དགུན་ཁ།
མེ་ཡི་སྐད་སྒྲ་གྲགས་ནས་འོངས།
མེ་ཡི་སྐད་སྒྲ་ཉམ་ཐག་པོར་གྱུར་ཡོད།
རི་ལྡེབས་སུ་ནོར་ལུག་ལ་འཚང་ཁ་རྒྱག
ཁྱོད་དྲན་ན་ང་ལ་མགོ་ཡུ་འཁོར་འོངས།
*
དཔའ་བོ་ཡི་རྔོན་པ།
ཆང་ཁང་ཞིག་ཉར་ནས་ཡོད།
ཁ་བ་དཀར་བོ་རུ་ཙོག་པུར་འདུག
སེམས་ནང་གི་མུན་པ་གྲང་ལ་འཁྱག
1988.2.10 ཕ་ཡུལ
*
མུན་པ་རུ་མེ་ལ་སྙན་ངག་འབྲི།
རྩྭ་ཐང་དུ་གཡང་དཀར་ལ་སྙན་ངག་འབྲི།
བྱང་རླུང་དུ་ལྷོ་ཡི་རླུང་ལ་སྙན་ངག་འབྲི།
དྲན་པའི་ཁྲོད་དུ་ཁྱེད་ལ་སྙན་ངག་འབྲི།
1988.8.15གཞིས་ཀ་རྩེ།
*
མཚན་མོ་ཡི་དཀྱིལ་སྙིང་ནག་ལ་སྟུག
མཐའ་རུ་འོད་གསལ་ཞིང་གྲང་ངར་ལྩི།
འདི་ནི་མེ་ལྕེ་ལགས།
གངས་རི་དང་རྟ་མཆོག་གསལ་བར་བྱས།
*
ས་གཞི་ཉམ་ཐག་པར་གྱུར།
མཐའ་གཉིས་ལ་རྣོ་ངར་ལྡན་པས།
དཀྱིལ་སྙིང་ལ་མུན་པ་གནག
དབྱེ་བ་ཕྱེ་ཐབས་བྲལ་སོང༌།
1988(?)
(ལྡོང་བུས་བསྒྱུར)
རྩོམ་ཁུངས། ངེད་དྲ་བ།