོ་མ།  ཁྱོད་ཀྱི་བསམ་གཞིག་གི་མཁའ་དབྱིངས་ལ་ངས་རྟོག་འཆར་གྱི་སྙན་ངག་བྲིས་པ་བགྲང་གིས་མི་ལང་ཞིང་། ཁྱོད་ཀྱི་དམར་ཞིང་མངར་བའི་མཆུ་སྒྲོས་སྙི་མོ་དེ་འདོད་ཧམ་གྱིས་ནུས་པ་དེ་བས་ཀྱང་ངོ་།།
  འཇའ་ཚོན་ལྟ་བུའི་ཁྱོད་ཀྱི་མཚོན་མདོག་སྒྲུག་ཆེད།ཁོ་བོས་མིག་ཆུ་དང་དགོད་སྒྲའི་སྣེ་ནས་མི་འདོད་པ་གདོང་གིས་བསུས་ནས།  འདོད་པ་ཕར་ལ་གཡུགས་ཚུལ་བསམ་ན།    ངན་པ་རིང་མོ་ཞིག་དང་ལྷན་དུ་ངོ་མ་དགོད་རྒྱུ་ཞིག་དང་ངུ་རྒྱུ་ཞིག་ཡོང་གི།  
                                                 ༤
   ལོ་མའི་རྨི་ལམ།  རྨི་ལམ་གྱི་ལོ་མ།  དོན་ངོ་མ་སང་ཉིན་ཡོད་པས་དེ་རིང་གི་རྨི་ལམ་ཡོད་པ་ཡིན་ལ།  གལ་ཏེ་སང་ཉིན་མེད་ན་དེ་རིང་གི་རྨི་ལམ་ཡོད་མི་སྲིད་ལ།  ཡོད་ཀྱང་རྨི་ལམ་ཞེས་སྨྲ་མི་སྲིད།
                                                  ༥
   དེ་བས།  དོ་ནུབ་ཀྱང་།  ངས་སྔར་བཞིན་མཚན་མུན་གྱི་བཀྲག་མདངས་སྟོང་བསམ་གྱིས་རློན་གྱིན།  ཚ་བེར་བེར་རྟག་ཏུ་རྨི་བཞིན་པའི་རྨི་ལམ་འདར་ཤུམ་ཤུམ་གྱི་བྲང་ཁོག་འདིར་བསུ་བཞིན་ཡོད།
   དོན་ངོ་མ། ངས་རྨི་ལམ་རྨི་བཞིན་ཡོད་དམ།  ཡང་ན།  རྨི་ལམ་གྱིས་ང་རྨི་བཞིན་ཡོད།  
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལོ་མའི་རྨི་ལམ།

2012-06-27 རྨ་ཐོག་རྒོད། ཀློག་གྲངས། མཆན ཡོད།

                 _____ལོ་མ་ནི་སྡོང་མགོའི་ལོ་མ་བཞིན་ནམ་མཁའི་གཙང་བོ་རུ་ཉ་མོ་འཁྱུག་འཁྱུག  རྨི་ལམ་ནི་མཚན་མོའི་རྨི་ལམ་བཞིན་སྔས་འགྲམ་ན་གཉིད་མ་སད་ཀྱིས།  
                                                                 སྔོན་འགྲོའི་གླེང་ཚིག
                                                  ༡
   སྟོན་རླུང་གིས་བལྡས་པའི་ལོ་མ་སེར་བོ་རྒས་དྲགས་པའི་ཕྱེ་ལེབ་སེར་བོ་ཞིག་དང་འདྲ་བར།  ངའི་མལ་ཁང་གི་སྒེའུ་འགྲམ་བརྒྱུད་ནས་འཁྱར་འཁྱོར་གྱིས་གང་ཞིག་ཏུ་བཞུད་ཀྱིན་འདུག  ད་དུང་སྦྲང་ནག་འགའ་ཡང་སྒེའུ་འགྲམ་དུ་འགྱེལ་ཡོད་པ་མཐོང་སོང་།   ཏག་ཏག་སྐབས་དེར།  གློ་བུར་དུ་ང་ལོ་མའི་རྨི་ལམ་གྱི་ངོ་བོར་ཡལ་སོང་།
                                                 ༢
  ལོ་མའི་རྨི་ལམ།  རྨི་ལམ་གྱི་ལོ་མ།  སྟོང་འདང་མང་བོའི་ཕ་རོལ་ན་རྩེན་པའི་ཁྱོད་རང་།  མ་གཞིར་ངའི་སྙིང་དབུས་སུ་སྦྲུམ་པའི་མི་ཚེའི་སྙིང་ནོར་རེད།  ཁྱོད་ཀྱི་མཛེས་སྡུག་གི་ཕོ་བྲང་རེ་རེ།  བདག་གི་དྲན་ཡོལ་གྱི་མཛེས་རིས་ཡིན་ལ།  ཁྱོད་ཀྱི་ཞིམ་མེད་ཀྱི་སྙིང་སྟོབས་བརྗིད་པོ།  ཁོ་བོའི་སེམས་ཁོང་གི་རྒྱབ་རི་སྨུག་པོ་ཡིན།
                                                  ༣
   ལོ་མའི་རྨི་ལམ།   རྨི་ལམ་གྱི་ལོ་མ།  ཁྱོད་ཀྱི་བསམ་གཞིག་གི་མཁའ་དབྱིངས་ལ་ངས་རྟོག་འཆར་གྱི་སྙན་ངག་བྲིས་པ་བགྲང་གིས་མི་ལང་ཞིང་། ཁྱོད་ཀྱི་དམར་ཞིང་མངར་བའི་མཆུ་སྒྲོས་སྙི་མོ་དེ་འདོད་ཧམ་གྱིས་ནུས་པ་དེ་བས་ཀྱང་ངོ་།།
  འཇའ་ཚོན་ལྟ་བུའི་ཁྱོད་ཀྱི་མཚོན་མདོག་སྒྲུག་ཆེད།ཁོ་བོས་མིག་ཆུ་དང་དགོད་སྒྲའི་སྣེ་ནས་མི་འདོད་པ་གདོང་གིས་བསུས་ནས།  འདོད་པ་ཕར་ལ་གཡུགས་ཚུལ་བསམ་ན།    ངན་པ་རིང་མོ་ཞིག་དང་ལྷན་དུ་ངོ་མ་དགོད་རྒྱུ་ཞིག་དང་ངུ་རྒྱུ་ཞིག་ཡོང་གི།  
                                                 ༤
   ལོ་མའི་རྨི་ལམ།  རྨི་ལམ་གྱི་ལོ་མ།  དོན་ངོ་མ་སང་ཉིན་ཡོད་པས་དེ་རིང་གི་རྨི་ལམ་ཡོད་པ་ཡིན་ལ།  གལ་ཏེ་སང་ཉིན་མེད་ན་དེ་རིང་གི་རྨི་ལམ་ཡོད་མི་སྲིད་ལ།  ཡོད་ཀྱང་རྨི་ལམ་ཞེས་སྨྲ་མི་སྲིད།
                                                  ༥
   དེ་བས།  དོ་ནུབ་ཀྱང་།  ངས་སྔར་བཞིན་མཚན་མུན་གྱི་བཀྲག་མདངས་སྟོང་བསམ་གྱིས་རློན་གྱིན།  ཚ་བེར་བེར་རྟག་ཏུ་རྨི་བཞིན་པའི་རྨི་ལམ་འདར་ཤུམ་ཤུམ་གྱི་བྲང་ཁོག་འདིར་བསུ་བཞིན་ཡོད།
   དོན་ངོ་མ། ངས་རྨི་ལམ་རྨི་བཞིན་ཡོད་དམ།  ཡང་ན།  རྨི་ལམ་གྱིས་ང་རྨི་བཞིན་ཡོད།  
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།