གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཁྱིམ་བདག་ལ་རྣམས་ལ་ཕུལ་བ།

2013-04-25 12:36:00 གཅན་རྣམ་ཐར། ཀློག་གྲངས། མཆན ཡོད།

  དེང་སང་རང་ཉིད་གཙོ་བྱས་ཏེ་ཁྱིམ་བདག་ཆེས་མང་ཤོས་ཤིག་གིས་རང་གི་བྱིས་པ་གཅེས་མ་ཤེས་གཅེས་ཕྲུག་གཅེར་བུ་གཏོང་བཞིན་པའི་སྣང་ཚུལ་སྣ་ཚོགས་ཤིག་མིག་མཐོང་ལག་ཟིན་དུ་གྱུར་ཡོད་པས།  ངོ་མ་བྱིས་པའི་བདེ་ཐང་དང་འཚར་ལོངས་ཀྱི་བརྒྱུད་རིམ་ལ་ལྐོག་གྱུར་གྱི་གནས་ཤིག་ན་ཅི་འདྲའི་ཕོག་ཐུག་བཏང་དང་གཏོང་བཞིན་པའི་གནས་ཚུལ་མངོན་ནས་ཡོད།
   ང་ཚོའི་སློབ་གྲྭའི་སློབ་བུ་རྣམས་ལ་དཔེར་བཞག་ནས་བཤད་ནའང་། ནམ་རྒྱུན་ཁ་ཟས་ཞོར་ཟོས་ཡིན་པ་དང་།  བཀའ་དྲིན་ཆེ་བའི་ཁྱིམ་བདག་རྣམ་པས་བྱིས་པའི་ལག་ཏུ་ཉིན་རྒྱུན་ཆེས་ཉུང་ནའང་སྒོར་ལྔ་ནས་བཅུ་རེ་འཇོག་བཞིན་ཡོད་པ་རེད།  སྒོར་ལྔ་ནས་བཅུ་རེ་ལག་ཏུ་ཡོད་པའི་བྱིས་པ་དེ་དག་གིས་ཞོར་ཟས་ལ་བརྟེན་ནས་རང་ཉིད་ཀྱི་ལུས་ཕུང་ལ་མི་སྡུག་པའི་ནད་ངན་སྣ་ཚོགས་ཀྱིས་གཙེས་བཞིན་པ་རྩ་བ་ནས་ཤེས་ཀྱིན་མེད་པར།  སེམས་བཟང་ཕ་མ་རྣམས་ཀྱིས་གནང་བའི་སྒོར་རྡོག་དེ་དག་གིས་རང་ཉིད་ཀྱི་ཚེ་ཐག་ཇེ་ཐུང་དུ་གཏོང་བཞིན་པའི་མཇུག་འབྲས་ཡེ་ནས་ཚོར་གྱི་མེད་པར།  དུས་ད་ལྟ་ཞིམ་མངར་གྱི་ཚོར་བ་ཁོ་ནར་ཞེ་ཆགས་ནས་རང་ཉིད་ཀྱི་དོན་ལྔ་སྣོད་དྲུག་ལ་ནག་ནོག་གི་དྲི་མས་སྦགས་ཏེ་མི་ཚེ་འདི་འཇིག་རྟེན་ཕ་རོལ་དུ་འགྲོ་བའི་གོམ་ཁ་ཇེ་ཉེ་རུ་གཏོང་བཞིན་པའི་འཇིགས་ཉེན་གྱི་ཚོར་སྣང་དེ་རྒྱ་ཡན་དུ་བཏང་ཡོད་པ་ནི་ཅི་འདྲའི་འཇིགས་སུ་རུང་བའི་བྱ་སྤྱོད་ཅིག་རེད་ཨང་།
   ནམ་རྒྱུན་ཁྱོད་རང་ང་ཚོའི་སློབ་གྲྭའི་སྒོ་ཁ་དང་ར་སྐོར་ནང་དུ་སླེབས་ཐེངས་རེར།  ཐོག་མར་ཁྱོད་ཚོའི་མིག་ལམ་དུ་མངོན་ཡོང་བ་ནི་རང་ཉིད་ཀྱི་བྱིས་པ་དག་གིས་ཟོས་པའི་ཞོར་ཟས་ཀྱི་འགྱིག་ཁུག་དང་གད་སྙིགས་དེ་དག་མ་ཡིན་ནམ།  རླུང་གིས་གང་སར་ཁྱེར་བའི་ཞོར་ཟོས་ཀྱི་འགྱིག་ཁུག་དང་གད་སྙིགས་འདི་དག་མཐོང་རྗེས་ཁྱོད་ཚོའི་སེམས་པ་དགའ་ལྷང་ལྷང་དུ་འགྱུར་རམ་སྐྱོ་ལྷང་ལྷང་དུ་འགྱུར།  ཤ་ཚ་རྒྱུ་མང་དྲགས་པའི་ཁྱིམ་བདག་རྣམ་པ། རང་སེམས་ལྷོད་ལ་བབས་ཏེ་འདང་རྒྱག་རན་རེད་ཡ།  རང་གི་བྱིས་པས་དུག་རྫས་སྣ་ཚོགས་ཀྱིས་གྲུབ་པའི་ཁ་ཟས་ལོངས་སུ་སྤྱོད་བཞིན་ཡོད་ནའང་།  ད་དུང་ཡིད་སེམས་དགའ་ལྷང་ལྷང་སྒོས་རང་གི་བྱིས་པའི་ཚེ་སྲོག་ཇེ་ཐུང་དུ་གཏོང་བའི་ཕྱོགས་སུ་འབད་པ་ཅི་ནུས་ཀྱིས་སེེར་སྣ་མེད་པར་སྒོར་རྡོག་ལག་ཏུ་འཇོག་གང་ཐུབ་བྱེད་བཞིན་པའི་བྱ་སྤྱོད་འདི་ནི་ཕ་གསོད་པ་ལ་རྒྱལ་རྔ་རྡུང་བའི་དཔེ་ནང་བཞིན་མ་ཡིན་ནམ།  མིག་མདུན་མ་གཏོགས་མི་མཐོང་བའི་རང་རིགས་ཀྱི་ཁྱིམ་བདག་རྣམས་ཀྱིས་མ་འོངས་པ་ན་རང་ཉིད་ཀྱི་གཅེས་ཕྲུག་ཚེ་སྲོག་གི་ཉེན་ཁར་ཐུག་སྟེ་སྨན་བཅོས་སྲོག་སྐྱོབ་ཀྱི་ཉལ་ཁྲི་སྟེང་ན་མིག་ཟུང་ཧྲིག་ཧྲིག་གིས་འུ་ཅག་ཁྱིམ་བདག་རྣམས་ལ་ཅེར་ཚེ།  ད་གཟོད་འུ་ཅག་གིས་ཞོར་ཟས་ཀྱིས་བསྐྲུན་པའི་མཇུག་འབྲས་ལྷང་ལ་བུད་པ་ཚོར་ཐུབ་པ་མ་ཟད། རང་ཉིད་ནི་བྱིས་པ་གསོད་མཁན་གྱི་ལག་དམར་ཡིན་པའང་རྟོགས་ངེས་ཡིན་ནོ།།
       བྱིས་པ་བདེ་ཐང་གི་ཆེད་དུ་མི་རུང་བ་འགའ།
  ༡  སྔ་མོར་གློག་ཀླད་སྦྱོང་མི་འོས།
 བྱིས་པ་སྔ་མོ་ནས་གློག་ཀླད་ལ་འབྲེལ་འདྲིས་བྱས་ན།  བྱིས་པའི་གསར་གཏོད་ནུས་ཤུགས་ལ་བཀག་འགོག་ཐེབས་པ་དང་།  མིག་ཐང་ཆད་པ།  ཚོ་འབུད་པ་སོགས་ཀྱི་ནད་འབྱུང་བ་ཡིན།  གློག་ཀླད་ཀྱི་སློབ་གསོ་མྱོང་བའི་ཆེས་སྔ་བའི་དུས་ཚོད་ནི་སློབ་ཆུང་གི་རྗེས་ཡིན།
  ༢ རྒྱུན་དུ་སྦྲང་རྩི་འཐུང་མི་འོས།
  སྦྲང་རྩིའི་ནང་དུ་མངར་ཆའི་རིགས་དང་འཚོ་རྒྱུ།  མོ་གཤིས་ཀྱི་སྐུལ་རྒྱུ་སོགས་འདུས།  མོ་གཤིས་ཀྱི་སྐུལ་རྒྱུས་བྱིས་པའི་མཚན་མའི་ཁམས་ཀྱི་སྐྱེ་འཕེལ་རྒྱུན་ལྡན་མིན་པར་བཏང་ནས།  བྱིས་པའི་མཚན་མ་སྔ་མོར་འཚར་ལོངས་འབྱུང་དུ་འཇུག་སྲིད།
  ༣ སྐོམ་ཆུ་ཁི་ཁི་ཁུ་ལིའམ་ཁུ་ནག་འཐུང་མི་འོས།
  སྐོམ་ཆུ་འདིའི་ནང་དུ་ལྟེ་བའི་དབང་རྩ་ངར་སློང་བའི་རྫས་ཏེ་ཁ་ཧྥེ་ཡུན་ཟེར་བ་ཡོད།  བྱིས་པས་འཐུང་རྗེས་སུན་སྣང་དང་མི་བདེ་བ།  དབུགས་འབྱིན་རྔུབ་ཇེ་མགྱོགས་ལ་འགྲོ་བ།  སྐྱུག་འདོད་པ་སོགས་ཀྱི་སྣང་ཚུལ་ངན་པ་འབྱུང་།
  ༤  ཁྱིམ་གསོས་སྲོག་ཆགས་ཀྱི་ཉེ་སར་བཏུད་མི་འོས།
    བརྟག་དཔྱད་བྱས་པ་ལས་ཤེས་པ་ལྟར་ན།  ཞི་ལ་དང་ཁྱི་སོགས་ནི་བྱིས་པར་དབུགས་འཚང་ནད་འབྱུང་བའི་སློང་རྐྱེན་གཙོ་བོ་རེད།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།