བདག་གི་བྱིས་པའི་ལོ་རབས།(དགུ་བ)

                            གསང་བ་ཞིག

སློབ་གྲོགས་དོན་གྲུབ་དབང་འབུམ་ནི་ང་ཚོའི་འཛིན་གྲྭའི་ནང་གི་ལོ་ན་ཆེ་ཤོས་ཡིན་ལ།  ཁོ་རང་དུས་རྒྱུན་འདྲེ་བཤད་རྒྱག་པར་དགའ།  མཚམས་རེར་འདྲེ་བཤད་རྒྱག་སྐབས།  ཁོས་སྨྱུག་ཆུ་དམར་པོ་དང་སྔོན་པོ་གང་རུང་གིས་སྨིན་མ་དང་ཁ་སྤུ་འབྲི་བ་དང་།  དཔུང་བ་གཡས་གཡོན་གཉིས་ཀྱི་སྟེང་ལ་འདྲེ་རྟགས་ཡིན་ཟེར་ནས།  མགོ་ལ་རྭ་ཅོ་སྐྱེས་ཤིང་ཐོག་པའི་དཀྱིལ་ན་མིག་གཅིག་ཡོད་པ།   ལག་ན་མི་ཡི་རྐང་བ་བཟུང་ཡོད་པའི་རི་མོ་ཞིག་སྦྱར་ནས་འདྲེ་བཤད་རྒྱག་པ་ཡིན། 

ཁོས་འདྲེ་བཤད་རྒྱག་པའི་དུས་ཚོད་ནི།  དགོང་སྦྱོང་གྲོལ་ནས་ཉལ་ཁང་དུ་ཡོང་རྗེས་ཡིན།  ཉིན་དཀར་ཁོམ་པ་ཡོད་དུས།  ང་ཚོས་ཁོ་ལ་འདྲེ་བཤད་རྒྱག་པར་ཞུ་བ་བྱས་ཀྱང་ཁོས་གཏན་ནས་མི་བཤད་ལ།  དགོང་མོར་ཉལ་ཁང་ནང་དུ།  ང་ཚོས་ཁོ་ལ་འདྲེ་བཤད་མི་རྒྱག་པར་ཞུ་བ་ཇི་ལྟར་བྱས་ཀྱང་།  ཁོས་ཏག་ཏག་འདྲེ་བཤད་ཀྱི་འགོ་རྩོམ་པ་ཡིན། 

ང་རང་ཆེས་སྐྲག་ས་ནི་འདྲེ་བཤད་བརྒྱབ་རྗེས་སྤྱོད་ཁང་དུ་འགྲོ་རྒྱུ་དེ་ཡིན།  སྤྱོད་ཁང་དང་ང་ཚོའི་ཉལ་ཁང་གི་བར་ལ་གོམ་པ་སུམ་ཅུ་ཙམ་གྱིས་ཆོད་ཅིང་།  དེ་ནི་སློབ་ཁྲིད་ཐོག་ཁང་གི་ལྟག་རྒྱབ་ཀྱི་སྡོང་གསེབ་ན་ཡོད་པས།  ར་སྐོར་གྱི་གློག་འོད་ཇི་ཙམ་གསལ་ཡང་སྤྱོད་ཁང་གི་མཐའ་སྐོར་ནམ་ཡང་ནག་རོག་གེར་ཡོད།  དོན་གྲུབ་དབང་འབུམ་གྱིས་འདྲེ་བཤད་ཀྱི་འགོ་བརྩམས་པ་དང་།  ཉལ་ཁང་གི་གློག་སྒྲོན་གཟིམས་རྗེས།  ང་ལ་ཏག་ཏག་གཅིན་པ་གཏོང་དགོས་པའི་ཚོར་སྣང་འབྱུང་ཞིང་།   དེ་དུས།  ངས་སྤྱོད་ཁང་ནི་ང་ཚོའི་ཉལ་ཁང་གི་སྒོ་ཁ་རུ་ཡོད་ན་ཅི་མ་རུང་སྙམ། 

འདྲེ་བཤད་བརྒྱབ་རྗེས་ཀྱི་དགོང་མོ་ཞིག་ལ།   ངས་བསྲན་ཀྱང་མ་ཐུབ་པར་གཅིན་པ་ཉལ་སའི་ནང་ལ་ཤོར་སོང་།  གཅིག་པ་ཤོར་དུས་ནི་ཧ་ལམ་ནམ་སྨད་ཀྱི་དུས་ཚོད་བཞི་ལྔ་ཙམ་ཡིན་པ་འདྲ།  ང་གཉིད་ལས་སད་དུས།  ཉལ་སའི་ནང་ལ་ཆུ་ཁོལ་བརྫོགས་པ་དང་འདྲ་བར་དྲོ་ལམ་ལམ་བྱེད་ཅིང་།   ངས་རང་གིས་གཅིན་པ་ཤོར་བ་ཤེས་མོད།  དོན་གྲུབ་དབང་འབུམ་གྱི་འདྲེ་བཤད་དེ་དག་ཡིད་ལ་ཤར་ནས་འགུལ་ཙམ་ཡང་མ་ཐུབ་པར་ཁ་རོག་གེར་མི་འདུག་ཐབས་མེད་བྱུང་།  བསྡད་ཀྱིན་བསྡད་ཀྱིན།  ཉལ་སའི་ནང་ལ་ཁ་བ་རྡོག་པོ་གཅིག་བཞག་པ་དང་མཚུངས་པར་འཁྱག་སིབ་སིབ་ཀྱིས་ཁྱབ་མོད།   ང་ལ་སྔར་བཞིན་བྱ་ཐབས་ཅི་ཞིག་ཡོད་དེ་གཅིག་ཀྱང་མེད་པར་གྱུར། 

ང་རང་གཉིད་མ་སད་ཀྱིས་ཉལ་ནས་སྡོད་སྐབས།   ཕྱི་རོལ་ནས་བྱ་ཕོ་གྲག་སྟེ་ཅང་མ་འགོར་བར་མལ་ལས་ལང་དགོས་པའི་ཅོང་བརྡའང་བརྒྱབ་བྱུང་།  ཨ་ཙི།  ད་ནི་ཅི་ཞིག་བྱའམ།  བཟུང་ན་ལག་པ་འཚིག   བཏང་ན་རྫ་མ་ཆག་ཟེར་བ་ལྟར།  མལ་ལས་ལངས་ན་སློབ་གྲོགས་ཚོས་བདག་གིས་གཅིན་པ་ཤོར་བ་ཤེས་འགྲོ་བ་དང་།  མ་ལངས་ན་ནངས་སྦྱོང་གི་རྗེས་སུ་ལུས་འགྲོ   ངས་ཅི་ཞིག་བྱེད་དགོས་པ་མ་ཤེས་པར་སྡོད་སྐབས།  ངའི་ཉལ་གྲོགས་ཀྱིས།  "ལོངས་ལོངས།  ད་ནངས་འཛིན་བདག་ཡོང་རྒྱུ་རེད།"ཟེར་ཞོར།  ངའི་ཉལ་ཐུལ་ཤེད་ཀྱིས་འཐེན་ནས་རྐང་མགོར་འཕངས་སོང་།  ངས་སྐད་ཅིག་དེ་ཉིད་ལ།  ལག་པས་ཉལ་ཐུལ་ལ་བསྙབས་ནས་ཕྱིར་གོན་རྗེས།  "མི་ལང་།  མདང་དགོང་ངའི་ཕོ་བ་ན་བྱུང་།"ཟེར་བའི་རྫུན་ཚིག་ཅིག་བཤད་པ་ཡིན། 

སློབ་གྲོགས་ཚོ་ནངས་སྦྱོང་ལ་སོང་རྗེས།   ངས་རས་གདན་སྒམ་ནང་དུ་འཇུག་དགོས་སྙམ་ནས་ལང་རྩིས་བྱེད་སྐབས།  འཛིན་བདག་བཀྲ་ཤིས་ཀྱིས་ལག་པ་གཉིས་ཀ་གློ་ཁུག་ཏུ་བརྒྱབ་ནས་མལ་ཁང་དུ་ཐོན་བྱུང་།  ཕལ་ཆེར་ངའི་ཉལ་གྲོགས་ཀྱིས་བཤད་པ་ཡིན་སྲིད།  ཁོས།   "ཁྱོད་ཀྱིས་ཁ་སང་ཟ་མ་འཁྱག་ཏོ་ཟོས་པ་ཡིན་ནམ།  ཕོ་བའི་གང་ཚོད་ནས་ན་ཡིན་འདུག"ཟེར་ནས་ཁ་འདྲི་གཏིང་འདྲི་བྱེད་ཞོར།  ལག་པ་གཡས་པ་ངའི་ཉལ་ཐུལ་ནང་ལ་བསྲིངས་སོང་། 

རས་གདན་རློན་པ་ཡིན་པ་དང་གཅིན་དྲི་བྲོ་བ་གང་གིས་ཡིན་པ་ཆ་མ་འཚལ་མོད།   འཛིན་བདག་བཀྲ་ཤིས་ཀྱིས་ངས་གཅིན་པ་བཏང་འདུག་པ་ཤེས་བྱུང་།  ཁོ་རང་དགོད་ཞོར་དུ།  "ལོངས་ལོངས།  ཉལ་སའི་ནང་ལ་གཅིན་པ་བཏང་བ་ཁྱོད་ཁོ་ན་ག་ལ་ཡིན།  ཆུས་དུས་ངས་ཀྱང་ཉལ་སའི་ནང་ལ་གཅིན་པ་ཤོར་མྱོང་བ་ཡིན།  འོན་ཀྱང་།  ངས་རང་གིས་ཉལ་སའི་ནང་ལ་གཅིན་པ་བཏང་བ་དེ་སུ་ལའང་བཤད་མ་མྱོང་།  ཁྱོད་ཀྱིས་གཅིན་པ་བཏང་བའང་བདག་གིས་སུ་ལའང་བཤད་མི་སྲིད།"ཟེར།

དེ་ལྟར། ངས་གཅིན་པ་བཏང་བའི་དོན་དག་དེ་དགེ་རྒན་གྱིས་སློབ་གྲོགས་སུ་ལའང་མ་བཤད་ལ།  ངས་ཀྱང་ད་བར་དུ།  རང་གི་ཕ་མ་གཉིས་ལའང་བཤད་མ་མྱོང་བའི་གསང་བའི་ལོ་རྒྱུས་ཤིག་ཡིན།  

                             གོ་རེ་ཅུང་རྡོག་གཅིག་དྲན་པ། 

རེབ་ཐེངས་དེར།  སློབ་གྲྭས་ཉིན་ལྔ་ལ་གནང་བ་བྱིན་པས།  ང་ཁུ་བོ་དང་མཉམ་དུ་ཁོ་ཚང་གི་འབྲོག་སར་སོང་བ་ཡིན།  དབྱར་ཟླ་དྲུག་པའི་འབྲོག་པའི་རྩྭ་ཐང་ནི་ངོ་མ་མཛེས་སྡུག་ལྡན་པ་ཞིག་སྟེ།  སྔོ་ལྗང་ལྗང་གི་རྩྭ་ཐང་དང་ཁྲ་ལམ་ལམ་གྱི་མེ་ཏོག  ཤག་ཤག་བཞུར་བའི་ཆུ་ཕྲན་དང་འབ་སྒྲ་སྒྲོག་པའི་ལུག་ཁྱུ།  འབྲི་མོའི་ངུར་སྒྲ་དང་གནམ་ལྡིང་ས་ལྡིང་གིས་རྩེན་པའི་བེའུ་སོགས་ནི།  ངོ་མ།  ལྷ་བཟོ་ལག་བདེ་ཞིག་གིས་རི་མོ་བྲིས་པ་དང་འདྲ་ལ།  ཡང་ན།  བལྟས་ཀྱིན་བལྟས་ཀྱིན།  སུན་རྒྱུ་མེད་པའི་མུ་འབྲེལ་བརྙན་འཕྲིན་ཞིག་དང་མཚུངས། 

དུས་རྒྱུན་དུ།  ང་རང་ཁོ་ཚང་གི་འབྲོག་སར་ཐོན་ན་ལུག་རྫི་དང་ནོར་རྫི།   ཡང་ན་བེའུ་རྫི་དང་རྟ་རྫི་སོགས་ལ་འགྲོ་རྒྱུར་ལོབས་ཡོད་པས།   ཐེངས་དེར་ཡང་།  ང་རང་ཁུ་བོ་ཚང་གི་ནོར་རྫི་ལ་སོང་བ་ཡིན།  འུར་ཆ་མགོ་ལ་སྐོར།  བྲོ་ཁ་རུམ་ལ་བཅུག  རི་གླུ་ལེན་ཞོར་ནོར་རྫི་ལ་འགྲོ་བ་ནི།   སློབ་གྲྭ་ན་གཏན་ནས་མེད་པའི་ལས་ཀ་སྐྱིད་པོ་ཞིག་ཡིན་པས།  ང་རང་ནོར་རྫི་ལུག་རྫི་ལ་འགྲོ་རྒྱུར་ཧ་ཅང་དགའ། 

ཉིན་དེའི་སྔ་དྲོར་ཉི་མ་ཤིན་ཏུ་དྲོ་བས།  ངས་སྤང་མེ་ཏོག་གི་དཀྱིལ་ནས་གླུ་དབྱངས་ལེན་ཞོར་དང་།  ཆུ་དྭངས་གཙང་གི་འགྲམ་ནས་རྐང་བ་འཁྲུད་ཞོར་དུ།  ནོར་ཁྱུ་ལ་རྒྱང་ལྟ་བྱས་ནས་བསྡད་པ་ཡིན།  ཉིན་གུང་ཡོལ་རྗེས།  ནམ་ཟླ་གློ་བུར་དུ་འགྱུར་ནས་འབྲུག་སྒྲ་ལྡིར་ལྡིར་དང་གློག་དམར་ལམ་ལམ།  ཆར་བ་ཤག་ཤག་ཏུ་བབས་པ་མ་ཟད།  རི་མགོ་ནས་རི་སྐེད་དང་།  རི་སྐེད་ནས་རི་འདབས།  རི་འདབས་ནས་ན་གཞུང་ཡོངས་རྫོགས་ལ།  གར་ཡོང་འདིར་ཡོང་མི་ཤེས་པའི་སྨུག་པས་བཏུམས་ཏེ།  ང་རང་ཧ་ལས་ཧོན་འཐོར་དུ་བཏང་ནས་ཕྱིར་རུ་ནང་ལ་ཡོང་སའི་ལམ་གཏན་ནས་མ་ཤེས། 

སོང་གིན་སོང་གིན།  ང་རང་མི་མེད་ལུང་སྟོང་དང་གྲག་འགུལ་ཅི་ཡང་མེད་པའི་མཚེར་ས་ཞིག་ཏུ་ཐོན་ཅིང་།  ཆར་བ་སྔར་བཞིན་ཤག་ཤག་ཏུ་འབབ་ཅིང་།  རིམ་དང་རིམ་གྱིས་ས་ཡང་རུབ་སོང་།  དགོང་མོ་དེར།  ང་རང་མི་སྐད་ཁྱི་སྐད་དང་།  ཐ་ན་བྱ་སྐད་བྱེའུ་སྐད་གཅིག་ཀྱང་གོ་རྒྱུ་མེད་པའི་ས་སྟོང་དུ་ལུས་ཤིང་།  ལྟོགས་ནས་ཕོ་བ་གཟེར་ཞིང་སྐྲག་ནས་གཅིག་པ་ཤོར་བ་དེ།  ད་ལྟའང་ད་དུང་དྲན་གྱིན་འདུག  

ཞོགས་པའི་སྐྱ་རེངས་བཀྱགས་པ་དང་བསྟུན་ནས།  རྩྭ་ཐང་གི་བྱེའུ་ཆུང་ཆུང་ཚོས་ཅ་ཅོ་སྒྲོག་ཅིང་།  ཆར་བ་འབབ་མཚམས་ཆད་དེ་བསམ་ནག་སེམས་རྩོག་གི་བྱིས་པ་མ་རབས་ཤིག་དང་འདྲ་བའི་སྨུག་པའང་རིམ་གྱིས་དྭངས་སོང་།  འོན་ཀྱང་ངས།  ཐང་ཆེན་པོ་ཤོག་སྐྱ་ལྟེབ་ལྟེབ་དང་།  ལ་རིང་བོ་སྒྲོག་གུ་རྟོལ་རྟོལ་བྱས་ནས་སོང་ནའང་།  རྩྭ་ཐང་ལ་ཆ་རྒྱུས་ཆེན་པོ་མེད་པས།  ཕྱིར་རུ་ནང་ལ་ཡོང་མ་ཤེས་པར་ཉིན་གུང་ལ་ཐོན།  དེ་དུས།  ངའི་ཕོ་བ་ལྟོགས་ནས་མུ་མཐུད་དུ་འགྲོ་མ་ཐུབ་ལ།  མིག་ལམ་དུ་འོ་ཇ་མངར་མོ་དང་སྔོ་ཚོད་ཞིམ་པོ་དག་ཤར་འོང་ཞིང་།  སྒོས་སུ།  སློབ་གྲྭའི་ནང་ན་ཡོད་དུས།  བརྒྱགས་རྗེས་ཡར་རྒྱང་མར་རྒྱང་བྱས་ཏེ་རྩེད་ཆས་བྱས་མྱོང་བའི་གོ་རེ་ཅོང་རྡོག་དེ།  ངའི་མིག་ལམ་ནས་ཕར་གཡོ་ཚུར་གཡོ་བྱས་སོང་། 

སློབ་གྲྭའི་ནང་དུ།  ནངས་མོར་འབྲས་ཆན་འཐུང་བ་དང་གོ་རེ་ཅོང་རྡོག་ཟ་བ།   ཉིན་གུང་ཡང་ཚལ་དང་གོ་རེ་ཅུང་རྡོག   དགོང་མོར་ཐུག་པ་འཐུང་བ་བཅས་ཡིན།   ང་ཚོའི་སློབ་གྲྭའི་ཟ་མ་ཧ་ཅང་བཟང་བས།  ཁྱིམ་བདག་རྣམས་ཀྱིས་ཀྱང་དུས་རྒྱུན་བསྟོད་པ་བྱེད་ཀྱིན་ཡོད།  འོན་ཀྱང་།  ང་ཚོ་སློབ་མ་པྲ་ཚག་སྐོར་ཞིག་གིས།  ཕོ་བ་འགྲངས་རྗེས་ཟ་མ་ཆུད་ཟོས་སུ་གཏོང་བཞིན་ཡོད་དེ།   དཔེར་ན།  གོ་རེ་ཅོང་རྡོག་གིས་རྟ་དང་མི་ཡི་གཟུགས་བརྙན་ལས་པ་དང་།  མདའ་དྲི་མདུང་གསུམ་གྱི་ཚུགས་ཀ་ལས་ནས་ཕན་ཚུན་ལ་རྒྱག་རེས་བྱེད་པ།  ཐ་ན་གོ་རེ་ཅོང་རྡོག་མང་པོ་སྤྱོད་ཁང་དང་།  ཆབ་གཞུང་ནང་དུ་འཕེན་པའང་མང་པོ་མཐོང་རྒྱུ་ཡོད།  དགེ་རྒན་རྣམས་ཀྱིས།  ཟ་མ་ལ་གྲོན་ཆུང་བྱེད་པ་ལས་ཆུད་ཟོས་སུ་གཏོང་མི་རུང་བའི་བསླབ་བྱ་ཡང་ཡང་གནང་རུང་།  སློབ་མ་སྐོར་ཞིག་གི་རྣ་ལམ་དུ།  བསླབ་བྱ་དེ་དག་ནི་ཆུ་ནང་ལ་གཡག་བཏང་བ་དང་ཨ་ན་མ་ན་རེད། 

རེད་ཡ།  འཇིགས་པ་མ་བྱུང་ན་སྒྲོལ་མ་མི་དྲན་ཟེར་བ་ནི་ངོ་མ་རེད།  ང་སྨུག་པའི་ནང་ནས་མགོ་འཐོམས་ཏེ།  ཉིན་ཞག་འགའ་ལ་ཟ་མ་ཟ་རྒྱུ་མེད་པའི་སྐབས་དེར།  ངས་ད་གཟོད།  སྔོན་ཆད་ཆུད་ཟོས་སུ་བཏང་བའི་གོ་རེ་ཅོང་རྡོག་རྣམས་དྲན་ཞིང་།  ཟ་མ་ནི།  མི་རྣམས་ཀྱི་སྲོག་གི་རྟེན་གཞི་དང་ཚེ་ཡི་གཟུང་ཐག་ཡིན་པ་ཤེས།  ཟ་མ་ལ་གྲོན་ཆུང་མི་བྱེད་པ་ནི།  ཕ་མ་རྣམས་ཀྱི་ངལ་རྩོལ་གྱི་འབྲས་བུ་ལ་བརྩི་བཀུར་མ་བྱས་པ་དང་།  ཐ་ན་རང་གིས་རང་ལ་གོང་བཀུར་མ་བྱས་པ་ཞིག་ཀྱང་རེད་སྙམ།  

རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བདག་གི་བྱིས་པའི་ལོ་རབས།(དགུ་བ)

2017-03-06 གཞི་རིམ་པ། ཀློག་གྲངས། མཆན ཡོད།

                            གསང་བ་ཞིག

སློབ་གྲོགས་དོན་གྲུབ་དབང་འབུམ་ནི་ང་ཚོའི་འཛིན་གྲྭའི་ནང་གི་ལོ་ན་ཆེ་ཤོས་ཡིན་ལ།  ཁོ་རང་དུས་རྒྱུན་འདྲེ་བཤད་རྒྱག་པར་དགའ།  མཚམས་རེར་འདྲེ་བཤད་རྒྱག་སྐབས།  ཁོས་སྨྱུག་ཆུ་དམར་པོ་དང་སྔོན་པོ་གང་རུང་གིས་སྨིན་མ་དང་ཁ་སྤུ་འབྲི་བ་དང་།  དཔུང་བ་གཡས་གཡོན་གཉིས་ཀྱི་སྟེང་ལ་འདྲེ་རྟགས་ཡིན་ཟེར་ནས།  མགོ་ལ་རྭ་ཅོ་སྐྱེས་ཤིང་ཐོག་པའི་དཀྱིལ་ན་མིག་གཅིག་ཡོད་པ།   ལག་ན་མི་ཡི་རྐང་བ་བཟུང་ཡོད་པའི་རི་མོ་ཞིག་སྦྱར་ནས་འདྲེ་བཤད་རྒྱག་པ་ཡིན། 

ཁོས་འདྲེ་བཤད་རྒྱག་པའི་དུས་ཚོད་ནི།  དགོང་སྦྱོང་གྲོལ་ནས་ཉལ་ཁང་དུ་ཡོང་རྗེས་ཡིན།  ཉིན་དཀར་ཁོམ་པ་ཡོད་དུས།  ང་ཚོས་ཁོ་ལ་འདྲེ་བཤད་རྒྱག་པར་ཞུ་བ་བྱས་ཀྱང་ཁོས་གཏན་ནས་མི་བཤད་ལ།  དགོང་མོར་ཉལ་ཁང་ནང་དུ།  ང་ཚོས་ཁོ་ལ་འདྲེ་བཤད་མི་རྒྱག་པར་ཞུ་བ་ཇི་ལྟར་བྱས་ཀྱང་།  ཁོས་ཏག་ཏག་འདྲེ་བཤད་ཀྱི་འགོ་རྩོམ་པ་ཡིན། 

ང་རང་ཆེས་སྐྲག་ས་ནི་འདྲེ་བཤད་བརྒྱབ་རྗེས་སྤྱོད་ཁང་དུ་འགྲོ་རྒྱུ་དེ་ཡིན།  སྤྱོད་ཁང་དང་ང་ཚོའི་ཉལ་ཁང་གི་བར་ལ་གོམ་པ་སུམ་ཅུ་ཙམ་གྱིས་ཆོད་ཅིང་།  དེ་ནི་སློབ་ཁྲིད་ཐོག་ཁང་གི་ལྟག་རྒྱབ་ཀྱི་སྡོང་གསེབ་ན་ཡོད་པས།  ར་སྐོར་གྱི་གློག་འོད་ཇི་ཙམ་གསལ་ཡང་སྤྱོད་ཁང་གི་མཐའ་སྐོར་ནམ་ཡང་ནག་རོག་གེར་ཡོད།  དོན་གྲུབ་དབང་འབུམ་གྱིས་འདྲེ་བཤད་ཀྱི་འགོ་བརྩམས་པ་དང་།  ཉལ་ཁང་གི་གློག་སྒྲོན་གཟིམས་རྗེས།  ང་ལ་ཏག་ཏག་གཅིན་པ་གཏོང་དགོས་པའི་ཚོར་སྣང་འབྱུང་ཞིང་།   དེ་དུས།  ངས་སྤྱོད་ཁང་ནི་ང་ཚོའི་ཉལ་ཁང་གི་སྒོ་ཁ་རུ་ཡོད་ན་ཅི་མ་རུང་སྙམ། 

འདྲེ་བཤད་བརྒྱབ་རྗེས་ཀྱི་དགོང་མོ་ཞིག་ལ།   ངས་བསྲན་ཀྱང་མ་ཐུབ་པར་གཅིན་པ་ཉལ་སའི་ནང་ལ་ཤོར་སོང་།  གཅིག་པ་ཤོར་དུས་ནི་ཧ་ལམ་ནམ་སྨད་ཀྱི་དུས་ཚོད་བཞི་ལྔ་ཙམ་ཡིན་པ་འདྲ།  ང་གཉིད་ལས་སད་དུས།  ཉལ་སའི་ནང་ལ་ཆུ་ཁོལ་བརྫོགས་པ་དང་འདྲ་བར་དྲོ་ལམ་ལམ་བྱེད་ཅིང་།   ངས་རང་གིས་གཅིན་པ་ཤོར་བ་ཤེས་མོད།  དོན་གྲུབ་དབང་འབུམ་གྱི་འདྲེ་བཤད་དེ་དག་ཡིད་ལ་ཤར་ནས་འགུལ་ཙམ་ཡང་མ་ཐུབ་པར་ཁ་རོག་གེར་མི་འདུག་ཐབས་མེད་བྱུང་།  བསྡད་ཀྱིན་བསྡད་ཀྱིན།  ཉལ་སའི་ནང་ལ་ཁ་བ་རྡོག་པོ་གཅིག་བཞག་པ་དང་མཚུངས་པར་འཁྱག་སིབ་སིབ་ཀྱིས་ཁྱབ་མོད།   ང་ལ་སྔར་བཞིན་བྱ་ཐབས་ཅི་ཞིག་ཡོད་དེ་གཅིག་ཀྱང་མེད་པར་གྱུར། 

ང་རང་གཉིད་མ་སད་ཀྱིས་ཉལ་ནས་སྡོད་སྐབས།   ཕྱི་རོལ་ནས་བྱ་ཕོ་གྲག་སྟེ་ཅང་མ་འགོར་བར་མལ་ལས་ལང་དགོས་པའི་ཅོང་བརྡའང་བརྒྱབ་བྱུང་།  ཨ་ཙི།  ད་ནི་ཅི་ཞིག་བྱའམ།  བཟུང་ན་ལག་པ་འཚིག   བཏང་ན་རྫ་མ་ཆག་ཟེར་བ་ལྟར།  མལ་ལས་ལངས་ན་སློབ་གྲོགས་ཚོས་བདག་གིས་གཅིན་པ་ཤོར་བ་ཤེས་འགྲོ་བ་དང་།  མ་ལངས་ན་ནངས་སྦྱོང་གི་རྗེས་སུ་ལུས་འགྲོ   ངས་ཅི་ཞིག་བྱེད་དགོས་པ་མ་ཤེས་པར་སྡོད་སྐབས།  ངའི་ཉལ་གྲོགས་ཀྱིས།  "ལོངས་ལོངས།  ད་ནངས་འཛིན་བདག་ཡོང་རྒྱུ་རེད།"ཟེར་ཞོར།  ངའི་ཉལ་ཐུལ་ཤེད་ཀྱིས་འཐེན་ནས་རྐང་མགོར་འཕངས་སོང་།  ངས་སྐད་ཅིག་དེ་ཉིད་ལ།  ལག་པས་ཉལ་ཐུལ་ལ་བསྙབས་ནས་ཕྱིར་གོན་རྗེས།  "མི་ལང་།  མདང་དགོང་ངའི་ཕོ་བ་ན་བྱུང་།"ཟེར་བའི་རྫུན་ཚིག་ཅིག་བཤད་པ་ཡིན། 

སློབ་གྲོགས་ཚོ་ནངས་སྦྱོང་ལ་སོང་རྗེས།   ངས་རས་གདན་སྒམ་ནང་དུ་འཇུག་དགོས་སྙམ་ནས་ལང་རྩིས་བྱེད་སྐབས།  འཛིན་བདག་བཀྲ་ཤིས་ཀྱིས་ལག་པ་གཉིས་ཀ་གློ་ཁུག་ཏུ་བརྒྱབ་ནས་མལ་ཁང་དུ་ཐོན་བྱུང་།  ཕལ་ཆེར་ངའི་ཉལ་གྲོགས་ཀྱིས་བཤད་པ་ཡིན་སྲིད།  ཁོས།   "ཁྱོད་ཀྱིས་ཁ་སང་ཟ་མ་འཁྱག་ཏོ་ཟོས་པ་ཡིན་ནམ།  ཕོ་བའི་གང་ཚོད་ནས་ན་ཡིན་འདུག"ཟེར་ནས་ཁ་འདྲི་གཏིང་འདྲི་བྱེད་ཞོར།  ལག་པ་གཡས་པ་ངའི་ཉལ་ཐུལ་ནང་ལ་བསྲིངས་སོང་། 

རས་གདན་རློན་པ་ཡིན་པ་དང་གཅིན་དྲི་བྲོ་བ་གང་གིས་ཡིན་པ་ཆ་མ་འཚལ་མོད།   འཛིན་བདག་བཀྲ་ཤིས་ཀྱིས་ངས་གཅིན་པ་བཏང་འདུག་པ་ཤེས་བྱུང་།  ཁོ་རང་དགོད་ཞོར་དུ།  "ལོངས་ལོངས།  ཉལ་སའི་ནང་ལ་གཅིན་པ་བཏང་བ་ཁྱོད་ཁོ་ན་ག་ལ་ཡིན།  ཆུས་དུས་ངས་ཀྱང་ཉལ་སའི་ནང་ལ་གཅིན་པ་ཤོར་མྱོང་བ་ཡིན།  འོན་ཀྱང་།  ངས་རང་གིས་ཉལ་སའི་ནང་ལ་གཅིན་པ་བཏང་བ་དེ་སུ་ལའང་བཤད་མ་མྱོང་།  ཁྱོད་ཀྱིས་གཅིན་པ་བཏང་བའང་བདག་གིས་སུ་ལའང་བཤད་མི་སྲིད།"ཟེར།

དེ་ལྟར། ངས་གཅིན་པ་བཏང་བའི་དོན་དག་དེ་དགེ་རྒན་གྱིས་སློབ་གྲོགས་སུ་ལའང་མ་བཤད་ལ།  ངས་ཀྱང་ད་བར་དུ།  རང་གི་ཕ་མ་གཉིས་ལའང་བཤད་མ་མྱོང་བའི་གསང་བའི་ལོ་རྒྱུས་ཤིག་ཡིན།  

                             གོ་རེ་ཅུང་རྡོག་གཅིག་དྲན་པ། 

རེབ་ཐེངས་དེར།  སློབ་གྲྭས་ཉིན་ལྔ་ལ་གནང་བ་བྱིན་པས།  ང་ཁུ་བོ་དང་མཉམ་དུ་ཁོ་ཚང་གི་འབྲོག་སར་སོང་བ་ཡིན།  དབྱར་ཟླ་དྲུག་པའི་འབྲོག་པའི་རྩྭ་ཐང་ནི་ངོ་མ་མཛེས་སྡུག་ལྡན་པ་ཞིག་སྟེ།  སྔོ་ལྗང་ལྗང་གི་རྩྭ་ཐང་དང་ཁྲ་ལམ་ལམ་གྱི་མེ་ཏོག  ཤག་ཤག་བཞུར་བའི་ཆུ་ཕྲན་དང་འབ་སྒྲ་སྒྲོག་པའི་ལུག་ཁྱུ།  འབྲི་མོའི་ངུར་སྒྲ་དང་གནམ་ལྡིང་ས་ལྡིང་གིས་རྩེན་པའི་བེའུ་སོགས་ནི།  ངོ་མ།  ལྷ་བཟོ་ལག་བདེ་ཞིག་གིས་རི་མོ་བྲིས་པ་དང་འདྲ་ལ།  ཡང་ན།  བལྟས་ཀྱིན་བལྟས་ཀྱིན།  སུན་རྒྱུ་མེད་པའི་མུ་འབྲེལ་བརྙན་འཕྲིན་ཞིག་དང་མཚུངས། 

དུས་རྒྱུན་དུ།  ང་རང་ཁོ་ཚང་གི་འབྲོག་སར་ཐོན་ན་ལུག་རྫི་དང་ནོར་རྫི།   ཡང་ན་བེའུ་རྫི་དང་རྟ་རྫི་སོགས་ལ་འགྲོ་རྒྱུར་ལོབས་ཡོད་པས།   ཐེངས་དེར་ཡང་།  ང་རང་ཁུ་བོ་ཚང་གི་ནོར་རྫི་ལ་སོང་བ་ཡིན།  འུར་ཆ་མགོ་ལ་སྐོར།  བྲོ་ཁ་རུམ་ལ་བཅུག  རི་གླུ་ལེན་ཞོར་ནོར་རྫི་ལ་འགྲོ་བ་ནི།   སློབ་གྲྭ་ན་གཏན་ནས་མེད་པའི་ལས་ཀ་སྐྱིད་པོ་ཞིག་ཡིན་པས།  ང་རང་ནོར་རྫི་ལུག་རྫི་ལ་འགྲོ་རྒྱུར་ཧ་ཅང་དགའ། 

ཉིན་དེའི་སྔ་དྲོར་ཉི་མ་ཤིན་ཏུ་དྲོ་བས།  ངས་སྤང་མེ་ཏོག་གི་དཀྱིལ་ནས་གླུ་དབྱངས་ལེན་ཞོར་དང་།  ཆུ་དྭངས་གཙང་གི་འགྲམ་ནས་རྐང་བ་འཁྲུད་ཞོར་དུ།  ནོར་ཁྱུ་ལ་རྒྱང་ལྟ་བྱས་ནས་བསྡད་པ་ཡིན།  ཉིན་གུང་ཡོལ་རྗེས།  ནམ་ཟླ་གློ་བུར་དུ་འགྱུར་ནས་འབྲུག་སྒྲ་ལྡིར་ལྡིར་དང་གློག་དམར་ལམ་ལམ།  ཆར་བ་ཤག་ཤག་ཏུ་བབས་པ་མ་ཟད།  རི་མགོ་ནས་རི་སྐེད་དང་།  རི་སྐེད་ནས་རི་འདབས།  རི་འདབས་ནས་ན་གཞུང་ཡོངས་རྫོགས་ལ།  གར་ཡོང་འདིར་ཡོང་མི་ཤེས་པའི་སྨུག་པས་བཏུམས་ཏེ།  ང་རང་ཧ་ལས་ཧོན་འཐོར་དུ་བཏང་ནས་ཕྱིར་རུ་ནང་ལ་ཡོང་སའི་ལམ་གཏན་ནས་མ་ཤེས། 

སོང་གིན་སོང་གིན།  ང་རང་མི་མེད་ལུང་སྟོང་དང་གྲག་འགུལ་ཅི་ཡང་མེད་པའི་མཚེར་ས་ཞིག་ཏུ་ཐོན་ཅིང་།  ཆར་བ་སྔར་བཞིན་ཤག་ཤག་ཏུ་འབབ་ཅིང་།  རིམ་དང་རིམ་གྱིས་ས་ཡང་རུབ་སོང་།  དགོང་མོ་དེར།  ང་རང་མི་སྐད་ཁྱི་སྐད་དང་།  ཐ་ན་བྱ་སྐད་བྱེའུ་སྐད་གཅིག་ཀྱང་གོ་རྒྱུ་མེད་པའི་ས་སྟོང་དུ་ལུས་ཤིང་།  ལྟོགས་ནས་ཕོ་བ་གཟེར་ཞིང་སྐྲག་ནས་གཅིག་པ་ཤོར་བ་དེ།  ད་ལྟའང་ད་དུང་དྲན་གྱིན་འདུག  

ཞོགས་པའི་སྐྱ་རེངས་བཀྱགས་པ་དང་བསྟུན་ནས།  རྩྭ་ཐང་གི་བྱེའུ་ཆུང་ཆུང་ཚོས་ཅ་ཅོ་སྒྲོག་ཅིང་།  ཆར་བ་འབབ་མཚམས་ཆད་དེ་བསམ་ནག་སེམས་རྩོག་གི་བྱིས་པ་མ་རབས་ཤིག་དང་འདྲ་བའི་སྨུག་པའང་རིམ་གྱིས་དྭངས་སོང་།  འོན་ཀྱང་ངས།  ཐང་ཆེན་པོ་ཤོག་སྐྱ་ལྟེབ་ལྟེབ་དང་།  ལ་རིང་བོ་སྒྲོག་གུ་རྟོལ་རྟོལ་བྱས་ནས་སོང་ནའང་།  རྩྭ་ཐང་ལ་ཆ་རྒྱུས་ཆེན་པོ་མེད་པས།  ཕྱིར་རུ་ནང་ལ་ཡོང་མ་ཤེས་པར་ཉིན་གུང་ལ་ཐོན།  དེ་དུས།  ངའི་ཕོ་བ་ལྟོགས་ནས་མུ་མཐུད་དུ་འགྲོ་མ་ཐུབ་ལ།  མིག་ལམ་དུ་འོ་ཇ་མངར་མོ་དང་སྔོ་ཚོད་ཞིམ་པོ་དག་ཤར་འོང་ཞིང་།  སྒོས་སུ།  སློབ་གྲྭའི་ནང་ན་ཡོད་དུས།  བརྒྱགས་རྗེས་ཡར་རྒྱང་མར་རྒྱང་བྱས་ཏེ་རྩེད་ཆས་བྱས་མྱོང་བའི་གོ་རེ་ཅོང་རྡོག་དེ།  ངའི་མིག་ལམ་ནས་ཕར་གཡོ་ཚུར་གཡོ་བྱས་སོང་། 

སློབ་གྲྭའི་ནང་དུ།  ནངས་མོར་འབྲས་ཆན་འཐུང་བ་དང་གོ་རེ་ཅོང་རྡོག་ཟ་བ།   ཉིན་གུང་ཡང་ཚལ་དང་གོ་རེ་ཅུང་རྡོག   དགོང་མོར་ཐུག་པ་འཐུང་བ་བཅས་ཡིན།   ང་ཚོའི་སློབ་གྲྭའི་ཟ་མ་ཧ་ཅང་བཟང་བས།  ཁྱིམ་བདག་རྣམས་ཀྱིས་ཀྱང་དུས་རྒྱུན་བསྟོད་པ་བྱེད་ཀྱིན་ཡོད།  འོན་ཀྱང་།  ང་ཚོ་སློབ་མ་པྲ་ཚག་སྐོར་ཞིག་གིས།  ཕོ་བ་འགྲངས་རྗེས་ཟ་མ་ཆུད་ཟོས་སུ་གཏོང་བཞིན་ཡོད་དེ།   དཔེར་ན།  གོ་རེ་ཅོང་རྡོག་གིས་རྟ་དང་མི་ཡི་གཟུགས་བརྙན་ལས་པ་དང་།  མདའ་དྲི་མདུང་གསུམ་གྱི་ཚུགས་ཀ་ལས་ནས་ཕན་ཚུན་ལ་རྒྱག་རེས་བྱེད་པ།  ཐ་ན་གོ་རེ་ཅོང་རྡོག་མང་པོ་སྤྱོད་ཁང་དང་།  ཆབ་གཞུང་ནང་དུ་འཕེན་པའང་མང་པོ་མཐོང་རྒྱུ་ཡོད།  དགེ་རྒན་རྣམས་ཀྱིས།  ཟ་མ་ལ་གྲོན་ཆུང་བྱེད་པ་ལས་ཆུད་ཟོས་སུ་གཏོང་མི་རུང་བའི་བསླབ་བྱ་ཡང་ཡང་གནང་རུང་།  སློབ་མ་སྐོར་ཞིག་གི་རྣ་ལམ་དུ།  བསླབ་བྱ་དེ་དག་ནི་ཆུ་ནང་ལ་གཡག་བཏང་བ་དང་ཨ་ན་མ་ན་རེད། 

རེད་ཡ།  འཇིགས་པ་མ་བྱུང་ན་སྒྲོལ་མ་མི་དྲན་ཟེར་བ་ནི་ངོ་མ་རེད།  ང་སྨུག་པའི་ནང་ནས་མགོ་འཐོམས་ཏེ།  ཉིན་ཞག་འགའ་ལ་ཟ་མ་ཟ་རྒྱུ་མེད་པའི་སྐབས་དེར།  ངས་ད་གཟོད།  སྔོན་ཆད་ཆུད་ཟོས་སུ་བཏང་བའི་གོ་རེ་ཅོང་རྡོག་རྣམས་དྲན་ཞིང་།  ཟ་མ་ནི།  མི་རྣམས་ཀྱི་སྲོག་གི་རྟེན་གཞི་དང་ཚེ་ཡི་གཟུང་ཐག་ཡིན་པ་ཤེས།  ཟ་མ་ལ་གྲོན་ཆུང་མི་བྱེད་པ་ནི།  ཕ་མ་རྣམས་ཀྱི་ངལ་རྩོལ་གྱི་འབྲས་བུ་ལ་བརྩི་བཀུར་མ་བྱས་པ་དང་།  ཐ་ན་རང་གིས་རང་ལ་གོང་བཀུར་མ་བྱས་པ་ཞིག་ཀྱང་རེད་སྙམ།  

རྩོམ་སྒྲིག་པ། དབང་མོ།

(མཆོད་མེའི་པར་དབང་གཞན་གྱིས་དགོལ་མི་རུང)


རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།